شينجياڭ ۋاكىلدەر ۇيىرمەسىندەگى ءار ۇلت ۋاكىلدەرى كەڭەستىك جوبا، ۇسىنىستارىن زەر سالا دايىندادى
2017.03.06 10:17 كەلۋ قاينارى : شينجياڭ گازەتى
تىلشىلەرىمىز لي ياڭ، ياۋ تۇڭ 4 - ناۋرىزدا بەيجيڭنەن حابارلايدى. مەملەكەتتىك 12 - كەزەكتى حالىق قۇرىلتايىنىڭ 5 - ءماجىلىسى 5 - ناۋرىزدا اشىلادى. ءتىلشى 4 - ناۋرىز كۇنى شينجياڭ ۋاكىلدەر ۇيىرمەسى ورنالاسقان جەردەن ۋاكىلدەردىڭ ءماجىلىس اشىلۋدان بۇرىنعى ۋاقىتتان پايدالانىپ، كەڭەستىك جوبا، ۇسىنىستاردى وڭدەپ، كەمەلدەندىرىپ، ماجىلىستە بۇقارانىڭ ارمان - تىلەگىن، ءۇنىن جانە اۆتونوميالى رايونىمىزدىڭ ەكونوميكالىق، قوعامدىق دامۋىنداعى قولامتالى تۇيىندەرىن، قيىن تۇيىندەرىن ءدال اڭىس ەتۋگە كەپىلدىك ەتىپ جاتقانىن كوردى.
مەملەكەتتىك حالىق قۇرىلتايى ۋاكىلى، تۇرپان قالاسى ەدىقۇت رايونى اۋىل شارۋاشىلىق تەحنيكالارىن جالپىلاستىرۋ ورتالىعى وسىمدىك قورعاۋ پۋنكتىنىڭ باستىعى، جالپىلاستىرۋ زەرتتەرمەنى ريزۋانگۇل جامال اۋىل شارۋاشىلىق تەحنيكالارىن جالپىلاستىرۋدىڭ ءبىرىنشى شەبىنەن كەلگەن ۋاكىل بولعاندىقتان، ءار كۇنگى قىزمەتى شارۋالارعا تەحنيكالىق جاقتان تىڭعىلىقتى قىزمەت كورسەتۋ بولاتىن. ەگىس اتىزدارىن ارالاپ جۇرگەن كەزدەرىندە، ول ءاردايىم شارۋالارمەن اڭگىمەلەسىپ، ولاردىڭ وي - ارمانىن، ءۇمىت - تىلەگىن ۇعىسادى. اناعۇرلىم باعىتتامالى، جوعارى دەڭگەيدەگى ۇسىنىس العا قويۋ ءۇشىن، ول ءار جىلى 2 اي ۋاقىت جۇمساپ تەكسەرۋ - زەرتتەۋ جاساپ، قىستاق تۇرعىندارىنىڭ وتباسىلارىنا بارىپ جاعداي ۇعىسىپ عانا قالماستان، تۇرپان قالاسىنداعى قاتىستى تاراۋلارعا بارىپ، ساياساتتاردى ۇعىسىپ، جاعدايدى اناعۇرلىم جان - جاقتى يگەرەدى. بيىل ول «تۇرپاننىڭ فوتوۆولتتىق <باستاۋشى> بازا قۇرىلىسى جونىندەگى ۇسىنىس» سياقتى 6 ۇسىنىس الا كەلدى. «مەن بارىمدى اتا - مەكەنىمنىڭ اناعۇرلىم كوركەيىپ، اناعۇرلىم تەز دامۋىنا ارنايمىن»، - دەيدى ول.
مەملەكەتتىك حالىق قۇرىلتايى ۋاكىلى، اۆتونوميالى رايوندىق حالىق شيپاحاناسى ايەلدەر اۋرۋلارىن زەرتتەۋ ورنىنىڭ باستىعى، پروفەسسور ماينۇر نياز ىشكەرىلەي تەكسەرۋ - زەرتتەۋ جۇرگىزۋ مەن ءوزىنىڭ تالاي جىلدىق قىزمەت امالياتىن ۇشتاستىرىپ، شينجياڭنىڭ ۇلتتىق شيپاگەرلىك، دارىگەرلىك كاسىبىن دامىتۋ جونىندە ۇسىنىس دايىندادى. «شينجياڭنىڭ ءشوپ ءدارى بايلىعى مول، ءوز كۇشىنە سۇيەنىپ جاڭالىق اشۋ ارقىلى دامۋعا جەتەكشى بولاتىن، ۇلتتىق ەرەكشەلىككە جانە جەرگىلىكتى باسىمدىققا يە ءبىر توپ جاڭالىقشىل جۇڭگوشا شيپاگەرلىك، جۇڭگوشا دارىگەرلىك، ۇلتتىق شيپاگەرلىك، ۇلتتىق دارىگەرلىك كاسىپورىندارىن، شيپاحانالارىن جەتىلدىرۋ كەرەك؛ وزىندىك ەرەكشەلىككە يە ۇلتتىق شيپاگەرلىك، ۇلتتىق دارىگەرلىك ونىمدەرى مەن كاسىپورىن ماركالارىن جارىققا شىعارىپ، شينجياڭنىڭ ۇلتتىق شيپاگەرلىك، ۇلتتىق دارىگەرلىك كاسىبىن <سالاماتتى جۇڭگوعا> كۇش ۇستەيتىن ەتۋ كەرەك»، - دەيدى ول.
مەملەكەتتىك حالىق قۇرىلتايى ۋاكىلى، جەمەنەي اۋدانى باعدانگۇل مەرەكە زالىنىڭ جاۋاپتىسى باعدانگۇل زاتي قىزى الا كەلگەن ۇسىنىستار تۇگەلدەي اتا - مەكەنىن كوركەيتۋگە قاتىستى. جەمەنەي اۋدانىنىڭ شەكارا سىزىعى 141 كيلومەترگە جەتەدى، اسىرەسە، جەمەنەي اۋدانىنىڭ «شەكارا سىزىعىنداعى ءبىرىنشى قىستاق» سىندى داڭقى بار جەمەنەي قالاشىعى سارولەڭ قىستاعى قازاقستان رەسپۋبليكاسىمەن كورشىلەس جاتاتىندىقتان، شەكارانى كۇزەتۋ، شەكارانى قورعاۋعا قىستاقتاعى 50دەن استام وتباسى سانالى تۇردە ات سالىسادى. باعدانگۇل ءوزىنىڭ «شەكارا قورعاۋشىلاردىڭ تۇرمىستىق قوسىمشا قاراجات ولشەمىن جوعارىلاتىپ، شەكارا سىزىعىنىڭ ماڭىندا تۇرمىس كەشىرەتىن ءار ۇلت شەكارا قورعاۋشىلارىن اناعۇرلىم كوبىرەك ساياساتتىق قولداۋدان يگىلىكتەندىرىپ، كوپشىلىكتىڭ وتاننىڭ شەكارا سىزىعىن ءتىپتى دە الاڭسىز قورعاۋىنا كەپىلدىك ەتۋ كەرەك» دەگەن ۇسىنىس الا كەلگەنىن ايتتى. مۇنان سىرت، ول تاعى دا «بەيتۇن - بۋىرشىن - جەمەنەي وتكەلى - قازاقستان تەمىر جولى قۇرىلىسىن جەدەلدەتە ىلگەرىلەتىپ، جەمەنەي وتكەلىنىڭ باتىسقا ەسىك اشۋداعى باسىمدىعىن اناعۇرلىم جاقسى ساۋلەلەندىرىپ، جىبەك جولى ەكونوميكالىق بەلدەۋىندەگى ماڭىزدى وتكەل ءتۇيىنىن قۇرۋ كەرەك» دەگەن ۇسىنىس تا الا كەلىپتى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
