شينجياڭ ۋاكىلدەر ۇيىرمەسى گرۋپپاعا ءبولىنىپ، جوسپار بايانداماسى مەن مەجە ەسەپ بايانداماسىن قارادى
ەركىن يمىرباقى، نايىم ياسىن، نۇر باكىر، اسحات كەرىمباي ۇلى باياندامالاردى قاراۋعا قاتىناستى
2017.03.09 15:18 كەلۋ قاينارى : شينجياڭ گازەتى
تىلشىلەرىمىز ياۋ تۇڭ، لي ياڭ 7 - ناۋرىزدا بەيجيڭنەن حابارلايدى. بۇگىن مەملەكەتتىك 12 - كەزەكتى حالىق قۇرىلتايىنىڭ 5 - ماجىلىسىنە قاتىناسىپ جاتقان شينجياڭ ۋاكىلدەر ۇيىرمەسى ۋاكىلدەر گرۋپپاسىنىڭ جيىنىن اشىپ، 2016 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ جاعدايى جانە 2017 - جىلعى حالىق شارۋاشىلىعى مەن قوعامدىق دامۋ جوسپار جوباسى جونىندەگى باياندامانى، ورتالىق پەن جەرگىلىكتى ورىنداردىڭ 2016 - جىلعى مەجە ەسەبىنىڭ اتقارىلۋ جاعدايى جانە ورتالىق پەن جەرگىلىكتى ورىنداردىڭ 2017 - جىلعى مەجە ەسەپ جوباسى جونىندەگى باياندامانى قارادى.
مەملەكەتتىك حالىق قۇرىلتايىنىڭ ۋاكىلى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى ەركىن يمىرباقى، مەملەكەتتىك حالىق قۇرىلتايىنىڭ ۋاكىلى، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى نايىم ياسىن، مەملەكەتتىك حالىق قۇرىلتايىنىڭ ۋاكىلى، مەملەكەتتىك ەنەرگيا مەكەمەسىنىڭ باستىعى نۇر باكىر، مەملەكەتتىك حالىق قۇرىلتايىنىڭ ۋاكىلى، مەملەكەتتىك حالىق قۇرىلتايى ۇلت كوميتەتىنىڭ ورىنباسار مەڭگەرۋشى جوراسى اسحات كەرىمباي ۇلى باياندامالاردى قاراۋعا قاتىناستى. مەملەكەتتىك ۇلت كوميتەتىنىڭ ورىنباسار مەڭگەرۋشىسى لي چاڭپيڭ، مەملەكەتتىك مينيسترلىك - كوميتەتتەردىڭ قاتىستى تاراۋلارىنىڭ جاۋاپتى جولداستارى جيىنعا كەلىپ، پىكىرلەردى تىڭدادى. اۆتونوميالى رايوندىق پارتكومنىڭ ورىنباسار شۋجيى، شينجياڭ ءوندىرىس - قۇرىلىس بيڭتۋانىنىڭ ساياسي كوميسسارى سۇن جينلۇڭ جيىنعا سىرتتاي قاتىناستى.
ۋاكىل نايىم ياسىن بىلاي دەدى: جوسپار بايانداماسى مەن مەجە ەسەپ بايانداماسى ۇكىمەت قىزمەتىنەن باياندامانىڭ ماڭىزدى تىرەگى جانە ناقتى تياناقتاندىرىلۋى، 3 باياندامانىڭ نىساناسى، تامىرى ءبىر. جوسپار بايانداماسىن الىپ قاراساق، 2016 - جىلى ەلىمىزدىڭ ەكونوميكاسى، قوعامى ورنىقتى، اقاۋسىز دامۋدى ساقتاعان، ەكونوميكانىڭ ارتۋى تاعى دا الەمنىڭ الدىڭعى لەگىندە بولعان؛ بيىلعى قىزمەتتەردىڭ ورنالاستىرىلۋى ماكرولىق ساياساتتاردىڭ ورنىقتى، كاسىپ سالاسى ساياساتتارىنىڭ ءدال، ميكرولىق ساياساتتاردىڭ يكەمدى، رەفورما ساياساتتارىنىڭ شىنايى بولۋى، قوعامدىق ساياساتتاردىڭ تومەنگى شەكتەن تۇسىرىلمەۋى سىندى ساياساتتىق وي جەلىسىندە تاباندى بولعان، بۇل ەلىمىز دامۋىنىڭ ناقتى جاعدايىنا ۇيلەسەدى. مەجە ەسەپ بايانداماسىن الىپ قاراساق، قازىنا تاراۋلارى جىلدىق مەجە ەسەپتى ورىنداعان، سىندارلى جۇمىس جۇرگىزۋ، رەفورما جاساۋ رۋحىنان جازباي، بيىلعى مەجە ەسەپتى زاڭ بويىنشا جاساپ، ۇنەمشىلدىك يدەياسىن ونان ارى بەكەمدەپ، قازىنا كۇشىنىڭ اناعۇرلىم كوبىن حالىق بۇقاراسى ءۇشىن ناقتى ءىس، جاقسى ءىس ىستەۋگە جۇمساعان، پارتيا ورتالىق كوميتەتىنىڭ، مەملەكەتتىك كەڭەستىڭ حالىقتى وزەك ەتۋ سىندى دامۋ يدەياسى مەن بيلىك جۇرگىزۋ ۇستانىمىن ايگىلەگەن. مەن بۇل 2 باياندامانى تولىق قۇپتايمىن.
ۋاكىل حۋاڭ ۋي بىلاي دەدى: جوسپار بايانداماسى مەن مەجە ەسەپ بايانداماسى ورنىقتىلىق بارىسىندا ىلگەرىلەۋ سىندى قىزمەتتىڭ نەگىزگى اۋەنى ەل باسقارۋدىڭ ماڭىزدى پرينسيبى ەكەنىن كورنەكتىلەندىرە ايگىلەپ، حالىق تۇرمىسىن قامتاماسىز ەتۋ مەن جاقسارتۋ، قوعامدىق ىستەردى دامىتۋ، ءتۇرلى ولقىلىقتاردى تولىقتىرۋ، وڭىرلەر ارا سايكەسە دامۋ سىندى حالىق بۇقاراسىنىڭ وندىرىسىمەن، تۇرمىسىمەن تىعىز بايلانىستى سالالاردى ءتۇيىندى تۇردە ارقاۋ ەتە وتىرىپ بيىلعى تۇتاس جىلدىق قىزمەتتى ورنالاستىرعان، مەن بۇل 2 باياندامانى قۇپتايمىن. حالىقتىق قارجى قوسۋ ارنالارىن كەڭەيتۋگە ءمان بەرىپ، يدەيانى ونان ارى ازات ەتىپ، قوعامدىق قارجىلاردان جاقسى، يكەمدى پايدالانىپ، ەكونوميكالىق، قوعامدىق دامۋعا قىزمەت وتەۋ؛ باتىس ءوڭىردىڭ جاڭالىق اشۋ ارقىلى دامۋعا دەم بەرۋىنە بارىنشا ءمان بەرىپ، ۇتىمدى شارالار اتقارىپ، قولداۋ ساياساتتارىن بەلگىلەپ، ءار سالا، ءار كاسىپتەگى عىلىم - تەحنيكا دارىندىلارىن باتىس وڭىرگە كەلىپ قىزمەت ىستەۋگە، نىسانداردى باتىس وڭىردە تياناقتاندىرۋعا تارتۋ جونىندە ۇسىنىس بەرەمىن.
ۋاكىل مامەتيمىن ياسىن بىلاي دەدى: مەملەكەتتىك دامۋ - رەفورما كوميتەتى، قازىنا مينيسترلىگى پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋلارىن مۇقيات تياناقتاندىرىپ، بىلتىرعى حالىق شارۋاشىلىعى مەن قوعامدىق دامۋ جوسپارىن جاپپاي ورىنداپ، ورتالىق پەن جەرگىلىكتى ورىنداردىڭ مەجە ەسەبىن قاتاڭ اتقارىپ، قازىنا ءتۇزىلىسى رەفورماسىن ىلگەرىلەتۋدە تىڭ قادام باسىپ، ەكونوميكانىڭ ورنىقتى، اقاۋسىز دامۋىن جۇزەگە اسىردى. حالىقتىق كاپيتالداردىڭ ppp نىسانىنا قاتىسۋىن ارناعا ءتۇسىرىپ، ءار جاقتىڭ بەلسەندىلىگىن ونان ارى جۇمىلدىرىپ، نەگىزدىك قۇرىلعى قۇرىلىسىنا ات سالىسىپ، قوعامدىق دامۋدىڭ نەگىزىن بەكەمدەۋ جونىندە ۇسىنىس بەرەمىن.
ۋاكىل ءمۇتالىپ وبۇل بىلاي دەدى: جوسپار بايانداماسى مەن مەجە ەسەپ بايانداماسىندا جاڭا دامۋ كوزقاراسى جانە قىزمەتتىڭ ورنىقتىلىق بارىسىندا ىلگەرىلەۋ سىندى نەگىزگى اۋەنى بويىنشا تۇتاس جىلدىق قىزمەت ورنالاستىرىلىپ، قامداۋ جاعىنداعى قۇرىلىمدىق رەفورمانى ىلگەرىلەتۋدىڭ تالاپتارى جاپپاي تياناقتاندىرىلعان، جەتەكشىلىك سيپاتى، يكەمدىلىگى وتە كۇشتى. مەملەكەتتىڭ شينجياڭنىڭ جىبەك جولى ەكونوميكالىق بەلدەۋىنىڭ وزەكتى رايون قۇرىلىسىن قولداۋ سەرپىنىن ارتتىرىپ، شينجياڭنىڭ حالىق تۇرمىسى ىستەرىنىڭ دامۋىن قولداۋىن، وتە - موتە، نەگىزدىك قۇرىلعى قۇرىلىسى جاقتارىندا قاتىناس، سۋ يگىلىگى جاقتارىنداعى ولقىلىقتاردى تەزىرەك تولىقتاپ، شينجياڭنىڭ ەكونوميكاسى مەن قوعامنىڭ دامۋىن جەبەۋىن ۇسىنامىن.ۋاكىل گو ليانشان بىلاي دەدى: شي جينپيڭ جولداستى ۇيتقى ەتكەن پارتيا ورتالىق كوميتەتى مەن باس شۋجي شي جينپيڭنىڭ ساياسي - زاڭ قىزمەتى جونىندەگى ماڭىزدى نۇسقاۋلارىنىڭ رۋحىن باتىل دايەكتى تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسى جونىندەگى تانىمدى وسكەلەڭ بىرلىككە كەلتىرىپ، لاڭكەستىككە قارسى تۇرىپ، ورنىقتىلىقتى قورعاۋدىڭ كەشەندى شارالارىن بۇلجىتپاي تياناقتاندىرىپ، تەمىردەي ءتارتىپ، قاتاڭ تالاپتار ارقىلى ورنىقتىلىقتى قورعاۋ شارالارىنىڭ تاپتىشتەي، ناقتاپ تياناقتاندىرىلۋىنا شىنايى كەپىلدىك ەتىپ، قوعام ورنىقتىلىعىنىڭ نەگىزىن ۇزدىكسىز بەكەمدەپ، بيىلعى حالىق شارۋاشىلىعى مەن قوعامدىق دامۋ جوسپارىنىڭ ورىندالۋىن قامتاماسىز ەتۋ كەرەك.
ۋاكىل وشۇر ءسىلام بىلاي دەدى: ناتيجەلەردى قورىتىندىلاۋ ورايدى ءتىپتى جاقسى يگەرۋگە جانە سىن - سايىستارعا توتەپ بەرۋگە ءتيىمدى. قازىرگى تاڭداعى «بەستى بايلانىستىرۋدى» ىلگەرىلەتۋدە جولىققان ماسەلەلەرگە سايكەس، مەملەكەتتىڭ شينجياڭنىڭ وزەكتى رايون باسىمدىعىن ساۋلەلەندىرۋىن ونان ارى قولداپ، عىلمي زەرتتەۋ ورىندارى مەن ءىرى ساندى مالىمەت تەحنيكاسىنا سۇيەنە وتىرىپ، ورتا ازيا ەلدەرىنە عىلىم - تەحنيكالىق كەڭەس بەرىپ، ءار تىلدەگى ينفورماتسيالاردى ءوزارا اۋدارۋدى، تاراتۋدى جەبەپ، جەلى بويىنداعى ءار ەلدىڭ «ءبىر بەلدەۋ، ءبىر جول» قۇرىلىسىندا بىرگە اقىلداسۋ، بىرگە قۇرۋ، بىرگە يگىلىكتەنۋدى جۇزەگە اسىرۋدى جەبەۋىن ۇسىنامىن.
ۋاكىل شي ۋىنحاي مەملەكەتتىڭ شينجياڭنىڭ ەكولوگيالىق ورتاسىنىڭ ءالسىز بولۋى سىندى قازىرگى رەال جاعدايدى جان - جاقتى ەسكەرىپ، سوڭعى جىلدارداعى شينجياڭنىڭ ەكولوگيانى وڭاۋداعى امالياتتىق تاجىريبەلەرىمەن ۇشتاستىرىپ، اتموسفەرا، سۋ، توپىراقتىڭ لاستانۋىن تىزگىندەۋ سىندى «ءۇش ءىرى ارەكەت جوسپارىن» اتقارۋ جاعىندا شينجياڭعا نىسان، دارىندى، تەحنيكا، قارجى جاقتارىنان اناعۇرلىم قولداۋ كورسەتۋىن ۇسىندى.
ۋاكىل مۇحتارباي سادىق فينانس كاسىبىنىڭ تەرەزەلىك ورنىندا ۇزاق ۋاقىت قىزمەت ىستەگەن. قالىڭ تۇتىنۋشىلاردىڭ سۇرانىسىمەن ۇشتاستىرا وتىرىپ، ءار دارەجەلى ءار ءتۇرلى اقپارات قۇرالدارىنان تولىق پايدالانىپ، جالپى بەتتىڭ يگىلىك جەتكىزەتىن فينانستى جاپپاي ۇگىتتەپ، فينانس بىلىمدەرىن جالپىلاستىرىپ، ءار ۇلت بۇقاراسىن فينانس ساياساتىن شەبەرلىكپەن قولدانا وتىرىپ شارۋاشىلىق قۇرۋعا جەتەكتەۋدى؛ شينجياڭنىڭ ەرەكشە وقۋ - اعارتۋعا، قارتتاردى كۇتىمدەۋگە قىزمەت كورسەتۋ جاقتارىنا قوسىمشا قاراجات بەرۋ سەرپىنىن اناعۇرلىم ارتتىرىپ، شەكارا رايونداعى از ۇلت وڭىرلەرىندەگى ەرەكشە قاۋىمعا ءتىپتى كوپ كوڭىل ءبولىپ، قامقورلىق جاساۋدى ۇسىندى.
ۋاكىل سۇلتان جايناق بىلاي دەدى: مەملەكەتتىك دامۋ - رەفورما كوميتەتى مەن قازىنا مينيسترلىگىنىڭ قالا، اۋىل تۇرعىندارىنىڭ كىرىسىن ارتتىرۋ ماسەلەسىنە ءتىپتى كوپ نازار اۋدارىپ، شىعىس، باتىس بولىكتەگى رايونداردىڭ كىرىس دەڭگەيى اراسىنداعى پارىقتى تەزىرەك ازايتىپ، بۇقارانى ءتىپتى كوپ تابىس سەزىمىنە كەنەلتۋىن ءۇمىت ەتەمىن.
قارامايلىدان كەلگەن ۋاكىل حاليدان ءابدىقادىر ءتۇرلى ساياساتتاردى اناعۇرلىم ايقىنداپ، بايلىق اشۋدا جەرگىلىكتى ورىندى يگىلىككە كەنەلتۋ تالابىن تياناقتاندىرىپ، قارامايلىنىڭ تيپىن وزگەرتىپ، دارەجەسىن جوعارىلاتۋىن قولداۋدى؛ شينجياڭدا تۇراتىن ورتالىق كاسىپورىندارىنىڭ قاراستى جەردەگى زاڭدىق يەسىن تىركەۋ جونىندەگى جەتەكشى پىكىردى كەمەلدەندىرىپ، ورتالىق كاسىپورىندارى مەن جەرگىلىكتى ورىننىڭ سەلبەستىگىن كۇشەيتىپ، شينجياڭنىڭ ورنىقتىلىق، دامۋ ىستەرىنە ءتىپتى جاقسى قىزمەت ەتۋدى ۇسىندى.
فۋ پۋيان، باعدانگۇل زات قىزى، نابۇلاش قوجاحۇن، فۋ چۇنلي، لينا، سەرجان توحتىمۇرات ۇلى، ياڭ چين، روزىگۇل قۇراحۇن، ريزۋانگۇل جامال، ليۋ شينشىڭ سياقتى ۋاكىلدەر شەكارانى گۇلدەندىرىپ، حالىقتى اۋقاتتاندىرۋ، كەدەيلەردى دالمە - ءدال سۇيەمەلدەۋ، توقىماشىلىق، كيىم - كەشەك كاسىبىن دامىتىپ كاسىپتەنۋگە دەم بەرۋ، ارالاس مەنشىكتەگى شارۋاشىلىقتىڭ دامۋىن جەدەلدەتۋ، «شينجياڭدى ەلەكترلەندىرۋ» قۇرىلىسى، ساياحات كاسىبىنىڭ زور دامۋىن ىلگەرىلەتۋ، كاسىپتەنۋدى، شارۋاشىلىق قۇرۋدى جەبەۋ، اۋىل - قىستاقتاعى بالا باقشا تاربيەسى، جاپالى رايونعا ارنالعان قوسىمشا قاراجات سياقتىلار توڭىرەگىندە جەكە - جەكە ءسوز الدى.
مەملەكەتتىك حالىق قۇرىلتايىنىڭ ۋاكىلدەرى شاۋكەت يمىن، سارقىت اقان ۇلى، دۇڭ شينگۋاڭ، حۋاڭ رۇڭ، جاروللا يسامدين قاراۋعا قاتىناستى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
