- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جۇڭگو حالىق ساياسي ءماسليحات كەڭەسى شينجياڭ ۇيعۇر اۆتونوميالى رايوندىق 11 - كەزەكتى كوميتەتى تۇراقتى كوميتەتىنىڭ قىزمەتىنەن بايانداما
نۇرلان ءابىلماجىن ۇلى
2017.01.19 13:25 كەلۋ قاينارى : شينجياڭ گازەتى
مۇشەلەر:
مەن ساياسي كەڭەس شينجياڭ ۇيعۇر اۆتونوميالى رايوندىق 11 - كەزەكتى كوميتەتىنىڭ تۇراقتى كوميتەتى اتىنان ماجىلىسكە قىزمەتتەن بايانداما جاسايمىن، قاراپ شىعۋلارىڭىزدى سۇرايمىن.
بۇل رەتكى ءماجىلىستىڭ باستى تاقىرىبى − وتانشىلدىق جانە سوتسياليزم تۋىن بيىك ۇستاپ، ىنتىماق، دەموكراتيا سىندى ەكى ۇلكەن تاقىرىپتان جازباي، تۇتاس رايونىمىزداعى ءار دارەجەلى ساياسي كەڭەس ۇيىمدارىن، ءار سالاداعى ءار ۇلت ساياسي كەڭەس مۇشەلەرىن، قالىڭ ساياسي كەڭەس كادرلارىن ج ك پ 18 - قۇرىلتايىنىڭ جانە پارتيا 18 - كەزەكتى ورتالىق كوميتەتى ءۇشىنشى، ءتورتىنشى، بەسىنشى، التىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، باس شۋجي شي جينپيڭنىڭ جەلىلەس ماڭىزدى سوزدەرىنىڭ، وتە - موتە، ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە جانە شينجياڭدى كوزدەن كەشىرگەندە سويلەگەن ماڭىزدى سوزدەرىنىڭ رۋحىن ىشكەرىلەي تياناقتاندىرىپ، ج ك پ اۆتونوميالى رايوندىق 9 - قۇرىلتايى ايقىن بەلگىلەگەن جەتەكشى يدەيانى، نەگىزگى تالاپتى، كۇرەس نىساناسىن جانە كەلەلى شارالاردى دايەكتىلەندىرىپ، تياناقتاندىرىپ، ىرىقتىلىقپەن ىسكە كىرىسىپ، ءورىس اشا جاڭالىق جاساپ، ساياسي ءماسليحاتتاسۋ، دەموكراتيالىق باقىلاۋ، ۇكىمەت ىسىنە قاتىسۋ، ۇكىمەت ءىسىن كەڭەسۋ فۋنكتسياسىن مۇقيات اتقارىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ، ىنتىماقتى، جاراسىمدى، كوركەيىپ - گۇلدەنگەن، باي، وركەنيەتتى، العا باسقان، الاڭسىز شارۋاشىلىقپەن شۇعىلداناتىن سوتسياليستىك شينجياڭ قۇرۋعا تىڭ ۇلەس قوسۋ.
ءبىرىنشى، 2016 - جىلعى قىزمەتتەرگە شولۋ
2016 - جىل − جاپپاي دوڭگەلەك داۋلەتتى قوعام قۇرۋدىڭ شەشۋشى كەزەڭىنە وتكەن العاشقى جىل، سونداي - اق شينجياڭ قىزمەتىنىڭ جاڭا جاعدايىن اشۋداعى ماڭىزدى جىل بولدى. ج ك پ اۆتونوميالى رايوندىق 9 - قۇرىلتايى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن جاپپاي دايەكتى تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، مۇنان بىلايعى 5 جىلداعى شينجياڭ قىزمەتى تۋرالى ماڭىزدى ورنالاستىرۋ جاساپ، «ءبىر باس نىسانادان» مىزعىماۋدىڭ، «ءبىر جان تامىرمەن» بىتە قايناسۋدىڭ، «ەكى شەشۋشى ءتۇيىندى يگەرۋدىڭ»، «جەلىلەس مەحانيزمدى» كەمەلدەندىرۋدىڭ، «ءتورتتى قۇلشىنا ورىنداۋدىڭ»، «ءبىر جاقسى جاعداي» جاراتۋدىڭ جاڭا تالاپتارىن انىق العا قويدى، «قوعامدىق جالپى جاعدايدىڭ جاراسىمدى، ورنىقتى بولۋى، دوڭگەلەك داۋلەتتى قوعام قۇرۋ، كەدەيلەردى دەر كەزىندە كەدەيلىكتەن قۇتىلدىرۋ، ەكولوگيالىق ورتانىڭ جاقسى قالپىن ساقتاۋ» جونىندەگى كۇرەس نىساناسىن اشالاپ، 10 جاقتاعى كەلەلى شارانى ايقىن بەلگىلەدى، قىزمەتتەر دايەكتى دە پارمەندى، تىڭعىلىقتى دا ءونىمدى بولىپ، شينجياڭنىڭ ءار الۋان ىستەرى تىڭ بەلەستەن جاڭا ساپارعا قادام تاستادى.
وتكەن ءبىر جىلدا مەملەكەتتىك ساياسي كەڭەس شينجياڭنىڭ ساياسي كەڭەس قىزمەتىنە توتەنشە كوڭىل ءبولىپ، ونى قولداپ - قۋاتتادى. ءتوراعا يۇي جىڭشىڭ ماڭىزدى بەكىتۋ جازىپ، «شينجياڭ ساياسي كەڭەسىنىڭ اۆتونوميالى رايوندىق پارتكومنىڭ باسشىلىعىندا، پارتيا ورتالىق كوميتەتىنىڭ باعىتىن مۇقيات دايەكتىلەندىرىپ، شينجياڭنىڭ قوعام ورنىقتىلىعى مەن باياندى تىنىشتىعىنا، شينجياڭنىڭ ەكونوميكالىق، قوعامدىق دامۋى مەن حالىق تۇرمىسىنىڭ جاقسارۋىنا اناعۇرلىم كوپ ۇلەس قوسۋىن» تالاپ ەتتى. اۆتونوميالى رايوندىق پارتكوم ساياسي كەڭەس قىزمەتىنە وسكەلەڭ ءمان بەرىپ، ونى قولداپ - قۋاتتادى. چىن چۋانگو شۋجي اۆتونوميالى رايوندىق ساياسي كەڭەستىڭ ورگانىنا ارنايى كەلىپ، قىزمەتتەردى تەكسەرىپ - زەرتتەدى جانە وعان جەتەكشىلىك ەتتى، ساياسي كەڭەس قىزمەتى جونىندە تالاي رەت ماڭىزدى نۇسقاۋ بەرىپ، بەكىتۋ جازىپ، تۇتاس رايونىمىزداعى ءار دارەجەلى ساياسي كەڭەس ۇيىمدارىنىڭ قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، قىزمەت فۋنكتسياسىن اناعۇرلىم جاقسى وتەۋى، رولىن بارىنشا جاقسى ساۋلەلەندىرۋى تۋرالى تىڭ تالاپ قويدى. مەملەكەتتىك ساياسي كەڭەستىڭ كوڭىل بولۋىندە، جەتەكشىلىك ەتۋىندە جانە اۆتونوميالى رايوندىق پارتكومنىڭ پارمەندى باسشىلىعىندا، تۇتاس رايونىمىزداعى ءار دارەجەلى ساياسي كەڭەس ۇيىمدارى باس شۋجي شي جينپيڭ العا قويعان «ساياسي كەڭەسە ءبىلۋ، ءماسليحاتتاسا الۋ، ۇكىمەت ءىسىن اقىلداسۋعا شەبەر بولۋ» تالابى بويىنشا، حالىق ساياسي كەڭەسىنە قاتىناسقان پارتيا - توپتاردى، ءار سالاداعى ءار ۇلت قايراتكەرلەرىن كەڭ كولەمدە ىنتىماقتاستىرىپ، «بەستى ءبىرتۇلعالاندىرۋ» جالپى ورنالاستىرۋىن ىلگەرىلەتۋ مەن «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى جەبەۋدى ءبىر تۇتاس جوسپارلاپ، باس نىسانانى ارقاۋ ەتىپ، قىزمەتتە جاڭالىق اشۋدى دەمەپ، فۋنكتسيا اتقارۋ قابىلەتىن جوعارىلاتىپ، شينجياڭنىڭ رەفورما جاساۋ، ەسىك اشۋ ىستەرى مەن ەكونوميكالىق، قوعامدىق دامۋىن ىلگەرىلەتۋگە زەيىن - زەردەنى شوعىرلاندىرىپ، كۇش - قۋات ۇستەپ، قوعام ورنىقتىلىعى مەن باياندى تىنىشتىعىن جەبەۋگە بەلسەنە ۇلەس قوستى.
ءبىر جىلدان بەرى، ساياسي كەڭەستىڭ تۇراقتى كوميتەتى قىزمەت بارىسىندا قىزمەت تۇيىندەرىن كورنەكتىلەندىرىپ، ەرەكشەلىگىن ايگىلەدى، باستىسى، مىناداي جۇمىستار ىستەدى:
ءبىرىنشى، تەكشەنى جاڭالاپ، ۇيرەنۋ، ءجون سىلتەپ، جول كورسەتۋ رولىن اناعۇرلىم جاقسى ساۋلەلەندىردى. ۇيرەنۋ ءىسىن كۇشەيتۋدى ساياسي كەڭەستىڭ فۋنكتسيا اتقارۋىنىڭ باستى بورىشى، جاڭالىق جاساۋىنىڭ ارقاۋى ەتىپ، ۇيرەنۋ سيپاتىندىق ۇيىم قۇرۋدى نەگىزگە الىپ، ساياسي كەڭەس پارتيا باسشىلىق گرۋپپاسىنىڭ توپتىق ۇيرەنۋى مەن تۇراقتى كوميتەتتىڭ ارناۋلى پىسىقتاۋى نەگىزىندە، «شينجياڭ ساياسي كەڭەس. ىزگىلىك مىنبەسى»، ءمورال ساباقحاناسى، ارناۋلى لەكسيا سىندى ءۇش ۇلكەن ۇيرەنۋ تەكشەسىن قۇرىپ، باس شۋجي شي جينپيڭنىڭ جەلىلەس ماڭىزدى سوزدەرى، پارتيا ورتالىق كوميتەتىنىڭ شينجياڭ قىزمەتى جونىندەگى كەلەلى ساياسي باعىتى، پارتيا 18 - قۇرىلتايىنان بەرگى كەڭەستىك دەموكراتيانىڭ جاڭا جۇلگەسى مەن حالىق ساياسي كەڭەسى، پارتيانىڭ تارتىبىنە قاتاڭ بويسۇنۋ، حالىقارالىق ستراتەگيالىق جاعداي جانە ىرگەلەس ەلدەردەگى تولعاقتى ماسەلەلەر، «ءبىر بەلدەۋ، ءبىر جول» جانە جۇڭگو ەكونوميكاسىنىڭ دامۋى، لاڭكەستىككە قارسى تۇرۋ كۇرەسىنىڭ جاعدايى سەكىلدى مازمۇنداردى ارقاۋ ەتىپ، پارتيا باسشىلىق گرۋپپاسى مەن تۇراقتى كوميتەتتىڭ توپتىق ۇيرەنۋىن 24 رەت، جەلىلەس لەكسيا جينالىسىن 23 كەزەك وتكىزدى، وعان قاتىناسقاندار جيىنى 5100 ادام - رەتكە جەتتى؛ ايماقتىق، وبلىستىق، قالالىق، توتە قاراستى اۋدان دارەجەلى قالالىق ساياسي كەڭەستەر توپتىق ۇيرەنۋ، ارناۋلى ۇيرەنۋ قيمىلدارىن جيىنى 697 رەت ۇيىمداستىردى، وعان قاتىناسقاندار 22 مىڭ ادام - رەتتەن استى، ءسويتىپ، تانىمدى كۇش سالا جوعارىلاتىپ، قابىلەتتى ارتتىرىپ، قىزمەتتەردى ىلگەرىلەتتى.
ەكىنشى، كەڭەستىك دەموكراتيا مەحانيزمىن كەمەلدەندىرىپ، ءماسليحاتتاسۋ، كەڭەسۋ ونىمدىلىگىن جوعارىلاتتى. ج ك پ ورتالىق كوميتەتىنىڭ سوتسياليستىك كەڭەستىك دەموكراتيا قۇرىلىسىن كۇشەيتۋ جونىندەگى پىكىرى مەن حالىق ساياسي كەڭەسىنىڭ كەڭەستىك دەموكراتيا قۇرىلىسىن كۇشەيتۋ جونىندەگى اتقارۋ پىكىرىن دايەكتى تياناقتاندىردى، اۆتونوميالى رايوندىق پارتكوم حالىق ساياسي كەڭەسىنىڭ كەڭەستىك دەموكراتيا قۇرىلىسىن اناعۇرلىم كۇشەيتۋ جونىندەگى اتقارۋ پىكىرىن شىعارىپ، ساياسي كەڭەستىڭ ءماسليحاتتاسۋ پرينسيبى، مازمۇنى، فورماسى، ءتارتىبى، ناتيجەسىن كادەگە جاراتۋ، ءماسليحاتتاسۋ قابىلەتى قۇرىلىسى سەكىلدىلەردى ايقىنداپ، كەڭەسۋ تاقىرىبىن العا قويۋ مەحانيزمىن، ءتۇيىندى كەڭەس تاقىرىپتارىن بىرلەسىپ اقىلداسۋ مەحانيزمىن، ساياسي كەڭەستىڭ ءماسليحاتى مەن پارتيا، ۇكىمەت ورىندارىنىڭ شەشىمىن قابىستىرۋ ءتۇزىمىن جۇيەگە ءتۇسىرىپ، ساياسي كەڭەس كەڭەستىك دەموكراتياسىنىڭ نەعۇرلىم جۇيەلى، ءتارتىپتى ورىستەتىلۋىن جەبەدى. ءماسليحات جوسپارىن جاساپ اتقارۋدى پارتكومنىڭ قىزمەت ورنالاستىرۋىن دايەكتى تياناقتاندىرۋدىڭ ماڭىزدى فورماسى ەتىپ، جالپى ءماجىلىس، تۇراقتى كوميتەت ءماجىلىسى، ارناۋلى ءماسليحات جيىنى، ايلىق ءماسليحات اڭگىمە ءماجىلىسى تۇزىمىنە تاباندى بولىپ جانە ونى جاقسارتىپ، كەڭ سالالى، كوپ جىكتى، قالىپتاندىرىلعان ءماسليحات جۇلگەسىن كەمەلدەندىردى. ءبىر جىلدان بەرى، جىلدىق ءماسليحات جوسپارىن ورىنداۋدان سىرت، 91 ءتۇرلى كوزدەن كەشىرۋ، تەكسەرىپ - زەرتتەۋ قيمىلىن، 153 رەت ءماسليحات قيمىلىن وتكىزدى، جالپى مۇشەلەر سانىنىڭ %79ىن ۇستايتىن 406 مۇشە مۇنداي قيمىلدارعا 1073 ادام - رەت قاتىناستى؛ ايماقتىق، وبلىستىق، قالالىق، توتە قاراستى اۋدان دارەجەلى قالالىق ساياسي كەڭەستەر جيىنى 601 ءتۇرلى ءماسليحات جوسپارىن اتقارىپ، 256 رەت تەكسەرىپ - زەرتتەۋ، كوزدەن كەشىرۋ قيمىلىن ورىستەتىپ، 2616 ۇسىنىس جوبا دايىنداپ، اۆتونوميالى رايوندىق ساياسي كەڭەستىڭ ماجىلىستەرىندە 28 رەت ارناۋلى تاقىرىپتا ءسوز سويلەدى.
ءۇشىنشى، قىزمەت قۇرىلىمىن ساپالىلاندىرىپ، فۋنكتسيا اتقارۋداعى ءىس جۇزىندىك قابىلەتىن جوعارىلاتتى. اۆتونوميالى رايوندىق پارتكومنىڭ ساياسي كەڭەستىڭ فۋنكتسيا اتقارۋ قابىلەتى قۇرىلىسىن كۇشەيتۋ جونىندەگى تالابىنا ساي، مۇشەلەرمەن بايلانىس قۇرىلىمىن قۇرىپ، «مۇشەلەردىڭ فۋنكتسيا اتقارۋىن باسقارۋ ءادىسىن» شىعارىپ، ساياسي كەڭەس پەن پارتكوم ۇيىمداستىرۋ، بىرلىكساپ تاراۋلارىنىڭ بايلانىس جاساۋ مەحانيزمىن كەمەلدەندىرىپ، جالپى ءماجىلىستىڭ، تۇراقتى كوميتەت ءماجىلىسىنىڭ ءماجىلىس ستيلىن، ءتارتىبىن باقىلاۋ - تەكسەرۋ ءتۇزىمىن ورناتىپ، مۇشەلەردىڭ فۋنكتسيا اتقارۋىنا تاربيەنى، تالاپتى، ولاردى باسقارۋ مەن باقىلاۋدى كۇشەيتتى. ارناۋلى كوميتەتتەردىڭ قۇرىلىسىن نىعايتىپ، «ساياسي كەڭەس ارناۋلى كوميتەتتەرىنىڭ جالپى ەرەجەسىنە» وزگەرىس ەنگىزىپ، اۋىل شارۋاشىلىعى كوميتەتىن قۇرىپ، ساياسي كەڭەستىڭ فۋنكتسيا اتقارۋ قاجەتىن قامتاماسىز ەتتى. كەيبىر ايماقتىق، وبلىستىق، قالالىق ساياسي كەڭەستەر اۋىل - قالاشىق، ءمالى ساياسي كەڭەس قىزمەت كوميتەتىن نەمەسە مۇشەلەردىڭ قىزمەتتە بايلانىس جاساۋ كەڭسەلەرىن جاقسارتىپ، مۇشەلەر الەۋمەتتىك اۋماقتاردا (وتباسىندا) ىستەردى كەڭەسۋ تۇيىندەرىن بەلگىلەپ، ساياسي كەڭەستىڭ نەگىزگى ساتىلارعا، بۇقاراعا قىزمەت وتەۋدەگى فۋنكتسيا اتقارۋ قابىلەتىن جوعارىلاتىپ، ءار ۇلت قاۋىمىنا ساياسي كەڭەس مۇشەلەرى قاسىنان تابىلاتىنىن، حالىق ساياسي كەڭەسى وزدەرىمەن ەتەنە ەكەنىن شىنايى سەزىندىردى.
ءتورتىنشى، ماسەلە شەشۋدى بەتالىس ەتىپ، دەموكراتيالىق باقىلاۋ فۋنكتسياسىن نىعايتتى. ورىستەتىلەتىن باقىلاۋدىڭ جوسپارى، تاقىرىبى، ءتۇرى، ناتيجەسى بولۋ تالابىنا ساي، تەكسەرىپ - زەرتتەۋدى، ءماسليحاتتاسۋدى، باقىلاۋدى ورگانيكالى ۇشتاستىرىپ، ۇلتتار ىنتىماعى، قوعام ورنىقتىلىعى، رەفورما - دامۋ، حالىق تۇرمىسى قۇرىلىسى، كەدەيلىكتەن دالمە - ءدال قۇتىلدىرۋ سەكىلدى كەلەلى شارالاردىڭ تياناقتانۋىن نەگىزگە الىپ، ارنايى كوزدەن كەشىرۋ گرۋپپالارىن ۇيىمداستىرىپ، اۋىل - قىستاقتا بالالاردى وقۋعا تۇسۋدەن ىلگەرى 3 جىل قوس تىلدە تەگىن تاربيەلەۋ، جالپى حالىقتىڭ دەنساۋلىعىن تەكسەرتۋ، ءۇرىمجى ەرەنقابىرعا تاۋىندا كەن ونىمدەرى بايلىعىن اشۋ جانە ەكولوگيانى وڭاۋ، ىلە وبلىسىنىڭ قورعاس اۋدانىنداعى شىباراعاش سۋ قويماسى قۇرىلىسى جانە ونىڭ ماڭىنداعى ەلدى كوشىرۋ سەكىلدىلەر جونىندە ارناۋلى احۋالدارمەن تانىسىپ، پىكىر - ۇسىنىستاردى العا قويدى، بۇلارعا اۆتونوميالى رايوننىڭ پارتيا، ۇكىمەت ورىندارىنداعى نەگىزگى باسشىلار باسا ءمان بەردى جانە بەكىتۋ جازدى. ونەركاسىپ سالاسىندا ەنەرگيا ۇنەمدەپ، لاستىقتى ىعىستىرۋدى ازايتۋ، مۇزدىقتاردى قورعاۋ، وڭتۇستىك شينجياڭدا قۇمايتتانۋدان ساقتانۋ، قۇمدى تىزگىندەۋ، ورتا، باستاۋىش مەكتەپتەردە فۋتبول ىستەرىن وركەندەتۋ، سونداي - اق «ازىق - تۇلىك حاۋىپسىزدىگى زاڭى»، «اۆتونوميالى رايوننىڭ ۇلتتار ىنتىماعى، العاباسارلىعى قىزمەت ەرەجەسى»، «اۆتونوميالى رايوننىڭ ءدىن ىستەرى ەرەجەسى» سىندى زاڭ - ەرەجەلەردىڭ اتقارىلۋ احۋالى سەكىلدىلەردى ارقاۋ ەتىپ، باقىلاۋ سيپاتى كۇشتى 21 ءتۇرلى تەكسەرىپ - زەرتتەۋ، ۇكىمەت ىسىنە قاتىسۋ قيمىلىن ورىستەتىپ، پىكىر - ۇسىنىستاردى جاۋاپكەرشىلىكپەن مۇقيات العا قويدى. ايماقتىق، وبلىستىق، قالالىق، توتە قاراستى اۋدان دارەجەلى قالالىق ساياسي كەڭەستەر نازاردى اۆتونوميالى رايوننىڭ وزەكتى قىزمەتىنە شوعىرلاندىرىپ، جيىنى 112 ءتۇرلى دەموكراتيالىق باقىلاۋ قيمىلىن ورىستەتىپ، قاتىستى قىزمەتتەردىڭ جاقسارۋى مەن نىعايۋىن دەمەدى.
ءبىر جىلدان بەرى، ءبىز وزەكتى ارقاۋ ەتىپ، جالپى جاعدايعا قىزمەت وتەپ، فۋنكتسيانى مۇقيات اتقارىپ، باستىسى، مىناداي جاقتاردا قىزمەت ورىستەتتىك:
(1) يدەيالىق قۇرىلىستى كۇشەيتىپ، ورتاق يدەيالىق - ساياسي نەگىزدى بەكەمدەدىك. ج ك پ 18 - قۇرىلتايىنىڭ جانە پارتيا 18 - كەزەكتى ورتالىق كوميتەتى ءۇشىنشى، ءتورتىنشى، بەسىنشى، التىنشى جالپى ماجىلىستەرىنىڭ رۋحىن، باس شۋجي شي جينپيڭنىڭ جەلىلەس ماڭىزدى سوزدەرىنىڭ، وتە - موتە، ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە جانە شينجياڭدى كوزدەن كەشىرگەندە سويلەگەن ماڭىزدى سوزدەرىنىڭ رۋحىن، پارتيا ورتالىق كوميتەتىنىڭ حالىق ساياسي كەڭەسىنىڭ قىزمەتى جونىندەگى سونى يدەياسىن، جاڭا ورنالاستىرۋىن، تىڭ تالابىن، سونداي - اق ساياسي كەڭەس مەملەكەتتىك 12 - كەزەكتى كوميتەتى 4 - ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، جۇڭگوشا سوتسياليزمگە تاباندى بولۋ مەن ونى دامىتۋدى باستان - اياق ورتاق يدەيالىق - ساياسي نەگىزدى بەكەمدەۋدىڭ باستى ارقاۋى ەتىپ، جۇڭگوشا سوتسياليزم جولىنا، نازارياسىنا، تۇزىمىنە، مادەنيەتكە سەنىمدى بەكەمدەدىك. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، ج ك پ اۆتونوميالى رايوندىق 9 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، يدەيا مەن ارەكەتتى قوعام ورنىقتىلىعى مەن باياندى تىنىشتىق باس نىساناسى جانە ج ك پ اۆتونوميالى رايوندىق 9 - قۇرىلتايىنىڭ شەشىمدەرى مەن ورنالاستىرۋلارى بويىنشا باتىل بىرلىككە كەلتىرىپ، پارتيا ورتالىق كوميتەتىنىڭ شينجياڭ قىزمەتى جونىندەگى كەلەلى ساياسي باعىتىن سانالى تۇردە فۋنكتسيا اتقارۋ امالياتىنا ءسىڭىرىپ، فۋنكتسيا اتقارۋ قىزمەتىن اۆتونوميالى رايوندىق پارتكومنىڭ ورنالاستىرۋىمەن، تالابىمەن ىرىقتى ۇشتاستىرىپ، ساياسي تانىمدى، جالپى جاعداي تانىمىن، ۇيتقى تانىمىن، ساپ تۇزەۋ تانىمىن بەرىك ورناتىپ، يدەيا، ساياسي، ارەكەت جاقتارىندا شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتادىق.
(2) ىنتىماقتاسا وتىرىپ، كۇش - قۋاتتى ۇيىستىرىپ، قوعامنىڭ جاراسىمدىلىعى مەن ورنىقتىلىعىن قۇلشىنا جەبەدىك. شينجياڭدى زاڭ ارقىلى جونگە سالۋعا، ىنتىماق ارقىلى ورنىقتىرۋعا، ۇزاق ۋاقىت كوركەيتۋگە تاباندى بولىپ، قوعام ورنىقتىلىعىن قورعاۋعا، ۇلتتاردىڭ ىنتىماعى مەن ءدىن جاراسىمدىلىعىن ىلگەرىلەتۋگە، تىلەكتى كەڭ كولەمدە توعىستىرىپ، كۇش - قۋات ۇيىستىرۋعا تىنباي قۇلشىندىق. ءبىز قوعام ورنىقتىلىعى مەن باياندى تىنىشتىققا ساياتىن ءتۇيىندى ماسەلەلەردى ارقاۋ ەتە تەكسەرىپ - زەرتتەۋ جۇرگىزىپ، ءماسليحاتتاسىپ، «ۇلتتاردىڭ ارالاسۋىن، ىشتەسۋىن، توعىسۋىن جەبەۋدى» باستى تاقىرىپ ەتىپ، ۇلتتار ىنتىماعى ۇگىت - تاربيەسىن تەرەڭدەتۋ، ۇلتتاردىڭ سۇيىسپەنشىلىگىن تەرەڭدەتۋ، ۇلتتاردىڭ بىرگە يگىلىك جاراتۋىن، بىرگە كۇرەس جۇرگىزۋىن، قاتار دامۋىن دەمەۋ تۋرالى ارناۋلى تاقىرىپتاردا كەڭەس وتكىزدىك؛ ايەلدەردىڭ ۇلتتار ىنتىماعىنداعى ەرەكشە رولىن تولىق ساۋلەلەندىرۋدى ارقاۋ ەتىپ، ۇسىنىس جوبالاردى ءبىر جايلى ەتۋدى ءماسليحاتتاسىپ، ءتۇيىندى، ەرەكشە ادامدار شوعىرىنا كومەكتەسۋ، ولاردى تاربيەلەۋ، وزگەرتۋ فورماسىن جاڭالاۋ، قىستاق تۇرعىندارى شارتىنىڭ قوعام باسقارۋداعى رولىن ساۋلەلەندىرۋ تۋرالى ايلىق ءماسليحات وتكىزدىك؛ ءدىندى سوتسياليستىك قوعاممەن سايكەسۋگە بەلسەنە جەتەكتەۋ تۋرالى تەكسەرىپ - زەرتتەۋ جۇرگىزىپ، اڭگىمە وتكىزىپ، مەملەكەتتىك ساياسي كەڭەستىڭ ءدىن سالاسىنداعى ورتا جاس، جاس ۋاكىل قايراتكەرلەردى باۋلۋ تۋرالى قاتارلاسىپ تەكسەرىپ - زەرتتەۋ جۇرگىزۋىنە سەلبەستىك؛ زاڭمەن باسقارىلاتىن ۇكىمەت قۇرىلىسىن جەدەلدەتۋ، نەگىزگى ساتىلارعا زاڭدىق قىزمەت وتەيتىن دارىندىلاردى جەتىلدىرۋ سالماعىن كۇشەيتۋ سەكىلدىلەر جونىندە ۇسىنىس قويۋدى نەگىزگە الىپ، اۆتونوميالى رايوننىڭ «<جۇڭحۋا حالىق رەسپۋبليكاسىنىڭ لاڭكەستىككە قارسى تۇرۋ زاڭىن> اتقارۋ ءادىسى»، «ۇشقارىلىقتى الاستاۋ ەرەجەسى (جوبا)» سياقتىلار جونىندە زاڭ شىعارۋىن ءماسليحاتتاستىق. ءبىز ءار دارەجەلى ساياسي كەڭەس ۇيىمدارىنىڭ، ءار سالاداعى ءار ۇلت ساياسي كەڭەس مۇشەلەرىنىڭ جانە وتانشىل ءدىني قايراتكەرلەردىڭ رولىن ساۋلەلەندىرۋگە دەن قويىپ، «ۇلتتار ىنتىماعىنىڭ بەرەكەلى شاڭىراعى»، بۇقارامەن بايلانىس جاساۋ، ولارعا قىزمەت وتەۋ سەكىلدى قيمىلداردى ورىستەتۋگە ۇشتاستىرىپ، الەۋمەتتىك اۋماق، مەكتەپ، كاسىپورىن، ەگىن، مال شارۋاشىلىق رايونى، مەشىت سەكىلدى جەرلەردى ارالاپ، حال سۇراۋ، اۋىس - كۇيىس جاساۋ، ساياساتتى ۇگىتتەۋ، قايشىلىقتى شەشۋ، قاتىناستى سايكەستىرۋ سىقىلدى جۇمىستاردى تىڭعىلىقتى دا تىندىرىمدى ورىستەتىپ، بارلىق بەلسەندى فاكتورلاردى مۇمكىندىكتىڭ بارىنشا جۇمىلدىرىپ، وتاننىڭ تۇتاستىعىن قورعاۋ مەن ۇلتتاردىڭ ىنتىماعىن، العا باسۋىن جەبەۋدىڭ نەگىزىن ۇزدىكسىز بەكەمدەدىك؛ تۇتاس رايونىمىزداعى ءار دارەجەلى ساياسي كەڭەستەردىڭ القا مۇشەلەرى 51 ءتۇيىندى اۋدانمەن، 117 ءتۇيىندى مەشىتپەن بايلانىس جاسادى، ساياسي كەڭەس كادرلارىنان، جۇمىسشى - قىزمەتشىلەرىنەن 2234 ادام، ساياسي كەڭەس مۇشەلەرىنەن 9336 ادام ءار ۇلت قاۋىمىمەن جۇپ قۇراپ، تۋىس بولدى، ساياسي كەڭەس كادرلارى مەن مۇشەلەرىنەن 136 ادام قىستاقتارعا ءتۇسىپ، مەشىت باسقارۋ جانە كادرلاردىڭ وقۋ - اعارتۋعا كومەكتەسۋ قىزمەتىنە ات سالىستى. ءبىز شەتەلدەردەگى شينجياڭعا ساياتىن مۇھاجىرلار قىزمەتىن كۇش سالا ىلگەرىلەتىپ، مۇھاجىرلاردىڭ احۋالى جونىندە تەكسەرىپ - زەرتتەۋ تەبىنىن ارتتىرىپ، شەتەلدەردەگى ءار سالا قايراتكەرلەرىمەن، قوعامدىق ۇيىمدارمەن قارىم - قاتىناستى، اۋىس - كۇيىستى كۇشەيتىپ، شينجياڭنىڭ وراسان زور وزگەرىسىن بەلسەنە ۇگىتتەپ، شينجياڭنىڭ تاماشا وبرازىن ايگىلەدىك. «حالىق جاعدايىن ۇعىسۋ، حالىققا تيىمدىلىك جاساۋ، حالىق تىلەگىن توعىستىرۋ» بايلانىسىمەن قىستاققا ءتۇسۋ قىزمەتىن ورىستەتۋدى باس نىسانانى تياناقتاندىرۋدىڭ ماڭىزدى شاراسى ەتۋگە تاباندى بولدىق. ءبىر جىلدان بەرى، تۇتاس رايونىمىزداعى ءار دارەجەلى ساياسي كەڭەس ۇيىمدارى جيىنى 412 كادردى، 1448 مۇشەنى 1092 قىستاققا بارىپ، قىزمەت ورىستەتۋگە تاڭداپ جىبەرىپ، ساياساتتى كەڭ كولەمدە، ىشكەرىلەي ۇگىتتەپ، جۇرتشىلىقتى تاربيەلەۋگە، جۇمىلدىرۋعا باسا ءمان بەرىپ، حالىققا تيىمدىلىك جاساۋ ينجەنەريالارىن تياناقتاندىرۋعا سايكەسىپ، كەدەيلەردى سۇيەمەلدەۋگە، ازايتۋعا، كەدەيلىكتەن قۇتىلدىرۋعا سەلبەسىپ، كورىكتى اۋىل - قىستاق قۇرىلىسىن جەبەدى، 18 دارمەنسىز، ءالسىز، بىتىراندى قىستاقتىڭ، 24 كەدەي وتباسىنىڭ كەدەيلىك قالپاعىن الۋ مىندەتىن ورىندادى.
(3) حالىق ءۇشىن فۋنكتسيا اتقارۋدى ەستە بەرىك ساقتاپ، رەفورماعا، دامۋعا جانە حالىق تۇرمىسىن جاقسارتۋعا كۇش قوستىق. «13 - بەسجىلدىق» جوبانى اتقارۋدى مىقتاپ ارقاۋ ەتە اقىل - كەڭەس بەرىپ، ءادىس - امال كورسەتىپ، نازاردى قامداۋ جاعىنداعى قۇرىلىمدىق رەفورما مەن ەكونوميكالىق دامۋداعى ءتۇيىندى ماسەلەلەرگە شوعىرلاندىرىپ، جيىنى 43 رەت تەكسەرىپ - زەرتتەۋ، احۋالدارمەن تانىسۋ، ءماسليحاتتاسۋ، كەڭەسۋ قيمىلىن ىركەس - تىركەس ورىستەتىپ، بولات - تەمىر، سەمەنت، كومىر كاسىپتەرىندە ارتىق ءوندىرىس قۋاتىن ازايتۋ، ەرەكشە جوعارى كەرنەۋلى ەلەكتر تورابى قۇرىلىسى، ارتىپ قالعان ەلەكتر قۋاتىن تۇتىنۋ، قابىلداۋ، جالپىلىق مەنشىككە جاتپايتىن شارۋاشىلىقتى شالقىتۋ، ەركىن ساۋدا رايونى جانە يمپورتتان كەدەن باجىسى الىنبايتىن رايون قۇرىلىسى، وسى زامانعى مال شارۋاشىلىعىن دامىتۋ، بيڭتۋان مەن جەرگىلىكتى ورىننىڭ توعىسپالى دامۋى، جۇڭگو - رەسەي - موڭعۇليا جول قۇرىلىسى سياقتىلار جونىندە تەكسەرىپ - زەرتتەۋ جۇرگىزىپ، اقىلداسىپ، اۆتونوميالى رايوننىڭ شارۋاشىلىق اينالىمى احۋالىن اۋقىمدىق، جان - جاقتى زەرتتەپ، پىكىر بەرىپ، ۇسىنىس قويدىق. ءداستۇرلى قىستاقتاردى قورعاۋ، شەكارا ساياحاتىن دامىتۋ جونىندە ايلىق ءماسليحات وتكىزدىك. شينجياڭنىڭ پايدالاناتىن سۋىنىڭ جالپى مولشەرىن تىزگىندەۋ كورسەتكىشى تۋرالى مەملەكەتتىك ساياسي كەڭەسكە ۇسىنىس قويدىق، ءتوراعا يۇي جىڭشىڭ بۇعان باسا ءمان بەرىپ، سۋ يگىلىگى مينيسترلىگىنىڭ تياناقتاندىرۋىنا بەكىتۋ جازدى. كورىكتى شينجياڭ قۇرۋعا نازار اۋدارىپ، جاراقسىز قورعاسىن قىشقىلدى باتەريا لاستىعىن تىزگىندەۋ جانە ولاردى جيىپ الىپ قايتالاي پايدالانۋ جونىندە ايلىق ءماسليحات وتكىزىپ، مەملەكەتتىك باقشا ءتۇزىلىسىن قۇرۋ، جاسىل، تومەن كومىرتەكتى دامۋ، سۋلياۋ جارعاقتى بيولوگيالىق جولمەن ىدىراتۋ تەحنيكاسىن جالپىلاستىرىپ قولدانۋ، تازا ەنەرگيانى دامىتۋ، جاسىل اۋىل شارۋاشىلىعى سياقتىلار تۋرالى باعىتتامالى جانە سالالار بويىنشا ءماسليحاتتاسىپ، دەنساۋلىق كۇتۋ ساياحات كاسىبىن دامىتۋ جونىندە اڭگىمە ءماجىلىس، «اقاۋسىز شينجياڭ − دەنساۋلىق كۇتۋ ساياحات كاسىبىن دامىتۋ» تۋرالى مامانداردىڭ كەڭەس بەرۋ جيىنىن اشىپ، دەنساۋلىق كاسىبىن دامىتۋ فورمالارىن بەلسەنە قاراستىردىق. ىرگەلەس مەملەكەتتەرگە بارىپ، جىبەك جولى ەكونوميكالىق بەلدەۋى جۇلگەسىندە، عىلىم - تەحنيكا، ورتانى قورعاۋ، بايلىق سەكىلدى سالالاردا سەلبەستىك جاساۋ جونىندە تەكسەرۋ جۇرگىزىپ، «ءبىر بەلدەۋ، ءبىر جول» سىندى مەملەكەت ستراتەگياسىنىڭ اتقارىلۋىنا كۇش قوستىق.
ءبىز حالىق تۇرمىسى ىستەرىن ارقاۋ ەتىپ، فۋنكتسيانى اتقارىپ، جاۋاپكەرشىلىكتى وتەۋگە كوڭىل بولدىك. كەدەيلىكتەن قۇتىلدىرۋدان قامال الۋدى فۋنكتسيانى اتقارۋدىڭ كورنەكتى ورنىنا قويىپ، تۇتاس رايونىمىزداعى ءار دارەجەلى ساياسي كەڭەستەردىڭ القا قۇرامىنداعىلار، مۇشەلەر اراسىنداعى باسشى كادرلار 268 كەدەي قىستاقتاعى 1080 كەدەي وتباسىمەن بايلانىس ورناتتى؛ قالىڭ مۇشەلەردى بۇكىل شينجياڭنىڭ وي مەن قىرىنداعى كەدەي وڭىرلەرگە، ءۇستىرتتى، سۋىق، شەكارا، ەرەكشە كەمباعال وڭىرلەرگە بارىپ، تەكسەرىپ - زەرتتەۋگە ۇيىمداستىرىپ، «كەدەيلىكتەن قۇتىلدىرۋدان قامال الۋ شايقاسىن جەڭىستى جۇرگىزۋدى ارقاۋ ەتىپ، كەدەي قاۋىمنىڭ كەدەيلىكتەن قۇتىلىپ، اۋقاتتانۋ قابىلەت - قۋاتىن ارتتىرۋ» تاقىرىبىندا ارناۋلى كەڭەسىپ، «التىنى ءدال تياناقتاندىرۋ»، كەدەيلىكتەن قۇتىلدىرۋ ونىمدىلىگىن جوعارىلاتۋ سياقتىلار جونىندە پىكىر بەرىپ، ۇسىنىس قويدىق. مەملەكەتتىك ساياسي كەڭەستىڭ «ءبىر بەلدەۋ، ءبىر جول» قۇرىلىسى، اۋىل - قىستاقتاردا ەلەكتروندى ساۋدانى وركەندەتۋ، ەگىن، مال شارۋاشىلىعىنىڭ كاسىپتىك دەڭگەيىن جوعارىلاتۋ، جىلقى شارۋاشىلىعىن شالقىتۋ، قۇمدى تىزگىندەۋ، كەدەيلەردى دالمە - ءدال سۇيەمەلدەۋ، جايلىم ەكولوگيالىق جۇيەسىن قورعاۋ، از ۇلت رايوندارىندا ءداستۇرلى تەاتر ونەرىن جالعاستىرۋ جانە ونى دامىتۋ، حالىق سانى نەداۋىر از ۇلتتاردىڭ مادەنيەتىن قورعاۋ جانە وعان مۇراگەرلىك ەتۋ، حالىقاراعا اقپارات تاراتۋ قابىلەتى قۇرىلىسى سەكىلدى تاقىرىپتار تۋرالى احۋال يەلەۋىنە، تەكسەرىپ - زەرتتەۋ جۇرگىزۋىنە بەلسەنە سايكەستىك. ءداستۇرلى مەديا مەن جاڭادان تەبىندەگەن مەديانى توعىستىرا دامىتۋ جونىندە ايلىق ءماسليحات وتكىزىپ، جالپى جۇرت يگىلىك جاراتۋ، بارشا قاۋىم جاڭالىق اشۋدى جەبەۋ، اۋىل - قىستاقتارعا عىلىم - تەحنيكالىق قىزمەت وتەۋ جۇيەسىن كەمەلدەندىرۋ، «ءبىر بەلدەۋ، ءبىر جول» مادەنيەت تاراتۋ قۋاتى مەن ىقپال كۇشىن جوعارىلاتۋ، قىستاق دارەجەلى الەۋمەتتىك اۋماقتاردا مادەنيەت شەبىنىڭ رولىن ساۋلەلەندىرۋ، الەۋمەتتىك اۋماقتىڭ سايكەستى قۇرىلىسى مەن قىزمەت وتەۋ فۋنكتسياسىن ساپالىلاندىرۋ، ساحارا مادەنيەتىنە مۇراگەرلىك ەتۋ جانە ونى قورعاۋ، ppp ۇلگىسىنەن پايدالانىپ، حالىقتىق شيپاحانالاردىڭ دامۋىن دەمەۋ سەكىلدىلەر تۋرالى تەكسەرىپ - زەرتتەۋ جۇرگىزىپ، كەڭەس قۇردىق. مۇشەلەر مەن مامانداردى نەگىزگى ساتىلاردى ارالاپ، «ناۋقاستاردى ەمدەپ، ءدارى - دارمەك جەتكىزۋ» قيمىلىن ورىستەتۋگە ۇيىمداستىرىپ، زاتتاي جىلۋ اتاۋ، ماماندار مىندەتتى تۇردە ناۋقاس تەكسەرۋ، «دەنساۋلىق جۇردەك اۆتوكولىگى» سىندى ەمدەۋ نىسانىن تياناقتاندىرۋ، ت. ب فورمالار ارقىلى ءار ۇلت قاۋىمىنا شىنايى سۇيىسپەنشىلىك جەتكىزدىك.
(4) رەفورما جاساۋعا، جاڭالىق اشۋعا تاباندى بولىپ، قىزمەتتەردىڭ عىلميلانۋ دەڭگەيىن ۇزدىكسىز جوعارىلاتتىق. ۇسىنىس جوبانىڭ ساپاسىن كۇش سالا جوعارىلاتىپ، «ءتورت رەت قاراپ» ارحيۆكە الۋ ءماسليحات تۇزىمىنە تاباندى بولىپ جانە ونى كەمەلدەندىرىپ، ۇسىنىس جوبا دايىنداۋدا «ۇشتە بۇرىلىس» جاساۋدى بەلسەنە ىلگەرىلەتتىك؛ ۇسىنىس جوبانى ءبىر جايلى ەتۋدە ءماسليحاتتاسۋ تەبىنىن ارتتىرىپ، «ۇسىنىس جوبانى ءبىر جايلى ەتۋدىڭ ءماسليحات ءادىسىن» بەلگىلەپ، ءتۇيىندى جوبالارعا بىرلەستىرىپ قۋزاۋ سالدىق، تۇتاس جىلدا ۇسىنىس جوبالاردى ءبىر جايلى ەتۋ ءماسليحات قيمىلىن 52 رەت وتكىزدىك، 11 - كەزەكتى كوميتەتتىڭ 4 - ماجىلىسىندە ارحيۆكە الىنعان 858 ۇسىنىس جوبادا ايتىلعان ماسەلەلەردىڭ شەشىلگەنى مەن شەشىلۋ ۇستىندەگىلەرى %82.7تى ۇستاپ، الدىنداعى جىلعىدان كورنەكتى جوعارىلادى. تاريحي ماتەريالدار قىزمەتىن شىن مانىندە كۇشەيتىپ، از ۇلتتاردىڭ عاسىرلىق ناقتى دەرەكتەرى، شينجياڭنىڭ ايگىلى قىستاق - قالاشىقتارى، شەكارا وڭىرلەردىڭ مادەنيەت تاريحى سياقتى تاريحي ماتەريالداردى ءتۇيىندى تۇردە جيناقتاپ، باسپادان شىعاردىق. مۇندا «باتىس بولەكتى قاۋىرت اشۋ بارىسى. شينجياڭ تومى» رايونىمىزدىڭ باتىس بولەكتى قاۋىرت اشۋ تاريحي ماتەريالدارىنداعى اقتاڭداقتى تولتىردى، «جىبەك جولى مادەنيەت توپتاماسى» جىبەك جولى ەكونوميكالىق بەلدەۋىندەگى وزەكتى رايوننىڭ مادەنيەت قۇرىلىسىن بەينەلەگەن تۇڭعىش تاريحي ماتەريال بولىپ، تاريحي ماتەريالدى اقىلشى ەتۋ، ىنتىماق ارقىلى ادام تاربيەلەۋ فۋنكتسياسىن شىن مانىندە ساۋلەلەندىردى. ساياسي كەڭەستىڭ ينفورماتيسا قىزمەتىن كۇشەيتىپ، «قوعام رايىن، حالىق جاعدايىن بەينەلەۋ قىزمەت ءادىسىن» بەلگىلەپ، حالىق رايى، جۇرت جاعدايى ينفورماتسياسىنا تالداۋ جاساۋ، مالىمدەپ جەتكىزۋ مەحانيزمىن كەمەلدەندىرىپ، ونىڭ جۇرت تىلەگىن توعىستىرۋ، شەشىم جاساۋعا پايدالانۋ رولىن پارمەندى ساۋلەلەندىردىك. ساياسي كەڭەستىڭ اقپارات - ۇگىت تەكشەسىن جاڭالاپ، پارتيا ورتالىق كوميتەتىنىڭ شينجياڭ قىزمەتى جونىندەگى كەلەلى ساياسي باعىتىن، اۆتونوميالى رايوندىق پارتكومنىڭ كەلەلى شەشىمدەرىن، ورنالاستىرۋلارىن جانە تۇتاس رايونىمىزداعى ساياسي كەڭەستەردىڭ فۋنكتسيا اتقارۋ جەتىستىگىن ىشكەرىلەي ۇگىتتەپ، ساياسي كەڭەستىڭ جاعىمدى ءۇنىن تاراتىپ، قوعامدىق وڭ ەنەرگيا توپتادىق. كوزدەن كەشىرۋ، تەكسەرىپ - زەرتتەۋ قىزمەتىن ءبىر تۇتاس جوسپارلاۋ تەبىنىن ارتتىرىپ، بىرلەسە، قاتارلاسا تەكسەرىپ - زەرتتەۋ جۇرگىزۋدى تەرەڭدەتىپ، كوزدەن كەشىرۋ، تەكسەرىپ - زەرتتەۋ مەن ءماسليحاتتى، اقىلداسۋدى قابىستىرۋ ءىسىن نىعايتىپ، تەكسەرىپ - زەرتتەۋ ارقىلى ءماسليحاتتىڭ ساپاسىن جوعارىلاتىپ، ءماسليحات ارقىلى تەكسەرىپ - زەرتتەۋ جەتىستىگىن ناقتىلاندىردىق. ءماجىلىس قيمىلدارىن ۇيىمداستىرۋ قىزمەتىن جاقسارتىپ، ماجىلىستە سوزگە شىعاتىنداردى تاڭداۋ مەحانيزمىن كەمەلدەندىرىپ، العاش رەت قالا - اۋىل تۇرعىندارىنىڭ ۋاكىلدەرىن، شەتەلدەردەگى مۇھاجىر باۋىرلاستاردى ساياسي كەڭەستىڭ ماڭىزدى ءماجىلىس قيمىلدارىنا سىرتتاي قاتىناسۋعا ۇسىنىس ەتتىك. نەگىزگى ساتى ساياسي كەڭەس قىزمەتىنە وسكەلەڭ ءمان بەرىپ، قىزمەت تاجىريبەسىن اۋىستىرۋدى كۇشەيتىپ، ءار دارەجەلى ساياسي كەڭەس قىزمەتىنىڭ عىلميلانۋ دەڭگەيىن ۇزدىكسىز جوعارىلاتتىق. ىشكى وڭىرلەردەگى ولكەلىك، رايوندىق، قالالىق ساياسي كەڭەستەرمەن بايلانىستى، سەلبەستىكتى نىعايتىپ، حۋنان ولكەلىك ساياسي كەڭەسپەن بىرلەسىپ، «حۋناندىق 0008 بويجەتكەننىڭ» شينجياڭعا كەلگەندىگىنىڭ 66 جىلدىعىن اتاپ ءوتۋ قيمىلىن وتكىزىپ، ەكى جەردىڭ سەلبەستىگىن، اۋىس - كۇيىسىن، ىنتىماقتاسا قاتار العا باسۋىن بەلسەنە جەبەدىك.
(5) ۇيرەنۋ مەن ىستەي ءبىلۋدى ۇشتاستىرۋعا كوڭىل ءبولىنىپ، وزىندىك قۇرىلىس قۇلشىنا كۇشەيتىلدى. پارتيا ورتالىق كوميتەتىنىڭ «ەكىنى ۇيرەنۋ، بىردە تولىمدى بولۋ» ۇيرەنۋ - تاربيەسى جونىندەگى جالپى ورنالاستىرۋىنا ساي، اۆتونوميالى رايوندىق پارتكومنىڭ تالابىن مۇقيات تياناقتاندىرىپ، يدەيالىق - ساياسي قۇرىلىستى ماڭداي الدى ورىنعا قويىپ، پارتيا ۋستاۆىنا سانالى قۇرمەت ەتىپ، وعان بويسۇنىپ، ونى قورعاپ، جۇڭگو كوممۋنيستىك پارتياسىنىڭ پاك، ءتارتىپتى بولۋ ولشەمىن، پارتيا ىشىندەگى ساياسي تۇرمىس ولشەمىن، ءتارتىپ جازاسى ەرەجەسىن، جاۋاپقا تارتۋ ەرەجەسىن جانە پارتيا ىشىندە باقىلاۋ ەرەجەسىن مۇقيات ۇيرەنىپ، دايەكتىلەندىرىپ، باس شۋجي شي جينپيڭنىڭ جەلىلەس ماڭىزدى سوزدەرىنىڭ وزەكتى ءمان - مازمۇنىن جەتە ۇيرەنىپ، يگەرىپ، «4 تانىمدى» شىنايى كۇشەيتىپ، تارتىپكە بويسۇنىپ، قاعيدانى دارىپتەپ، ءمورال مەن ارەكەتكە ءمان بەرىپ، «ءتورتتى دارىپتەۋ، ءتورت قۇلىقتى بولۋ» ولشەمىن امالياتتا ايگىلەدىك. ساياسي كەڭەستىڭ باسشىلىق القاسى قۇرامىنداعىلار ورتالىقتىڭ «8 ءتۇرلى بەلگىلەمەسىن» باتىل دايەكتىلەندىرىپ، اۆتونوميالى رايوندىق پارتكومنىڭ باسشىلىق القا قۇرىلىسىن كۇشەيتۋ جونىندەگى «9 ءتۇيىندى تالابىن»، «وندى ورىنداۋ» ولشەمىن قاتاڭ تياناقتاندىرىپ، ايماق - وبلىستاردى، قالالاردى ارالاپ، ىشكەرىلەي تەكسەرىپ - زەرتتەۋ، ۇيرەنۋ ارقىلى قىزمەتتى جەبەپ، ءبىلۋ مەن امالياتتا ايگىلەۋدى ۇشتاستىرىپ، فۋنكتسيا اتقارۋدىڭ ناقتى ونىمدىلىگىن توقتاۋسىز ارتتىردىق. ماسەلەنى شەشۋدى ۇيرەنۋ مەن تاربيەنىڭ جالپى بارىسىنا ءسىڭىرىپ، مۇشە، سالا، ارناۋلى كوميتەت، ساياسي كەڭەس ورگانى سىندى «ءتورتتى ءبىر تۇلعالاندىرۋ» قۇرىلىسىن بارىنشا كۇشەيتىپ، ستيل قۇرىلىسىندا «ءۇشتى جونگە سالۋ» قىزمەتىن دەن قويا ورىستەتىپ، «ءتورت ءتۇرلى بۇرىس ستيل» جانە ءتۇسى وزگەرگەن «ءتورت ءتۇرلى بۇرىس ستيل» ماسەلەسىن، سونداي - اق ساياسي كەڭەس ورگان كادرلارىنىڭ سۇلە - ساپا ءجۇرۋ، جۇمىس تىندىرا بىلمەۋ، جۇمىسقا يكەمى كەلمەۋ سىندى ماسەلەلەرىن كۇش سالا شەشىپ، بولشەكتەۋشىلىككە قارسى تۇرۋ كۇرەسىنىڭ ءتارتىبىن ونان ارى قاتايتىپ، ادال، اقاۋسىز، بورىشتى ارقالايتىن ساياسي كەڭەس مۇشەلەرى مەن ساياسي كەڭەس ورگانى قوسىنىن قۇلشىنا قۇرىپ شىقتىق. قىزمەتتى كۇندەلىكتى يگەرىپ، ۇدايى قاتايتىپ، پارتيا ۇيىمىنىڭ تۇرمىسىن جۇيەگە ءتۇسىرىپ، پارتيا مۇشەلەرىن قاتاڭ باسقاردىق، ءار دارەجەلى ساياسي كەڭەس باسشىلىق القاسى قۇرامىنداعىلار قوس ۇيىمدىق تۇرمىس تۇزىمىنە تاباندى بولىپ، قاراپايىم كوممۋنيست سالاۋاتىمەن ياچەيكانىڭ ۇيىمدىق تۇرمىسىنا قاتىناستى؛ مۇشەلەر مەن ورگان كادرلارىن «1 - شىلدە» پارتيا قۇرىلعان كۇنىن قۇتتىقتاۋ، «ۇزاق جورىق رۋحىن اسقاقتاتۋ. توڭكەرىستىك داستۇرگە مۇراگەرلىك ەتۋ» ارناۋلى تاربيەسىن ورىستەتۋ، «مۇشەلەر ورمانىن» بىرگە ءوسىرۋ، جاپا - ماشاقاتتى جەرلەرگە بارىپ، ءومىر ۇيرەنۋ سياقتى قيمىلدار وتكىزۋگە ۇيىمداستىرىپ، پارتياعا مۇشە بولۋ انت - سەرتىن ەسكە ءتۇسىرىپ، توڭكەرىسشىل قۇربانداردى ساعىنا ەسكە الىپ، قوعامدىق امالياتقا ات سالىستىق، بۇدان ءار سالا، ءار ۇلت مۇشەلەرى، ساياسي كەڭەس كادرلارى تاربيە الىپ، جاۋاپكەرشىلىك تانىمدارىن كۇشەيتتى.
مۇشەلەر، جولداستار! ءبىز دەموكراتيالىق پارتيا - توپتارمەن، ساۋدا - ونەركاسىپشىلەر بىرلەستىگىمەن، حالىقتىق ۇيىمدارمەن، پارتيادا، توپتا جوق قايراتكەرلەرمەن بايلانىستى جانە سەلبەستىكتى كۇشەيتۋگە كوڭىل ءبولىپ، فۋنكتسيا اتقارۋ تەكشەلەرىن قۇرىپ، ولاردىڭ پىكىرىن كەڭىنەن تىڭداپ، ورتاق تانىم قالىپتاستىردىق جانە ونى مولايتتىق. پارتيا - توپتار، ۇيىمدار باس نىسانانى تياناقتاندىرۋدى ارقاۋ ەتىپ، تاتۋ - ءتاتتى ۇلتتىق قاتىناس ورناتۋ، فينانستىك جاڭالىق اشۋ، دەنساۋلىق جاعىنان كەدەيلەردى سۇيەمەلدەۋ، نەگىزدىك وقۋ - اعارتۋدى دامىتۋ، ەگىن، مال شارۋاشىلىق رايوندارىندا مەديتسينالىق قۇتقارۋ - ەمدەۋ، الەۋمەتتىك اۋماق قىزمەت وتەۋ كاسىبىن وركەندەتۋ، ەكولوگيالىق ورتانى قورعاۋ سەكىلدى ءتۇيىندى ماسەلەلەر تۋرالى تەكسەرىپ - زەرتتەۋ جۇرگىزىپ، ۇكىمەت ىسىنە بەلسەنە ارالاسىپ، وعان كەڭەس بەرۋگە اقىل - پاراساتتارى مەن كۇش - قۋاتتارىن ارنادى. جۇڭگو دەموكراتيالىق جولمەن مەملەكەت قۇرۋ قوعامىنىڭ شينجياڭ رايوندىق كوميتەتى ءوزىنىڭ ورتالىق كوميتەتى ارقىلى توتە پىكىر - ۇسىنىس جولداۋ ارناسىمەن مەملەكەتتىك كەڭەسكە وڭتۇستىك شينجياڭدا سۋ يگىلىگى نەگىزدىك قۇرىلعىلار قۇرىلىسىن قولداۋ تەبىنىن ارتتىرۋ ۇسىنىسىن قويدى، وعان ورىنباسار زۇڭلي ۋاڭ ياڭ بەكىتۋ جازدى؛ اۆتونوميالى رايوندىق ساۋدا - ونەركاسىپشىلەر بىرلەستىگى سەكىلدى ورىندار «مىڭ كاسىپورىن مىڭ قىستاققا كومەكتەسۋ» اتىندا كەدەيلەردى ءدال سۇيەمەلدەۋ جانە «ۇلتتار ىنتىماعىنىڭ بەرەكەلى شاڭىراعى» قيمىلدارىن ورىستەتۋگە ۇيىمداستىرىپ، رايونىمىز بويىنشا حالىق باسقارۋىنداعى 913 كاسىپورىندى 811 كەدەي قىستاقپەن سەرىكتەسىپ، كومەكتەسۋ - سۇيەمەلدەۋگە، 16 مىڭ 450 ءار ۇلت وتباسىمەن تۋىس بولۋعا جۇمىلدىرىپ، كومەكتەسۋ - سۇيەمەلدەۋ نىسان قارجىسىنان 770 ميلليون يۋان ءبولىپ، الەۋمەتتىك يگىلىككە 7 ميلليون 750مىڭ يۋان جىلۋ اتاپ، 6839 ادامنىڭ جۇمىسقا ورنالاسۋىن جەبەدى. ءبىر جىلدان بەرى، پارتيا - توپتار، ۇيىمدار اۆتونوميالى رايوندىق پارتكومنىڭ ۇندەۋىنە بەلسەنە ءۇن قوسىپ، 339 ءار ۇلت وتباسىمەن جۇپ قۇراپ تۋىس بولدى، 188 كادر «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» بايلانىسىمەن قىستاقتارعا ءتۇسىپ، قىزمەتكە قاتىناسىپ، 126 رەت تەكسەرىپ - زەرتتەۋ جۇرگىزىپ، تەكسەرىپ - زەرتتەۋ مالىمەتىنەن 85ىن، جينالىستا لەبىز ءبىلدىرۋ ماتەريالىنان 36ىن، ۇسىنىس جوبادان 123ىن، قوعام رايىن، جۇرت جاعدايىن بەينەلەيتىن ينفورماتسيادان 349ىن دايىندادى، ولاردىڭ كوپتەگەن پىكىر - ۇسىنىستارىنا اۆتونوميالى رايوندىق پارتكوم مەن ۇكىمەت وسكەلەڭ ءمان بەردى. ءبىز شينجياڭداعى مەملەكەتتىك ساياسي كەڭەس مۇشەلەرىن اۆتونوميالى رايوندىق ساياسي كەڭەستىڭ باستى فۋنكتسياسىن اتقارۋ قيمىلدارىنا قاتىناسۋعا شاقىرۋ ىسىنە كوڭىل ءبولىپ، ولاردىڭ پىكىر - ۇسىنىسىن دەن قويا تىڭداپ، قاتىستى احۋالداردان حابار تابۋىنا دەر كەزىندە قىزمەت وتەدىك. شينجياڭداعى مەملەكەتتىك ساياسي كەڭەستىڭ مۇشەلەرى پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن مۇقيات دايەكتىلەندىرىپ، باس نىسانانى تياناقتاندىرۋدى ارقاۋ ەتە تەكسەرىپ - زەرتتەۋ جۇرگىزدى، احۋالدارمەن تانىستى، پىكىر بەرىپ، ۇسىنىس قويدى. مەملەكەتتىك ساياسي كەڭەس 12 - كەزەكتى كوميتەتىنىڭ 4 - ءماجىلىسى كەزىندە شينجياڭداعى مەملەكەتتىك ساياسي كەڭەس مۇشەلەرى 139 ۇسىنىس جوبا تاپسىرىپ، 170 رەت تالقىعا قاتىناسىپ، لەبىز ءبىلدىردى. مۇنان سىرت، اكىمشىلىك ستيلدى، كاسىپتىك ستيلدى باقىلاۋشى، باعالاۋشى مىندەتىن بەلسەنە ارقالاپ، ءار ۇلت قاۋىمىمەن تۋىس بولىپ، ءتۇيىندى اۋداندارمەن، مەشىتتەرمەن، كەدەي قىستاقتارمەن، كەدەيلەرمەن بايلانىس جاساپ، اۆتونوميالى رايوندىق پارتكومنىڭ كەلەلى شەشىم - ورنالاستىرۋلارىن تياناقتاندىرۋدا ءتيىستى رول اتقاردى.
مۇشەلەر، جولداستار! بىلتىر ءبىز قول جەتكىزگەن تابىستار − مەملەكەتتىك ساياسي كەڭەستىڭ كوڭىل ءبولىپ، جەتەكشىلىك ەتۋىنىڭ، اۆتونوميالى رايوندىق پارتكومنىڭ پارمەندى باسشىلىق ەتۋى مەن اۆتونوميالى رايوندىق حالىق قۇرىلتايىنىڭ، ۇكىمەتتىڭ، اۆتونوميالى رايوندىق جوعارى حالىق سوتى مەكەمەسىنىڭ، پروكۋراتۋرا مەكەمەسىنىڭ بارىنشا قولداپ - قۋاتتاۋىنىڭ ناتيجەسى، ورتالىقتىڭ شينجياڭداعى مەكەمە - ورىندارىنىڭ، كاسىپورىندارىنىڭ، شينجياڭداعى حالىق ازاتتىق ارمياسىنىڭ، قارۋلى ساقشى بولىمدەرىنىڭ، ءوندىرىس - قۇرىلىس بيڭتۋانىنىڭ، قوعام حاۋىپسىزدىگى كادر - ساقشىلارىنىڭ، سونداي - اق شينجياڭعا كومەككە كەلگەن كادرلاردىڭ قولداپ - قۋاتتاۋىنىڭ، ات سالىسۋىنىڭ ارقاسى، اۆتونوميالى رايونداعى تاراۋلاردىڭ، مەكەمە - ورىنداردىڭ جانە ءار دارەجەلى پارتكومداردىڭ، ۇكىمەتتەردىڭ، ساياسي كەڭەستەردىڭ ءبىر جاعادان باس، ءبىر جەڭنەن قول شىعارۋىنىڭ ناتيجەسى، ءار سالاداعى ءار ۇلت مۇشەلەرىنىڭ، دەموكراتيالىق پارتيا - توپتاردىڭ، ساۋدا - ونەركاسىپشىلەر بىرلەستىگىنىڭ، حالىقتىق ۇيىمداردىڭ، پارتيادا، توپتا جوق قايراتكەرلەردىڭ جانە قوعامداعى ءار سالا قايراتكەرلەرىنىڭ ورتاق قۇلشىنۋىنىڭ ناتيجەسى. وسى ورايدا مەن اۆتونوميالى رايوندىق ساياسي كەڭەستىڭ تۇراقتى كوميتەتى اتىنان كوپشىلىككە شىن جۇرەكتەن العىس ايتامىن!
قىزمەتتەردى قورىتىندىلاعاندا، ءبىز ساياسي كەڭەس قىزمەتىندە كەيبىر جەتەرسىزدىكتەر ساقتالىپ وتىرعانىن دا ايقىن تانىدىق، اتاپ ايتساق، تەكسەرۋگە ءمان بەرىپ، زەرتتەۋگە جەڭىل - جەلپى قاراۋ جايتى تۇرلىشە دارەجەدە ءالى ورىن تەۋىپ وتىر، ءماسليحاتتاسۋدىڭ ساپاسىن جوعارىلاتۋعا تۋرا كەلەدى، دەموكراتيالىق باقىلاۋ قىزمەتى بىركەلكى ەمەس، ىنتىماقتاسا دوستاسۋ قيمىلى اياسىن كەڭەيتىپ، مازمۇندى تەرەڭدەتۋگە ءزارۋ، مۇشەلەردىڭ فۋنكتسيانى ىرىقتى اتقارۋ تانىمىن كۇشەيتۋگە تۋرا كەلەدى. مۇنداي ماسەلەلەرگە ءبىز وسكەلەڭ ءمان بەرىپ، دەن قويا اقىلداسىپ شەشۋىمىز ءتيىس. ەكىنشى، ج ك پ اۆتونوميالى رايوندىق 9 - قۇرىلتايىنىڭ ورنالاستىرۋىن، تالابىن باتىل دايەكتى تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتە فۋنكتسيانى اتقارىپ، جاۋاپكەرشىلىكتى وتەۋ
2017 - جىل − پارتيامىزدىڭ 19 - قۇرىلتايى اشىلاتىن، قامداۋ جاعىنداعى قۇرىلىمدىق رەفورمانىڭ تەرەڭدەيتىن جىلى، «13 - بەسجىلدىق» جوبانى اتقارۋداعى، ج ك پ اۆتونوميالى رايوندىق 9 - قۇرىلتايىنىڭ رۋحىن تياناقتاندىرۋداعى ماڭىزدى جىل. تۇتاس رايونىمىزداعى ءار دارەجەلى ساياسي كەڭەس ۇيىمدارى پارتيا ورتالىق كوميتەتىنىڭ شەشىم - ورنالاستىرۋلارىن ۇيرەنۋدى، دايەكتىلەندىرۋدى العى شارت، اۆتونوميالى رايوندىق پارتكومنىڭ قىزمەت تالابىن دايەكتى تياناقتاندىرۋدى ولشەم ەتىپ، پارتيانىڭ باسشىلىعىنا، حالىق ساياسي كەڭەسىنىڭ سيپاتى مەن ورنىنا، ۇلى ىنتىماق پەن ۇلى بىرلىككە، سوتسياليستىك دەموكراتيانى ساۋلەلەندىرۋگە تاباندى بولۋ نەگىزىندە، دۇرىس ساياسي بەتالىستان جازباي، ساياسي تانىمدى، جالپى جاعداي تانىمىن، وزەك تانىمىن، ساپ تۇزەۋ تانىمىن بەرىك ورناتىپ، باستان - اياق شي جينپيڭ جولداستى ۇيتقى ەتكەن پارتيا ورتالىق كوميتەتىنە قاراپ ساپ تۇزەپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلىن باتىل قورعاپ، يدەيا، ساياسي، ارەكەت جاقتارىندا شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋ ءتيىس. ج ك پ اۆتونوميالى رايوندىق 9 - قۇرىلتايىنىڭ جانە ەكونوميكا، ورنىقتىلىق قىزمەتتەرى سەكىلدى ماڭىزدى ماجىلىستەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، اۆتونوميالى رايوندىق پارتكومنىڭ قوعام ورنىقتىلىعى مەن باياندى تىنىشتىق باس نىساناسىن دايەكتى تياناقتاندىرۋ جونىندەگى كەلەلى شەشىمدەرىن، ورنالاستىرۋلارىن بەرىك يگەرىپ، پارتكومنان نۇسقاۋ سۇراۋ، وعان مالىمەت بەرۋ ءتۇزىمىن قاتاڭ اتقارىپ، اۆتونوميالى رايوندىق پارتكومنىڭ وزەكتى قىزمەتىن نەگىزگە الا فۋنكتسيا اتقارىپ، مىندەتتى ارقالاپ، جاۋاپكەرشىلىكتى وتەۋ قاجەت. باس نىسانانى ارقاۋ ەتىپ، ورتاق تانىم جانە كۇش - قۋات ۇيىستىرۋ ءتيىس. حالىق ساياسي كەڭەسىنىڭ سوتسياليستىك كەڭەستىك دەموكراتيانىڭ ماڭىزدى ارناسى جانە ارناۋلى ءماسليحات قۇرىلىمى بولۋ رولىن، وتانشىلدىق بىرلىكساپ ۇيىمى بولۋ رولىن، پارتكومنىڭ، ۇكىمەتتىڭ بۇقارامەن بايلانىس جاساۋ دانەكەرى، ءار سالانى ىنتىماقتاستىرۋدىڭ ارقاۋى بولۋ رولىن تولىق ساۋلەلەندىرىپ، بارلىق بەلسەندى فاكتورلاردى مۇمكىندىگىنشە جۇمىلدىرىپ، ىنتىماقتاسۋعا بولاتىن بارلىق كۇشتەردى ىنتىماقتاستىرىپ، ءار ۇلت، ءار سالا قايراتكەرلەرىنىڭ يدەياسى مەن ارەكەتىن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىمەن، اۆتونوميالى رايوندىق پارتكومنىڭ شەشىم - ورنالاستىرۋلارىمەن بىرلىككە كەلتىرىپ، قوعام ورنىقتىلىعى مەن باياندى تىنىشتىقتى جۇزەگە اسىرۋعا قۇدىرەتتى وڭ ەنەرگيا توپتاۋعا قۇلشىنۋ ءتيىس. باس نىسانا ارقىلى ساياسي كەڭەس قىزمەتىنە ءبىر تۇتاس باسشىلىق ەتۋ كەرەك، باس نىسانانى ارقاۋ ەتە اقىل - كەڭەس بەرىپ، ءادىس - امال كورسەتۋدى ساياسي كەڭەس قىزمەتىنىڭ باستى جەلىسى ەتىپ، زەيىن - زەردەنى باس نىساناعا شوعىرلاندىرىپ، ودان جازباي، ونى تياناقتاندىرىپ، باس نىسانانى باستى پروگرامما، وزەكتى مىندەت، نازار اۋدارۋ ءتۇيىنى مەن كۇش سالۋ ءتۇيىنى ەتىپ، ساياسي كەڭەستىڭ بارلىق فۋنكتسيا اتقارۋ قيمىلدارىندا تۇگەل باس نىسانانى نەگىزگە الىپ، وعان بۇيسۇنىپ، قىزمەت وتەپ، ساياسي كەڭەس قىزمەتىنىڭ فورماسى ارقىلى اۆتونوميالى رايوندىق پارتكومنىڭ شەشىم - ورنالاستىرۋلارىنىڭ ناقتى تياناقتانۋىن ىلگەرىلەتۋ قاجەت.
ءبىز اۆتونوميالى رايوندىق پارتكومنىڭ تىنىش - ىنتىماقتى، جاراسىمدىلىقتى، ورنىقتىلىقتى جەبەۋ تالابىنا ساي، ءار ۇلت، ءار سالا مۇشەلەرىنىڭ، اسىرەسە، از ۇلتتار، دىندەر سالاسىنداعى مۇشەلەردىڭ رولىن تولىق ساۋلەلەندىرىپ، پارتيانىڭ ۇلت، ءدىن ساياساتى ۇگىتىن، ۇلتتار ىنتىماعى تاربيەسىن جانە «ۇشقارىلىقتى الاستاۋ» ۇگىت - تاربيەسىن تەرەڭدەي ورىستەتىپ، ءار ۇلت بۇقاراسىن «ءۇشتىڭ ءبىر - بىرىنەن ايرىلا الماۋ» يدەياسىن بەرىك ورناتۋعا، «بەس ورتاق تانىمدى» نىعايتۋعا باستاپ، ۇلتتىق بولشەكتەۋشىلىك پەن ءدىني ۇشقارىلىق يدەياسىنىڭ كەۋلەپ كىرۋىن باتىل توسۋىمىز ءتيىس. «باس نىسانانى مىقتاپ ارقاۋ ەتىپ، ۇلتتار ىنتىماعىن اناعۇرلىم بەكەمدەۋدى، دامىتۋدى» كەڭەس تاقىرىبى ەتىپ، ارناۋلى اقىلداسۋ سيپاتتى تۇراقتى كوميتەت ءماجىلىسىن اشىپ، ۇلتتار ىنتىماعىن ىلگەرىلەتۋگە بەلسەنە اقىل - كەڭەس ايتىپ، ۇسىنىس بەرۋىمىز كەرەك. سوتسياليستىك وزەكتى قۇن كوزقاراسىمەن ءدىن قىزمەتىنە جول كورسەتۋ، ءىسلام ءدىنىن جۇڭگونىڭ جاعدايىنا بەيىمدەۋ بەتالىسىنان جازباۋ، قىستاقتارداعى مەشىت باسقارۋ كوميسسياسىنىڭ رولىن ساۋلەلەندىرۋ سەكىلدىلەر جونىندە تەكسەرىپ - زەرتتەۋ جۇرگىزىپ، تالقى ورىستەتۋىمىز ءتيىس. «ۇلتتار ىنتىماعىنىڭ بەرەكەلى شاڭىراعى» قيمىلىن ىشكەرىلەي ورىستەتىپ، ۇيلەردى ارالاپ، ءوزارا ۇيرەنىپ، كوبىرەك قيمىل وتكىزىپ، شىن پەيىلمەن كومەكتەسىپ، ءار ۇلت قاۋىمىن پارتيا مەن ۇكىمەتتىڭ توڭىرەگىنە تىعىز ىنتىماقتاستىرۋىمىز قاجەت. «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» بايلانىسىمەن قىستاقتا تۇرۋ قىزمەتىنىڭ جالپى تالابىنا ساي، بيىل تۇتاس رايونىمىزداعى ءار دارەجەلى ساياسي كەڭەس ۇيىمدارى ورگان كادرلارىنان 435ىن، ساياسي كەڭەس مۇشەلەرىنەن 1487ىن 1114 قىستاققا جىبەرىپ، «ءبىر نىسانانى، ەكى مىندەت، بەس جاقسى ءىستى» ويداعىداي تياناقتاندىرۋدا ساياسي كەڭەستىڭ رولىن ساۋلەلەندىرۋدى ايقىن بەلگىلەدى. شەتەلدەردەگى شينجياڭعا ساياتىن مۇھاجىرلار قىزمەتىن ونان ارى جاقسى ىستەپ، ىرگەلەس مەملەكەتتەردەگى جۇڭگولىق مۇھاجىرلارمەن، جۇڭگولىقتارمەن مادەنيەت اۋىس - كۇيىس جاساۋدى ارقاۋ ەتە تەكسەرىپ - زەرتتەۋ جۇرگىزىپ، اقىل قوسىپ، وتاندى، شينجياڭدى سۇيەتىن دوس كۇشتەردى كەڭ كولەمدە ىنتىماقتاستىرۋىمىز، جيناقتاۋىمىز قاجەت.
ءبىز اۆتونوميالى رايوندىق پارتكومنىڭ جاپپاي دوڭگەلەك داۋلەتتى قوعام قۇرۋ جانە ەكونوميكانىڭ بارىنشا تەز، بارىنشا جاقسى دامۋىن جەبەۋ جونىندەگى تالابىنا ساي، ورنىقتىلىق بارىسىندا العا باسۋ قىزمەتىنىڭ جالپى ريتىمىنە تاباندى بولىپ، «13 - بەسجىلدىق» جوبانى اتقارۋدى، قامداۋ جاعىنداعى قۇرىلىمدىق رەفورمانى ىلگەرىلەتۋدى، جىبەك جولى ەكونوميكالىق بەلدەۋى وزەكتى رايون قۇرىلىسىن، سونداي - اق ەكونوميكالىق قىزمەتتەگى «ون ءتۇيىندى» شارانى نەگىزگە الىپ، ىشكەرىلەي تەكسەرىپ - زەرتتەپ، كوزدەن كەشىرىپ، ءوز كوزقاراسى بار، ءماندى، قۇندى تەكسەرىپ - زەرتتەۋ، اقىلداسۋ جەتىستىكتەرىن قۇلشىنا دايىنداپ، پارتكومنىڭ، ۇكىمەتتىڭ شەشىم جاساۋدا پايدالانۋىنا تاپسىرىپ بەرۋىمىز كەرەك. «باس نىسانانى مىقتاپ ارقاۋ ەتىپ، قالا - قالاشىقتاندىرۋ قۇرىلىسىن جەدەل ىلگەرىلەتۋدى» كەڭەس تاقىرىبى ەتىپ، ارناۋلى تۇردە تۇراقتى كوميتەت ءماجىلىسىن اشىپ، قالا - اۋىلدىڭ دامۋى، ەرەكشە شاعىن قالا - قالاشىق قۇرۋ، ءوندىرىس پەن قالا قۇرۋدى قاتار جۇرگىزۋ تۋرالى ءماسليحاتتاسىپ، كەڭەس بەرىپ، ۇسىنىس قويۋىمىز قاجەت. ەلەكترلەنگەن شينجياڭ قۇرىلىسىن تەزدەتۋ، اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسى، اۋىل شارۋاشىلىق ونىمدەرىنىڭ ساپاسىن جوعارىلاتۋ، جىلقى شارۋاشىلىعىنىڭ شالقۋىن دەمەۋ سەكىلدى ماسەلەلەر تۋرالى تەكسەرىپ - زەرتتەۋ جۇرگىزىپ، اقىل قوسىپ، شارالار مەن ۇسىنىستاردى العا قويۋىمىز ءتيىس.
ءبىز اۆتونوميالى رايوندىق پارتكومنىڭ حالىق تۇرمىسىن قامتاماسىز ەتۋ مەن جاقسارتۋ تالابىنا ساي، ءار ۇلت قاۋىمىنىڭ ءتۇبىرلى مۇددەسىن كوكەيدەگى ەڭ جوعارى ورىنعا قويىپ، بۇقارالىق كوزقاراستى بەرىك ورناتىپ، حالىققا قىزمەت وتەۋ ماقساتىن امالياتتا ايگىلەپ، حالىق تۇرمىسىنا كوڭىل ءبولۋ، حالىق رايىن بەينەلەۋ، حالىق قالاۋىنان شىعۋ جاقتارىندا ىرىقتى جۇمىس تىندىرۋىمىز كەرەك. جۇمىسقا ورنالاستىرۋ، وقۋ - اعارتۋ، ەمدەۋ، قوعامدىق قامتاماسىز ەتۋ، كەدەيلەردى سۇيەمەلدەۋ، مەيىر - شاپاعات جەتكىزۋ، شەكارانى كوركەيتۋ، حاۋىپسىزدىك سەكىلدى جاقتارداعى حالىققا يگىلىك اكەلەتىن ينجەنەريالاردى ارقاۋ ەتىپ، كوزدەن كەشىرۋ، تەكسەرىپ - زەرتتەۋ قيمىلىن ورىستەتىپ، پارتكوم مەن ۇكىمەتتىڭ حالىق يگىلىگى شارالارىن جاقسى تياناقتاندىرۋىنا كومەكشى بولۋىمىز كەرەك. جاستاردىڭ جۇمىستانۋ ماقساتىندا شارۋاشىلىق قۇرۋىنا كاسىپتىك تاربيەنى كۇشەيتۋ، باعىتتامالى تۇردە سەلبەسىپ كەدەيلەردى سۇيەمەلدەۋ مەحانيزمىن جاقسارتۋ جانە تياناقتاندىرۋ، اقاۋسىز شينجياڭ قۇرىلىسىن جەبەۋ سەكىلدىلەر تۋرالى تەكسەرىپ - زەرتتەۋ جۇرگىزىپ، اقىل قوسىپ، باعىتتامالىلىعى كۇشتى پىكىرلەر مەن ۇسىنىستاردى العا قويۋىمىز ءتيىس. كورىكتى اۋىل - قىستاق قۇرىلىسىن ىلگەرىلەتۋدىڭ جۇمىس باسى تاجىريبە الماستىرۋ جينالىسىن سايكەستىرىپ اشىپ، سۋ بايلىعىنان پايدالانۋ، سازدى جەرلەردى قورعاۋ، ەنەرگيا ۇنەمدەپ، لاستىق ىعىستىرۋدى ازايتۋ سياقتىلار جونىندە تەكسەرىپ - زەرتتەۋ جۇرگىزىپ، احۋالدارمەن تانىسىپ، كورىكتى شينجياڭ قۇرۋعا سەپتەسۋىمىز قاجەت.
ءبىز اۆتونوميالى رايوندىق پارتكومنىڭ يدەولوگيا قىزمەتىن كۇشەيتۋ جانە دەموكراتيا، زاڭمەن باسقارۋ قۇرىلىسى جونىندەگى تالابى بويىنشا، ساياسي كەڭەستىڭ ارناسى ىركىلىسسىز، ىنتىماقتاسۋ اياسى كەڭ بولاتىن ابزالدىلىعىن تولىق ساۋلەلەندىرىپ، جۇڭگوشا سوتسياليزم، سوتسياليستىك وزەكتى قۇن كوزقاراسى جانە جۇڭگو ارمانى ۇگىت - تاربيەسىن ىشكەرىلەي ورىستەتىپ، وسى زامانعى مادەنيەت كوزقاراسى مەن تۇرمىس ءتاسىلىن بەلسەنە تاراتىپ، عىلىمعا قۇرمەت ەتەتىن، اقاۋسىز دا العاباسار، وسى زامانعى وركەنيەتتى قوعامدىق سالتتى باۋلىپ جەتىلدىرۋگە كوپتەپ ۇلەس قوسۋىمىز قاجەت. شينجياڭنىڭ نەگىزگى قوعامدىق پىكىر مەديالارىنىڭ تاراتۋ - جەتكىزۋ قۋاتىن جوعارىلاتۋ، توراپ حاۋىپسىزدىگىن باسقارۋدى كۇشەيتۋ، الەۋمەتتىك مادەنيەتكە قىزمەت وتەۋ جۇيەسىن كەمەلدەندىرۋ سىندى ماسەلەلەر تۋرالى تەكسەرىپ - زەرتتەۋ جۇرگىزىپ، اقىل قوسىپ، پىكىر بەرىپ، ۇسىنىس قويۋىمىز ءتيىس. شينجياڭدى جاپپاي زاڭمەن باسقارۋداعى كەلەلى ورنالاستىرۋدى مۇقيات دايەكتى تياناقتاندىرىپ، جۇڭگوشا سوتسياليستىك زاڭمەن باسقارۋ جولىنان اۋىتقىماي، ءادىليا ءتۇزىلىس رەفورماسى سەكىلدى شينجياڭدى زاڭمەن باسقارۋ قۇرىلىسىنداعى ءتۇيىندى ماسەلەلەردى ارقاۋ ەتە تەكسەرىپ - زەرتتەۋ جۇرگىزىپ، احۋالدارمەن تانىسىپ، زاڭ جاساۋ جونىندە بەلسەنە ءماسليحاتتاسىپ، زاڭمەن باسقارۋ ۇگىت - تاربيەسىن تەرەڭدەتۋ، ءار ۇلت قاۋىمىنىڭ زاڭمەن باسقارۋ تانىمىن كۇشەيتۋ ءۇشىن فۋنكتسيانى اتقارىپ، جاۋاپكەرشىلىكتى وتەپ، سانالى تۇردە سوتسياليستىك زاڭمەن باسقارۋدىڭ ۇلگى - ونەگەسى، امالياتتان وتكىزۋشىسى بولۋىمىز قاجەت. ءۇشىنشى، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، حالىق ساياسي كەڭەسىنىڭ بولەكشە ابزالدىلىعى مەن رولىن اناعۇرلىم جاقسى ساۋلەلەندىرۋ
پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتى تياناقتاندىرىپ، قوعام ورنىقتىلىعى مەن باياندى تىنىشتىقتى جۇزەگە اسىرۋ − تۇتاس رايونىمىزداعى بارلىق جاقتاردىڭ ورتاق ساياسي جاۋاپكەرشىلىگى. تۇتاس رايونىمىزداعى ءار دارەجەلى ساياسي كەڭەس ۇيىمدارى، ءار ۇلت، ءار سالا ساياسي كەڭەس مۇشەلەرى، قالىڭ ساياسي كەڭەس كادرلارى ج ك پ 18 - كەزەكتى ورتالىق كوميتەتى التىنشى جالپى ءماجىلىسىنىڭ، ج ك پ ورتالىق كوميتەتى ءتارتىپ تەكسەرۋ كوميتەتىنىڭ جەتىنشى جالپى ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، سەنىمدى بەكەمدەپ، حالىققا قىزمەت وتەپ، جۇمىستى پاكتىكپەن ىستەپ، بورىشتى باتىل ارقالاپ، تۋراشىل، پاك بولىپ، «ساياسي كەڭەسە ءبىلۋ، ءماسليحاتتاسا الۋ، اقىلداسۋعا شەبەر بولۋ» ماڭىزدى يدەياسىن دەن قويا امالياتتا ايگىلەپ، ج ك پ اۆتونوميالى رايوندىق 9 - قۇرىلتايىنىڭ ورنالاستىرۋى مەن تالابى بويىنشا، قوعام ورنىقتىلىعى مەن باياندى تىنىشتىق باس نىساناسى تۋىن بيىك جەلبىرەتىپ، بورىشىن جىعا تانىپ، ورنىن ءدال تاۋىپ، سانالىلىقتى ارتتىرىپ، «ەكىنى ۇيرەنۋ، بىردە تولىمدى بولۋ» ۇيرەنۋ - تاربيەسىنە ۇشتاستىرىپ، «ۇشتە قاتاڭ، ۇشتە شىنايى بولۋدى» ءوز امالياتىندا ايگىلەپ، سەنىمدى بەكەمدەپ، ساياسي ءتارتىپتى قاتايتىپ، جاۋاپكەرشىلىك تانىمىن، مۇشەلىك تانىمدى كۇشەيتىپ، تابان تىرەپ، جۇرەكپەن بەرىلىپ، تامىر تارتىپ، ادال ادام بولىپ، شىن سويلەپ، ناقتى جۇمىس تىندىرىپ، جاۋاپكەرشىلىكتى ادالدىقپەن اتقارىپ، بورىشتى سارقا وتەپ، مىندەتتى باتىل ارقالاپ، قوعام ورنىقتىلىعى مەن باياندى تىنىشتىقتى قۇلشىنا ىلگەرىلەتۋگە اقىل - پاراسات جانە كۇش - قۋاتتى ارناۋ كەرەك.
ءبىز حالىق ساياسي كەڭەسى كەڭەستىك دەموكراتياسىنىڭ رولىن جاقسى ساۋلەلەندىرىپ، ج ك پ ورتالىق كوميتەتىنىڭ سوتسياليستىك كەڭەستىك دەموكراتياسىن دامىتۋ جانە ساياسي كەڭەستىڭ كەڭەستىك دەموكراتياسى قۇرىلىسىن كۇشەيتۋ جونىندەگى كەلەلى ستراتەگيالىق ورنالاستىرۋىن مۇقيات دايەكتى تياناقتاندىرىپ، اۆتونوميالى رايوندىق پارتكومنىڭ حالىق ساياسي كەڭەسىنىڭ كەڭەستىك دەموكراتياسى قۇرىلىسىن اناعۇرلىم كۇشەيتۋ جونىندەگى اتقارۋ پىكىرىن دايەكتى تياناقتاندىرىپ، كەڭەستىك دەموكراتيانى فۋنكتسيانى اتقارۋدىڭ جالپى بارىسىنا ءسىڭىرىپ، رەفورما، دامۋ، ورنىقتىلىق ىستەرىندەگى كەلەلى ماسەلەلەر مەن بۇقارانىڭ ءتول مۇددەسىنە ساياتىن ءىس جۇزىندىك ماسەلەلەردى ارقاۋ ەتە كەڭ كولەمدە ءماسليحاتتاسىپ، تىلەكتى توعىستىرىپ، كۇش - قۋات ۇيىستىرۋىمىز ءتيىس. پارىقتاردى ساقتاپ، بىرلىككە ۇمتىلۋ، كەڭ پەيىل، كەشىرىمشىل بولۋ تاڭداۋلى ءداستۇرىن ساۋلەلەندىرىپ، دەموكراتيالى ءماسليحاتتاسۋ، تەڭ دارەجەدە ىستەردى كەڭەسۋ قىزمەت پرينسيبىن دايەكتى اتقارىپ، بار ىستەردى، كەزدەسكەن جۇمىستاردى، ىستەيتىن شارۋالاردى كوبىرەك اقىلداسىپ، اقتارىلا لەبىز ءبىلدىرۋ، ءوز پىكىرىن ايتۋ، بارلىعىن اقىلعا سالۋ، زاڭدى، ءتارتىپتى بولۋ سىندى تاماشا ءماسليحات رايىن قالىپتاستىرۋىمىز ءتيىس. نەگىزگى ساتى ساياسي كەڭەستەرىنىڭ ءماسليحاتىن كۇشەيتىپ، ساياسي كەڭەس مۇشەلەرىنىڭ بۇقارامەن بايلانىس جاساۋ، ءار سالانى ىنتىماقتاستىرۋ ارناسىن ىركىلىسسىزدەندىرىپ، ساياسي كەڭەستىڭ سالالىق قىزمەتى مەن بۇقارالىق قىزمەتىن جاڭالاپ، ارناۋلى ءماسليحاتتى، باعىتتامالى ءماسليحاتتى، سالالىق ءماسليحاتتى، ۇسىنىس جوبانى ءبىر جايلى ەتۋ ءماسليحاتىن بەلسەنە ورىستەتىپ، ءماسليحاتتىڭ مازمۇنى مەن ءتارتىبىن ۇزدىكسىز بايىتۋىمىز، جاقسارتۋىمىز ءتيىس. تەكسەرىپ - زەرتتەۋدى بارىنشا كۇشەيتىپ جانە كەمەلدەندىرىپ، جاعدايعا تۇجىرىم، تالداۋ جاساۋ، ماسەلەلەردى اقىلداسىپ شەشۋ قابىلەتىن جوعارىلاتىپ، ءماسليحاتتىڭ اقىل قوسۋ ونىمدىلىگىن شىن مانىندە جوعارىلاتۋىمىز قاجەت.
ءبىز حالىق ساياسي كەڭەسىنىڭ دەموكراتيالىق باقىلاۋ رولىن جاقسى ساۋلەلەندىرىپ، ج ك پ 18 - كەزەكتى ورتالىق كوميتەتى التىنشى جالپى ءماجىلىسىنىڭ حالىق ساياسي كەڭەسى ۋستاۆى بويىنشا دەموكراتيالىق باقىلاۋ جۇرگىزۋى كەرەك دەگەن تالابىن مۇقيات دايەكتى تياناقتاندىرىپ، فۋنكتسيانىڭ ورنىن دۇرىس يگەرىپ، پارتيانىڭ باسشىلىعىنا باستان - اياق تاباندى بولىپ جانە ونى قورعاپ، اۆتونوميالى رايوندىق پارتكومنىڭ ورنالاستىرۋى بويىنشا دەموكراتيالىق باقىلاۋ جۇرگىزىپ، باقىلاۋدىڭ دۇرىس بەتالىسپەن ورىستەتىلۋىنە شىنايى كەپىلدىك ەتۋىمىز قاجەت. دەموكراتيالىق باقىلاۋ قابىلەتى قۇرىلىسىن كۇشەيتىپ، دەموكراتيالىق باقىلاۋ ادىستەرىن اقىلداسىپ بەلگىلەپ، دەموكراتيالىق باقىلاۋدىڭ مازمۇنىن، فورماسىن، ادىستەرىن جانە ءتارتىبىن ايقىنداپ، دەموكراتيالىق باقىلاۋدىڭ قىزمەت مەحانيزمىن كەمەلدەندىرىپ، دەموكراتيالىق باقىلاۋ قىزمەتىنىڭ جۇيەلەنۋىن، تۇزىمدەنۋىن، تارتىپكە ءتۇسۋىن ىلگەرىلەتۋىمىز كەرەك. ۇيىمدىق باقىلاۋ سيپاتى كۇشتى كوزدەن كەشىرۋدى، تەكسەرىپ - زەرتتەۋدى، ءماسليحات ءماجىلىسىن اشۋدى نەگىز ەتىپ، الۋان ءتۇرلى فورمالاردى سايكەستىرىپ، دەموكراتيالىق باقىلاۋدىڭ ونىمدىلىگىن ارتتىرۋىمىز قاجەت. ماسەلەنى نىشان ەتۋدى كورنەكتىلەندىرىپ، كەم - كەتىكتى تولىقتاۋ تانىمىن كۇشەيتۋدى، قوعام ورنىقتىلىعى مەن باياندى تىنىشتىق باس نىساناسىن، باستىسى، لاڭكەستىككە قارسى تۇرىپ، ورنىقتىلىقتى قورعاۋ، ۇلتتار ىنتىماعى، ءدىن قىزمەتى، رەفورما شارالارى، كەدەيلىكتەن قۇتىلدىرۋدان قامال الۋ سەكىلدى ناقتى ساياسات - شارالاردىڭ تياناقتانۋ احۋالىن، سونداي - اق ماڭىزدى زاڭ - ەرەجەلەردىڭ، كەلەلى حۇجاتتاردىڭ دايەكتى تياناقتانۋ احۋالىن ارقاۋ ەتە دەموكراتيالىق باقىلاۋ جۇرگىزىپ، ماسەلەلەردى جەتكىزىپ، اۆتونوميالى رايوندىق پارتكوم شەشىم - ورنالاستىرۋلارىنىڭ دايەكتى تياناقتانۋىن دەمەۋىمىز كەرەك.
ءبىز حالىق ساياسي كەڭەسىنىڭ وتانشىلدىق بىرلىكساپ ۇيىمى بولۋ رولىن اناعۇرلىم جاقسى ساۋلەلەندىرىپ، «جۇڭگو كوممۋنيستىك پارتياسىنىڭ بىرلىكساپ قىزمەتى ەرەجەسى (سىناق رەتىندە اتقارىلاتىن)» مەن اۆتونوميالى رايوندىق پارتكومنىڭ «ەرەجەنى» تياناقتاندىرۋدىڭ ەگجەي - تەگجەيلى اتقارۋ پرينسيبىن مۇقيات دايەكتىلەندىرىپ، ىنتىماق، بىرلەسكەن دوستىق قىزمەتىنىڭ ەرەكشەلىگىن جاقسى يگەرىپ، يدەيالىق - ساياسي ورتاق تانىمدى كۇشەيتۋدى ءىرى ساياسي مىندەت ەتىپ، پارتيا - توپتاردى، ۇيىمداردى، ۇلتتاردى، جىكتەردى، ءار سالا قايراتكەرلەرىن بەرەكە - بىرلىكتە بولىپ، يدەيانى، تانىمدى، ءسوز - ارەكەتتى بىرلىككە كەلتىرۋگە باستاۋىمىز كەرەك. شينجياڭنىڭ امالياتىن نەگىزگە الىپ، ۇلكەن دۇرىس پەن ۇلكەن بۇرىس ماسەلەسىندە ەرەكشە سەرگەك ويلى، ۇلتتار ىنتىماعىن قورعاۋ ارەكەتىندە ەرەكشە مىزعىماس بولىپ، ءار ۇلت بۇقاراسىنا بولعان سۇيىسپەنشىلىگى ەرەكشە شىنايى بولۋدى، وتاننىڭ تۇتاستىعىن قورعاۋدى، ۇلتتار ىنتىماعىن جەبەۋدى، ءدىني ۇشقارىلىق يدەياسىنىڭ ءورشۋىن تىزگىندەۋدى ءتۇيىن، جۇرت تىلەگىن ۇيىستىرۋدى، كۇش - قۋات توپتاۋدى ماقسات ەتىپ، شينجياڭدا بولشەكتەۋ مەن بولشەكتەۋگە قارسى تۇرۋ كۇرەسىنىڭ ۇزاق ۋاقىتتىلىعىن، كۇردەلىلىگىن، قيان - كەسكىلىگىن جىعا تانىپ، ءار ۇلت، ءار سالا قايراتكەرلەرىن بولشەكتەۋگە قارسى تۇرۋ سىندى ءىرى پرينسيپتىك ماسەلەدە سەرگەك ويلى بولۋعا، باستان - اياق ايقىن تۋ ۇستاپ، ۇستانىمىن بەكەمدەۋگە، تانىمىن بىرلىككە كەلتىرۋگە، يدەياسى مەن ارەكەتىن بىرلىككە كەلتىرۋگە، پوزيتسيادا باتىل، ءسوز - ارەكەتتە بىردەي بولىپ، ۇلتتار ىنتىماعىن قورعاۋدىڭ، بولشەكتەۋگە قارسى تۇرۋ كۇرەسىنىڭ، جۇرت تىلەگىن توعىستىرىپ، كۇش - قۋات ۇيىستىرۋدىڭ ءبىرىنشى شەبىندە مىزعىماي تۇرۋعا باستاپ، ۇلى ىنتىماقتى، ۇلى بىرلىكتى مۇمكىندىكتىڭ بارىنشا جاقسارتىپ، كەڭ كولەمدى وتانشىلدىق بىرلىكساپتى بەكەمدەپ جانە دامىتىپ، قوعام ورنىقتىلىعى مەن باياندى تىنىشتىقتى جۇزەگە اسىرۋعا تىرەكتى كۇش ۇيىستىرۋىمىز ءتيىس.
مۇشەلەر، تىڭ باستاما، جاڭا ءۇمىت ادامنىڭ كوڭىلىن جەلپىندىرەدى، سونى نىسانا، جاڭاشا مىندەت ادامدى العا باسۋعا جەبەيدى. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، اۆتونوميالى رايوندىق پارتكومنىڭ پارمەندى باسشىلىعىندا، اۆتونوميالى رايوندىق حالىق ۇكىمەتىنىڭ بارىنشا قولداپ - قۋاتتاۋىندا، ج ك پ اۆتونوميالى رايوندىق 9 - قۇرىلتايىنىڭ ورنالاستىرۋىن، تالابىن ىشكەرىلەي دايەكتى تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، قايراتتانا العا ۇمتىلىپ، جۇرت تىلەگىن توعىستىرىپ، كۇش - قۋات ۇيىستىرىپ، پارتيا 19 - قۇرىلتايىنىڭ جەڭىسپەن اشىلۋىن حالىق ساياسي كەڭەسىنىڭ فۋنكتسيا اتقارۋداعى تىڭ ناتيجەلەرىمەن قارسى الايىق!
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
