بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>ونەگە

وتاشىلىق ونەرىنىڭ جالىندى مۇراگەرى

سەنبەك اۋەسقان ۇلى

2016.09.13 14:53     كەلۋ قاينارى : حالىق تورابى


  سۋرەتتە: قۋات اعاشتان قالىپ جاساپ وتىر.

  ءدوربىلجىن اۋدانى العا قالاشىعى جيەنتەك قىستاعىندا تۇراتىن قۋات ايتمۇقات ۇلى ــ اتا جولىن قۋىپ، قازاق ەمشىلىگىنىڭ قىرى – سىرىنا قانىققان، الىس – جۋىققا تانىلعان جاس وتاشىلاردىڭ ءبىرى. 2106 – جىلى 11 – قىركۇيەكتە جۇمىس بابىمەن وسى قىستاققا كەلگەن كەزىمىزدە ونىڭ ۇيىنە ارنايى بارىپ، ەڭبەك جولىمەن قىسقاشا تانىستىق.

  قۋات 1986 – جىلى تۋىلعان، ءدوربىلجىن اۋداندىق 2 – ورتا مەكتەپتى تامامداعان، كىشكەنتايىنان سۋرەت سىزۋعا، قولونەر بۇيىمدارىن جاساۋعا قىزىققان ول «اكە كورگەن وق جونار، شەشە كورگەن تون پىشەر» دەگەندەي، ەس بىلگەننەن تارتىپ اكەسى ايتمۇقان ايتاقىمەت ۇلىنىڭ وتاشىلىق ونەرىن بويىنا دارىتا باستايدى. اكەسىنە جاقسى قولعانات بولىپ، ورتا مەكتەپ بىتىرگەن سوڭ بۇل كاسىپكە ارنايى بەرىلىپ، 3 اتادان جالعاسقان وتاشىلىق ونەرىنىڭ ايتۋلى مۇراگەرى بولىپ جەتىلەدى. 2009 – جىلدان باستاپ وتاشىلىق كاسىبىن دەربەس ىستەيدى. كاسىپتىك ونەرىن ءتىپتى دە جەتىلدىرە ءتۇسۋ ءۇشىن 2013 – جىلى قىركۇيەكتە التاي مەديتسينا مەكتەبىنە وقۋعا ءتۇسىپ، قازاق ەمشىلىگىن 2 جىل وقىپ، ورتا تەحنيكۋم ديپلومىن الادى. مەكتەپتەگى كەزىندە ورايدى قاستەرلەپ قۇلشىنا ۇيرەنىپ، اۋساعي ءامىروۆ، قاليبەك قانجارباي ۇلى قاتارلى بىلىكتى ۇستازداردان مول ءبىلىم الادى.

  ول قازىر مويىن شىعۋ، ارقا سۇيەك سىنۋ، ۇرشىق شىعۋ، بەلدەمە سىنۋ، جاق سۇيەك سىنۋ سياقتى كۇردەلى سىنىق، اۋرۋلاردى اعاش قالىپقا سالۋ، جۇمىرتقامەن قاتىرۋ، بەلباۋ تارتۋ سياقتى كونەشە، جاڭاشا تاسىلدەردەن قاتار پايدالانىپ ەمدەپ، قالپىنا كەلتىرىپ، ناۋقاستاردىڭ القاۋىنا بولەنىپ ءجۇر. ول ءوزىنىڭ سىنىقتى اعاش قالىپقا سالىپ ەمدەۋى جونىندە توقتالعاندا: سىنعان ورىنعا لايىقتاپ اعاشتان قالىپ جاسايمىن، قالىپتار نەگىزىنەن دايىن كۇيدە بولمايدى، كەلگەن ناۋقاستىڭ جاعدايىنا قاراي تىڭنان جاساپ وتىرامىن، ءىشىنارا جاعدايدا بار قالىپتى وڭدەپ پايدالانامىن، بۇنىڭ ارتىقشىلىعى اۋا الماستىرۋ، دىمقىلدىقتى سورۋ، ەتتىڭ سولۋىنان ساقتانۋ، سىنىقتىڭ تەزىرەك بىتۋىنە كومەكتەسۋ ساقتاۋ سياقتى رولدارى بار، ــ دەيدى.

  قۋات قازىرگە دەيىن 800 گە جۋىق ناۋقاستى قابىلداپ، ەرەكشە سالماقتىلارىن قايتارۋدان تىس، كوپ ساندىسىن ەمدەپ ساۋىقتىرىپ، ولاردىڭ ىشىندەگى جوق – جىتىكتىڭ ەمدەلۋ اقىسىن كەشىرىم ەتىپ، وسى ىزگى قاسيەتىمەن اۋىلداستارىنىڭ، جەر – جەردەن كەلگەن ناۋقاستاردىڭ العىسىنا بولەنىپتى، قولىنان جازىلىپ شىققان تالايلاعان ناۋقاس وعان كەرمە تۋ ۇسىنىپ، العىسىن ءبىلدىرىپتى. وعان كەلىپ ەمدەلگەندەردىڭ ىشىندە بەرىسى اۋدان، ايماق، وبلىس كولەمىنەن، ارىسى قازاقستان ەلىنەن كەلگەن كىسىلەر دە بار ەكەن. قۋاتتىڭ ەڭ ۇلكەن ەرەكشەلىگى ەلپەكتىگى ەكەن، قانداي مەزگىلدە كەلگەن ناۋقاس بولسا دا، قاباق شىتپاي قارسى الىپ، بار ونەرىمەن ەمدەيدى ەكەن. اتا جولىن قۋىپ، وتاشىلىق ونەرىنە مۇراگەرلىك ەتكەن بىلىكتى ازاماتىمىزدىڭ الداعى ونەر جولىنا مۇنان دا زور تابىس تىلەيمىز.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.