شوكىرات زاكىر اۆتونوميالى رايوننىڭ ساۋداگەر شاقىرىپ، قارجى ەنگىزۋ قىزمەتى ءماجىلىسىنىڭ ءىشىنارا ۋاكىلدەرىمەن اڭگىمە ءماجىلىس وتكىزگەندە مەحانيزمدى جاڭالاپ، كاسىپورىندارعا تاماشا قارجى قوسۋ، دامۋ ورتاسىن ازىرلەۋدى باسا دارىپتەدى
2017.02.24 15:45 كەلۋ قاينارى : شينجياڭ گازەتى
اۆتونوميالى رايوننىڭ ساۋداگەر شاقىرىپ، قارجى ەنگىزۋ قىزمەتى ءماجىلىسى اشىلۋدان بۇرىن اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر 23 - اقپان كۇنى تۇستەن بۇرىن ماجىلىسكە قاتىناساتىن ءىشىنارا ۋاكىلدەرمەن اڭگىمە ءماجىلىس وتكىزدى. شوكىرات زاكىر اڭگىمە ماجىلىسىندە مىنانى باسا دارىپتەدى: ءار دارەجەلى ساۋداگەر شاقىرۋ تاراۋلارى كەزەكتەگى ەلىمىزدىڭ جانە شەتەلدىڭ ەكونوميكاسىنىڭ دامۋ جاعدايىن جىعا تانىپ، جىبەك جولى ەكونوميكالىق بەلدەۋى وزەكتى رايون قۇرىلىسى ورايىن يگەرىپ، مەحانيزمدى جاڭالاپ، شينجياڭعا كەلىپ قارجى قوسقان كاسىپورىندارعا تاماشا بازار ورتاسىن ازىرلەپ، شينجياڭ قوعامىنىڭ ورنىقتىلىعى مەن باياندى تىنىشتىق باس نىساناسىن ىسكە اسىرۋعا كۇش قوسۋ كەرەك.
شوكىرات زاكىر بىلاي دەپ اتاپ كورسەتتى: كەزەكتە دۇنيە ءجۇزى ەكونوميكاسىنىڭ جاعدايى كۇردەلى، ەكونوميكانىڭ باسەڭدەۋ قىسىمى ارتقان جاعدايدا اۆتونوميالى رايوننىڭ بيىلعى ەكونوميكالىق قىزمەتتەرىنىڭ كوزدەگەن نىسانالى مىندەتتەرى ەرەكشە اۋىر بولدى، اسىرەسە، بيىل تۇراقتى مۇلىككە ءبىر تريلليون 500 ميلليارد يۋان قارجى قوسۋ نىساناسىن ورىنداۋ ءبىر توپ ماڭىزدى نىسانداردى جاڭادان قوسۋ جانە ەنگىزۋ ارقىلى دەمەۋدى، رايونىمىزدىڭ ساۋداگەر شاقىرىپ، قارجى ەنگىزۋ دەڭگەيىن ۇزبەي جوعارىلاتۋدى قاجەت ەتەدى. قاتىستى تاراۋلار ساۋداگەر شاقىرىپ، قارجى ەنگىزۋ قىزمەتىن ەكونوميكالىق قىزمەتتەگى ءتۇيىننىڭ ءتۇيىنى ەتىپ، ساۋداگەر شاقىرىپ، قارجى ەنگىزۋ قىزمەتىندە تىڭ جەتىستىكتەرگە جەتۋگە ۇمتىلۋى كەرەك. رايونىمىزدىڭ ءار دارەجەلى ساۋداگەر شاقىرۋ تاراۋلارى ساۋداگەر شاقىرىپ، قارجى ەنگىزۋ بويىنشا سايكەستىرىپ قىزمەت وتەۋ قابىلەتى مەن دەڭگەيىن جوعارىلاتىپ، كاسىپورىندارعا تاماشا قارجى قوسۋ، دامۋ ورتاسىن ازىرلەپ، كاسىپورىندارعا، نىساندارعا قىزمەت وتەۋدى ماڭداي الدى ورىنعا قويۋدان جازباي، مەملەكەتتىڭ جانە اۆتونوميالى رايوننىڭ ءتيىمدى ساياساتتارىن زەرتتەپ، قاتىستى ساياساتتاردىڭ تياناقتانۋىن جەبەپ، قاتىستى سالالاردىڭ رەفورما سەرپىنىن ارتتىرىپ، كاسىپورىندارعا تاماشا قارجى قوسۋ، دامۋ ورتاسىن ازىرلەۋ كەرەك.
شوكىرات زاكىر مىنانى باسا دارىپتەدى: شينجياڭدا تۇراتىن كاسىپورىندار بىرلەستىگىنىڭ، سونداي - اق ءتۇيىندى كاسىپورىنداردىڭ جىبەك جولى ەكونوميكالىق بەلدەۋى وزەكتى رايون قۇرىلىسىن جانە اۆتونوميالى رايوننىڭ تۇراقتى مۇلىككە قارجى قوسۋدى ارتتىرۋ ورايىن يگەرىپ، قولايلى ساتتەن پايدالانۋ، دامۋدى جەدەلدەتۋ سەنىمىن بەكەمدەۋ؛ مەملەكەتتىڭ جانە اۆتونوميالى رايوننىڭ ءتيىمدى ساياساتتارىن ويداعىداي ۇيرەنىپ، ويداعىداي قولدانىپ، قامداۋ جاعىنداعى قۇرىلىمدىق رەفورمانىڭ نەگىزگى جەلىسىن كورنەكتىلەندىرىپ، باسىمدىلىققا يە ەرەكشە كاسىپ سالالارىن ساپالى، وزىق، قۋاتتى ەتۋ؛ جاڭالىق اشۋ رۋحىن ۇستانىپ، «ۇستا رۋحى» ارقىلى ماركا قۇرىلىسىن كۇشەيتىپ، ونىمدەردىڭ باسەكەلىك قۋاتىن ارتتىرۋ؛ سەنىمدىلىك قۇرىلىسىن ۇزبەي كۇشەيتىپ، ادال، سەنىمدى قاسيەتتى ايگىلەپ، كاسىپورىنداردىڭ ابىرويىن جوعارىلاتۋ؛ قارجى قوسۋدى، دامۋدى جەدەلدەتۋ بارىسىندا جەرگىلىكتى ورىنداعى ەڭبەككۇشتەردى تولىق جۇمىسقا الۋ كەرەك.
اۆتونوميالى رايونداعى ءار دارەجەلى ساۋداگەر شاقىرۋ تاراۋلارى، ءتۇيىندى باقشا رايوندارى، باسقا ولكەلىك، قالالىق ۇكىمەتتەردىڭ شينجياڭداعى ءىس باسقارۋ ورىندارى، شينجياڭدا تۇراتىن كاسىپورىنداردىڭ بىرلەستىگى (ساۋداگەرلەر ۇيىمى)، سونداي - اق ساۋداگەر شاقىرىپ، قارجى ەنگىزۋدەگى ءتۇيىندى كاسىپورىنداردىڭ ۋاكىلدەرى اڭگىمە ماجىلىسىنە قاتىناستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
