مەملەكەتتىك ساياسي كەڭەستىڭ شينجياڭداعى مۇشەلەرى ۇكىمەت قىزمەتىنەن باياندامانى تالقىلادى
بورىشتى اتقارىپ، جاۋاپكەرشىلىكتى ادا ەتىپ، بىلەك سىبانا قايراتتانا ىستەيمىز
2017.03.07 11:04 كەلۋ قاينارى : شينجياڭ گازەتى
ءتىلشىمىز يۋان لەي 5 - ناۋرىزدا بەيجيڭنەن حابارلايدى. 5 - ناۋرىزدا ساياسي كەڭەس مەملەكەتتىك 12 - كەزەكتى كوميتەتىنىڭ 5 - ماجىلىسىنە قاتىناسىپ جاتقان مەملەكەتتىك ساياسي كەڭەستىڭ شينجياڭداعى مۇشەلەرى ءوز سالالارى بويىنشا گرۋپپالار تالقىسىنا قاتىناسىپ، لي كىچياڭ زۇڭليدىڭ ۇكىمەت قىزمەتىنەن جاساعان بايانداماسىن قىزۋ تالقىلادى.
مەملەكەتتىك ساياسي كەڭەستىڭ مۇشەسى، اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ۇلى «لي كىچياڭ زۇڭليدىڭ مەملەكەتتىك كەڭەس اتىنان جاساعان قىزمەت بايانداماسى جازۋ ستيلى شىمىر، ءتىلى تارتىمدى، نىساناسى ايقىن، مىندەتى انىق، شارالارى ءدال، رەفورما، جاڭالىق جاساۋ رۋحىنا تولى، حالىق تۇرمىسىنا دەگەن ىستىق ىقىلاس مەن مۇندالاعان، شىندىقتى ءىس جۇزىنەن ىزدەگەن، جىگەردى جانىپ، ادامدى العا باسۋعا شابىتتاندىراتىن جاقسى بايانداما» دەپ قارادى.
وتكەن ءبىر جىلدا حالىق شارۋاشىلىعى جاڭا قالىپتا ءتيىمسىز جاعدايدا ارتۋدى ساقتاپ، مەملەكەتتىڭ جالپىلىق قۋاتى كورنەكتى نىعايدى؛ قامداۋ جاعىنداعى قۇرىلىمدىق رەفورمانىڭ ءونىمى كورنەكتى بولىپ، ءتۇيىندى سالالارداعى رەفورما جۇلگەسى قالىپتاستى؛ حالىق تۇرمىسى سالاسىنداعى جارقىن تۇيىندەر ىركەس - تىركەس جارىققا شىعىپ، حالىق بۇقاراسى ناقتى تابىسقا بولەندى؛ «ءبىر بەلدەۋ، ءبىر جول» ستراتەگياسىندا جاڭا ناتيجەلەرگە قول جەتكىزىپ، سىرتقا ەسىك اشۋدا جاڭا ۇلگى ورناتىلىپ، «13 - بەسجىلدىق» جوبانىڭ باستاما جىلىندا رازى بولارلىقتاي جاۋاپ بەرىلدى.
نۇرلان ءابىلماجىن ۇلى بىلاي دەدى: پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭعا كوڭىل ءبولىپ، شينجياڭداعى ءار ۇلت حالقىن كوكەيدە ساقتاپ، شينجياڭ قىزمەتىنىڭ باس نىساناسىن تۇراقتاندىرىپ، جاڭا جاعدايداعى شينجياڭ قىزمەتىن جاقسى ىستەۋگە العا باسۋ باعىتىن كورسەتىپ بەردى. پارتيا ورتالىق كوميتەتىنىڭ پارمەندى باسشىلىعىندا اۆتونوميالى رايوندىق پارتكوم باس شۋجي شي جينپيڭنىڭ شينجياڭ قىزمەتىنىڭ باس نىساناسى تۋرالى بايىمداۋلارىن ىشكەرىلەي دايەكتىلەندىرۋ، تياناقتاندىرۋ جونىندە قايتالاي اتتانىسقا كەلتىرىپ، قايتالاي ورنالاستىرۋ جاساپ، ج ك پ اۆتونوميالى رايوندىق 9 - قۇرىلتايىن جەڭىسپەن اشىپ، شينجياڭ قىزمەتىنىڭ ورنالاستىرۋىن، تالابىن اناعۇرلىم ايقىنداپ، شينجياڭنىڭ ىستەرى جاڭا باستامادا جاڭا جورىقتارعا قادام تاستاپ، ءار جاقتاعى قىزمەتتەردە تىڭ جەتىستىكتەرگە قول جەتكىزدى.
نۇرلان ءابىلماجىن ۇلى ۇكىمەت قىزمەتىنەن بايانداماعا بىرلەستىرە وتىرىپ: «مەملەكەتتىڭ شينجياڭعا ىلگەرىلەي قولداۋ كورسەتۋى تۋراسىندا جىبەك جولى ەكونوميكالىق بەلدەۋىنىڭ وزەكتى رايون قۇرىلىسىن ىلگەرىلەتۋدى قولداۋ سەرپىنىن اناعۇرلىم ارتتىرسا؛ شينجياڭنىڭ نەگىزدىك قۇرىلعىلار قۇرىلىسىن قولداۋ سەرپىنىن ارتتىرسا؛ وڭتۇستىك شينجياڭداعى 3 ايماق، ءبىر وبلىستىڭ كەدەيلىكتەن قۇتىلدىرۋدان قامال الۋ شايقاسىن قولداۋ سەرپىنىن ارتتىرسا؛ شەكارانىڭ ءبىرىنشى شەبىن، شەكاراداعى حالىقتى سۇيەمەلدەۋ سەرپىنىن ارتتىرسا؛ شينجياڭنىڭ كاسىپتىك وقۋ - اعارتۋىن قولداۋ سەرپىنىن ارتتىرسا» دەگەن 5 ءتۇرلى ۇسىنىسىن ورتاعا قويدى.
مەملەكەتتىك ساياسي كەڭەستىڭ مۇشەسى حۋاڭ چاڭيۋان بىلاي دەدى: زۇڭليدىڭ بايانداماسىن تىڭداعاننان كەيىن، جاپپاي دوڭگەلەك داۋلەتتى قوعام قۇرۋ سەنىمىمىز بەن بەكىمىمىز اناعۇرلىم ارتتى. ول مەملەكەتتىڭ ىشكەرىلەي زەرتتەپ، قاتىستى ساياساتتار شىعارىپ، اكىمشىلىك سيپاتتى اقى الۋ ءتۇرىن اناعۇرلىم ىقشامداپ، تۇلعالىق شارۋاشىلىقتىڭ اۋىرتپالىعىن جەڭىلدەتىپ، تيپىن وزگەرتىپ، دارەجەسىن جوعارىلاتىپ، دامىتۋدى تەز ارادا ىسكە اسىرۋىن ۇسىنىس ەتتى.
مەملەكەتتىك ساياسي كەڭەستىڭ مۇشەسى ابىلىميت احمەتتوقتى ۇكىمەت قىزمەتىنەن بايانداماداعى حالىق تۇرمىسى نىسانالارى جونىندەگى تۇسىندىرمەلەرگە ءبىر - بىرلەپ بەلگى قويدى. ول بىلاي دەدى: باياندامادا العا قويىلعان «بيىل جانە دە اۋىل - قىستاقتاعى كەدەي حالىقتان 10 ميلليوننان استامىن كەدەيلىكتەن ارىلتۋ» نىسانا، مىندەتى ءبىزدى ەرەكشە جەلپىندىردى، 2020 - جىلعا دەيىن جاپپاي دوڭگەلەك داۋلەتتى قوعام قۇرىپ شىعۋعا سەنىمىمىز ارتا ءتۇستى.
مەملەكەتتىك ساياسي كەڭەستىڭ مۇشەسى فىڭ دۇڭميڭ بىلاي دەدى: «باياندامادا العا قويىلعان تۇتاس جىلدا كاسىپورىنداردىڭ سالىق اۋىرتپالىعىن شامامەن 350 ميلليارد يۋان، كاسىپورىندارعا ساياتىن اقى الۋدى شامامەن 200 ميلليارد يۋان جەڭىلدەتىلۋ −كاسىپورىندار جونىنەن قۋانىشتى حابار بولدى! سالىقتى ازايتىپ، اقى الۋدى جەڭىلدەتۋ شىنايى ءونىمىن كورسەتىپ، كاسىپورىنداردىڭ اۋىرتپالىعىن جەڭىلدەتىپ، جاڭا ومىرشەڭدىگىن ايگىلەدى، بۇل قايتا اينالىپ ءتىپتى كوپ سالىق قاينارىمەن قامدايدى».
نىسانا ادامدى جەلپىندىرەدى، مىندەت قۇلشىنۋعا شاقىرادى. مەملەكەتتىك ساياسي كەڭەستىڭ مۇشەسى حاليمان بىلاي دەدى: قۇرىلىمدى رەتتەۋ، ىشكى سۇرانىمدى ارتتىرۋ، حالىق تۇرمىسىنا يگىلىك جەتكىزۋ سىندى ءبىرسىپىرا شارالار بيىلعى قىزمەتكە جول كورسەتتى، ءبىز، ءسوز جوق، بورىشتى اتقارىپ، جاۋاپكەرشىلىكتى ادا ەتىپ، بىلەك سىبانا قايراتتانا ىستەپ، 2017 - جىلعى قىزمەتتەردى ءتىپتى جاقسى ىستەيمىز.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
