- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جارلىعا جاناشىر بولا بىلگەن قايىرىمدى كوممۋنيست
- كۇنەس اۋدانى ۇلتتار ىنتىماعى العا باسارلىعىنىڭ ۇلگىسى گۇلشان دەمەۋ قىزى تۋرالى
سەرىك جاقان ۇلى
2016.09.28 17:01
«گۇلشان بالام، الدىمەن وزىڭىزگە شىن جۇرەكتەن العىس ايتامىن. ءسىزدىڭ قامقورلىعىڭىزدىڭ ارقاسىندا باس پاناعا يە بولدىق. ەكى مۇگەدەك بالام مۇگەدەكتەر ارباسىنا يە بولسا، ءبىر بالامدى كاسىپتەندىردىڭىز. ءسىز ءبىزدىڭ وتباسىمىزعا ايتىپ - تاۋىسقىسىز مەيىر باعىشتادىڭىز. جاقسىلىعىڭىزدى ماڭگى ۇمىتپايمىز. بالا - شاعاڭىزدىڭ يگىلىگىن كورىپ، باقىتتى ءوتىڭىز، مەرەيىڭىز ۇستەم بولا بەرسىن!» -دەپ. العىس حات جازۋشى كۇنەس اۋدانىنىڭ نارات قالاشىعىنا قاراستى تاياساۋ قىستاعىنىڭ ۇيعۇر ديقانى نۇرمامەت ەدى.
ونىڭ وتباسىنداعى 6 جاننان 3 بالاسىنىڭ قول - اياقتارى كەمتار بولىپ، جۇمىسقا جارامايدى ەكەن. بۇل وتباسىنىڭ مۇشكىل حالىنەن حابارلى بولعان گۇلشان اۋداندىق مۇگەدەكتەر بىرلەستىگىنە ءوتىنىش ەتىپ ءجۇرىپ، ەكى مۇگەدەك بالاسىنا ەكى مۇگەدەكتەر ارباسىن الىپ بەرۋمەن بىرگە، اۋداندىق پارتكومعا ءوتىنىش ەتىپ تومەن ماي اقىلى ءبىر ءۇي شەشىم ەتتىرىپ، مۇشكىل حالدەگى نۇرمامەت وتباسىن باس پاناعا يە ەتەدى ءارى ونىڭ ءبىر بالاسىنا شاشتارازىلىق ونەر ۇيرەتكەن ەكەن. ول بەس جىلدان بەرى ءوز الدىنا شاشتارازحانا اشىپ كاسىپتەنىپ، وتباسىن قۋانتىپ وتىر ەكەن.
گۇلشان دەمەۋ قىزى كۇنەس اۋداندىق حالىق قۇرىلتايى تۇراقتى كوميتەتى كەڭسەسىنىڭ ورىنباسار مەڭگەرۋشىسى، اتى - زاتىنا ساي كوپشىل كوممۋنيست، شاپاعاتشى. ول ءوزىنىڭ كەڭ پەيىلدىلىگى، قايىرىمدىلىعى، ادالدىعى، قىزمەتكە دەگەن شوگەلدىگى ارقىلى كومەككە ءزارۋ جاندارعا، جەتىم - جەسىرلەرگە، جوق - جىتىكتەرگە قارايلاسىپ، قىزمەتتەستەرىنىڭ قۇرمەتىنە، ۇيىمنىڭ سەنىمىنە يە بولىپ كەلەدى ءارى ۇلتتاردىڭ بەرەكە - بىرلىگى، قوعامنىڭ جاراسىمدىلىعى جولىندا ءوز ۇلەسىن قوسقان ابىزال دا اق ەدىل جان.
ول 2015 - جىلى بەستوبە اۋىلى قاراسۋ قىستاعىندا قىزمەت گرۋپپا باستىعى بولىپ تۇرعان ءبىر جىلدا قيىنشىلىعى بار ءار ۇلت شارۋالارىنا قولىنان كەلگەن كومەگىن ايامادى. ايتالىق بەستوبە اۋىلى قاراسۋ قىستاعى مال شارۋاشىلىعى وڭىرىندەگى مالشى ەربولاتتىڭ جۇرەك اۋرۋى ۇستاپ، دەرەۋ ەمدەلۋگە تۋرا كەلگەندە، ونىڭ دەركەزىندە اۋرۋىن كورسەتىپ، ەمدەلۋى ءۇشىن ءوز جانىنان مىڭ يۋان كومەك بەرەدى؛ وسى قىستاقتىڭ 1 - اترەتىنىڭ ديقانى جارقىننىڭ سۇيەك زاتى قابىنۋى اۋرۋىمەن اۋىرىپ، ۇزاق جىل بويى ەمدەلگەندىكتەن، تىرناشتاپ جيعان بارلىق قاراجاتىن ەمدەلۋگە ىستەتىپ، تۇرمىس - تىرشىلىگى ناشارلاپ كەدەيلەسەدى. ديقانشىلىق جەرىن دە ۇزاق جىلعا باسقالارعا مايلاپ جىبەرىپ، تەك ەڭ تومەنگى تۇرمىسىن قامتاماسىزداندىرۋ قاراجاتىنا عانا سۇيەنىپ تىرشىلىك ەتىپ كەلگەن ەدى. ونىڭ ۇستىنە 11 جاستاعى قىزى ۇنەمى جوتەلىپ، مۇرنىنان قان اعادى ەكەن، وسى ىستەن حابار تاپقان گۇلشان ونىڭ قىزىن دەرەۋ اۋداندىق حالىق شيپاحاناسىنىڭ بەس مۇشە بولىمىنە اپارىپ ەمدەلۋ اقىسى ءۇشىن 300 نەشە يۋاندى ءوز قالتاسىنان تولەيدى. كەشتە شەشەسى ەكەۋىن ءوز ۇيىنە ەرتىپ كەلىپ، جىلى جۇمساقتاپ تاماعىن بەرىپ، مونشاعا ءتۇسىرىپ، ۇيىنە قوندىرىپ، ارتىق كيىمدەرىن بەرەدى. تۇبەگەيلى ەمدەلمەگەن سوڭ، ءبىر از كۇننەن سوڭ ول بالانىڭ مۇرنىنان تاعى دا قان اعادى، گۇلشان بۇل قىز بالانى تاعى دا اۋداندىق انا - بالالاردىڭ دەنساۋلىعىن ساقتاۋ شيپاحاناسىنا اپارىپ، 700 يۋاننان استام اقشا جۇمساپ، جان - جاقتى تەكسەرتىپ، ناۋقاسىن ەمدەتەدى. قاراسۋ قىستاعى 2 - اترەتىنىڭ تۇرعىنى ءالتايدىڭ ايەلى قان قىسىم اۋرۋىنان جارىم دەنەسى سالدانىپ، ءجۇرىپ - تۇرۋى قيىن بولعانىنان حابار تاپقان گۇلشان وعان اۋداندىق شينحۋا كىتاپحاناسىنا ارناۋلى بارىپ 3 كىتاپ (رومان) جانە كەستە تىگۋ ماتەريالىن اپارىپ بەرىپ، ونىڭ بوس ۋاقىتىندا كىتاپ وقىپ ءبىلىم الۋىنا ءارى قوس قولىنا سۇيەنىپ كەستە تىگىپ ونەر ۇيرەنۋىنە وراي جاراتىپ بەرەدى؛ ءبىر رەت وتباسىلارىن ارالاپ جۇرگەندە، 3 - اترەت تۇرعىنى تۇرسۇنگۇلدىڭ وڭ قولىنىڭ كەم ەكەندىگىن، اكە - شەشەسىنىڭ ەرتە قايتىس بولىپ، ءبىر ۇيدە 8 جاننىڭ تۇرمىستارى توتەنشە ناشار ەكەنىنەن حابار تابادى.
گۇلشان ونى كەستەشىلىك ونەرىن ۇيرەنۋگە ءناسيحاتتاپ، قىستاق كادرلارىمەن اقىلداسىپ، وعان ءبىر كەستە تىگۋ ماشيناسىن الىپ بەرەدى ءارى ءوزى 200 يۋان اقشا جۇمساپ ۇن، كۇرىش، سۋماي، كوكونىس تەكتەس كۇندەلىكتى تۇرمىستىق بۇيىمدارىن الىپ بەرۋمەن بىرگە، قىستاقتىڭ كونە كەڭسەسىنەن ءبىر اۋىزدى ءۇي بوساتىپ، ونى رەمونتتاتىپ، قاجەتتى نارسەلەرىن تولىقتاتىپ، ونەر ۇيرەنۋىنە قولايلى ورىن ازىرلەپ بەرەدى؛ قاراسۋ قىستاعىنداعى 10 مۇگەدەككە اۋداندىق حالىق شيپاحاناسى جانە مۇگەدەكتەر بىرلەستىگىمەن بايلانىس جاساپ، ولاردىڭ مەملەكەتتىڭ ءتيىمدى ساياساتىنىڭ يگىلىگىن كورۋىنە قولايلى بولۋى ءۇشىن مۇگەدەكتىك كۋالىك ءبىتىرىپ بەرەدى؛ قىستاق تۇرعىنى ۋاڭ ۇيلان بالاسىن تالاي جىلدان بەرى ناپوسقا قوندىرا الماي جۇرگەنىن بىلگەن سوڭ، قاتىستى ورىندارمەن بايلانىس جاساپ ونىڭ ناپوسىن ءبىتىرىپ بەرەدى؛ قىستاق تۇرعىنى حۇيزۋ ازاماتى ما فىڭيىڭنىڭ ۇزاق جىلدان بەرى رۋحاني اۋرۋعا شالدىعىپ، تۇرمىستا قيىنشىلىققا ۇشىراپ، ءال - اۋقاتى ناشارلاپ، كومەككە ءزارۋ بوپ جۇرگەنىنەن حابارلى بولعان سوڭ، ونىڭ قيىنشىلىعىنىڭ وتە اۋىر ەكەنىن قىستاق ۇيىمى مەن قاتىستى ورىندارعا ەگجەي - تەگجەيلى ءتۇسىندىرۋ ارقىلى ونى ەڭ تومەنگى تۇرمىس قامتاماسىزداندىرۋىنان يگىلىكتەندىرۋ كولەمىنە ەنگىزەدى؛ قاراسۋ قىستاعى 3 - اترەتىنىڭ تۇرعىنى جۇپارگۇلدىڭ بۇقپا اۋرۋىنا شالدىققانىن ءارى ونىڭ اۋرۋىن كورسەتۋگە قاراجاتتان قينالىپ وتىرعانىن ەستىپ، مەكەمەدەگى جولداستارىن، قىستاق كادرلارىن، تۋىس - تۋعان، دوس - جاراندارىن جىلۋ اتاۋعا اتتانىسقا كەلتىرىپ ءارى اۋداندىق قىزىل كرەست قوعامى، مەيىربان انالار، مەيربان اكەلەر قوعامىنىڭ جاردەمىنە يە بولۋ ارقىلى وعان 11 مىڭ يۋانعا جۋىق ناق اقشا جىلۋ جيناپ بەرىپ، ناۋقاسىن ۋاعىندا ەمدەتۋىنە جاعداي جاراتتى. ال، ۇيعۇر ازاماتى اسەنجان وكپە تۋبەركۋلەز اۋرۋىنا شالدىعىپ، ناۋقاسىن كورسەتەتىن اقشاسى جوقتىعىن بىلگەن سوڭ، ونى اۋداندىق حالىق شيپاحاناسىنا ەرتىپ بارىپ، شيپاحانا باستىعىنا جاعىدايىن ايتىپ، شيپاحاناعا جاتقىزىپ، ونىڭ ەمدەۋ قاراجاتى ءۇشىن ەكى رەتتە 5 مىڭ يۋان ەمدەلۋ قاراجاتىن ءوز قالتاسىنان تولەيدى. حۇيزۋ ايەل ايشانىڭ (ما جينفىڭ) بالاسى مي سالدانۋ ناۋقاسىمەن ۇزاق جىل ۇيىندە جاتىپ قالعانىن، وتباسى قيىنشىلىعىن ايتىپ، قاتىستى ورىندارعا ءوتىنىش جازىپ بەرۋدى وتىنەدى. جۇرەگى جۇمساق، قايىرىمدى گۇلشان قاراپ تۇرسىن با؟ پارتيانىڭ ءتيىمدى ساياساتىنان يگىلىكتەنۋ جونىندە نارات قالاشىعى مەن اۋداننىڭ قاتىستى باسشىلارىنا اڭىس ەتىپ ءجۇرىپ، ايشانىڭ ناپوسىن قالا ناپوسىنا وزگەرتىپ، ونان اۋدان قالاشىعىنان تومەن ماي اقىلى 60 شارشى مەترلىك ءبىر ءۇي الىپ بەرىپ، باس پاناعا يە ەتۋمەن بىرگە، بالاسى ەكەۋىن قالا - قالاشىق تۇرعىندارىنىڭ ەڭ تومەنگى تۇرمىسىن قامتاماسىزداندىرۋ ساياساتىنان يگىلىكتەندىردى. سونىمەن قوسا ايشانىڭ كەستە تىگەتىن ونەرىن بىلگەن سوڭ، وعان ءتۇرلى رەڭدەگى كەستە ءجىبىن الىپ بەرەدى ءارى تىككەن كەستەلەرىن توراپتا جاريالاۋ ارقىلى ونىمدەرىن ساتىپ، كىرىس كوزىن تابۋىنا قول ءۇشىن بەرىپ كەلەدى.
گۇلشان دەمەۋ قىزى باستاعان كۇنەس اۋداندىق حالىق قۇرىلتايى تۇراقتى كوميتەتىنىڭ 2015 - جىلعى «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىق تىلەگىن توعىستىرۋ» قيمىلى بويىنشا بەستوبە اۋىلى قاراسۋ قىستاعىنا تۇسكەن قىزمەت گرۋپپاسى ءار ۇلت حالقىنىڭ ءوندىرىسى مەن تۇرمىس تىرشىلىگىنە تىكە قاتىستى جول، اۋىز سۋى، ەلەكتر، قىستاق شيپاحاناسى، ەگىستىك جەر، وقۋ - اعارتۋ تاعى باسقا ءتۇرلى سالادا ىستەگەن ناقتى ىستەرى ءوز الدىنا ءبىر توبە. بۇل تەك گۇلشان دەمەۋ قىزىنىڭ حالىققا، قوعامعا ىستەگەن سان الۋان شاپاعاتتى ىستەرىنىڭ شاعىن كارتيناسى.
«ەڭبەگىڭ قاتتى بولسا، تاتقانىڭ ءتاتتى بولادى» دەگەندەي مىنە وسىنداي سۇبەلى دە ناتيجەلى ەڭبەگىنىڭ ارقاسىندا ول باستاعان قىزمەت گرۋپپاسى وتكەن جىلى ىلە قازاق اۆتونوميالى وبلىسى جاعىنان «ۇزدىك قىزمەت گرۋپپاسى» بولسا، گرۋپپاداعى ەكى قىزمەتكەر كۇنەس اۋداندىق پارتكوم جاعىنان «ۇزدىك قىزمەتكەر» بولىپ داڭق تورىنەن كورىندى. گۇلشان ءوزى دە جىل سايىن وبلىس، اۋدان جانە مەكەمە جاعىنان «ۇزدىك قىزمەتكەر»، «8 - ناۋرىز قىزىلتۋشىسى»، «ۇزدىك پارتيا مۇشەسى»، «قارتتار قىزمەتىندەگى ۇزدىك جەكە»، «ۇلتتار ىنتىماعى العا باسارلىعىنداعى ۇزدىك جەكە» سياقتى داڭق پەن مارتەبەلەردىڭ يەسى بولىپ كەلەدى.
كىشپەيىل دە اق ەدىل جان گۇلشان دەمەۋ قىزى مىنە وسىلايشا، توڭىرەگىندەگى كومەككە ءزارۋ ، قولى قىسقا، قيىنشىلىعى اۋىر جاندارعا شىن بەيىلىمەن كومەكتەسىپ، پارتيا مۇشەسىندىك، تولىمدى مەملەكەت قىزمەتكەرىندىك مىندەتىن ابىرويمەن وتەپ، كوپتىڭ كوڭىل تۇكپىرىنەن ورىن الدى.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
