- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ج ك پ ورتالىق كوميتەتى «اۋداننان جوعارى پارتيا مەن مەملەكەت ورگاندارىنداعى پارتيالى باسشى كادرلاردىڭ دەموكراتيالىق تۇرمىس جيىنى جونىندەگى بەلگىلەمەنى» باسىپ تاراتتى
2017.01.19 13:25 كەلۋ قاينارى : شينجياڭ گازەتى
شينحۋا اگەنتتىگىنىڭ بەيجيڭنەن بەرگەن حابارى. تاياۋدا ج ك پ ورتالىق كوميتەتى «اۋداننان جوعارى پارتيا مەن مەملەكەت ورگاندارىنداعى پارتيالى باسشى كادرلاردىڭ دەموكراتيالىق تۇرمىس جيىنى جونىندەگى بەلگىلەمەنى» (تومەندە قىسقارتىلىپ «بەلگىلەمە» دەلىندى) باسىپ تاراتتى ءارى حابارلاندىرۋ شىعارىپ، رايونداردىڭ، تاراۋلاردىڭ مۇقيات اتقارۋىن تالاپ ەتتى.
حابارلاندىرۋدا بىلاي دەپ اتاپ كورسەتىلدى: دەموكراتيالىق تۇرمىس جيىنى − پارتيانىڭ ىشكى ساياسي تۇرمىسىنىڭ ماڭىزدى مازمۇنى، پارتيا ىشىندەگى دەموكراتيانى ساۋلەلەندىرۋدىڭ، پارتيا ىشىندەگى باقىلاۋدى كۇشەيتۋدىڭ، باسشىلىق القانىڭ ءوز كۇشىنە سۇيەنە وتىرىپ قايشىلىقتار مەن ماسەلەلەردى شەشۋىنىڭ ماڭىزدى ءتاسىلى. دەموكراتيالىق تۇرمىس جيىنى تۇزىمىنە تاباندى بولۋ جانە ونى كەمەلدەندىرۋ − پارتيانىڭ ىنتىماعى مەن بىرلىگىنە كەپىلدىك ەتۋدەگى، پارتيانىڭ العاباسارلىعى مەن كىرشىكسىزدىگىن ساقتاۋداعى اسىلى. «بەلگىلەمەگە» وزگەرىس ەنگىزۋ جانە ونى اتقارۋ دەموكراتيالىق تۇرمىس جيىنى تۇزىمىنە تاباندى بولىپ جانە كەمەلدەندىرىپ، پارتيانىڭ ىشكى ساياسي تۇرمىسىن كۇشەيتىپ جانە ارناعا ءتۇسىرىپ، پارتيالى باسشى كادرلاردى ساياسي تانىمدى، جالپى جاعداي تانىمىن، ۇيتقىلىق تانىمدى، ساپ تۇزەۋ تانىمىن مىقتاپ ورناتىپ، سىن جانە ءوز - وزىنە سىندى قاتاڭ ءارى مۇقيات ورىستەتىپ، ادال، كىرشىكسىز، جاۋاپتى بولۋعا جەتەكتەۋدە اسا ماڭىزدى ءمان الادى.
حابارلاندىرۋدا بىلاي دەپ باسا دارىپتەلدى: ءار دارەجەلى پارتكوم (پارتيا باسشىلىق گرۋپپاسى) پارتيا 18 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن مۇقيات دايەكتى تياناقتاندىرىپ، پارتيانى جاپپاي قاتاڭ جونگە سالۋ، پارتيانىڭ ىشكى ساياسي تۇرمىسىن قاتايتۋ تۇرعىسىنان، دەموكراتيالىق تۇرمىس جيىنى تۇزىمىنە تاباندى بولۋ مەن ونى كەمەلدەندىرۋدىڭ ماڭىزدىلىعىن، كوكەي تەستىلىگىن جەتە تانىپ، «بەلگىلەمەنى» ۇيرەنۋدى، دايەكتىلەندىرۋدى شىن مانىندە ويداعىداي يگەرۋى كەرەك. ۇيرەنۋ تاربيەسىن مۇقيات ۇيىمداستىرىپ جانە ورىستەتىپ، ءار دارەجەلى باسشىلىق القاسى مەن پارتيالى باسشى كادرلاردىڭ «بەلگىلەمەنىڭ» نەگىزگى رۋحى مەن تالابىن تەرەڭ ءتۇسىنىپ، دەموكراتيالىق تۇرمىس جيىنىن ويداعىداي اشۋداعى يدەيالىق سانالىلىعى مەن ارەكەت سانالىلىعىن اناعۇرلىم كۇشەيتۋىنە مۇمكىندىك جاساۋ كەرەك. ءار دارەجەلى پارتيالى باسشى كادرلار دەموكراتيالىق تۇرمىس جيىنى ءتۇزىمىن قاتاڭ اتقارىپ، سىن جانە ءوز - وزىنە سىن سىندى وتكىر قارۋدى ويداعىداي پايدالانىپ، ءوز بويىنداعى ماسەلەلەردى تابۋ جانە شەشۋ قابىلەتىن ۇزدىكسىز ارتتىرۋى كەرەك. جوعارى دارەجەلى پارتيا ۇيىمى قۋزاۋ - جەتەكشىلىك ەتۋ گرۋپپاسىن تاعايىنداۋ، سىرتتاي قاتىناسۋعا ادام جىبەرۋ سياقتى تاسىلدەر ارقىلى، تومەن دارەجەلى ورىننىڭ اشقان دەموكراتيالىق تۇرمىس جيىنىن قۋزاپ، تەكسەرۋى جانە وعان جەتەكشىلىك ەتۋى كەرەك. ماسەلەسى كورنەكتى بولعان باسشىلىق القالارىن جوعارى دارەجەلى پارتيا ۇيىمىنىڭ نەگىزگى جاۋاپتىسى ءوزى تەكسەرۋى، پارمەندى جاۋاپتىلاردى دەموكراتيالىق تۇرمىس جيىنىنا سىرتتاي قاتىناسۋعا جىبەرىپ، ماسەلەلەردى قاتاڭ تۇردە كورسەتىپ، سەبەبىنە ىشكەرىلەي تالداۋ جاساپ، شەشۋگە شىن مانىندە كومەكتەسۋى كەرەك. ورتالىق كوميتەتتىڭ ۇيىمداستىرۋ ءبولىمى ورتالىق ءتارتىپ تەكسەرۋ كوميتەتىنىڭ ورگانى سياقتى ورىندارمەن بىرگە قۋزاۋ، تەكسەرۋدى كۇشەيتىپ، «بەلگىلەمەنىڭ» اتقارىلۋ جاعدايىنا ۇيلەسىمدى ۋاقىتتا ارناۋلى تەكسەرۋ جۇرگىزىپ، ءتۇرلى تالاپتاردىڭ تياناقتاندىرىلۋىن قامتاماسىز ەتۋى كەرەك.
حابارلاندىرۋدا، رايونداردان، تاراۋلاردان «بەلگىلەمەنى» اتقارۋداعى ماڭىزدى جاعدايلار مەن ۇسىنىستاردى دەر كەزىندە پارتيا ورتالىق كوميتەتىنە مالىمدەۋ تالاپ ەتىلدى.
«اۋداننان جوعارى پارتيا مەن مەملەكەت ورگاندارىنداعى پارتيالى باسشى كادرلاردىڭ دەموكراتيالىق تۇرمىس جيىنى جونىندەگى بەلگىلەمەنىڭ» تولىق مازمۇنى تومەندەگىدەي:
1 - تارماق پارتيانى جاپپاي قاتاڭ جونگە سالۋ تالابىن تياناقتاندىرۋ، اۋداننان جوعارى پارتيا مەن مەملەكەت ورگاندارىنداعى پارتيالى باسشى كادرلاردىڭ دەموكراتيالىق تۇرمىس جيىنى تۇزىمىنە تاباندى بولۋ جانە ونى كەمەلدەندىرۋ ءۇشىن «جۇڭگو كوممۋنيستىك پارتياسىنىڭ ۋستاۆى» جانە «جاڭا جاعدايداعى پارتيانىڭ ىشكى ساياسي تۇرمىسى جونىندەگى ولشەمدەر»، «جۇڭگو كوممۋنيستىك پارتياسىنىڭ پارتيا ىشىندەگى باقىلاۋ ەرەجەسى» سياقتى پارتيا ىشىندەگى قاتىستى زاڭ - ەرەجەلەرگە ساي وسى بەلگىلەمە شىعارىلدى.
2 - تارماق وسى بەلگىلەمەدە ايتىلعان اۋداننان جوعارى پارتيا مەن مەملەكەت ورگاندارىنداعى پارتيالى باسشى كادرلار اۋداننان جوعارى پارتيانىڭ ءار دارەجەلى كوميتەتتەرىنىڭ، ءتارتىپ تەكسەرۋ كوميتەتتەرىنىڭ تۇراقتى كوميتەتتەرىنىڭ مۇشەلەرىن، قىزمەت كوميتەتتەرىنىڭ مۇشەلەرىن، پارتيا باسشىلىق گرۋپپالارى (پارتكوم) قۇرامىنداعىلاردى، سونداي - اق اۋداننان جوعارى پارتيا مەن مەملەكەت ورگاندارىنداعى تاراۋلاردىڭ (حالىقتىق توپتاردى قامتيدى) پارتيالى باسشى كادرلارىن كورسەتەدى.
ەكونوميكالىق ۇيىمداردىڭ، مادەنيەت ۇيىمدارىنىڭ، قوعامدىق ۇيىمداردىڭ جانە باسقا دا ۇيىمداردىڭ پارتيا باسشىلىق گرۋپپالارىنىڭ (پارتكوم) مۇشەلەرى وسى بەلگىلەمەنى اتقارادى.
3 - تارماق دەموكراتيالىق تۇرمىس جيىنى پارتيانىڭ ىشكى ساياسي تۇرمىسىنىڭ ماڭىزدى مازمۇنى، پارتيا ىشىندەگى دەموكراتيانى ساۋلەلەندىرۋدىڭ، پارتيا ىشىندەگى باقىلاۋدى كۇشەيتۋدىڭ، باسشىلىق القانىڭ ءوز كۇشىنە سۇيەنىپ قايشىلىقتار مەن ماسەلەلەردى شەشۋىنىڭ ماڭىزدى ءتاسىلى. دەموكراتيالىق تۇرمىس جيىنى تۇزىمىنە تاباندى بولۋ جانە ونى كەمەلدەندىرۋ جاڭا جاعدايدا پارتيانىڭ ىشكى ساياسي تۇرمىسىن كۇشەيتۋ، جۇيەگە ءتۇسىرۋ، پارتيانىڭ ءوزىن - ءوزى كىرشىكسىزدەندىرۋ، كەمەلدەندىرۋ، جاڭالاۋ، جوعارىلاتۋ قابىلەتىن ءوسىرۋ، پارتيانىڭ دۇرىس باسشىلىعىن جۇزەگە اسىرۋ، پارتيانىڭ ىنتىماعى مەن شوعىرلى بىرلىگىن قورعاۋ، پارتيالى باسشى كادرلاردى ساياسي تانىمدى، جالپى جاعداي تانىمىن، ۇيتقى تانىمىن، ساپ تۇزەۋ تانىمىن بەرىك ورناتۋعا جەتەلەۋ، «ۇشتە قاتاڭ، ۇشتە شىنايى بولۋ» تالابىن امالياتتا سانالىلىقپەن ايگىلەۋ، باستان - اياق ادال، پاك بولۋ، جاۋاپكەرشىلىكتى باتىلدىقپەن ارقالاۋ جونىنەن ماڭىزدى رول اتقارادى.
پارتيالى باسشى كادرلار جاي پارتيا مۇشەسى سالاۋاتىمەن پارتيا ياچەيكاسىنىڭ (پارتگرۋپپا) ۇيىمدىق تۇرمىس جيىنىنا دا قاتىناسىپ، ەكى ۇيىمدىق تۇرمىستى ويداعىداي وتكىزۋى كەرەك.
4 - تارماق دەموكراتيالىق تۇرمىس جيىنى «ىنتىماق − سىن − ىنتىماق» باعىتىنا بويسۇنىپ، ستيل دۇرىستاۋ رۋحىن دايەكتىلەندىرىپ، دەموكراتيانى تولىق ساۋلەلەندىرىپ، بەلسەندى، اقاۋسىز يدەيالىق كۇرەستى ورىستەتىپ، پارتيانىڭ ىشكى ساياسي تۇرمىسىنىڭ ساياسيلىعىن، داۋىرلىك سيپاتىن، پرينسيپتىگىن، جاۋىنگەرلىك سيپاتىن كۇشەيتۋى كەرەك. دەموكراتيالىق تۇرمىس جيىنىنا قاتىناسقان پارتيالى باسشى كادرلار سىن جانە ءوز - وزىنە سىندى قاتاڭ، دەن قويا ورىستەتىپ، شىندىقتى ءىس جۇزىنەن ىزدەۋگە تاباندى بولىپ، پارتيالىلىقتى دارىپتەۋدە تامىر - تانىستىققا قاراماۋى، اقيقاتتى دارىپتەۋدە كوڭىلگە قاراماۋى، «ايناعا قاراۋ، جاعا - جەڭدى تۇزەۋ، كىر - داقتاردى جۋۋ، اۋرۋدى ەمدەۋ» تالابىنا ساي قاتاڭ، مۇقيات پىكىر بەرىپ، جولداستارعا شىن پەيىلمەن كومەكتەسىپ، يدەيانى بىرلىككە كەلتىرۋ، ىنتىماقتى نىعايتۋ، ءبىرىن - ءبىرى باقىلاۋ، بىرگە جوعارىلاۋ ماقساتىنا جەتۋى كەرەك.
5 - تارماق دەموكراتيالىق تۇرمىس جيىنى نەگىزگى تاقىرىپتى بەلگىلەۋى، ادەتتە وزىنەن ءبىر دارەجە جوعارى پارتيا ۇيىمى بەلگىلەۋى ياكي باسشىلىق القاسى ءوز قۇرىلىسىنىڭ ءىس جۇزىندىك جاعدايىنا ساي بەلگىلەۋى ءارى وزىنەن ءبىر دارەجە جوعارى پارتيا ۇيىمىنىڭ ماقۇلداۋىنان وتكىزۋى كەرەك.
6 - تارماق دەموكراتيالىق تۇرمىس جيىنى باستى تاقىرىپتى ارقاۋ ەتىپ، تومەندەگى نەگىزگى مازمۇندار جونىندە سالىستىرىپ تەكسەرۋ جۇرگىزىپ، سىن جانە ءوز - وزىنە سىندى ورىستەتۋى كەرەك:
(1) پارتيا ۋستاۆىنا بويسۇنىپ، مۇرات - سەنىمدى بەكەمدەپ، پارتيانىڭ نازاريالىق لۋشيان، باعىت - ساياساتتارى مەن شەشىمدەرىن دايەكتىلەندىرىپ، پارتيانىڭ ساياسي ءتارتىبى مەن ساياسي قاعيداسىن اتقارىپ، پارتيا ورتالىق كوميتەتىنىڭ بەدەلىن قورعاۋ جاعدايى.
(2) باسشىلىق القاسىنىڭ وزىندىك قۇرىلىسىن كۇشەيتىپ، دەموكراتيالىق ورتالىقتاندىرۋ ءتۇزىمىن اتقارىپ، باسشىلىق القانىڭ ىنتىماعىن قورعاپ، پارتيانىڭ ۇيىمدىق تۇرمىس ءتۇزىمىن قاتايتىپ، ادام ىستەتۋدىڭ دۇرىس بەتالىسىنان جازباي، سىن جانە ءوز - وزىنە سىندى ورىستەتۋ جاعدايى.
(3) ۇقىعىن دۇرىس اتقارىپ، مىندەتىن وتەپ، جاۋاپكەرلىگىن ادا ەتىپ، بەلسەنە ءىس تىندىرىپ، عىلمي شەشىم جاساۋعا، دەموكراتيالىق شەشىم جاساۋعا، زاڭ بويىنشا شەشىم جاساۋعا تاباندى بولىپ، ەرەكشە بيلەپ - توستەۋگە قارسى تۇرىپ، ۇقىعىن دۇرىس قولدانۋ جاعدايى.
(4) سوتسياليستىك وزەكتى قۇن كوزقاراسىن امالياتتا باستاماشىلدىقپەن اتقارىپ، قاجىرلىلىقپەن كۇرەسىپ، تۋراشىل، پاك بولىپ، تارتىپكە بويسۇنىپ، زاڭدى اتقارۋ، وتباسىنا، وتباسى تاربيەسىنە، وتباسى سالتىنا ءمان بەرىپ، تۋىستارى مەن ماڭىنداعى قىزمەتكەرلەردى تاربيەلەۋ، باسقارۋ جاعدايى.
(5) پارتيانىڭ بۇقارالىق لۋشيانىن اتقارىپ، حالىق مايدانىنان تاپجىلماي، باسشىلاردىڭ ستيلىن جاقسارتىپ، ىشكەرىلەي تەكسەرۋ - زەرتتەۋ جۇرگىزىپ، بۇقارامەن قويان - قولتىق ارالاسۋ جاعدايى.
(6) پارتيانى جاپپاي قاتاڭ جونگە سالۋدىڭ سۋبيەكتتىك جاۋاپكەرلىگى مەن باقىلاۋ جاۋاپكەرلىگىن اتقارىپ، پارتيا ستيلى، پاكتىك قۇرىلىسى مەن جەمقورلىققا قارسى تۇرۋ قىزمەتىن كۇشەيتۋ جاعدايى.
ءناسيحات بەرىلگەندەرى ءوزىنىڭ رەتتەۋ - تۇزەتۋ جاعدايىن ءتۇسىندىرۋى كەرەك.
7 - تارماق دەموكراتيالىق تۇرمىس جيىنى جىلىنا ءبىر رەت اشىلۋى، جايشىلىقتا 4 - ماۋسىمعا ورنالاستىرىلۋى كەرەك. ەرەكشە جاعداي سەبەبىمەن الدىن الا نەمەسە كەشەۋىلدەتىپ اشۋ قاجەت بولعاندا جوعارى دارەجەلى پارتيا ۇيىمىنا جولداپ، ماقۇلداۋىنان وتكىزۋ كەرەك.
دەموكراتيالىق تۇرمىس جيىنىنا قاتىناسقاندار سانى، ءسوز جوق، جيىنعا قاتىناسۋعا ءتيىستى ادام سانىنىڭ ۇشتەن ەكىسىنەن اسۋى كەرەك.
8 - تارماق باسشىلىق القاسى ماڭىزدى نەمەسە جالپىلىق ماسەلەگە جولىعۋ، ماڭىزدى شەشىمدەردەن اعاتتىق تۋىلۋ نەمەسە توسىن تۋىلعان ىستەردى ءبىر جايلى ەتۋى ۇيلەسىمسىز بولۋ، ءتارتىپ تەكسەرۋ، شارلاۋ جانە قازىنالىق باقىلاۋ بارىسىندا كەلەلى ماسەلە بايقالۋ، سونداي - اق تارتىپكە، زاڭعا قايشىلىق جاساۋ دەلوسى تۋىلۋ سياقتى جاعدايلاردا ارناۋلى دەموكراتيالىق تۇرمىس جينىن اشىپ، دەر كەزىندە بورشالاپ، رەتتەپ، وزگەرتۋ كەرەك.
9 - تارماق دەموكراتيالىق تۇرمىس جيىنىن اشۋدا جيىن جوباسىن بەلگىلەپ، 10 كۇن بۇرىن جوعارى دارەجەلى پارتيا ۇيىمىنىڭ تەكسەرىپ بەكىتۋىنە جولداۋ ءارى تومەندەگى دايىندىق قىزمەتتەردى ويداعىداي ىستەۋ كەرەك:
(1) باسشىلىق القاسى قۇرامىنداعىلار پارتيا ۋستاۆىن، پارتيا ەرەجەسىن جانە پارتيانىڭ جاڭالىق اشۋ نازارياسىن، سونداي - اق قاتىستى حۇجاتتاردى دەن قويا ۇيرەنىپ، يدەيالىق تانىمدى نىعايتىپ، ولشەم، تالاپتى يگەرۋ.
(2) پارتكوم (پارتيا باسشىلىق گرۋپپاسى) نەمەسە تاپسىرىلعان ۇيىمداستىرۋ تاراۋلارى، ورگاننىڭ پارتيا ۇيىمى پارتيا مۇشەلەرىنەن، كادرلار مەن جۇرتشىلىقتان پىكىر - ۇسىنىستار الۋ ءارى ونى باسشىلىق القا مەن ونىڭ مۇشەلەرىنە قاز - قالپىندا جەتكىزۋ. باسشىلىق القانىڭ مۇشەلەرى وزىنە قاتىستى اڭىس ەتىلگەن ماسەلەلەر جونىنەن ۇيىمعا تۇسىنىك جاساۋ.
(3) باسشىلىق القانىڭ مۇشەلەرى ءبىر - بىرىمەن سىرلاسۋ، اڭگىمەلەسۋ، وي ءبولىسۋ، پىكىر اۋىستىرۋ ءارى سول ورىندى باسقارۋعا جاۋاپتى باستى اداممەن سىرلاسۋ، سونداي - اق پارتيا مۇشەلەرىنىڭ، كادرلاردىڭ كۇن ىلگەرى كەڭەسۋىن قابىلداۋ.
(4) باسشىلىق القانىڭ سالىستىرىپ تەكسەرۋ ماتەريالى مەن جەكەلەردىڭ ءسوزىنىڭ جەلىسىن جازىپ دايىنداۋ، ماسەلەلەردى تەكسەرۋ، ورتاعا سالۋ، پارتيالىلىق تۇرعىدا تالداۋ جاساۋ، رەتتەۋ - تۇزەتۋ شارالارىن العا قويۋ. جەكەلەر ءسوزدىڭ جەلىسىن وزدەرى جازىپ دايىنداۋ ءارى بەلگىلەمەگە ساي جەكە باسىنا قاتىستى ىستەرگە تۇسىنىك جاساۋ.
10 - تارماق دەموكراتيالىق تۇرمىس جيىنىن باسشىلىق القانىڭ نەگىزگى جاۋاپتى جولداستارى باسقارادى، ادەتتە تومەندەگىدەي تارتىپتەرگە ساي جۇرگىزىلەدى:
(1) الدىڭعى رەتكى دەموكراتيالىق تۇرمىس جيىنىنداعى رەتتەۋ - تۇزەتۋ شارالارىنىڭ تياناقتاندىرىلۋ جاعدايى مەن وسى جولعى دەموكراتيالىق تۇرمىس جيىنىنداعى پىكىر الۋ جاعدايى حابارلاندىرىلادى.
(2) نەگىزگى جاۋاپتى ادام باسشىلىق القا اتىنان سالىستىرمالى تەكسەرۋ جاسايدى.
(3) باسشىلىق القانىڭ مۇشەلەرى ءبىر - بىردەن سالىستىرىپ تەكسەرەدى، ءوز - وزىنە سىن جۇرگىزەدى، وزگە مۇشەلەر ولارعا سىن پىكىرلەرىن بەرەدى.
(4) نەگىزگى جاۋاپتى ادام جيىننىڭ جاعدايىن قورىتىندىلاپ، رەتتەۋ - تۇزەتۋ قىزمەت تالاپتارىن العا قويادى.
بەلگىلى سەبەپتەن جيىنعا قاتىناسا الماعان ادامدار ءسوزدىڭ جازباشا ماتەريالىن تاپسىرۋى ءتيىس. جيىننان كەيىن جيىننىڭ جاعدايى مەن سىن پىكىرلەر جيىنعا قاتىناسا الماعان ادامعا جەتكىزىلەدى.
11 - تارماق دەموكراتيالىق تۇرمىس جيىنىندا ماسەلەگە تىكە بەت كەلۋ كەرەك، باسشى كادرلار جيىندا وزىندەگى ورىن تەپكەن كورنەكتى ماسەلەلەرگە تۇسىنىك جاساۋى، ەگجەي - تەگجەيلى سويلەۋى، سىن جانە ءوز - وزىنە سىن جۇرگىزۋى، رەتتەۋ - تۇزەتۋ باعىتىن ايقىنداۋى كەرەك. ءوز - وزىنە سىن جۇرگىزۋدە ءىس جۇزىندىكپەن ۇشتاستىرىپ، ماسەلەلەرگە باعىتتاپ، يدەياعا اسەر ەتۋ كەرەك. ءبىر - بىرىنە سىن بەرگەندە ماسەلەنى شىنشىلدىقپەن، بۇكپەسىز اتاپ كورسەتۋ، قىزمەتتىك ۇسىنىس ارقىلى سىن پىكىرلەردىڭ ورنىن باستىرۋدان ساقتانۋ كەرەك. سىنعا قاراتا بار بولسا تۇزەتۋ، جوق بولسا سول ارقىلى ءوزىن جىگەرلەندىرۋ، پرينسيپسىز تارتىس جۇرگىزبەۋ ءارى كوڭىل جىقپاۋدى كوزدەمەۋ كەرەك.
سىن جانە ءوز - وزىنە سىنعا بايلانىستى ناقتى پىكىرلەردى بەتالدى تاراتۋعا بولمايدى.
12 - تارماق دەموكراتيالىق تۇرمىس جيىنىنا سىرتتاي قاتىناساتىندار قاتىستى بەلگىلەمەلەر مەن ءماجىلىس مازمۇنىنا قاراي تۇراقتانادى. سىرتتاي قاتىناساتىنداردىڭ لەبىز بىلدىرۋىنە، باسشىلىق القاسى مەن ونىڭ مۇشەلەرىنە سىن ايتۋىنا نەمەسە ۇسىنىس قويۋىنا بولادى.
13 - تارماق دەموكراتيالىق تۇرمىس جيىنى ماسەلەنى شىنايى شەشۋى كەرەك، تەكسەرىلگەن جانە اڭىس ەتىلگەن ماسەلەلەرگە قاراتا باسشىلىق القاسى جانە ونىڭ مۇشەلەرى رەتتەۋ - تۇزەتۋ شاراسىن جاساپ، رەتتەۋ - تۇزەتۋ نىساناسى مەن اتقارۋ ۋاقىت شەگىن تۇراقتاندىرۋى كەرەك. بۇقارانىڭ اڭىسى كۇشتى كورنەكتى ماسەلەلەرگە قاراتا ارناۋلى رەتتەۋ - وڭاۋ جۇرگىزىلەدى. جوعارى دارەجەلى پارتيا ۇيىمدارىنىڭ كومەگىمەن شەشۋگە تۋرا كەلسە، جوعارى دارەجەلى پارتيا ۇيىمدارىنا دەر كەزىندە مالىمدەۋ كەرەك. باسشىلىق القاسى مۇشەلەرىنىڭ تارتىپكە قايشى كەلۋى اڭىس ەتىلگەن ماسەلەلەردى پارتيانىڭ ءتارتىپ تەكسەرۋ ورگاندارى ءبىر جاقتى ەتەدى.
14 - تارماق دەموكراتيالىق تۇرمىس جيىنىندا ورتاعا قويىلعان ماڭىزدى ماسەلەلەردى پارتيا ۇيىمدارى دەر كەزىندە اقىلداسىپ شەشپەسە جانە جوعارى دارەجەلى پارتيا ۇيىمدارىنا مالىمدەمەسە، نەگىزگى جاۋاپتىلاردىڭ جاۋاپكەرلىگىن قۋزاستىرۋ؛ اۋىر زارداپ تۋدىرعانداردى ءتارتىپ، بەلگىلەمە بويىنشا قاتاڭ ءبىر جاقتى ەتۋ كەرەك.
15 - تارماق دەموكراتيالىق تۇرمىس جيىنى اياقتاعاننان كەيىنگى 51 كۇن ىشىندە ءماجىلىس جاعدايى بايانداماسىن جانە ءماجىلىس ەستەلىگىن جوعارى دارەجەلى پارتيا ۇيىمدارىنا جولداۋ ءارى جوعارى دارەجەلى ءتارتىپ تەكسەرۋ كوميتەتىنە جانە پارتكومنىڭ ۇيىمداستىرۋ تاراۋلارىنا جولداۋ كەرەك. باياندامانىڭ باستى مازمۇنى −− پىكىر الۋ جاعدايى، سىن جانە ءوز - وزىنە سىن ايتۋدى ورىستەتۋ جاعدايى، تەكسەرۋ جانە اڭىس ەتىلگەن باستى ماسەلەلەر جانە رەتتەۋ - تۇزەتۋ شاراسى. ولكە، مينيسترلىك دارەجەلى ورىنداردىڭ دەموكراتيالىق تۇرمىس جيىنىن اشۋ جاعدايىن ورتالىق كوميتەتتىڭ ۇيىمداستىرۋ ءبولىمى ورتالىق ءتارتىپ تەكسەرۋ كوميتەتى ورگاندارىمەن بىرگە جالپىلىق بايانداماعا اينالدىرىپ، پارتيا ورتالىق كوميتەتىنە جولدايدى.
دەموكراتيالىق تۇرمىس جيىنىنىڭ اشىلۋ جاعدايىن تومەن دارەجەلى پارتيا ۇيىمدارىنا جانە ءوز ورنىنا حابارلاندىرۋ ءتيىس. بۇقارا جاپپاي نازار اۋدارىپ وتىرعان ماسەلەلەردى رەتتەۋ - تۇزەتۋ شاراسى ۇيلەسىمدى تاسىلدە جاريالانادى.
16 - تارماق ورتالىق كوميتەت ساياسي بيۋروسى دەموكراتيالىق تۇرمىس جيىنىن باستاماشىلدىقپەن اشادى. ءار دارەجەلى پارتكومدار (پارتيا باسشىلىق گرۋپپاسى) دەموكراتيالىق تۇرمىس جيىنىن ۇيىمداستىرۋدىڭ، ويداعىداي اشۋدىڭ باسشىلىق جاۋاپكەرلىگىن اتقارادى. جوعارى دارەجەلى پارتيا ۇيىمدارى جەتەكشىلىك ەتۋ گرۋپپاسىن جىبەرۋ، سىرتتاي قاتىناسۋعا ادام جىبەرۋ سىندى تاسىلدەر ارقىلى تومەن دارەجەلى ورىنداردىڭ دەموكراتيالىق تۇرمىس جيىنىنا قاراتا قۋزاۋ، تەكسەرۋ جۇرگىزەدى جانە جەتەكشىلىك ەتەدى، ناقتى قىزمەتتەرگە ۇيىمداستىرۋ تاراۋلارى ءتارتىپ تەكسەرۋ ورگاندارىنىڭ جاۋاپتىلارىمەن بىرگە جاۋاپتى بولادى. ماسەلەسى كورنەكتى باسشىلىق القاسىنا جوعارى دارەجەلى پارتيا ۇيىمدارىنىڭ نەگىزگى جاۋاپتىسى تىكەلەي قۋزاۋ سالىپ، ىسكەر جاۋاپتىلاردى دەموكراتيالىق تۇرمىس جيىنىنا سىرتتاي قاتىناسۋعا جىبەرىپ، ماسەلەلەردى قاتاڭ تۇردە اتاپ كورسەتىپ، سەبەبىنە ىشكەرىلەي تالداۋ جاساپ، شىنايى كومەكتەسىپ شەشۋى كەرەك. پارتيانىڭ ورگان قىزمەتى كوميتەتى دارەجەلەس تىكە قاراستى ورگاندار اشقان دەموكراتيالىق تۇرمىس جيىنىنا قۋزاۋ، تەكسەرۋ جۇرگىزۋگە جانە جەتەكشىلىك ەتۋگە ات سالىسادى. پارتيا ورتالىق كوميتەتىنىڭ نەگىزگى جاۋاپتىلارى ولكە، مينيستر دارەجەلى ورىندار اشقان دەموكراتيالىق تۇرمىس جيىنىن قۋزاۋعا، تەكسەرۋگە جانە وعان جەتەكشىلىك ەتۋگە جاۋاپتى بولادى.
17 - تارماق جوعارى دارەجەلى پارتيا ۇيىمىنىڭ جاۋاپتىلارى، ءتارتىپ تەكسەرۋ ورگاندارىنىڭ، ۇيىمداستىرۋ تاراۋلارىنىڭ جاۋاپتىلارى ءار جىلى بەلگىلى مولشەردەگى تومەن دارەجەلى ورىنداردىڭ اشقان دەموكراتيالىق تۇرمىس جيىنىنا قاتىناسىپ، جاعداي ۇعىسىپ، جەتەكشىلىك ەتىپ، بايقالعان ماسەلەلەردى دەر كەزىندە تۇزەتۋى كەرەك. ءتارتىپ تەكسەرۋ ورگاندارى، ۇيىمداستىرۋ تاراۋلارى قىزمەتكەر شىعارىپ، تومەن دارەجەلى ورىنداردىڭ اشقان دەموكراتيالىق تۇرمىس جيىنىنا قاتىناستىرۋى ءتيىس.
18 - تارماق دەموكراتيالىق تۇرمىس جيىنى ءتۇزىمىنىڭ اتقارىلۋ جاعدايىن، باسشىلىق القانىڭ، سونداي - اق قۇرامىنداعىلاردىڭ پارتيانى جاپپاي قاتاڭ جونگە سالۋ جاۋاپكەرشىلىگىن اتقارۋىن باعالاۋ مازمۇنىنا ەنگىزىپ، ونى باسشىلىق القانى تەكسەرىپ باعالاۋداعى ماڭىزدى نەگىز ەتۋ كەرەك. بەلگىلەمە بويىنشا دەموكراتيالىق تۇرمىس جيىنىن اشپاعانداردى قاتاڭ اتاپ كورسەتىپ، رەتتەۋ - وزگەرتۋ ۋاقىت شەگىن بەلگىلەۋ، ۇستىرتتىك ىستەگەندەرگە قايتالاي اشۋدى بۇيىرىپ، بەلگىلى كولەمدە حابارلاندىرىپ سىنداۋ، جاعدايى اۋىرلارىنىڭ نەگىزگى جاۋاپتىلارىنان جاۋاپكەرشىلىكتى قۋزاۋ قاجەت. دەموكراتيالىق تۇرمىس جيىنىنا سەبەپسىز قاتىناسپاعان پارتيالى باسشى كادرلاردى قاتاڭ سىنداپ تاربيە بەرۋ كەرەك.
19 - تارماق مەملەكەت مەنشىگىندەگى كاسىپورىنداردىڭ پارتيا ۇيىمدارى، جوعارى دارەجەلى مەكتەپتەردىڭ پارتيا ۇيىمدارى، اۋىل - قالاشىق پارتكومدارى سياقتى نەگىزگى ساتى پارتيا ۇيىمدارى باسشى كادرلاردىڭ دەموكراتيالىق تۇرمىس جيىنىن وسى بەلگىلەمە بويىنشا وتكىزۋ كەرەك.
20 - تارماق جۇڭگو حالىق ازاتتىق ارمياسى مەن جۇڭگو حالىق قارۋلى ساقشى اسكەري ءبولىمى پارتيا ۇيىمدارىنىڭ دەموكراتيالىق تۇرمىس جيىنى ءتۇزىمىن ورتالىق اسكەري ىستەر كوميتەتى وسى بەلگىلەمە نەگىزىندە بەلگىلەيدى.
21 - تارماق بۇل بەلگىلەمەنى تۇسىندىرۋگە ورتالىق كوميتەتتىڭ ۇيىمداستىرۋ ءبولىمى جاۋاپتى بولادى.
22 - تارماق بۇل بەلگىلەمە 2016 - جىلى 23 - جەلتوقساننان باستاپ اتقارىلدى. ج ك پ ورتالىق كوميتەتىنىڭ 1990 - جىلى 25 - مامىردا باسىپ تاراتقان «اۋداننان جوعارى پارتيا مەن مەملەكەت ورگاندارىنداعى باسشى كادرلاردىڭ دەموكراتيالىق تۇرمىس جيىنى جونىندەگى بەلگىلەمەسى» كۇشىنەن قالدىرىلدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
