شي جينپيڭ «‹اۋەلگى ماقساتتى ۇمىتپاۋ، بورىشتى ەستە بەرىك ساقتاۋ› اتىنداعى جۇڭگو كوممۋنيستىك پارتياسىنىڭ تاريحى كورمەسىن» ەكسكۋرسيالاعاندا بىلاي دەپ دارىپتەدى
كۇرەس جۇرگىزۋ بارىسىن ەستە بەرىك ساقتاپ، تاريحي بورىشتى ارقالاپ، پارتيانىڭ كۇرەس جۇرگىزۋ تاريحىنان العا باسۋ كۇش - قۋاتىن قابىلداۋ كەرەك
شي جينپيڭ پارتيالى باسشى جولداستاردى باستاپ پارتياعا كىرۋ سەرتىن قايتا پىسىقتادى
لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قيمىلعا قاتىناستى
2021.06.21 16:36 كەلۋ قاينارى : حالىق تورابى
«حالىق گازەتى»، 6 - ايدىڭ 18 - كۇنى، بەيجيڭ. جۇڭگو كوممۋنيستىك پارتياسى قۇرىلعانىنىڭ 100 جىلدىعىن قۇتتىقتاۋ قارساڭىندا، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 6 - ايدىڭ 18 - كۇنى جۇڭگو كوممۋنيستىك پارتياسى تاريحى كورمە سارايىنا بارىپ، «‹اۋەلگى ماقساتتى ۇمىتپاۋ، بورىشتى ەستە بەرىك ساقتاۋ› اتىنداعى جۇڭگو كوممۋنيستىك پارتياسىنىڭ تاريحى كورمەسىن» ەكسكۋرسيالادى ءارى پارتيالى باسشى جولداستاردى باستاپ پارتياعا كىرۋ سەرتىن قايتا پىسىقتادى. ول بىلاي دەپ دارىپتەدى: پارتيا تاريحى − ەڭ جاندى، ەڭ يلانىمدى وقۋلىق. پارتيامىزدىڭ 100 جىلى − اۋەلگى ماقساتتى، بورىشتى مۇرات ەتە وتىرىپ امالياتتا ايگىلەگەن 100 جىل، قاجىرلىلىقپەن شارۋاشىلىق قۇرىپ، نەگىز قالاپ، كاسىپتەردى كوركەيتكەن 100 جىل، شۇعىلالى ناتيجەلەر جاراتىپ، بولاشاق اشقان 100 جىل. وتكەندەگى كۇرەس جولىنا قايىرىلا قاراپ، الداعى ەكپىندەي ىلگەرىلەۋ جولىنا كوز جىبەرگەندە، ءسوزسىز، پارتيا تاريحىن ويداعىداي ۇيرەنىپ، ويداعىداي قورىتىندىلاپ، پارتيانىڭ قۇندى تاجىريبەلەرىن ويداعىداي جالعاستىرىپ، ويداعىداي ساۋلەلەندىرىپ، كۇرەس جۇرگىزۋ بارىسىن ەستە بەرىك ساقتاپ، تاريحي بورىشتى ارقالاپ، پارتيانىڭ كۇرەس جۇرگىزۋ تاريحىنان العا باسۋ كۇش - قۋاتىن قابىلداۋ كەرەك. قالىڭ پارتيا مۇشەلەرىن، كادرلاردى ەكسكۋرسيالاۋ، ۇيرەنۋ ارقىلى ءتىپتى دە سانالى تۇردە اۋەلگى ماقساتتى ۇمىتپاي، بورىشتى ەستە بەرىك ساقتاپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، يدەيادا، ساياسيدا، ارەكەتتە باستان - اياق پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، مۇرات - سەنىمدى بەكەمدەپ، پارتيانىڭ جاسامپاز نازارياسىن ويداعىداي ۇيرەنىپ، ويداعىداي قولدانىپ، قىزىل قان تامىردى جالعاستىرىپ، داڭقتى ءداستۇردى ساۋلەلەندىرىپ، اتويشىلىق، ۇلگىلىك رولدارىن ساۋلەلەندىرۋگە تاربيەلەپ، باستاپ، بۇكىل ەلدەگى ءار ۇلت حالقىن ىنتىماقتاستىرىپ، باستاپ، جاڭا دامۋ كەزەڭىن اناعۇرلىم ويداعىداي تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، رەفورما جاساۋ، دامۋ، ورنىقتىلىق قىزمەتتەرىن جالپى بەتتىك ويداعىداي ىستەپ، جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدىڭ تەلەگەي كۇشىن توپتاۋ كەرەك.
لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قيمىلعا قاتىناستى.
جۋىقتا سالىنىپ بىتكەن جۇڭگو كوممۋنيستىك پارتياسىنىڭ تاريحى كورمە سارايى ءزاۋلىم دە سالتاناتتى، ايبىندى دا اسقاق كورىنەدى. تۇستەن كەيىن ساعات 3 تەن 20 مينۋت وتكەندە شي جينپيڭ قاتارلى پارتيا مەن مەملەكەتتىڭ باسشى جولداستارى وسى اراعا كەلىپ، كورمە زالىنا كىرىپ، كورمەنى ەكسكۋرسيالادى. كورمەدە «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» نەگىزگى تاقىرىپ ەتىلىپ، «جۇڭگو كوممۋنيستىك پارتياسىن قۇرىپ، جاڭا دەموكراتيالىق توڭكەرىستىڭ ۇلى جەڭىسىنە قول جەتكىزۋ»، «جۇڭحۋا حالىق رەسپۋبليكاسىن قۇرىپ، سوتسياليستىك توڭكەرىس جانە قۇرىلىس جۇرگىزۋ»، «رەفورما جاساپ، ەسىك اشىپ، جۇڭگوشا سوتسياليزمدى اشۋ جانە دامىتۋ»، «جۇڭگوشا سوتسياليزمنىڭ جاڭا داۋىرگە ءوتۋىن ىلگەرىلەتىپ، جاپپاي دوڭگەلەك داۋلەتتى قوعام ورناتۋ، جاپپاي سوتسياليستىك وسىزاماندانعان مەملەكەت قۇرۋ جاڭا ساپارىن باستاۋ» سىندى 4 بولىك دەن قويا جوبالانىپ، 2 مىڭ 600 نەشە سۋرەت، 3 مىڭ 500 نەشە مادەني مۇرا، ناقتى زات ارقىلى جۇڭگو كوممۋنيستىك پارتياسىنىڭ قۇلاشىن كەڭ جايعان ايدىنى اسقاق 100 جىلدىق بارىسى العاش رەت جان - جاقتى، جالپى بارىس بويىنشا جالپى كورىنىس ۇلگىسىندە، ەپوس ىسپەتتى كورسەتىلىپ، پارتيانىڭ قاجىماي - تالماي كۇرەس جۇرگىزگەن تاريحى، قۇربان بەرۋدەن تايسالماعان تاريحى، نازاريالىق ىزدەنىس جاساۋ تاريحى، حالىقتى باقىتقا كەنەلتۋ تاريحى، وزىندىك قۇرىلىسى تاريحى جاندى سۋرەتتەلە وتىرىپ بەينەلەنىپ، ادامداردىڭ قىزىل اكىمياتتىڭ وڭاي - وسپاق قولعا كەلمەگەنىن، جاڭا جۇڭگونىڭ وڭاي - وسپاق قولعا كەلمەگەنىن، جۇڭگوشا سوتسياليزمنىڭ وڭاي - وسپاق قولعا كەلمەگەنىن تەرەڭ تانۋىنا، جۇڭگو كوممۋنيستىك پارتياسىنىڭ نەلىكتەن يقۋاتتى ەكەنىن، ماركسيزمنىڭ نە ءۇشىن جۇزەگە اساتىنىن، جۇڭگوشا سوتسياليزمنىڭ نە ءۇشىن جاقسى ەكەنىن تەرەڭ تانۋىنا مۇمكىندىك جاسالعان.
ايبىنى اسقاق ۇلى قورعان نەگىزگى تاقىرىبىنداعى سىر سىزبا، ماركستىڭ «برۋسسەل ەستەلىگى» 4 - ەستەلىك داپتەرىنىڭ قول جازباسى، 1 - قۇرىلتاي اشىلعان ورىننىڭ قالپىنا كەلتىرىلگەن كورىنىسى، توڭكەرىستىك بازانىڭ قۇرىلۋ كورمە تاقتاسى، زۇن - ي ءماجىلىسىنىڭ قالپىنا كەلتىرىلگەن اۋەلگى كورىنىسى، پارتيا 7 - قۇرىلتايىنىڭ بەلەت تاستاۋ ساندىعى، مەملەكەت قۇرۋ سالتاناتىنىڭ كەسكىنى، امەريكا جيھانگەرلىگىنە قارسى تۇرىپ، چاۋشيانعا كومەكتەسۋ سوعىسىندا پايدالانعان قارۋ - جاراقتار، «يدەيانى ازات ەتىپ، شىندىقتى ءىس جۇزىنەن ىزدەپ، ءبىر نيەتپەن ىنتىماقتاسىپ، العا قاراۋ» ءسوزىنىڭ تەزيسى، ەكونوميكالىق ەرەكشە رايون قۇرۋ سۋرەتتەرى، كەدەيلىكتەن ارىلتۋدان قامال الۋ ساندى مالىمەتتەر كەستەسى، حوشىنشان، لەيشىنشان شيپاحانالارىنىڭ مودەلى... قۇندى مادەني ەسكەرتكىشتەر، ناقتى زاتتار، كەمەلدى ارحيۆ ماتەريالدارى، جاندى سۋرەتتەر، بەينە كەسكىندەر، اۋماي قالپىنا كەلتىرىلگەن اۋەلگى كورىنىستەر شي جينپيڭ قاتارلى باسشى جولداستاردىڭ نازارىن اۋداردى. ولار ءالسىن - ءالى ايالداپ زەر سالا كورىپ، ءتۇسىندىرۋدى مۇقيات تىڭداپ، قاتىستى جاعدايلاردى تاپتەشتەي سۇرادى.
ەكسكۋرسيا اياقتاعاننان كەيىن شي جينپيڭ قاتارلى پارتيالى باسشى جولداستار پارتيا تاريحى كورمە سارايىنىڭ قىزىل ۇلكەن زالىنا كەلدى. جۇڭگو كوممۋنيستىك پارتياسىنىڭ نارت قىزىل تۋىنا قاراپ، شي جينپيڭ وڭ قولىن كوتەرىپ، باسشى جولداستاردى باستاپ پارتياعا كىرۋ سەرتىن قايتا پىسىقتادى، اسقاق تا ايبىندى سەرت بەرۋ ءۇنى ۇلكەن زالدى جاڭعىرتتى.
بەيجيڭدەگى ج ك پ ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارلارى، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، بەيجيڭدەگى مەملەكەتتىك ساياسي كەڭەس ءتوراعاسىنىڭ ورىنباسارلارى، سونداي - اق ورتالىق اسكەري ىستەر كوميتەتىنىڭ مۇشەلەرى قاتارلىلار كورمەنى ەكسكۋرسيالادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
