- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شي جينپيڭ جۇڭگو ادەبيەت - كوركەمونەرشىلەر بىرلەستىگىنىڭ مەملەكەتتىك 10 - قۇرىلتايىنىڭ، جۇڭگو جازۋشىلار قوعامىنىڭ ەملەكەتتىك 9 - قۇرىلتايىنىڭ اشىلۋ سالتىندا
ۇلت رۋحىنىڭ الاۋىن بيىك ۇستاپ، ءداۋىردىڭ العا باسۋ ۇرانىن اسقاقتاتىپ، جۇڭحۋا ۇلتىنىڭ ۇلى گۇلدەنگەن داۋىرىندە ادەبيەت - كوركەمونەردىڭ اسقارىن تۇلعالاۋدى باسا دارىپتەدى
لي كىچياڭ، جاڭ دىجياڭ، يۇي جىڭشىڭ، ليۋ يۇنشان، ۋاڭ چيشان، جاڭ گاۋلي قۇرىلتايعا قاتىناستى
2016.12.01 10:59 كەلۋ قاينارى : شينجياڭ گازەتى
شينحۋا اگەنتتىگىنىڭ 30 - قاراشادا بەيجيڭنەن بەرگەن حابارى. جۇڭگو ادەبيەت - كوركەمونەرشىلەر بىرلەستىگىنىڭ مەملەكەتتىك 10 - قۇرىلتايى، جۇڭگو جازۋشىلار قوعامىنىڭ مەملەكەتتىك 9 - قۇرىلتايى 30 - قاراشا تۇستەن بۇرىن بەيجيڭدەگى حالىق سارايىندا اشىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قۇرىلتايعا قاتىناستى ءارى ماڭىزدى ءسوز سويلەدى. ول بىلاي دەپ باسا دارىپتەدى: ادەبيەت - كوركەمونەردىڭ تاعدىرى مەملەكەت تاعدىرىمەن بايلانىستى، ادەبيەت - كوركەمونەردىڭ تىنىسى مەملەكەت تىنىسىمەن ۇشتاسقان. ادەبيەت - كوركەمونەر قىزمەتكەرلەرى حالىقتى وزەك ەتكەن جاسامپازدىق بەتالىسىنا تاباندى بولۋى، حالىق ءۇشىن قىزمەت ەتۋگە، سوتسياليزم ءۇشىن قىزمەت ەتۋگە تاباندى بولۋى، بارشا گۇل شەشەك اتىپ، جالپى جارىسا ءۇن قاتۋ باعىتىنا تاباندى بولۋى، جاسامپازدىقپەن وزگەرتۋگە، جاسامپازدىقپەن دامۋعا تاباندى بولۋى، ۇلت رۋحىنىڭ الاۋىن بيىك ۇستاپ، ءداۋىردىڭ العا باسۋ ۇرانىن اسقاقتاتىپ، كوركەمونەر مۇراتىن پارتيا مەن حالىقتىڭ ىستەرىمەن توعىستىرۋى، كوكەيىنە اقيقاتتى ۇيالاتىپ، جۇرەگىنەن حالىققا ورىن بەرىپ، جاۋاپكەرشىلىكتى ارقالاپ، كەڭ كوسىلە قالام تەربەپ، ءداۋىر ءۇنىن بەينەلەيتىن، حالىقتىڭ كۇرەسىن ايگىلەيتىن، ۇلت رۋحىن سەرپىلتەتىن، وسكەلەڭ مىنەز - قۇلىقتى سومدايتىن اناعۇرلىم كوپ تاڭداۋلى تۋىندى جاراتىپ، جۇڭحۋا ۇلتىنىڭ ۇلى گۇلدەنگەن داۋىرىندە ادەبيەت - كوركەمونەردىڭ اسقارىن تۇلعالاۋعا قۇلشىنۋ كەرەك. ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى لي كىچياڭ، جاڭ دىجياڭ، يۇي جىڭشىڭ، ليۋ يۇنشان، ۋاڭ چيشان، جاڭ گاۋلي قۇرىلتايعا قاتىناستى.
قۇرىلتاي تۇستەن بۇرىنعى ساعات 10دا باستالدى. كوپشىلىك ورىندارىنان تۇرىپ، مەملەكەت گيمىنىن اسقاقتاتا شىرقادى.
شي جينپيڭ دۋ قول شاپالاق ءۇنى ىشىندە ماڭىزدى ءسوز سويلەپ، ەڭ اۋەلى، پارتيا ورتالىق كوميتەتى اتىنان قۇرىلتايدىڭ اشىلعاندىعىن قىزۋ قۇتتىقتاپ، بارلىق ۋاكىلدەر مەن بۇكىل ەلدەگى ادەبيەت - كوركەمونەر قىزمەتكەرلەرىنەن شىن جۇرەكتەن حال سۇرادى.
شي جينپيڭ بىلاي دەپ اتاپ كورسەتتى: پارتيامىز ادەبيەت - كوركەمونەر قىزمەتىنە ەجەلدەن تارتىپ ايرىقشا ءمان بەرىپ كەلەدى. ويتكەنى ادەبيەت - كوركەمونەر ىستەرى − پارتيا مەن حالىقتىڭ ماڭىزدى ءىسى، ادەبيەت - كوركەمونەر شەبى − پارتيا مەن حالىقتىڭ ماڭىزدى شەبى. توڭكەرىستىڭ، قۇرىلىستىڭ، رەفورمانىڭ تاريحي كەزەڭدەرىندە ادەبيەت - كوركەمونەر قىزمەتكەرلەرى پارتيانىڭ ۇندەۋىنە ءۇن قوسىپ، حالىق ءۇشىن قىزمەت ەتۋ، سوتسياليزم ءۇشىن قىزمەت ەتۋ باعىتىنان جازباي، بارشا گۇل شەشەك اتۋ، جالپى جارىسا ءۇن قاتۋ باعىتىنا تاباندى بولىپ، تۇشىمدى، سۇبەلى، جۇرت جۇرەگىنەن تەرەڭ ورىن العان تاڭداۋلى تۋىندىلاردى جاراتىپ، جۇڭگو رۋحىن ساۋلەلەندىرىپ، جۇڭگو كۇشىن ۇيىستىرىپ، پارتيامىزدىڭ حالىقتى ىنتىماقتاستىرا باستاپ ۇلتتىڭ تاۋەلسىزدىگىن، حالىقتىڭ ازاتتىعىن، مەملەكەتتىڭ بايىپ قۇدىرەتتەنۋىن، حالىقتىڭ باي - باقىتتى ءومىرىن جۇزەگە اسىرۋىنا اسا ماڭىزدى ۇلەستەر قوستى.
شي جينپيڭ بىلاي دەپ باسا دارىپتەدى: پارتيانىڭ 18 - قۇرىلتايىنان بەرى، ادەبيەت - كوركەمونەر قىزمەتكەرلەرىنىڭ قاجىرلىلىقپەن قۇلشىنۋىندا ەلىمىزدىڭ ادەبيەت - كوركەمونەر سالاسىندا سونى لەپ، تىڭ بەينە جارىققا شىقتى، نەگىزگى اۋەن بارىنشا اسقاقتاپ، وڭ ەنەرگيا بارىنشا ۇدەپ، حالىقتى مول رۋحاني ازىقپەن قامداپ، دۇنيە جۇزىنە جۇڭحۋا مادەنيەتىنىڭ قۇدىرەتىن ايگىلەدى. اماليات ادەبيەت - كوركەمونەر قىزمەتكەرلەرىنىڭ وتان مەن حالىقتى كوكەيلەرىنەن شىعارمايتىن، ءداۋىردىڭ ۇندەۋىنە ءۇن قوسقان، كوركەمونەر مۇراتىنا تالپىنعان، اقىل - پاراساتتى، تالانتتى، جاۋاپكەرشىلىكتى باتىلدىقپەن ارقالايتىن، باتىلدىقپەن جاڭالىق اشاتىن، سەنىم ارتۋعا، سۇيەنۋگە بولاتىن قوسىن ەكەندىگىن تولىق سىپاتتادى. پارتيا مەن حالىق سىزدەرگە العىس ايتادى.
شي جينپيڭ بىلاي دەپ اتاپ كورسەتتى: جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ زاتتىق وركەنيەتتىڭ اسا زور دامۋىنا، سونداي - اق رۋحاني وركەنيەتتىڭ اسا زور دامۋىنا مۇقتاج. جۇڭحۋا ۇلتىنىڭ ومىرشەڭدىك كۇشىن جوعالتپاي ۇزدىكسىز دامۋىن، سان - ساناقسىز ساتسىزدىكتەرگە تاپ بولسا دا قايتا كوركەيىپ وتىرۋىن جۇڭحۋا مادەنيەتىنىڭ پارمەندى تىرەك بولۋىنان بولە قاراۋعا كەلمەيدى. جۇڭحۋا مادەنيەتىنىڭ بوگەنايى بولەك يدەياسى، اقىل - پاراساتى، سالتاناتى، كەرەمەتى جۇڭگو حالقى مەن جۇڭحۋا ۇلتىنىڭ ىشكى جان دۇنيەسىنىڭ تەرەڭ قاتپارىنداعى وزدەرىنە دەگەن سەنىم مەن ماقتانىش سەزىمىن ارتتىردى. جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ − بۇرىنعىلاردان اسىپ ءتۇسىپ، زامانداستاردى جالت قاراتاتىن ۇلى ءىس، ول قاجىماس قايسار ۇلى رۋحتى قاجەت ەتەدى، سونداي - اق جۇرت جۇرەگىن سەرپىلتەتىن ۇلى تۋىندىنى قاجەت ەتەدى. شي جينپيڭ سوزىندە ادەبيەت - كوركەمونەر قىزمەتكەرلەرىنەن مىناداي 4 ءتۇيىندى ءۇمىت ەتتى:ءبىرىنشى، كوپشىلىكتىڭ مادەنيەتكە دەگەن سەنىمدى بەكەمدەپ، ۇلت رۋحىن ادەبيەت - كوركەمونەر رۋحىمەن سەرپىلتۋىن ءۇمىت ەتەمىن. جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ءۇشىن، ءسوز جوق، جۇڭگوشا سوتسياليزم جولىنا، نازارياسىنا، تۇزىمىنە، مادەنيەتىنە دەگەن سەنىمدى بەكەمدەۋ كەرەك. ايقىن ۇلتتىق ەرەكشەلىككە جانە دارالىققا يە تاڭداۋلى تۋىندىلاردى جاراتۋ ءۇشىن تەلەگەي تەڭىز جۇڭحۋا مادەنيەتىن تەرەڭ ءتۇسىنۋ، ونان دا ماڭىزدىسى، مادەنيەتكە ايرىقشا سەنىم ارتۋ كەرەك. ادەبيەت - كوركەمونەر قىزمەتكەرلەرى جۇڭحۋا مادەنيەتىنىڭ اسىل قازىناسىنان مايەكتى، ءنارلى دۇنيەلەردى قابىلداۋعا، ەنەرگيا الۋعا شەبەر بولۋى، ءوزىنىڭ مادەنيەت مۇراتىنا، مادەنيەت قۇنىنا دەگەن ايرىقشا سەنىمدى ساقتاۋى، ءوز مادەنيەتىنىڭ ومىرشەڭدىك كۇشىنە، جاسامپازدىق كۇشىنە دەگەن ايرىقشا سەنىمدى ساقتاۋى، تۋىندىسىن جۇڭگو حالقى مەن جۇڭحۋا ۇلتىن تىنباي العا تارتۋعا جىگەرلەندىرەتىن رۋحاني كۇشكە اينالدىرۋى كەرەك. ءداۋىردىڭ تىنىسىن ءداپ باسىپ يگەرىپ، ءداۋىردىڭ بورىشىن ارقالاپ، ءداۋىردىڭ ۇنىنە قۇلاق اسىپ، ءداۋىردىڭ تاقىرىبىنا باتىلدىقپەن جاۋاپ قايتارۋ كەرەك. سوتسياليستىك وزەكتى قۇن كوزقاراسىن جەتىلدىرۋ مەن ساۋلەلەندىرۋدى ءتۇبىرلى مىندەتكە بالاپ، جۇڭگولىقتاردىڭ وزگەشە يدەياسىمەن، سۇيىسپەنشىلىگىمەن، ەستەتيكاسىمەن وسى داۋىرگە ءتان ءارى جۇڭگو تىنىسىنا باي تاڭداۋلى تۋىندىلاردى جاراتۋى كەرەك. وتانشىلدىق نەگىزگى اۋەنىن اسقاقتاتىپ، جاندى ادەبي تىلمەن جانە كوزدىڭ جاۋىن الاتىن كوركەمونەرلىك وبرازدان پايدالانىپ، وتاننىڭ كوركەم تاۋ - دالاسىن، وزەن - دارياسىن ايشىقتاپ، جۇڭحۋا ۇلتىنىڭ وزگەشە دارىنىن بەينەلەپ، ءاربىر جۇڭگولىقتىڭ ۇلتتىق ماقتانىش سەزىمى مەن مەملەكەتتىك داڭق سەزىمىن قوزداتۋى كەرەك.
ەكىنشى، كوپشىلىكتىڭ حالىققا قىزمەت وتەۋگە تاباندى بولىپ، بەلسەندى ادەبيەت - كوركەمونەر تۋىندىلارى ارقىلى حالىقتى جىرلاۋىن ءۇمىت ەتەمىن. حالىق − تاريحتى جاراتۋشى، ءداۋىردى سومداۋشى. بارلىق تاڭداۋلى ادەبيەت - كوركەمونەر قىزمەتكەرىنىڭ كوركەمدىك ءومىرى حالىقتان باستاۋ الادى، بارلىق تاڭداۋلى ادەبيەت - كوركەمونەر جاسامپازدىعى تۇگەلدەي حالىققا ارنالعان. ادەبيەت - كوركەمونەر قىزمەتكەرلەرى حالىقتىڭ تۇرمىسىنا، تاعدىرىنا، سۇيىسپەنشىلىگىنە كۇشتى رەاليزمدىق رۋحپەن جانە رومانتيكالىق سەزىممەن ءۇڭىلىپ، حالىقتىڭ ارمان - تىلەگىن، كوڭىل كۇيىن، جۇرەك ءۇنىن بەينەلەپ، حالىق اراسىندا ومىرشەڭ بىرەگەي تۋىندىلاردى جاراتۋعا بەل بايلاۋى كەرەك. مۇراتتى، ىزدەنگىش ادەبيەت - كوركەمونەر قىزمەتكەرلەرى تۇگەلدەي حالىقتىڭ قادامىنا ىلەسىپ وتىرۋى، تار ءورىستى الەمنەن كەڭ دۇنيەگە بەت الىپ، حالىقپەن ماڭگى تىنىستاس، جۇرەكتەس بولۋى كەرەك. حالىقتىڭ كۇي - جايى مەن باقىتىنا باستان - اياق جۇرەگىنىڭ تورىنەن ورىن بەرىپ، حالىقتىڭ قۋانىش - قايعىسىن قالامىنا ارقاۋ ەتىپ، كۇرەسكە تولى ءومىردى جىرلاپ، ەڭ سۇيىكتى تۇلعالاردى سومداۋ كەرەك. تۇرمىستاعى العاشقى ماتەريالداردى پايىمداپ، وڭ ەنەرگيانى اسقاقتاتىپ، ادەبيەت - كوركەمونەردىڭ كۇشىمەن جۇرت جۇرەگىن جىلىتىپ، ەلگە جىگەر بەرۋ، ادامدارعا وي سالۋ، ادامداردىڭ يدەيالىق تانىمىن، مادەنيەت ساپاسىن، ەستەتيكالىق دەڭگەيىن، ءمورالدىق ورەسىن جوعارىلاتۋىنا جەتەكشىلىك ەتىپ، جۇرتتىڭ بەلسەندى، العاباسار ۇمىتكەر كوڭىل كۇي مەن العا باسۋ رۋحىن ماڭگى ساقتاۋعا ىنتالاندىرۋ كەرەك.
ءۇشىنشى، كوپشىلىكتىڭ باتىلدىقپەن جاڭالىق جاراتىپ، كەمەلدى كوركەمونەر ارقىلى مادەنيەتتەگى جاسامپازدىقپەن دامۋدى العا ىلگەرىلەتۋىن ءۇمىت ەتەمىن. تاڭداۋلى تۋىندى ءبىر مەملەكەتتىڭ، ءبىر ۇلتتىڭ مادەنيەتتەگى جاڭالىق اشۋ، جاسامپازدىق قابىلەتى مەن دەڭگەيىن بەينەلەيدى. ادەبيەت - كوركەمونەر قىزمەتكەرلەرى تاڭداۋلى تۋىندىلاردى جاراتۋدى وزەكتى بۋىن ەتىپ، ادەبيەت - كوركەمونەردەگى جاسامپازدىقتى تىنباي العا ىلگەرىلەتىپ، ادەبيەت - كوركەمونەردەگى شىعارماشىلىق ساپاسىن جوعارىلاتىپ، حالىق ءۇشىن بىرەگەي مادەنيەت تۋىندىلارىن جاراتىپ، ادامزاتقا وشپەس بىرەگەي تۋىندى ارناۋعا قۇلشىنۋى كەرەك. جۇڭگو حالقى ادامزاتقا تىڭ دامۋ فورماسىن، دامۋ جولىن ۇسىنۋمەن بىرگە، ءوزىنىڭ مادەنيەت جاسامپازدىعىندا، شىعارماشىلىعىندا قول جەتكىزگەن تابىستارىن دا دۇنيە جۇزىنە تارتۋ ەتەدى. جاڭالىق اشۋ رۋحىن ادەبيەت - كوركەمونەر شىعارماشىلىعىنىڭ بۇكىل بارىسىنا ءسىڭىرىپ، باتىلدىقپەن ىزدەنىس جاساپ، قايسارلىقپەن العا ۇمتىلىپ، تۋىندىلاردىڭ اناعۇرلىم تارتىمدى، قىزعىلىقتى بولۋىنا مۇمكىندىك جاساۋ كەرەك. ءتورتىنشى، كوپشىلىكتىڭ كوركەمونەرلىك مۇراتتان تاپجىلماي، قوعامدىق سالت - سانانى وسكەلەڭ ادەبيەت - كوركەمونەرمەن جەتەلەۋىن ءۇمىت ەتەمىن. ادەبيەت - كوركەمونەر − جان جۇيەنى تۇلعالاۋ ينجەنەرياسى، مادەنيەتپەن وزگەلەردى اسەرلەندىرۋ، مادەنيەتپەن وزگەلەردى تاربيەلەۋ مىندەتىن ارقالاپ وتىر، وزگەشە يدەيامەن وي سالۋ، كوركەمونەر تاسىلىمەن ادامداردىڭ جان دۇنيەسىنە ءۇن - ءتۇنسىز ءنار قۇيۋ، قايىرىمدىلىق، العاباسارلىق قۇن كوزقاراسىن جەتكىزۋ كەرەك. ادەبيەت - كوركەمونەر قىزمەتكەرلەرى ىزگىلىك پەن اسەمدىككە تالپىنۋشى جانە ونى تاراتۋشى بولۋى، وسكەلەڭ قۇندىلىقتى، ىزگى سەزىمدى تۋىندىسىنا ءسىڭىرىپ، ادامداردى وسكەلەڭ ءمورالعا قاراي شوعىرلانۋعا جەتەلەۋى كەرەك. ادەبيەت - كوركەمونەر جۇرت رايىن تۇلعالايتىندىقتان، ەڭ اۋەلى، اۆتور ءوزىن سومداۋى كەرەك. ادەبيەت - كوركەمونەر قىزمەتكەرلەرى تاماشا ءمورالدى قادىرلەپ، ءوز ونەرىن ۇشتاۋدى ومىرلىك نىسانا ەتىپ، ناعىز بىلىمگە، تاماشا مىنەز - قۇلىققا، بيىك دەڭگەيگە قۇلشىنا تالپىنىپ، مىنەز - قۇلقى مەن شەبەرلىگىن ۇشتاستىرىپ، العاباسار مادەنيەتتىڭ امالياتتا ايگىلەۋشىسىنە، قوعامدىق سالتتىڭ سەركەسىنە اينالىپ، وتان ءۇشىن، حالىق ءۇشىن ءمورالدىڭ بيىگىن، ءتىلدىڭ ولشەمىن سومداۋ بارىسىندا ءوزىن تۇلعالاۋى، قۇنىن جۇزەگە اسىرۋى كەرەك.
شي جينپيڭ بىلاي دەپ اتاپ كورسەتتى: جۇڭگو ادەبيەت - كوركەمونەرشىلەر بىرلەستىگى، جۇڭگو جازۋشىلار قوعامى − پارتيا مەن ۇكىمەتتىڭ ادەبيەت - كوركەمونەر قىزمەتكەرلەرىمەن بايلانىس ورناتۋىنداعى كوپىر، دانەكەر، ادەبيەت - كوركەمونەر قىزمەتكەرلەرىن ىنتىماقتاستىرۋ جاعىندا ماڭىزدى مىندەت ارقالاپ وتىر. جاڭا جاعدايدا ادەبيەت - كوركەمونەرشىلەر بىرلەستىگى، جازۋشىلار قوعامى رەفورمانى تەرەڭدەتىپ، جەتەكشىلىك ەتۋدى كۇشەيتىپ، بايلانىستى نىعايتىپ، قابىلەتىن ارتتىرىپ، قارىم - قاتىناستى كۇشەيتىپ، ادەبيەت - كوركەمونەرشىلەر شەبىنىڭ كۇشىن جۇمىلدىرىپ، حالىق جۇرتشىلىعىنىڭ اراسىندا كومىلىپ جاتقان شىعارماشىلىق كۇشىن قوزداتىپ، ادەبيەت - كوركەمونەر ىستەرىندە بارشا گۇل شەشەك اتقان شالقىعان ءداۋىردىڭ تۇلعالانۋىن العا ىلگەرىلەتۋى كەرەك.
شي جينپيڭ بىلاي دەپ باسا دارىپتەدى: ءار دارەجەلى پارتكوم ادەبيەت - كوركەمونەر قىزمەتىنە ايرىقشا كوڭىل ءبولۋى، ادەبيەت - كوركەمونەرشىلەر بىرلەستىگىنىڭ، جازۋشىلار قوعامىنىڭ رەفورمانى تەرەڭدەتۋىنە، ىستەردى دامىتۋىنا جەتەكشىلىك ەتۋى كەرەك. ادەبيەت - كوركەمونەردىڭ زاڭدىلىعىنا ۇيلەسەتىن فورمامەن ادەبيەت - كوركەمونەر ىستەرىنە جەتەكشىلىك ەتىپ، عىلىم دەموكراتياسى مەن كوركەمونەر دەموكراتياسىن تولىق ساۋلەلەندىرۋ، ادەبيەت - كوركەمونەر قىزمەتكەرلەرىنىڭ بەلسەندىلىگى مەن جاسامپازدىعىن ويداعىداي قورعاۋ كەرەك. ساياسيدا تولىق سەنىم ارتىپ، يدەيادا ىرىقتى تۇردە جەتەكشىلىك ەتىپ، قىزمەتتە شارت - جاعداي ازىرلەپ، تۇرمىستا كوڭىل ءبولىپ، قامقورلىق جاساپ، ادەبيەت - كوركەمونەر قىزمەتكەرلەرى ءۇشىن كوبىرەك ناقتى ءىس، جاقسى ءىس ىستەپ بەرۋ، قيىندىقتان ارىلتىپ، دارىندىلاردى جەتىلدىرۋگە، تاڭداۋلى تۋىندىلاردى جاراتۋعا ءتيىمدى، تاماشا ورتا ازىرلەۋ كەرەك. كوركەمونەرلىك تاربيەگە ءمان بەرۋ جانە ونى كۇشەيتىپ، حالىق جۇرتشىلىعىنىڭ كوركەمونەرلىك ساپاسىن جوعارىلاتۋ كەرەك.
جۇڭگو ادەبيەت - كوركەمونەرشىلەر بىرلەستىگىنىڭ ءتوراعاسى سۇن جياجىڭ قۇرىلتايدىڭ اشىلۋ ءسوزىن سويلەدى، كوممۋنيستىك جاستار وداعى ورتالىق كوميتەتى شۋجيچۋىنىڭ ءبىرىنشى شۋجيى چين ي - جى جانە ورتالىق اسكەري ىستەر كوميتەتىنىڭ مۇشەسى، اسكەري ىستەر كوميتەتى ساياسي قىزمەت ءبولىمىنىڭ مەڭگەرۋشىسى جاڭ ياڭ جەكە - جەكە قۇتتىقتاۋ ءسوزىن سويلەدى. جۇڭگو جازۋشىلار وداعىنىڭ ءتوراعاسى تيە نيڭ قۇرىلتايدىڭ اشىلۋ سالتىن باسقاردى.
ورتالىق پەن مەملەكەت ورگاندارىنداعى قاتىستى تاراۋلاردىڭ جاۋاپتى جولداستارى، مەملەكەتتىك ادەبيەت - كوركەمونەر قىزمەتكەرلەرىنىڭ ۋاكىلى، شياڭگاڭ ەرەكشە اكىمشىلىك رايونىنىڭ، اۋمىن ەرەكشە اكىمشىلىك رايونى مەن تايۋان رايونىنىڭ ۇسىنىس ەتىلگەن ۋاكىلدەرى، سونداي - اق شەتەلدەن ۇسىنىس ەتىلگەن سيلى قوناقتار بولىپ شامامەن 3300دەي ادام قۇرىلتايعا قاتىناستى.
جۇڭگو ادەبيەت - كوركەمونەرشىلەر بىرلەستىگىنىڭ مەملەكەتتىك 10 - قۇرىلتايى، جۇڭگو جازۋشىلار قوعامىنىڭ مەملەكەتتىك 9 - قۇرىلتايى 30 - قاراشادا بەيجيڭدەگى حالىق سارايىندا اشىلدى. پارتيا مەن مەملەكەت باسشىلارىنان شي جينپيڭ، لي كىچياڭ، جاڭ دىجياڭ، يۇي جىڭشىڭ، ليۋ يۇنشان، ۋاڭ چيشان، جاڭ گاۋلي قۇرىلتايعا قاتىناستى.
(شينحۋا اگەنتتىگى)
جۇڭگو ادەبيەت - كوركەمونەرشىلەر بىرلەستىگىنىڭ مەملەكەتتىك 10 - قۇرىلتايى، جۇڭگو جازۋشىلار قوعامىنىڭ مەملەكەتتىك 9 - قۇرىلتايى 30 - قاراشادا بەيجيڭدەگى حالىق سارايىندا اشىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قۇرىلتايعا قاتىناستى ءارى ماڭىزدى ءسوز سويلەدى. (شينحۋا اگەنتتىگى)
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
