- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ىعىن تاۋىپ ءبىر ءىستىڭ، كوزىن اشتى كىرىستىڭ
2016.07.25 14:53
بيىل جازدا ءساتى ءتۇسىپ، كوكتوعاي كورىنىس رايونىنا بارعانىمدا تۇرعىن اۋىلى قاراجىرا قىستاعىنىڭ مالشىسى ءتايىپ مولدەكەي ۇلىمەن كەزدەسىپ اڭگىمەدە بولدىم. ول ءوندىرىس، تۇرمىسىندا بولعان وزگەرىستەردى تىلگە تيەك ەتتى. 2012 - جىلعا دەيىن ول قىستا وڭتۇستىك قۇم وتارىنا، جاز جايلاۋعا كوشىپ، باعىمشىلىقپەن شۇعىلدانىپ، ۇساق مالىن 400 باسقا، جىلقى سانىن 70 باسقا جەتكىزىپ، وتباسى ءال - اۋقاتىن جاقسارتىپتى. ۇرپاق قامىن ويلاعان تاكەڭ مالىن ىنىسىنە قوسىپتى دا، 2013 - جىلدان باستاپ كوكتوعاي كورىنىس رايونىنا ورنالاسقان كوكتوعاي قالاشىعىنىڭ ىرگەسىنەن 300 مۋ شاپپالىق جەردى ءۇي - قوراجايىمەن جىلىنا 35 مىڭ يۋانعا مايلاپ الىپ، بالالارىن قالاشىقتاعى مەكتەپتەردەن وقىتىپ، ءبىر جاعىنان بيە بايلاسا، ەندى ءبىر جاعىنان ەكى كيىز ءۇي تىگىپ، ساياجاي اشىپ، ساياحاتشى قابىلداپ، ساياحاتشىلار ءۇشىن ساپالى قىزمەت وتەپ جاتىپتى. مايلاپ العان 300 مۋ جەردى قورشاپ، بۇنىڭ 200 مۋ جەرىن جايىلىسقا پايدالانسا، 100 مۋ جەردىڭ ءشوبىن شاۋىپ جيناپ، قىستا دا بيە بايلاپ، قىمىز ساتادى ەكەن. ەشقانداي قوسپاسىز، ناق بابىندا اشىتىلعان تاكەڭنىڭ سارى قىمىزىن اڭساپ كەلىپ ساتىپ الۋشىلاردىڭ اياعى ۇزىلمەيدى ەكەن. كوكتوعاي كورىنىس رايونىندا ساياجاي اشقان بىرنەشە وتباسى قىمىز الۋعا توقتامداسىپ، تاكەڭنىڭ ۇيىنەن كۇنىنە 30 كيلوگرام قىمىزدى ءار كيلوگرامىن 20 يۋاننان وزدەرى كەلىپ الىپ كەتەدى ەكەن. كوكتوعاي كورىنىس رايونىنا كەلگەن ساياحاتشىلار ادەتتە كيىز ۇيدە تۇستەنىپ، جانعا جايلى، سالقىن اۋادا ۇلتتىق ءدامدى تاعامداردان اۋىز ءتيىپ، اۋناپ - قۋناپ جاتقاندى ۇناتادى.
قوناق قابىلداۋعا توقتالعاندا تاكەڭ: «قوناقتاردىڭ قالاۋىنان شىعۋ قيىن، ول ءۇشىن اشقان ساياجايدىڭ ءىشى - سىرتىن تازا ۇستاۋمەن بىرگە، ءتۇرلى ۇلتتىق ءدامدى تاعامداردى دايىنداپ، ءار ءتۇرلى قۋىرماشتاردى دا قۋرا ءبىلۋىڭ، قاجەتتى ماتەريالداردى دەركەزىندە دايىنداپ قويۋىڭ كەرەك. قازىر كەلگەن قوناقتار قانداي تاعام بۇيىرتسا دا سونى ىستەپ بەرەمىز، قاريدارلار ءۇشىن ساپالى قىزمەت وتەسەڭ ولاردىڭ سەنىمىنە يە بولاسىڭ، كىرىسىڭ دە مول بولادى»، - دەدى.
قازىر تاكەڭ قىمىز ساتۋ، ساياجاي اشىپ قوناق قابىلداۋدان جىلىنا 100 مىڭ يۋانعا جۋىق كىرىس كىرگىزەدى ەكەن. بولاشاق كاسىپ جوسپارىنا ايالداعاندا تاكەڭ تىلشىگە جىلقى باعىمشىلىعىن دامىتىپ، جىلقى سانىن 200 گە جەتكىزىپ، جىلقى باعىمشىلىعى سەلبەستىگىن قۇرۋ ويى بارلىعىن، قازىر قاتىستى ورىندارعا «كوك تۇلپار» ماركاسىن الۋعا ءوتىنىش ەتىپ جاتقاندىعىن، ماركا العاننان كەيىن قىمىزدى قوراپتاپ، ۇلتىمىزدىڭ ۇلتتىق ەرەكشەلىككە يە سۋسىندىعى رەتىندە بازارعا سالىپ، سارا ماركا جاراتۋ جوسپارى بارلىعىن ايتتى. ءيا، قازىر ورتامىزدا ءتايىپ سياقتى قيان - كەسكى بازار شارۋاشىلىعىنا ويىسىپ، بازاردان ءوز باسىرەسىن تاۋىپ، ۇلتتىق ەرەكشەلىككە يە ونىمدەرىمىزدى وزگە ۇلتتارعا تانىستىرىپ، اۋقاتتانۋ جاعىندا اۋىلداستارىنا ونەگە بولىپ جۇرگەن ازاماتتارىمىز قانشاما، وسىنداي ازاماتتارىمىزدىڭ قاتارى مولايا بەرسە ەكەن دەپ تىلەيمىز. مۇقامادي ءشارىپ ۇلى
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
