- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ساياحات كاسىبىمەن سارا جول اشقان جاس مالشى
2016.09.28 17:14
ساياحات كاسىبى ارقىلى سان سالالى كاسىپتى تەز دامىتۋدى باستى ماقسات ەتكەن «جۇڭگوداعى ءيىستى قۇدىس مەكەنى» اتالعان قورعاس اۋدانى بيىلعا دەيىن جۇڭگو- قورعاس ءيىستى قۇدىس ساياحات مەرەكەسىن 6 كەزەك وتكىزىپ، ىلەنىڭ ساياحات ىستەرىندە تىڭ باستاما كوتەرىپ كەلەدى. جاز ماۋسىمى كەلگەننەن بەرى جەر- جەردەن كەلگەن ساياحاتشىلار قورعاس اۋدانى لانگار اۋىلى سەنترلى قىستاعىنداعى ۇزىندىعى ءبىر كيلومەتردەن اساتىن باۋ- باقشالى كوشە كورىنىس رايونىن، كۇرە بايىرعى قالاسىن، ىلە گەنارال سارايىن جانە كۇرە قالاشىعىنداعى ايدوڭ ءيىستى قۇدىس بازاسىن، داشيگۋ اۋىلىنداعى «اقجازىق باقىتتى ءومىر جابايى الما، قاراورىك كورىنىس رايونىن تاماشالاپ، ۇلتىمىزدىڭ ءداستۇرلى سپورتتىق ويىنى ات بايگە، قىزقۋار، كوكبار، تەڭگە ءىلۋ، ات بايگە سياقتى قيمىلدارىن قىزىعا كورەدى.
قورعاس اۋدانى بايىرعى جىبەك جولىنىڭ سولتۇستىگىندەگى ماڭىزدى قالاشىق بولىپ، «وسى اراداعى ءيىستى قۇدىس ەگىلگەن جەر كولەمى مەن ونىمدەردى مانەرلەۋ يقۋاتى ەل ءىشىنىڭ %95 تەن استامىن يەلەپ، دۇنيە بويىنشا 3– ۇلكەن ءيىستى قۇدىس مەكەنى ەسەپتەلەدى. ءار جىلى كۇزدە ىلەنىڭ جەر-جەرىندەگى كۇزگى كورىنىس فوتوشىلاردى ەرەكشە باۋرايدى. قورعاس اۋدانى كەڭساي «جينديڭ» كورىنىس رايونىن تامىزدىڭ سوڭىنان باستاپ جاڭادان اشتى. قىركۇيەكتەن بەرگى كۇزدىڭ جانعا جايلى اۋاسى مەن تاماشا تابيعات كورىنىسى جۇرتتى ساياحاتقا باستادى، كەڭساي مەن سايرامنىڭ تاماشا تابيعات كورىنىسى ساياحاتتى ۇناتاتىن گۋاڭجوۋلىق ساياحاتشى لي جىجۇڭدى ەرەكشە تاڭعالدىردى. ول: «دۇنيە ءجۇزىنىڭ كوپتەگەن جەرىن ارالادىم، ەلىمىزدە وسىنداي تاماشا جەردىڭ بارلىعىن ءبىرىنشى رەت كورىپ وتىرمىن»، - دەدى.
ءتىلشى: «كوركەم تالقى كەزەڭىنىڭ» بيىك تاۋ توبەسىنە دەيىنگى جاڭادان جاسالعان 7 مىڭ مەتردەن اساتىن باسبالداقتى كورىنىس رايونىندا 2004 – جىلدان باستاپ ءبىر كيىز ءۇي تىگىپ، ‹‹سايرام كولى بەرەكە ساياجايىن›› اشىپ، ساياحات كاسىبىمەن شۇعىلدانىپ كەلە جاتقان قورعاس اۋدانى المالى مال فەرماسى 2 – قوي اترەتىنىڭ جاس مالشىسى تۇرسىنالى ابزالبەك ۇلىنا جولىعىپ، ونىڭ 12 جىلدان بەرى 2 ميلليون يۋاننان استام قارجى جۇمساپ، تاس، شاعىل ۇيىلگەن توبەنى تەگىستەپ، ءشوپ، جوڭىشقا ەگىپ، جاسىلداندىرىپ، كيىز ءۇيدى 8 گە، تەمىر ءۇيدى 5 كە جەتكىزگەن. جۇبايى شاعالا نۇردانبەك قىزى ەكەۋى وتباسى ساياحات كاسىبىمەن شۇعىلدانعان 2009– جىلدان بەرى ءار جىلى 200- 250 مىڭ يۋان اينالاسىندا كىرىس تاپقاندىعىن، ال بيىل ساياحات باستالعان 4 ايدان استام ۋاقىتتان بەرى جاۋىن-شاشىن كوپ بولسا دا 190 مىڭ يۋان پايدا تاپقاندىعىن ۇعىسقان.
كەڭساي - سايرام كورىنىس رايونىن باسقارۋ كوميتەتىنىڭ ورىنباسار مەڭگەرۋشىسى، قورعاس اۋداندىق ساياحات مەكەمەسىنىڭ باستىعى ما جىجۇننىڭ تانىستىرۋىنا قاراعاندا، بيىل قورعاس اۋدانى دۇنيە جۇزىلىك دەڭگەيدەگى ساياحات سارا ونىمدەرىن ءوندىرۋدى تىعىز توڭىرەكتەپ، كۇشتى شوعىرلاندىرىپ، ءتۇيىندى كورنەكتىلەندىرىپ، «جۇپار ءيىسى اڭقىعان، باي-باقىتتى قورعاس قۇرۋ» سىندى ساياحاتتىڭ جاڭا وبرازىن قالىپتاستىرىپ، قورعاس ساياحاتىنىڭ تىڭ ورلەۋگە كوتەرىلۋىن اناعۇرلىم ىلگەرىلەتىپ، ءبىر جىلدا رەت سانى بويىنشا ءبىر ميلليون 150 مىڭ ساياحاتشى قابىلداۋدى جۇزەگە اسىرىپ، بىلتىرعى جىلعى ۇقساس مەزگىلدەگىدەن %10 ارتتىرۋعا؛ ساياحاتتىڭ جالپى كىرىسىن ءبىر ميلليارد 300 ميلليون يۋانعا جەتكىزىپ، بىلتىرعى جىلعى ۇقساس مەزگىلدەگىدەن %5 ارتتىرۋعا جان- جاقتى قۇلشىنۋدا ەكەن.
مىنە وسىنداي ساياحات كاسىبىنىڭ جاندانىپ، قىزۋ ورلەۋگە كوتەرىلۋى اۆتونوميالى رايونىمىزدىڭ ۇشقارىلىقتى الاستاۋ، تىنىش شينجياڭ قۇرۋ قىزمەتىن ءونىمدى ورىستەتكەندىگىنىڭ تىڭ ناتيجەسى ەسەپتەلەدى. بايسۇلتان نۇپتەبەك ۇلى
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
