بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>ونەگە

قيىنشىلىعى بارلارعا قامقورشى بولعان قايىرىمدى قارت

2016.07.28 14:27    

  ءاشىمقان كەنجەباي ۇلى جالعىز باستى، مۇگەدەك، كەدەي كاريا، ءبىراق ول ەڭسەسىن باسقان قيىنشىلىقتارعا تيتتەي دە مويىماي، باسقالاردىڭ قول ۇشىن بەرىپ كومەكتەسۋىن تىلەپ وتىرماي، قۇلشىنا ەڭبەك ەتىپ، ءوز ىرىزعىسىن بىلەك كۇشىمەن – اق تاۋىپ كەلەدى. اۋەلى، ول ءوزى سياقتى قيىنشىلىق قىسپاعىندا قالعان مۇگەدەك، جەتىم – جەسىرلەرگە كومەكتەسىپ، قامقورشى دا بولا بىلگەن جۇرەگى جومارت، مەيىرىمدى جان.

  بۇل كۇندەرى جالعىز اۋىزدى توزىعى جەتكەن اعاش ۇيدە تۇرىپ كەلەجاتقان ءاشىمقان اقساقال موڭعۇلكۇرە اۋدانى سارقوبى اۋىلى كۇركىلدەك قىستاعىنىڭ تۇرعىنى. وزىنەن وربىگەن ۇرپاعى، ءتۇتىنىن تۇتەتكەن قوساعى بولماسا دا قيىندىق اتاۋلىعا قۇرىق بەرمەي، جىگەرىن مۇقالتپاي ەڭبەكتى سەرىك ەتكەن وسى ءبىر قاجىرلى كاريادا 15 مۋ ەگىستىك جەر مەن ۇكىمەتتىڭ بەرەتىن ەڭ تومەنگى تۇرمىستى قامسىزداندىرۋ قاراجاتىنان باسقا كىرىس قاينارى جوق. ءبىراق، ول كەدەيمىن، مۇگەدەكپىن دەپ بارعا عانا قاناعات ەتىپ قول قۋسىرىپ قاراپ وتىرعان بويكۇيەز جان ەمەس، ۇنەمشىل، قاجىرلى ادام. جاقىنعى كەزدە عانا وزىنە جار ەتىپ العان جۇبايى كۇلسىن دە سويلەي المايتىن ءتىلى جوق مىلقاۋ، قازىر ولار ەكى جارتى قوسىلىپ ءبىر بۇتىنگە اينالىپ، ءبىر – بىرىنە سۇيەنىپ كۇنەلتىپ كەلەدى. جاسى 60 تان اسقان ءاشىمقان كاريا اۋىر جۇمىس ىستەۋگە قۋاتى جەتپەسە دە اۋىل اراسىندا جاراقسىز تەمىر – تەرسەك جيناپ ساتۋمەن اينالىسادى، ونىڭ بۇل جۇمىستى جالعاستىرعانىنا دا 20 جىل بولدى. ول قىستاق قىستاقتان تەرىپ اكەلگەن جاراقسىز تەمىر – تەرسەگىن ارناۋلى ساتىپ العان ءۇش دوڭگەلەكتى موتوتسيكلمەن 30 كيلومەتر قاشىقتىقتاعى اۋدان ورتالىعىنا اپارىپ جاراقسىز تەمىر – تەرسەك الاتىن ورىندارعا وتكىزەدى ەكەن. ءاشىمقان كاريا تەك وسى جاراقسىز تەمىر – تەرسەكتىڭ وزىنەن جىلىنا 30 – 40 مىڭ يۋان اقشا تابادى، ول 15 مۋ ەگىستىك جەرىن دە قايسى بىرەۋلەر سياقتى باسقالارعا مايعا بەرمەي قۇنتتاپ استىق ەگىپ پايداسىن كورۋدە، ول جاراقسىز تەمىر – تەرسەك ساتۋمەن اينالىسقان 20 جىلدان بەرى قيىنشىلىعى بارلارعا 70 مىڭ يۋاننان استام جىلۋ اتادى. 2008 – جىلى سىچۋانداعى اۋىر جەر سىلكىنىسىنە 500 يۋان، ۋنچۋانداعى جەر سىلكىنىسىنە 200 يۋان جىلۋ اتاپ، اپاتقا ۇشىراعاندارعا مەيىر باعىشتادى. كۇركىلدەك قىستاعىندا قۇرىلعان «قايىرىمدىلىق قور قوعامىنا» مۇشە بولىپ وعان ءار جىلى جارنا تولەۋدە وتكەن جىلى جاراقسىز تەمىر – تەرسەك ساتىپ تاپقان اقشاسىنا ساۋدى ارابياسىنىڭ مەككە قالاسىنا بارىپ قاجىلاپ كەلدى. قازىر ول ەكى بولمەلى بەيقۇت ءۇي سالدىرتۋدا، وعان ۇكىمەت 38 مىڭ يۋان كومەك قاراجات بەردى، ال قالعان بولەگىن ءوز كۇشىنە سۇيەنىپ شەشىم ەتپەك.

  ءتىلشى ءاشىمقان اقساقالدان ءوزىڭىزدىڭ تۇرمىسىڭىزدا قيىنشىلىق بولا تۇرسا دا، قالايشا باسقالارعا كومەكتەسىپ، ىزگىلىك باعىشتاۋ بەكىمىنە كەلدىڭىز دەپ سۇراعاندا، ول: «وسى جاسقا كەلگەنشە قيىنشىلىقتان كوز اشپادىم، كەدەيلىك قۇرعىر قۇرساۋلاپ – اق كەلەدى، ءبىراق سونىڭ بارلىعىنا توزە ءبىلدىم. ەرىنبەي ەڭبەكتەنگەن ادامنىڭ قىسقا قولى ۇزارىپ، كوسەگەسى كوگەرەرى حاق، امال نە، قارتتىق شىركىن ەتەكتەن تارتادى - عوي، ەڭسە كوتەرىپ وڭالۋدىڭ جولى – جالقاۋلىق دەگەن كەسىرمەن جاقسىلاپ كۇرەسە بىلۋدە تۇر، بىزدە جالقاۋلىقتىڭ سالدارىنان كەدەيلەسىپ العاندار بارشىلىق.

  مەن ءوز باسىم بارلىق ادام قام – قايعىسىز بولىپ، كۇندەرىن كوڭىلدى وتكىزسە ەكەن دەپ تىلەيمىن، ءوزىم سياقتى قيىنشىلىقتىڭ قارماعىنا ىلىككەندەردى كورسەم قاراداي جانىم اشىپ، سولارعا قارايلاسقىم كەلىپ تۇرادى. قازىر قازاق، حانزۋ، ۇيعۇر، حۇيزۋ سىندى بەس ۇلتتان قۇرالعان بەس قيىنشىلىعى بار بالانىڭ ءار قايسىسىنا ايىنا 50 يۋاننان كومەك بەرىپ كەلەمىن. وتكەن جىلى اۋدان جاعىنان ۇلتتار ىنتىماعىنىڭ ۇلگىسى بولىپ باعالاندىم. ءدام – تۇزىم تاۋسىلىپ ولاي – بۇلاي بولىپ كەتسەم، قورا – جايىم مەن 15 مۋ ەگىستىك جەرىمدى ۇكىمەتكە كومەككە اتايتىندىعىمدى اۋىل باسشىلارىنا ەسكەرتىپ قويدىم» دەدى. ءبىز ءاشىمقان اقساقالدىڭ قيىنشىلىق اتاۋلىنى ەلەڭ قۇرلى كورمەي ونى جەڭە بىلگەن قايسار، قاجىرلى رۋحى مەن قيىنشىلىققا تاپ بولعاندارعا قامقورشى، دەمەۋشى بولعان مەيىرىمدىلىككە، ىزگىلىككە تولى اسىل قاسيەتى باسقالارعا ۇلگى، ونەگە بولسا ەكەن دەپ تىلەيمىز. اقىلباي مۇقامەتقالي ۇلى

  كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.