بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>جوتكەمەلەر

1 - كاسىپتىڭ دەڭگەيىن جوعارىلاتۋعا تاباندى بولىپ، تيپىن وزگەرتىپ دامۋدا جاڭا قادام تاستادى

2016.12.02 15:13     كەلۋ قاينارى : شينجياڭ گازەتى

  بەتاشار: 2016 - جىل شينجياڭ ءۇشىن ايرىقشا ءبىر جىل بولدى. بۇل جىلدا شينجياڭدا كوپتەگەن وزگەرىستەر تۋىلدى، اۋىز تولتىرىپ ايتارلىقتاي ەلەۋلى وزگەرىستەر مەن تابىستار جارىققا شىقتى. شينجياڭداعى ءار ۇلت كادر - جۇرتشىلىعىنىڭ باس نىسانانى تىعىز ارقاۋ ەتىپ، ءتۇرلى ىستەردە قۇلشىنا جاڭا جاعداي اشقان جاندى امالياتىن، قول جەتكىزگەن كورنەكتى ناتيجەلەرىن تولىق حابارلاۋ ءۇشىن، شينجياڭ گازەتى ارنايى تۇردە جىل قورىتىندىسىنىڭ ارناۋلى حابارلارىن وقىرماندارعا ۇسىنىپ، شينجياڭداعى ءتۇرلى ىستەردىڭ قارىشتاپ دامىعانىنا كۋا بولىپ، تيانشاننىڭ تۇستىگى مەن تەرىستىگىندەگى قۋاتتى سەرپىلىستەردى سەزىنىپ، ءتىپتى دە جارقىن بولاشاقتى قارسى الادى. جىل قورىتىندىسىنىڭ ارناۋلى حابارلارى . رەفورما جانە دامۋ تاراۋىوزەكتى سىلتەمە: اۆتونوميالى رايوننىڭ قازىنا - ەكونوميكاعا باسشىلىق ەتۋ گرۋپپاسىنىڭ 5 - رەتكى ماجىلىسىندە، 1 - كاسىپتىڭ دەڭگەيىن جوعارىلاتۋعا تاباندى بولۋ، استىق حاۋىپسىزدىگىنە كەپىلدىك ەتۋ، مال شارۋاشىلىعىنىڭ دەڭگەيىن كوتەرۋ، اۋىل شارۋاشىلىعىن كاسىپ سالالاندىرىپ جۇرگىزۋدى بەلسەنە ىلگەرىلەتۋ ورتاعا قويىلدى. ج ك پ اۆتونوميالى رايوندىق 9 - قۇرىلتايىندا مىنالار العا قويىلدى: 1 - كاسىپتىڭ دەڭگەيىن جوعارىلاتۋعا تاباندى بولىپ، اۋىل شارۋاشىلىعىن نىعايتۋ، اۋىل - قىستاققا تيىمدىلىك جاساۋ، شارۋالاردى اۋقاتتاندىرۋ ساياساتتارىن جاپپاي تياناقتاندىرىپ، استىق ءوندىرىسىن ورنىقتىرۋدى، ماقتا ءوندىرىسىن رەتتەۋدى، جەمىس شارۋاشىلىعىن ساپالىلاندىرۋدى، مال شارۋاشىلىعىن كوركەيتۋدى ارقاۋ ەتىپ، ەگىن، مال شارۋاشىلىعىنىڭ دامۋ مۇمكىندىكتەرىن تولىق ىسكە قوسىپ، ەگىن، مال شارۋاشىلىعىن كاسىپ سالالاندىرىپ جۇرگىزۋدى جانە ەگىن، مال شارۋاشىلىق ونىمدەرىن جىنتىكتەي مانەرلەۋدى ىلگەرىلەتىپ، وسى زامانعى اۋىل شارۋاشىلىعىن جەدەل دامىتىپ، شينجياڭنىڭ ەگىن، مال شارۋاشىلىعى ونىمدەرى جاسىل، ەكولوگيالىق، ورگانيكالىق ماركالارىن ەلگە تانىتىپ، ەگىن، مال شارۋاشىلىعى ونىمدەرىمەن ۇتىمدى قامداۋدى جوعارىلاتۋ كەرەك.

  كۇشار اۋدانى ىشقىلا قالاشىعى قۇمارىق قىستاعىنىڭ تۇرعىنى راحىمان ءابيتتىڭ 6 مۋ ورىك باعىنان «التىن» شىقتى: جاس ورىكتەن 5300 كيلوگرام ءونىم الىپ، ونى ورىك قاعى ەتىپ كەپتىرىپ، 15 مىڭ يۋانعا ساتتى، ءسويتىپ تازا كىرىسى وتكەن جىلداردان 7000 − 8000 يۋان ارتتى. بۇنىمەن قويماي، قىستاقتاعى جەمىس سەلبەستىك كووپەراتيۆىنە قاتىسقاندىقتان، جىل سوڭىندا پايدادان ۇلەس الاتىن بولدى. اقشانى كوپ تاپقانىمىز «ىستىق ءۇي» مەن «سۋىق ءۇيدىڭ» ارقاسى عوي، - دەيدى راحىمان.

  راحىماننىڭ «ىستىق ءۇي»، «سۋىق ءۇي» دەپ وتىرعانى بيىل قىستاقتا سالىنعان كەپتىرۋ ءۇيى مەن سۋىق قويما. ءدال وسى ەكەۋىنىڭ ارقاسىندا، ونىڭ باعىنداعى جەمىستەر دە كەزىندە كەپتىرىلىپ نەمەسە ءوز قالپىن ساقتاپ، باعاسى ەسەلەپ ءوستى.

  شينجياڭ اۋىل شارۋاشىلىعى ءۇشىن، 2016 - جىلى ورنىقتىلىق بارىسىندا ىلگەرىلەگەن ءبىر جىل، رەفورما جاساپ، جاڭالىق اشقان ءبىر جىل، سونداي - اق بۇرىلىس جاساپ دامۋ جونىندە ىزدەنىس جاسالعان ءبىر جىل بولدى. اۆتونوميالى رايونىمىز استىق ءوندىرىسىن ورنىقتىرىپ، كىرىستى ارتتىرۋ، ساپانى جاقسارتىپ، ونىمدىلىكتى جوعارىلاتۋ، جاڭالىق اشۋدى جەتەكشى ەتۋ سىندى جالپىلىق تالاپ بويىنشا، اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن كۇش سالا ىلگەرىلەتىپ، اۋىل شارۋاشىلىعىنىڭ دامۋ تاسىلىنە كۇش سالا بۇرىلىس جاساپ، شينجياڭ ەرەكشەلىگىنە يە وسىزاماندانعان ەگىن، مال شارۋاشىلىعى كاسىپ جۇيەسىن جەدەل قالىپتاستىردى. ءۇمىت وتى لاۋلاعان اتىزداردان وسى زامانعى اۋىل شارۋاشىلىعىنىڭ جاڭا بەينەسى جارىققا شىقتى.

  قوسۋ، الۋ، كوبەيتۋ، ءبولۋ امالدارى بايلىقتاردىڭ ورنالاسۋىن جانداندىرىپ، جاڭا ءورىس اشتى

  2016 - جىلى اۆتونوميالى رايونىمىز «قوسۋ، الۋ، كوبەيتۋ، ءبولۋ» امالدارىنان ۇتىمدى پايدالانىپ بايلىقتاردىڭ ورنالاسۋىن جانداندىرىپ، بۇكىل رايونداعى اۋىل شارۋاشىلىعى كاسىپ قۇرىلىمىنىڭ رەتتەلۋىنە «ستەرەولىق كەڭىستىك» قالىپتاستىردى.

  مارالباسى اۋدانى شارباق اۋىلى شايتانكول قىستاعىندا، 10 نەشە جىل ماقتا ەگۋمەن شۇعىلدانعان ابەيبوللا اۋىت بيىل «ەسەك باعىپ» ەسەپ سوقتى. «اكەلگەن ەسەكتەرىمنىڭ كوپشىلىگى قودىقتايتىن ەسەك، بيىل بازاردىڭ جاعدايى جاقسى، كەلەر جىلى ەسەك كوپتەپ قودىقتاسا، ءبىر تاقايدىڭ ءوزىن 6000 − 7000 يۋاننان ساتۋعا بولادى»، - دەيدى ول.

  مارالباسى اۋدانى وڭتۇستىك شينجياڭداعى ماقتا ەگەتىن ءىرى اۋدان، ماقتا ەگىلەتىن جەر كولەمى جىل سايىن ءبىر ميلليون 300 مىڭ مۋدان اسادى، ماقتا بازارىنىڭ وزگەرىسى ماقتاشىلاردىڭ ەكونوميكالىق مۇددەسىنە تىكەلەي اسەر ەتەدى.

  اتالعان اۋدان بازاردىڭ ناقتى جاعدايىمەن بىرلەستىرىپ، اۋىل شارۋاشىلىعىنىڭ كاسىپ قۇرىلىمىن دەر كەزىندە رەتتەپ، ءار جىلى ماقتا ەگىلەتىن جەر كولەمىن بىرتىندەپ ازايتتى. ماقتانىڭ ەگىس كولەمىن كەمەيتۋمەن بىرگە، بىرلىك ءونىمدى جانە ساپانى جوعارىلاتۋعا ءمان بەرىپ، جالپى ءونىمدى، ساپانى جانە بازار باسەكەسى قۋاتىن تومەندەتپەۋگە كەپىلدىك ەتىپ، مەملەكەتتىڭ ساپالى تاۋار ماقتا بازاسىندىق ورنىن مىقتى يگەردى. اتالعان اۋدان تاعى شارۋالاردى اۋلا شارۋاشىلىعىن بار كۇشپەن دامىتۋعا جەتەكتەدى، شاعىن جەمىس باقشالارى، كوكونىس باقشالارى، شاعىن قۇس قورالار، شاعىن جىلىجايلار، شاعىن شەبەرحانالار سياقتى بايۋعا باستايتىن جوبالار شارۋالاردىڭ كىرىستى كوپ تاراپتان مولايتۋدىڭ ءدامىن تاتۋىنا مۇمكىندىك بەرىپ، ماقتا ازايعانىمەن تابىس ازايماۋىنا كەپىلدىك ەتتى.

  بيىل اۆتونوميالى رايون ماقتانىڭ وڭىرلىك ورنالاسۋىن ۇزدىكسىز جاقسارتتى، بۇكىل رايون (جەرگىلىكتى ورىندار) ماقتانىڭ ەگىس كولەمىن ءبىر ميلليون مۋدان استام ازايتتى.

  بۇعان سالىستىرمالى تۇردە، اۆتونوميالى رايونىمىزدا ەگۋگە ۇيلەسەتىن، ەكونوميكالىق ونىمدىلىگى جاقسى شاعىن داقىلدار، ەرەكشە داقىلدار تيانشاننىڭ تۇستىگى مەن تەرىستىگىندە وركەن جايا باستادى: تۇرپان قالاسى 2 جىلدان اسقان جەمىس اعاشتارىنىڭ اراسىنا ماقتا ەگۋدى تۇگەلدەي توقتاتىپ، جاڭا ەگىلگەن جەمىس اعاشتارىنا ماقتا ارالاستىرىپ ەكپەيتىن بولدى، ەسەسىنە جەمىس اعاشتارىنىڭ اراسىنا جەر جاڭعاعى، جاسىل بۇرشاق سياقتى بۇرشاق تەكتەس داقىلدار ەگۋ ۇلگىسىندە ىزدەنىس جاساپ، زيرە مەن جەم - ءشوپتى كەزەكتەستىرىپ ەگۋ كولەمىن ارتتىردى؛ بايىنعولين موڭعۇل اۆتونوميالى وبلىسى مال شارۋاشىلىعىنىڭ دامۋىمەن بىرلەستىرىپ، ماقتا اتىزىن جايلىمعا قايتارىپ، ەگىن شارۋاشىلىعىنىڭ قۇرىلىمى «ماقتا جانە ەكونوميكالىق داقىل 2 نەگىزدى قۇرىلىمنان» «ماقتا، ەكونوميكالىق داقىل، جايلىم 3 نەگىزدى قۇرىلىمعا» وزگەردى. قوسۋ، الۋ امالىن جاقسى ىستەۋمەن بىرگە، اۆتونوميالى رايونىمىز «كوبەيتۋ امالىن» ۇتىمدى پايدالانىپ، اۋىل شارۋاشىلىعىنىڭ سالا تىزبەگى قۇرىلىسىن بار كۇشپەن ىلگەرىلەتتى؛ «ءبولۋ امالىن» جاقسى ورىنداپ، جاڭاشا شارۋاشىلىق جۇرگىزۋ ءتۇزىلىسىن ورناتتى. ارتىق ەڭبەككۇشتەردى تەحنيكالىق تاربيەلەۋگە قاتىسۋعا بەلسەنە ىنتالاندىرىپ، قارا كۇشتىك جۇمىس ۇلگىسىنەن شەبەرلىك جۇمىس ۇلگىسىنە كوشۋدى ىسكە اسىردى. جەردەن پايدالانىپ شارۋاشىلىق جۇرگىزۋ ۇقىعىن ءتارتىپتى تۇردە اينالىمعا سالۋعا جەتەكتەپ، كاسىپتىك سەلبەستىك، جارنا سەلبەستىگى، جەردى جارناعا سالۋ، جەردى باسقارۋعا مىندەتتەۋ سياقتى تاسىلدەر قولدانىپ، جاڭاشا اۋىل شارۋاشىلىعىن جۇرگىزۋ جۇيەسىن قالىپتاستىرىپ، اۋىل شارۋاشىلىعىنىڭ دامۋ جولدارىن اشتى.

  اۆتونوميالى رايوندىق ەگىن شارۋاشىلىعى مەڭگەرمەسى پارتيا باسشىلىق گرۋپپاسىنىڭ شۋجيى جۋ گاڭ بىلاي دەدى: «اۆتونوميالى رايونىمىز استىق ءوندىرىسىن ورنىقتىرۋ، ماقتا ءوندىرىسىن رەتتەۋ، قۇرىلعى اۋىل شارۋاشىلىعى كاسىپتەرىن كوبەيتۋ، ەرەكشە اۋىل شارۋاشىلىق كاسىپتەرىن مولايتۋ سىندى كاسىپ قۇرىلىمىن رەتتەۋ وي جەلىسى بويىنشا، نەگىزدى بەكەمدەۋدى، بۇرىلىس جاساۋدى جەبەۋدى، تىڭ ساتىعا كوتەرىلۋدى كورنەكتىلەندىرىپ، استىق، ماقتا، ەرەكشە اۋىل شارۋاشىلىعى، قۇرىلعى اۋىل شارۋاشىلىعى سىندى 4 سالانىڭ ۇزدىكسىز دامۋىنا كەپىلدىك ەتتى».1 - ، 2 - ، 3 - كاسىپ سالالارىنىڭ بىرلەسىپ دامۋى ىلگەرىلەتىلدى

  اۋىل شارۋاشىلىعىن 1 -، 2 -، 3 - كاسىپ سالالارىمەن بىرلەستىرۋدىڭ ماڭىزدى نەگىزدىك رولى بار.

  جىل باسىنان بەرى اۆتونوميالى رايون دامۋ ۇلگىسىنە بارىنشا بۇرىلىس جاساپ، وزىندىك ەرەكشەلىكتەگى اۋىل شارۋاشىلىعىنىڭ 1 -، 2 -، 3 - كاسىپ سالالارىمەن بىرلەسىپ دامۋىن جەبەدى، سونىمەن قاتار «ينتەرنەت + اۋىل شارۋاشىلىعى» وي جەلىسىن باتىلدىقپەن سىناقتان وتكىزىپ، اۋىل شارۋاشىلىعىن وسىزامانداندىرۋ، كاسىپ سالالاندىرۋ ورەسىن جوعارىلاتتى.

  تۇرپان قالاسى ەدىقۇت رايونى ايدىنكول اۋىلى جاڭزا قىستاعىنىڭ تۇرعىنى اديلا تۇرسىن بيىل جۇزىمدەرىن وتكىزەتىن تىڭ ورىن تاپتى. ول: بيىل شاراپحانامەن توقتامعا قول قويىستىم، ءجۇزىم جيىلىسىمەن شاراپحانانىڭ قوجايىنى تىكە الىپ كەتىپ شاراپ اشىتاتىن بولدى، بىزگە كوپ جەڭىلدىك جاسادى، - دەدى.

  «ءجۇزىم قالاسى» اتاعىن ونان ارى اسىرۋ ءۇشىن، تۇرپان قالاسى «ۇشتەن ءبىر بولەگىن شاراپ اشىتۋ، ۇشتەن ءبىر بولەگىن كەپتىرۋ، ۇشتەن ءبىر بولەگىن جاستاي ساتۋداي» ءجۇزىم كاسىبىن دامىتۋ وي جەلىسىن العا قويىپ، 10 ميلليارد يۋاندىق قۇن جاراتاتىن ءجۇزىم جانە ءجۇزىم شارابى كاسىبىن دامىتۋعا كۇش سالدى. 20 مىڭ مۋلىق ۇلگى كورسەتۋ ءجۇزىم بازاسىن، 54 مىڭ مۋلىق شاراپ اشىتاتىن ءجۇزىم بازاسىن قۇردى. ءجۇزىم شارابى كاسىپورىندارىنىڭ شاڭىراق كوتەرۋىن قولداپ، 92 شاراپحانامەن كەلىسىمگە كەلىستى، 66 كاسىپورىن سالىنىپ، 10 نەشەۋى سالىنىپ ءبىتىپ وندىرىسكە قوسىلدى. تۇرپان قالاسى «ءجۇزىم شاراپحاناسى + ساياحات كاسىبى + سەرۋەندەۋ + مادەنيەت + ەلەكتروندى ساۋدا تەكشەسى» سياقتى كاسىپ سالاسى ۇلگىسىن العا قويىپ، ءجۇزىم شارابىن وزەك ەتكەن، ءجۇزىم باعىن سەرۋەندەۋ، ءجۇزىم شارابىن اشىتۋ، ءجۇزىم شارابى ونىمدەرىن ساراپتاۋ، وزىندىك ەرەكشەلىكتەگى اس - سۋ، مادەنيەت كوڭىل اشۋ، ەكولوگيالىق ساياحات سياقتىلار ءبىر تۇلعالاندىرىلعان ءجۇزىم شاراپحاناسى كاسىبى جەلىسىن قالىپتاستىردى. تۇرپان قالاسى ورىك گۇلى مەرەكەسى، ءجۇزىم مەرەكەسى، شاراپحانا ساياحاتى سياقتى جەلىلەس

  ساياحات مادەنيەت قيمىلدارىن دەن قويا جوبالاپ، اتقارىپ، سارا اۋىل شاراشىلىعى مەن ساياحات شارۋاشىلىعىن ۇشتاستىرىپ، ءار ۇلت بۇقاراسىن تيىمدىلىككە كەنەلدىردى، تۇرپاننىڭ اتاعى دا اسقاقتاي ءتۇستى.

  «اۋىل شارۋاشىلىعى + ساياحات» تاماشا كورىنىس رايونىن قالىپتاستىردى. جىل باسىنان بەرى، اۆتونوميالى رايون اۋىل شارۋاشىلىعىندىق سەيىل - سەرۋەن دەڭگەيىن جوعارىلاتۋ ينجەنەرياسىن بارىنشا اتقاردى. اۋىل - قىستاق ەرەكشەلىگىندەگى ۇلتتىق سالت - سانا مادەنيەتى مەن وزىندىك ەرەكشەلىكتەگى ساياحات بايلىعىن كورنەكتىلەندىرىپ، تاڭداۋلى سەيىل - سەرۋەن اۋىل شارۋاشىلىعى شوعىرلى رايونىن، كاسىپ سالاسى بەلدەۋىن، سەرۋەن بازاسىن جوعارى ولشەممەن جوبالاپ، ساياحاتتىق اۋىل شارۋاشىلىعىنىڭ، جاڭالىققا يە اۋىل شارۋاشىلىعىنىڭ، كۇتىمدەلۋ اۋىل شارۋاشىلىعىنىڭ دامۋىن جەبەدى. بيىل قازانعا دەيىن، سەيىل - سەرۋەن اۋىل شارۋاشىلىعىمەن شۇعىلدانعان تيجارات ۇيىمدارى 5818گە، تيجارات سوماسى 2 ميلليارد 564 ميلليون يۋانعا جەتتى.

  كوپ ءتۇرلى شارا قاتار قولدانىلىپ، شارۋالاردىڭ كىرىسى ارتتى«اۋىل شارۋاشىلىعىن وسىزامانداندىرۋ مەن اۋىل - قىستاقتاردى جاپپاي دوڭگەلەك داۋلەتتى ورەگە جەتكىزۋ نىساناسىن جۇزەگە اسىرۋدىڭ تەتىگى − شارۋالاردىڭ كىرىسىندە». جۋ گاڭ بيىل اۆتونوميالى رايوننىڭ كوپ ءتۇرلى شارانى قاتار قولدانىپ، الۋان ءتۇرلى جولدارمەن، شارۋالاردى كاسىپتەندىرىپ كىرىسىن ارتتىرۋدىڭ تىڭ جولىن اشىپ، شارۋالاردىڭ كىرىسىن ارتتىرىپ، اۋقاتتاندىرۋعا كۇش سالعاندىعىن ايتتى. اۋىل شارۋاشىلىعىندىق رايون تۇرعىسىنان، شينجياڭنىڭ اۋىل - قىستاقتارىنداعى حالىق سانى جالپى حالىق سانىنىڭ %56ىن يەلەيدى. بيىل اۆتونوميالى رايون شارۋالاردىڭ كىرىسىن ارتتىرۋدى «اۋىل شارۋاشىلىعى، اۋىل - قىستاق، شارۋالار» قىزمەتىندەگى وزەكتى نىسانا ەتىپ، اۋىل شارۋاشىلىق ونىمدەرىن العاشقى ادىمدا مانەرلەۋ نىساندارىن بارىنشا ىلگەرىلەتىپ، اۋىل شارۋاشىلىق ماشينالارى تەحنيكاسىن جالپىلاستىرۋدى كۇشەيتىپ، ماشينالاندىرۋ بارىسىن جەدەل ىلگەرىلەتتى، اۋىل شارۋاشىلىق ماشينالارىن ساتىپ الۋعا كومەك قاراجات بەرۋ سىندى شارۋالارعا تيىمدىلىك جاساۋ ساياساتىن جاپپاي تياناقتاندىرىپ، اۋىل شارۋاشىلىعى بويىنشا كەدەيلەردى دالمە - ءدال سۇيەمەلدەۋدى تىڭعىلىقتى ىلگەرىلەتتى. اۋىل شارۋاشىلىعىن نىعايتۋ، اۋىل - قىستاققا تيىمدىلىك جاساۋ، شارۋالاردى اۋقاتتاندىرۋ ساياساتى شارۋالاردىڭ كىرىسىن بارىنشا ارتتىردى.

  بيىل الدىڭعى 3 توقساندا، رايونىمىزداعى اۋىل - قىستاق تۇرعىندارىنىڭ جان باسىندىق قولداعى تابىسى 3199 يۋانعا جەتىپ، %7.3 ارتىپ، بۇكىل ەلىمىزدىكىنەن %0.8 جوعارى بولدى.

  وڭتۇستىك شينجياڭ − رايونىمىزداعى كەدەيلىكتەن قۇتىلدىرۋدان قامال الۋداعى نەگىزگى شايقاس مايدانى ءارى اۋىل شارۋاشىلىعى بويىنشا كەدەيلىكتەن دالمە - ءدال سۇيەمەلدەۋدەگى ماڭىزدى ءتۇيىن. اۆتونوميالى رايون «وزىندىك ەرەكشەلىكتەگى كاسىپ سالاسى ارقىلى جەتەكشىلىك ەتۋ» ارناۋلى قيمىلىن كۇش سالا اتقارىپ، اۋىل شارۋاشىلىعىن كاسىپ سالالاندىرۋدى، اۋىل شارۋاشىلىق ونىمدەرىن مانەرلەۋدى، سەيىل - سەرۋەن اۋىل شارۋاشىلىعىن وڭتۇستىك شينجياڭنىڭ كەدەيلىكتەن قۇتىلدىرۋ قىزمەتىندەگى باستى تۇيىنگە اينالدىردى.

  بيىل اۆتونوميالى رايوندىق ەگىن شارۋاشىلىق مەڭگەرمەسى «ەگىن شارۋاشىلىق مەڭگەرمەسىنىڭ كەدەيلىكتەن قۇتىلدىرۋدان قامال الۋدا <مىقتى يگەرەتىن 5 ءتۇيىندى> اتقارۋ جوباسى»، «ەگىن شارۋاشىلىق مەڭگەرمەسىنىڭ كەدەيلىكتەن قۇتىلدىرۋدان قامال الۋ قىزمەتىن تياناقتاندىرۋ جوباسى»، «ەگىن شارۋاشىلىق مەڭگەرمەسىنىڭ حوتان ايماعىنىڭ كەدەيلىكتەن قۇتىلدىرۋدان قامال الۋىن جەدەل دامىتۋ جونىندەگى مىندەت ءبولىسى جوباسى»، «ەگىن شارۋاشىلىق مەڭگەرمەسىنىڭ قىزىلسۋ قىرعىز اۆتونوميالى وبلىسىنىڭ كەدەيلىكتەن قۇتىلدىرۋدان قامال الۋ، حالىقتى اۋقاتتاندىرۋ، شەكارا ءوڭىردى بەكەمدەۋ قىزمەت مىندەتىن ءبولۋ جوباسى» سياقتى 6 جوبانى باسىپ تاراتىپ، اۋىل شارۋاشىلىق قازىنا ارناۋلى قاراجاتىن بارىنشا كەدەي اۋداندارعا قاراي شوعىرلاندىردى. سونىمەن قاتار «استىقتى ورنىقتىرۋ، ماقتا ەگىلەتىن جەرلەردى رەتتەۋ، جەمىس ونىمدەرىن ساپالىلاندىرۋ، مال شارۋاشىلىعىن دامىتۋ» ناقتى تالابى بويىنشا، وڭتۇستىك شينجياڭنىڭ اۋىل شارۋاشىلىعىن كاسىپ سالالاندىرۋ، جىنتىكتەي مانەرلەۋ جولىمەن ءجۇرۋىن، وزىندىك قۇندى ارتتىرىپ، تۇتاس كاسىپ سالاسى جەلىسىن دامىتۋىن، وڭتۇستىك شينجياڭنىڭ اۋىل شارۋاشىلىعى جاعىنداعى رولدارىن ساۋلەلەندىرۋ ارقىلى، اۋىل شارۋاشىلىعىن ىشكەرىلەي، كەڭ كولەمدە دامىتۋعا كۇش سالۋىن جەبەدى.

  بيىل اۆتونوميالى رايون وڭتۇستىك شينجياڭداعى 3 ايماق، ءبىر وبلىستىڭ اۋلا شارۋاشىلىعى قۇرىلىس نىساندارىنىڭ كولەمىن ونان ارى كەڭەيتۋگە 94 ميلليون 870 مىڭ يۋان قارجى تياناقتاندىردى. بۇل 3 ايماق، ءبىر وبلىستاعى 31 اۋداندى (قالا)، 435 كەدەي قىستاقتى شارپيدى، مۇندا 26 كەدەي اۋدان، 9100دەن استام كەدەي وتباسى قامتىلعان، تيىمدىلىكتەن يگىلىكتەنگەن شارۋالار 36 مىڭ. سىناق رەتىندە ۇلگى كورسەتەتىن وتباسىلارعا 20 مىڭ يۋان كومەك قاراجات بەرۋدەن سىرت، قالعان وتباسىلارعا 10 مىڭ يۋان كومەك قاراجات بەرىلدى.

  اۋلا شارۋاشىلىعى نىساندارىن اتقارۋ وڭتۇستىك شينجياڭنىڭ ادام كوپ، جەر از بولۋ قايشىلىعىن شەشۋدە، اۋىل - قىستاقتارداعى ارتىق ەڭبەككۇشتەردى كاسىپتەندىرۋدە كورنەكتى رول اتقاردى، باعىمشىلىق، ەگىمشىلىك، مانەرلەۋ رايوندارىن ايىرۋ ۇلگىسى ارقىلى اۋلا شارۋاشىلىعى وڭتۇستىك شينجياڭداعى شارۋالاردىڭ كىرىس كوزىنە اينالدى.

  «13 - بەسجىلدىق» جوبا كەزى − اۋىل شارۋاشىلىعىنىڭ دامۋ ۇلگىسىنە بۇرىلىس جاساۋدى جەدەلدەتىن، وسى زامانعى اۋىل شارۋاشىلىعىنىڭ تيپىن وزگەرتىپ، دارەجەسىن جوعارىلاتۋدى جەبەيتىن شەشۋشى مەزگىل. اۆتونوميالى رايون تىڭ نىسانانى بەتكە الىپ قۇلشىنۋدا؛ وسى زامانعى اۋىل شارۋاشىلىق كاسىپ سالاسى جۇيەسىن، ءوندىرىس جۇيەسىن، تيجارات جۇيەسىن قالىپتاستىرىپ، ونىمدىلىگى جوعارى، ءونىمى حاۋىپسىز، بايلىق ۇنەمدەلگەن، ورتاسى جاقسى اۋىل شارۋاشىلىعىن وسىزامانداندىرۋ جولىن اشۋعا كۇش سالۋدا. 2020 - جىلعا دەيىن، تەحنيكالىق جابدىعى وزىق، تيجارات كولەمى لايىقتى، 1 -، 2 -، 3 - كاسىپ سالاسى توعىسقان، سانىنا، ساپاسىنا، ونىمدىلىگىنە بىردەي ءمان بەرىلگەن، ەكولوگيالىق ورتاسى جاقسى وسى زامانعى اۋىل شارۋاشىلىعىنىڭ دامۋ جاڭا جاعدايىن قالىپتاستىرۋعا كۇش سالادى.

  كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.