ابدۇشۇكىر راحمەتوللا العىس سەزىمىن قوزعاۋشى كۇشكە اينالدىرىپ، دۇرىس سەنىم، تۋرا ارەكەتتىڭ بەلسەندى تاراتۋشىسى بولدى
2017.02.24 15:44 كەلۋ قاينارى : شينجياڭ گازەتى
24 - قاڭتاردا ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى يۇي جىڭشىڭ ءدىني ۇيىمداردىڭ جاۋاپتىلارىن ۇسىنىس ەتىپ بەيجيڭدە اڭگىمە ءماجىلىس وتكىزدى، جۇڭگو ءىسلام ءدىنى قوعامىنىڭ ورىنباسار باستىعى، اۆتونوميالى رايوندىق ءىسلام ءدىنى قوعامىنىڭ ورىنباسار باستىعى، ءۇرىمجى قالاسى تيانشان رايونىنداعى اق مەشىتتىڭ يمامى ابدۇشۇكىر راحمەتوللا شينجياڭداعى ءدىني قايراتكەرلەر اتىنان اڭگىمە ماجىلىسكە قاتىناستى. ماجىلىستەن سوڭ ول دەرەۋ ۇرىمجىگە قايتىپ، دىنگە سەنەتىن بۇقاراعا ءماجىلىستىڭ رۋحىن جەتكىزدى.
عاسىرعا جۋىق تاريحى بار اق مەشىت − ۇرىمجىدەگى تانىمال مەشىت، جايشىلىقتا ونداعى ءدىني قيمىلعا دىنگە سەنەتىن 1300دەي بۇقارا قاتىناسادى. ابدۇشۇكىر راحمەتوللا: دىنگە سەنەتىن بۇقاراعا تاماشا قيمىل ورتاسىن ازىرلەۋ ءۇشىن ۇكىمەتتىڭ قاتىستى تاراۋلارى مەشىتتى جوندەۋ جۇمىستارىنا قولداۋ كورسەتىپ، كومەكتەسىپ، كوپتەگەن ءىس جۇزىندىك قيىنشىلىقتاردى شەشىپ، ءدىني قيمىلداردىڭ قالىپتى، ءتارتىپتى ورىستەتىلۋىنە كەپىلدىك ەتىپ كەلەدى، - دەدى.
«پارتيانىڭ ءدىن ساياساتى جاقسى، دىنگە سەنەتىن بۇقارا ءدىني سەنىم ەركىندىگىنەن تولىق يگىلىكتەنىپ كەلەدى، مەشىتتىڭ ەسىگى دىنگە سەنەتىن بۇقاراعا قاشاندا اشىق، دىنگە سەنەتىن بۇقارا مەشىتكە ەمىن - ەركىن كىرىپ، ناماز وتەۋىنە بولادى، بۇل ەجەلدەن شەكتەلمەگەن، ءتىپتى، تيىم سالىنبايدى»، - دەدى ابدۇشۇكىر راحمەتوللا.
وتانشىل ءدىني قايراتكەرلەردىڭ ۋاكىلى بولعان ابدۇشۇكىر راحمەتوللا مەملەكەتتىك قيمىلدارعا كوپ رەت قاتىسقان ءارى مەملەكەت باسشىلارىنىڭ قابىلداۋىندا بولدى. باس شۋجي شي جينپيڭ شينجياڭدا قىزمەتتەردى تەكسەرگەن كەزدە مەشىتكە ارنايى بارىپ، وتانشىل ءدىني قايراتكەرلەردەن حال سۇراپ، وتانشىل ءدىني قايراتكەرلەردىڭ ۋاكىلدەرىمەن اڭگىمەلەستى، بۇل ابدۇشۇكىر راحمەتوللانى ەرەكشە اسەرلەندىردى ءارى شابىتتاندىردى، «پارتيا مەن ۇكىمەت ەجەلدەن ءدىن سالاسىنداعى وتانشىل ءدىني قايراتكەرلەرگە ەرەكشە كوڭىل ءبولىپ كەلەدى، مەملەكەت باسشىلارى ءار جولى شينجياڭعا كەلگەندە دايىم بىزگە امانداسا كەلەدى. ۇلكەن مەرەكە - مەيرامداردا اۆتونوميالى رايوننىڭ ءار دارەجەلى باسشىلارى مەشىتتەردى ارالاپ، وتانشىل ءدىني قايراتكەرلەردىڭ وتباسىنا بارىپ ولاردان حال سۇراپ، ءدىني قايراتكەرلەرمەن جانە مۇسىلمان قاۋىمىمەن بىرگە وتىرىپ سىر شەرتىسىپ، پارتيا مەن ۇكىمەتتىڭ مەيىرىن جەتكىزەدى، وسى ءبىر شىنايى نيەت ءبىزدى اسەرلەندىرىپ، بىزگە جىلۋلىق سيلادى»، - دەدى ابدۇشۇكىر راحمەتوللا اسەرلەنە.
ابدۇشۇكىر راحمەتوللانىڭ قاراۋىنشا، وتانشىل ءدىني قايراتكەرلەر 2 نارسەنى جاقسى ۇيرەنۋ كەرەك، ونىڭ ءبىرى، دىنگە قاتىستى بولسا، ەندى ءبىرى، تۇرمىسقا قاتىستى. «ءىسلام ءدىنى ەجەلدەن بەيبىتشىلىكتى دارىپتەيدى، ادامداردى ىزگىلىككە تاربيەلەيدى، ءبىلىم ۇيرەنۋگە ۇمتىلادى، زورلىقتى كۇشكە قارسى تۇرادى. وتانشىل ءدىني قايراتكەرلەر وزدەرى ونەگە بولىپ، ءىسلام ءدىنىنىڭ تۋرا جولىن ۇيرەنۋى جانە ۇگىتتەۋى، ءىسلام ءدىنىنىڭ بەيبىتشىلىك رۋحىن يگەرۋى كەرەك. ءبىز قۇراندى عىلمي جولمەن ءتۇسىندىرۋ ارقىلى قالىڭ دىنگە سەنەتىن بۇقارانى ءدىن شاريعاتىن دۇرىس تۇسىنۋگە جەتەلەپ، كوپشىلىكتى الاڭسىز تۇردە شارۋاشىلىعىن دامىتىپ، تۇرمىسىن وڭاۋعا باستاۋىمىز كەرەك. وسى 2 نارسەنى ءار دايىم ەستەن شىعارماي، ءومىر بويى ۇيرەنۋىمىز كەرەك»، - دەيدى ابدۇشۇكىر راحمەتوللا.
ابدۇشۇكىر راحمەتوللا بىلاي دەيدى: قازىر قوعامدا ءدىن اتىن جامىلعان كەيبىر زورلىقتى كۇش، لاڭكەستىك ارەكەتتەرى تۋىلدى، وسى سەبەپتەردەن سىرتقى ورتادا ءىسلام دىنىنە، مۇسىلماندارعا دەگەن قاتە تۇسىنىكتەر مەن سىڭار جاقتىلى كوزقاراستار تۋىلىپ، ءىسلام ءدىنىنىڭ اقاۋسىز دامۋى قاتاڭ سىنعا ءدوپ كەلدى. ءىسلام ءدىنى سالاسىنداعى وتانشىل ءدىني قايراتكەرلەردە كەۋدە كەرىپ العا شىعىپ، زورلىقتى كۇش، لاڭكەستەرىنىڭ ءىسلام ءدىننىڭ اتىن جامىلعان سايقال كەسپىرلەرىن اشكەرەلەپ، قالىڭ مۇسىلمان بۇقاراسىن زورلىقتى كۇش، لاڭكەستىك ارەكەتتەرىمەن باتىلدىقپەن كۇرەس جاساۋعا شاقىراتىن جاۋاپكەرشىلىك جانە بورىش بار.
«ءبىز ارالاپ ءجۇرىپ لەكسيا سويلەۋ سياقتى ءار ءتۇرلى فورمالار ارقىلى <قۇران كارىمدەگى> دوستىق، ىنتىماق، ۇمتىلۋشىلىق، جاراسىمدىلىق مازمۇندارىن الىپ شىعىپ، ولاردى رەال تۇرمىسپەن سايكەستىرىپ، كلاسسيكالاردى دۇرىس ءتۇسىندىرىپ، ءدىن قاعيدالارىن ىشكەرلەي اشالاپ، ءىسلام ءدىنى ورتا جول يدەياسىنىڭ قاينارىن اشىپ، ءىسلام ءدىنىنىڭ تازالىعىن قورعايمىز. ۇعىنىقتى ءتىل ارقىلى ادامداردى ءومىردى قاستەرلەگە، ۇلتتار ىنتىماعىن قورعاۋعا، قوعامنىڭ ورنىقتىلىعىن جەبەۋگە ءناسيحاتتايمىز»، - دەيدى ابدۇشۇكىر. جۋىق جىلداردان بەرى پارتيا ورتالىق كوميتەتىنىڭ بارىنشا قولداۋىندا، مەملەكەتىمىزدەگى تۋىسقان ولكە، قالالاردىڭ ىقىلاستى كومەگىندە، اۆتونوميالى رايوندىق پارتكوم مەن ۇكىمەتتىڭ پارمەندى باسشىلىعىندا، شينجياڭنىڭ ەكونوميكاسى مەن قوعامى تەز قارقىنمەن دامىپ، ءار ۇلت بۇقاراسى بەرەكەلى دە ىنتىماقتى بولىپ، تۇرمىستارى كۇننەن - كۇنگە جاقساردى. كوپتەگەن وتانشىل ءدىني قايراتكەرلەر جەردى كوتەرمەگە الۋ، ناقتى شارۋاشىلىقتى وركەندەتۋ، ەگىنشىلىك، باعىمشىلىق، قاتىناس - تاسىمال، ازىق - تۇلىك مانەرلەۋ سياقتىلار ارقىلى اۋقاتتانۋ جولىنا ءتۇستى. «ءبىزدىڭ سۋدى باسىنان تۇندىرىپ، دۇرىس سەنىممەن جەتەلەۋ، قالىڭ دىنگە سەنەتىن بۇقارانى ءوز ەڭبەگىمەن اۋقاتتانىپ، ءبىر نيەتپەن دامۋ جولىن قاراستىرىپ، بۇگىنگى وڭاي - وسپاق قولعا كەلمەگەن باقىتتى تۇرمىستى قادىرلەۋگە، قورعاۋعا جەتەكتەيتىن جاۋاپكەرشىلىگىمىز بەن بورىشىمىز بار»، - دەيدى ابدۇشۇكىر راحمەتوللا.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
