مەملەكەتتىك 12 - كەزەكتى حالىق قۇرىلتايىنىڭ 5 - ءماجىلىسى ەكىنشى جالپى جيىنىن وتكىزدى
مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىن تىڭدادى جانە قارادى، ازاماتتىق ىستەر زاڭى باس ەرەجەسى جوباسىجونىندەگى تۇسىنىك، مەملەكەتتىك 13 - كەزەكتى حالىق قۇرىلتايى ۋاكىلدەرىنىڭ سانى جانە ولاردى سايلاۋ ماسەلەلەرى تۋرالى قارار جوبا جونىندەگى تۇسىنىك سياقتىلاردى تىڭدادى
2017.03.09 15:26 كەلۋ قاينارى : شينجياڭ گازەتى
شي جينپيڭ، لي كىچياڭ، يۇي جىڭشىڭ، ليۋ يۇنشان، ۋاڭ چيشان، جاڭ گاۋلي ءتوراعالار مىنبەسىنەن ورىن الدى، جاڭ دىجياڭ ماجىلىسكە بايانداما جاسادى شينحۋا اگەنتتىگىنىڭ 8 - ناۋرىزدا بەيجيڭنەن بەرگەن حابارى. مەملەكەتتىك 12 - كەزەكتى حالىق قۇرىلتايىنىڭ 5 - ءماجىلىسى 8 - ناۋرىز كۇنى تۇستەن كەيىن حالىق سارايىندا ەكىنشى جالپى جيىنىن وتكىزدى. مەملەكەتتىك حالىق قۇرىلتايى تۇراقتى كوميتەتىنىڭ تاپسىرۋىمەن، كوميتەت باستىعى جاڭ دىجياڭ ماجىلىسكە قىزمەتتەن بايانداما جاسادى. جيىن ازاماتتىق ىستەر زاڭىنىڭ باس ەرەجەسى جوباسى جونىندەگى تۇسىنىكتى، مەملەكەتتىك 13 - كەزەكتى حالىق قۇرىلتايى ۋاكىلدەرىنىڭ سانى جانە ولاردى سايلاۋ ماسەلەلەرى تۋرالى قارار جوبا جونىندەگى تۇسىنىكتى، شياڭگاڭ ەرەكشە اكىمشىلىك رايونىنىڭ مەملەكەتتىك 13 - كەزەكتى حالىق قۇرىلتايىنىڭ ۋاكىلدەرىن سايلاۋ ءادىسى جوباسى جانە اۋمىن ەرەكشە اكىمشىلىك رايونىنىڭ مەملەكەتتىك 13 - كەزەكتى حالىق قۇرىلتايىنىڭ ۋاكىلدەرىن سايلاۋ ءادىسى جوباسى جونىندەگى تۇسىنىكتى تىڭدادى.
شي جينپيڭ، لي كىچياڭ، يۇي جىڭشىڭ، ليۋ يۇنشان، ۋاڭ چيشان، جاڭ گاۋلي ءتوراعالار مىنبەسىنەن ورىن الدى.
جاڭ دىجياڭ وتكەن ءبىر جىلداعى نەگىزگى قىزمەتتەرگە مىنا 7 جاقتان ايالدادى. ءبىرىنشى، ءتۇيىندى سالالارعا قاتىستى زاڭ شىعارۋ، زاڭ شىعارۋ ساپاسىن جوعارىلاتۋ كۇش سالا ىلگەرىلەتىلدى. مەملەكەت حاۋىپسىزدىگىنە قاتىستى زاڭ - ءتۇزىم جۇيەسىن قۇرۋدا ماڭىزدى ىلگەرىلەۋشىلىك بولدى؛ ازاماتتىق ىستەر زاڭىنىڭ باس ەرەجەسىن جاساۋ قىزمەتى تىڭعىلىقتى ىلگەرىلەتىلدى؛ مادەنيەت، قوعام، قورشاعان ورتانى قورعاۋ سياقتىلارعا قاتىستى زاڭ شىعارۋ كۇشەيتىلدى؛ زاڭ شىعارۋ قىزمەتىنىڭ مەحانيزمى مەن ءتاسىل، ادىستەرى كەمەلدەندىرىلدى. ەكىنشى، ءبىرقانشا كەلەلى ماسەلەلەر جونىندە زاڭ بويىنشا قارار شىعارىلدى. لياۋنيڭدەگى پارا بەرىپ داۋىس جيناۋ دەلوسىنا قاتىستى ماسەلەلەر دەر كەزىندە ۇيلەسىمدى ءبىر جاقتى ەتىلىپ، حالىق قۇرىلتايى ءتۇزىمىنىڭ بەدەلى مەن ابىرويى باتىل قورعالدى؛ شياڭگاڭنىڭ ءتۇبىرلى زاڭنىڭ 104 - تارماعىنا زاڭ بويىنشا تۇسىنىك جاسالىپ، «شياڭگاڭ تاۋەلسىزدىگى» ارەكەتتەرىنە باتىل قارسى تۇرىلدى؛ مەملەكەتتىڭ باقىلاۋ - تەكسەرۋ ءتۇزىلىسى رەفورماسىنىڭ سىناق تۇيىندەرى قىزمەتىن ورىستەتۋ جونىندە قارار شىعارىلىپ، كەلەلى ساياسي ءتۇزىلىس رەفورماسى زاڭ جاعىنان قامتاماسىز ەتىلدى. ءۇشىنشى، قاتىستى سالالارداعى رەفورمالار زاڭمەن جونگە سالۋ جاعىنان قامتاماسىز ەتىلدى. كوپتەگەن زاڭدارعا ءبىر تۇتاس وزگەرىس ەنگىزىلىپ، اكىمشىلىك تەكسەرىپ - بەكىتۋ ءتۇزىمى رەفورماسى ۇزدىكسىز ىلگەرىلەتىلدى؛ وكىلەتتىك ۇقىق بەرۋ قارارى زاڭ بويىنشا شىعارىلىپ، رەفورمانى الدىمەن اتقارۋعا، الدىمەن سىناق ەتۋگە زاڭدىق نەگىز قالاندى؛ رەفورما سىناق تۇيىندەرىنىڭ تاجىريبەلەرى قورىتىندىلانىپ، زاڭعا وزگەرىس ەنگىزىپ كەمەلدەندىرۋ ارقىلى كوشىرىپ باسىلدى جانە جالپىلاستىرىلدى. ءتورتىنشى، حالىق بۇقاراسى جاپپاي كوڭىل بولگەن ماسەلەلەر ءتۇيىن ەتىلىپ، زاڭنىڭ اتقارىلۋىن تەكسەرۋ جانە قىزمەتتىك باقىلاۋ كۇشەيتىلدى. زاڭنىڭ اتقارىلۋىن تەكسەرۋدى كۇشەيتۋ كورنەكتى ورىنعا قويىلدى؛ حالىق بۇقاراسىنىڭ وندىرىستەگى، تۇرمىستاعى حاۋىپسىزدىك سەزىمى كۇش سالا جوعارىلاتىلدى؛ ەكولوگيالىق ورتانى جاقسارتۋ جانە قورعاۋ بەلسەندى تۇردە ىلگەرىلەتىلدى؛ ەكونوميكانىڭ، قوعامنىڭ ورنىقتى، اقاۋسىز دامۋى جەبەلدى؛ نەگىزگى زاڭ رۋحى كۇش سالا ساۋلەلەندىرىلدى. بەسىنشى، حالىق قۇرىلتايى ۋاكىلدەرىنىڭ سۋبيەكتتىك رولدى ساۋلەلەندىرۋىنە قولداۋ كورسەتىلدى جانە قامتاماسىز ەتىلدى. تۇراقتى كوميتەتتىڭ ۋاكىلدەرمەن، ۋاكىلدەردىڭ حالىق بۇقاراسىمەن بايلانىسى نىعايتىلدى؛ ۋاكىلدەردىڭ كەڭەستىك جوبالاردى قاراۋ جانە ۇسىنىستارىنىڭ ءبىر جاقتى ەتىلۋ ونىمدىلىگى ارتتىرىلدى؛ ۋاكىلدەردىڭ يدەيالىق ستيلى مەن ساپا قابىلەتى قۇرىلىسى كۇشەيتىلدى. التىنشى، حالىق قۇرىلتايىنىڭ سىرتپەن قارىم - قاتىناس ورناتۋ، مەملەكەتتىڭ جالپى جاعدايىنا قىزمەت ەتۋ رولى تولىق ساۋلەلەندىرىلدى. جەتىنشى، وزىندىك قۇرىلىس بارىنشا كۇشەيتىلدى.
جاڭ دىجياڭ بىلاي دەپ اتاپ كورسەتتى: تۇراقتى كوميتەت قىزمەتىندە ءالى دە ءبىراز پارىقتار مەن ولقىلىقتاردىڭ ءومىر ءسۇرىپ وتىرعانىن ايقىن تانىپ جەتتىك. ءبىز وسى ماسەلەلەرگە ايرىقشا ءمان بەرىپ، ۋاكىلدەر مەن ءار جاقتىڭ پىكىر - ۇسىنىستارىن كىشى پەيىلدىكپەن تىڭداپ، باقىلاۋدى سانالى تۇردە قابىلداپ، ءتۇرلى قىزمەتتەردى ۇزدىكسىز كۇشەيتۋىمىز جانە جاقسارتۋىمىز كەرەك. الداعى ءبىر جىلداعى نەگىزگى مىندەتتەر جونىندە، جاڭ دىجياڭ مىنالاردى باسا دارىپتەدى: 2017 - جىلى پارتيامىز كەلەلى دە تەرەڭ ماڭىز الاتىن مەملەكەتتىك 19 - قۇرىلتايىن اشادى، بۇل − پارتيامىز بەن مەملەكەتىمىزدىڭ ساياسي ومىرىندەگى ماڭداي الدى كەلەلى ءىس. 2017 - جىل − «13 - بەسجىلدىق» جوبانى جاپپاي اتقارۋداعى، جاپپاي دوڭگەلەك داۋلەتتى قوعام قۇرۋداعى ماڭىزدى جىل. بيىلعى حالىق قۇرىلتايى قىزمەتتەرىن جاقسى ىستەۋ ماڭىزدى مانگە يە. مەملەكەتتىك حالىق قۇرىلتايى تۇراقتى كوميتەتى قىزمەتىنىڭ جالپى تالابى مىناۋ: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، پارتيا 18 - قۇرىلتايىنىڭ جانە پارتيا 18 - كەزەكتى ورتالىق كوميتەتى ءۇشىنشى، ءتورتىنشى، بەسىنشى، التىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن جەتەكشى ەتىپ، باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحىن جانە ەل باسقارۋداعى جاڭا ۇستانىمدارىن، جاڭا يدەيالارىن، جاڭا ستراتەگيالارىن ىشكەرىلەي ۇيرەنىپ، دايەكتىلەندىرىپ، قىزمەتتىڭ ورنىقتىلىق بارىسىندا ىلگەرىلەۋ دەگەن نەگىزگى اۋەنىنەن جازباي، نەگىزگى زاڭ مەن زاڭداردىڭ بەدەلىن قورعاپ، ءتۇيىندى سالالارعا قاتىستى زاڭ شىعارۋدى كۇشەيتىپ، زاڭ شىعارۋ ساپاسىن كۇش سالا جوعارىلاتىپ، دۇرىس باقىلاۋدى، ءونىمدى باقىلاۋدى جولعا قويىپ، ۋاكىلدەردىڭ زاڭ بويىنشا مىندەت وتەۋىن قولداپ جانە قامتاماسىز ەتىپ، وسى كەزەكتى حالىق قۇرىلتايى مەن ونىڭ تۇراقتى كوميتەتىنىڭ مىندەتتەرىن تولىق ورىنداپ، پارتيا 19 - قۇرىلتايىنىڭ جەڭىسپەن اشىلۋىن ۇزدىك ناتيجەلەرمەن قارسى الۋ.
جاڭ دىجياڭ 2017 - جىلعى نەگىزگى قىزمەتتەردى يگى زاڭ ارقىلى دامۋدى جەبەۋ، جاقسى باسقارۋعا كەپىلدىك ەتۋ، دۇرىس باقىلاۋدى، ءونىمدى باقىلاۋدى جولعا قويۋ، حالىق قۇرىلتايى ۋاكىلدەرىن سايلاۋ قىزمەتىن مۇقيات ىستەۋ، ۋاكىلدەر قىزمەتىن كۇشەيتۋ جانە جاقسارتۋ سياقتى جاقتاردان بايىمدادى.
مەملەكەتتىك حالىق قۇرىلتايى تۇراقتى كوميتەتىنىڭ تاپسىرۋىمەن، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى لي جيانگو ازاماتتىق ىستەر زاڭىنىڭ باس ەرەجەسى جوباسى جونىندە تۇسىنىك جاسادى. لي جيانگو بىلاي دەدى: ازاماتتىق ىستەر زاڭىنىڭ كودەكسىن قۇراستىرۋ − پارتيا 18 - كەزەكتى ورتالىق كوميتەتىنىڭ ءتورتىنشى جالپى ءماجىلىسى ورتاعا قويعان كەلەلى زاڭ شىعارۋ مىندەتى، بۇل كەلەلى دە تەرەڭ ءمان الادى. ازاماتتىق ىستەر زاڭىنىڭ كودەكسىن قۇراستىرۋ − پارتيانىڭ حالىق ءۇشىن بيلىك جۇرگىزۋىن ايگىلەۋىنىڭ ءتۇبىرلى ماقساتى، ەڭ قالىڭ حالىقتىڭ ءتۇبىرلى مۇددەسىن قورعاۋدىڭ وبيەكتيۆ قاجەتى؛ مەملەكەتتى زاڭمەن جونگە سالۋدى جاپپاي ىلگەرىلەتىپ، مەملەكەتتىڭ زاڭمەن جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن جۇزەگە اسىرۋداعى كەلەلى شارا؛ سوتسياليستىك بازار شارۋاشىلىعى ءتۇزىلىسىن اقاۋسىزداندىرىپ، جۇڭگوشا سوتسياليستىك زاڭ جۇيەسىن كەمەلدەندىرۋدىڭ تابيعي تالابى.
لي جيانگو بىلاي دەدى: شي جينپيڭ جولداستى ۇيتقى ەتكەن پارتيا ورتالىق كوميتەتى ازاماتتىق ىستەر زاڭى كودەكسىن قۇراستىرۋعا جانە ازاماتتىق ىستەر باس ەرەجەسىن جاساۋعا ايرىقشا ءمان بەردى. قۇراستىرۋ قىزمەتى «ەكى قادام بويىنشا ءجۇرۋ» وي جەلىسىنە ساي ىستەلەدى: ءبىرىنشى قادامدا ازاماتتىق ىستەر زاڭ كودەكسى باس ەرەجەسىن، ياعني وسى جولعى ءماجىلىستىڭ قاراۋىنا ۇسىنىلعان ازاماتتىق ىستەر زاڭى باس ەرەجەسى جوباسىن قۇراستىرۋ؛ ەكىنشى قادامدا ازاماتتىق ىستەر زاڭى كودەكسىنىڭ ءاربىر ءبولىمىن قۇراستىرىپ، 2018 - جىلى تۇتاسىمەن حالىق قۇرىلتايى تۇراقتى كوميتەتىنىڭ قاراۋىنا ۇسىنۋ، مەملەكەتتىك حالىق قۇرىلتايى تۇراقتى كوميتەتى ساتىلارعا ءبولىپ قاراپ بولعان سوڭ، 2020 - جىلى ازاماتتىق ىستەر زاڭ كودەكسىنىڭ ءاربىر ءبولىمىن قوسىپ، مەملەكەتتىك حالىق قۇرىلتايى ءماجىلىسىنىڭ قاراپ ماقۇلداۋىنا ۇسىنۋعا ۇمتىلۋ، ءسويتىپ، بىرلىككە كەلگەن ازاماتتىق ىستەر زاڭى كودەكسىن قالىپتاستىرۋ. جىلدامدىقتىڭ ساپاعا بويسۇنۋى تالابىنا ساي، ناقتى قىزمەت ورنالاستىرۋلارىنا ءتيىستى رەتتەۋ جۇرگىزۋگە بولادى.
لي جيانگو بىلاي دەدى: ازاماتتىق ىستەر زاڭىنىڭ باس ەرەجەسى ازاماتتىق ىستەر زاڭى جيناعىنىڭ بەتاشارى، ول ازاماتتىق ىستەر زاڭى جيناعىندا باعدارلامالىق رول اتقارادى. ازاماتتىق ىستەر زاڭىنىڭ باس ەرەجەسى جوباسىن دايىنداۋ بارىسىندا، ازاماتتىق ىستەر زاڭىنىڭ جيناعىن قۇراستىرۋدىڭ جەتەكشى يدەياسى جانە نەگىزگى پرينسيبى نەگىزگە الىنعان، سونداي - اق مىنا بىرنەشە ءتۇيىندى يگەرۋ نازارعا الىنعان: ءبىرىنشى، ماسەلەنى نىشان ەتۋ باعىتىنان جازباي، قوعامدىق ومىردەگى كۇردەلى، شىتىرمان ماسەلەلەردى كۇش سالا شەشۋمەن بىرگە، زاڭ شىعارۋ زاڭدىلىعىنا قۇرمەت ەتۋ، زاڭ قاعيدالارىن، جۇيەنى دارىپتەۋ. ەكىنشى، ازاماتتىق ىستەرگە قاتىستى زاڭ شىعارۋدىڭ تاريحي ۇلاسپالىلىعىنا قۇرمەت ەتۋمەن بىرگە، كەزەكتەگى ەكونوميكالىق، قوعامدىق دامۋدىڭ وبيەكتيۆ تالابىنا ۇيلەسۋ. ءۇشىنشى، ەلىمىزدىڭ تاڭداۋلى زاڭ مادەنيەت - ءداستۇرىن جالعاۋمەن بىرگە، شەتەلدىڭ زاڭ شىعارۋداعى پايدالى تاجىريبەلەرىنەن ونەگە الۋ.
لي جيانگو ازاماتتىق ىستەر زاڭىنىڭ باس ەرەجەسىنىڭ نەگىزگى پرينسيبى مەن زاڭنىڭ قولدانىلۋ قاعيدالارى، ازاماتتىق ىستەردىڭ سۋبيەكتى، ازاماتتىق ىستەر ۇقىعى، ازاماتتىق ىستەر زاڭدىق ارەكەتتەرى جانە وكىلدىك ەتۋ، ازاماتتىق ىستەر جاۋاپكەرشىلىگى مەن ارىز - شاعىمنىڭ كۇشكە يە ۋاقىتى سىندى 5 جاقتان ازاماتتىق ىستەر زاڭى باس ەرەجەسى جوباسىنىڭ باستى مازمۇندارىن تانىستىردى، سونداي - اق ازاماتتىق ىستەر زاڭىنىڭ باس ەرەجەسى مەن ازاماتتىق ىستەر زاڭىنىڭ جالپى ەرەجەسىنىڭ قاتىناسى جونىندە تۇسىنىك جاسادى.
مەملەكەتتىك حالىق قۇرىلتايى تۇراقتى كوميتەتىنىڭ تاپسىرۋىمەن، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى ءارى باس حاتشىسى ۋاڭ چىن مەملەكەتتىك 13 - كەزەكتى حالىق قۇرىلتايى ۋاكىلدەرىنىڭ سانى جانە سايلاۋ ماسەلەلەرى جونىندەگى قارار جوباسى جونىندە تۇسىنىك، شياڭگاڭ ەرەكشە اكىمشىلىك رايونىنىڭ مەملەكەتتىك 13 - كەزەكتى حالىق قۇرىلتايى ۋاكىلدەرىن سايلاۋ ءادىسى جوباسى مەن اۋمىن ەرەكشە اكىمشىلىك رايونىنىڭ مەملەكەتتىك 13 - كەزەكتى حالىق قۇرىلتايى ۋاكىلدەرىن سايلاۋ ءادىسى جوباسى جونىندە تۇسىنىك جاسادى.
ۋاڭ چىن بىلاي دەدى: نەگىزگى زاڭ مەن قاتىستى زاڭداردىڭ بەلگىلەمەسى بويىنشا، مەملەكەتتىك 12 - كەزەكتى حالىق قۇرىلتايىنىڭ قىزمەت مەرزىمى 2018 - جىلى ناۋرىزدا تولادى، مەملەكەتتىك 13 - كەزەكتى حالىق قۇرىلتايىنىڭ ۋاكىلدەرى 2018 - جىلى قاڭتار ايىندا سايلانىپ شىعادى. نەگىزگى زاڭنىڭ، سايلاۋ زاڭىنىڭ قاتىستى بەلگىلەمەلەرى بويىنشا، مەملەكەتتىك حالىق قۇرىلتايى تۇراقتى كوميتەتىنىڭ كوميتەت باستىقتار ءماجىلىسى مەملەكەتتىك 12 - كەزەكتى حالىق قۇرىلتايى 5 - ءماجىلىسىنىڭ مەملەكەتتىك 13 - كەزەكتى حالىق قۇرىلتايى ۋاكىلدەرىنىڭ سانى جانە سايلاۋ ماسەلەلەرى جونىندەگى قارار جوباسىن دايىندادى. مەملەكەتتىك 12 - كەزەكتى حالىق قۇرىلتايى تۇراقتى كوميتەتىنىڭ 25 - رەتكى ءماجىلىسى قارار جوباسىن قارادى، سونداي - اق وسى رەتكى ءماجىلىستىڭ قاراۋىنا جولداۋدى ۇيعاردى.
ۋاڭ چىن بىلاي دەدى: سايلاۋ زاڭىنىڭ بەلگىلەمەلەرى بويىنشا، شياڭگاڭ ەرەكشە اكىمشىلىك رايونىنىڭ، اۋمىن ەرەكشە اكىمشىلىك رايونىنىڭ مەملەكەتتىك حالىق قۇرىلتايىنا سايلانۋعا ءتيىستى ۋاكىلدەردىڭ سانى مەن ۋاكىل سايلاۋ ءادىسى جونىندە مەملەكەتتىك حالىق قۇرىلتايى باسقالاي بەلگىلەمە جاسايدى. وسىعان بايلانىستى، مەملەكەتتىك حالىق قۇرىلتايى وسى كەزەكتى قىزمەت مەرزىمى تولۋدان بۇرىن، شياڭگاڭنان، اۋمىننان مەملەكەتتىك 13 - كەزەكتى حالىق قۇرىلتايىنىڭ ۋاكىلىن سايلاۋ ءادىسىن جاساۋى قاجەت. 2016 - جىلى شىلدەدەن بەرى، مەملەكەتتىك حالىق قۇرىلتايىنىڭ كەڭسەسى، زاڭ قىزمەتى كوميتەتى ورتالىقتاعى قاتىستى تاراۋلارمەن بىرگە اتالعان 2 سايلاۋ ءادىسىنىڭ جوباسىن اقىلداسىپ دايىندادى، سونداي - اق شىنجىندا، جۋحايدا اڭگىمە ماجىلىستەرىن اشىپ، شياڭگاڭ ەرەكشە اكىمشىلىك رايونى مەن اۋمىن ەرەكشە اكىمشىلىك رايونىنىڭ مەملەكەتتىك حالىق قۇرىلتايى ۋاكىلدەرىنەن، مەملەكەتتىك ساياسي كەڭەس مۇشەلەرىنەن پىكىر الدى. مەملەكەتتىك 12 - كەزەكتى حالىق قۇرىلتايى تۇراقتى كوميتەتىنىڭ 25 - رەتكى ءماجىلىسى اتالعان 2 سايلاۋ ءادىسى جوباسىن قارادى، سونداي - اق وسى رەتكى ءماجىلىستىڭ قاراۋىنا جولداۋدى ۇيعاردى.
ۋاڭ چىن اتالعان قارار جوباسىنىڭ، ءادىس جوباسىنىڭ باستى مازمۇندارى جونىندە تۇسىنىك جاسادى.
جيىندى ءماجىلىس ءتوراعالار القاسىنىڭ تۇراقتى ءتوراعاسى، اتقارۋشى ءتوراعاسى ەركىن يمىرباقى باسقاردى. جيىن باستالعان كەزدە ەركىن يمىرباقى بىلاي دەدى: بۇگىن «8 - ناۋرىز» حالىقارالىق ەڭبەكشى ايەلدەر مەرەكەسى، ءماجىلىس ءتوراعالار القاسى اتىنان، ءار ايەل ۋاكىلگە، ءار ايەل مۇشەگە، ايەل قىزمەتكەرلەرگە، بۇكىل ەلدەگى ءار ۇلت، ءار سالا ايەلدەرىنە، الەمنىڭ ءار ەلىندەگى ايەلدەرگە مەرەكەلىك قۇتتىقتاۋ ايتامىز جانە تاماشا تىلەك بىلدىرەمىز.
بۇگىنگى جالپى جيىنعا قاتىناسۋعا ءتيىستى 2924 ۋاكىلدىڭ 2833ى قاتىناستى، 91 ادام قاتىناسپادى، قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
