ساياسي كەڭەس مەملەكەتتىك 12 - كەزەكتى كوميتەتىنىڭ 5 - ءماجىلىسى جابىلدى
2017.03.15 15:09 كەلۋ قاينارى : شينجياڭ گازەتى
شي جينپيڭ، لي كىچياڭ، جاڭ دىجياڭ، ليۋ يۇنشان، ۋاڭ چيشان، جاڭ گاۋلي ماجىلىسكە قاتىناستى، يۇي جىڭشىڭ جيىندى باسقاردى ءارى ءسوز سويلەدى
شينحۋا اگەنتتىگىنىڭ 13 - ناۋرىزدا بەيجيڭنەن بەرگەن حابارى. قۋاتتى كۇش توپتاپ، گۇلدەنۋ ۇلى ءىسىن بىرگە ءبولىستى. جۇڭگو حالىق ساياسي ءماسليحات كەڭەسى مەملەكەتتىك 12 - كەزەكتى كوميتەتىنىڭ 5 - ءماجىلىسى ءتۇرلى كەڭەستىك تارتىپتەردى تابىسپەن تامامداپ، 13 - ناۋرىز تۇستەن بۇرىن حالىق سارايىندا جابىلدى. ءماجىلىس مىنالاردى ۇندەدى: حالىق ساياسي كەڭەسىنىڭ ءار دارەجەلى ۇيىمدارى، ءارقايسى قاتىسۋشى ورىندار جانە ساياسي كەڭەس مۇشەلەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، اۋەلگى سەلبەسۋ ماقساتىن ۇمىتپاي، تىزە قوسا ۇزدىكسىز العا باسىپ، ءورىس اشا جاڭالىق جاراتىپ، قۇلشىنا ىستەپ، ج ك پ 19 - قۇرىلتايىنىڭ جەڭىسپەن اشىلۋىن ۇزدىك ناتيجەلەرمەن قارسى الىپ، «قوس 100 جىلدىق» ايبىندى نىسانانى، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قۇلشىنا كۇرەسەيىك.
مەملەكەتتىك ساياسي كەڭەستىڭ ءتوراعاسى يۇي جىڭشىڭ جابىلۋ جيىنىن باسقاردى. مەملەكەتتىك ساياسي كەڭەستىڭ ورىنباسار ءتوراعالارى دۋ چيڭلين، حان چيدى، پابالا گىلەلاڭجيە، دۇڭ جيانحۋا، ۋان گاڭ، لين ۋىن - ي، لو فۋحى، حى حوۋحۋا، جاڭ چيڭلي، لي حايفىڭ، چىن يۋان، لۋ جانگۇڭ، جوۋ شياۋچۋان، ۋاڭ جيارۇي، ۋاڭ جىڭۋي، ما بياۋ، چي شۇيچۇن، چىن شياۋگۋاڭ، ما پەيحۋا، ليۋ شياۋفىڭ، ۋاڭ چينمين ءتوراعالار مىنبەسىنىڭ الدىڭعى قاتارىنان ورىن الدى.
شي جينپيڭ، لي كىچياڭ، جاڭ دىجياڭ، ليۋ يۇنشان، ۋاڭ چيشان، جاڭ گاۋلي ءتوراعالار مىنبەسىنەن ورىن الدى.
تۇستەن بۇرىن ساعات 9دان 30 مينۋت وتكەندە جابىلۋ جيىنى باستالدى، يۇي جىڭشىڭ جۇڭگو حالىق ساياسي ءماسليحات كەڭەسى مەملەكەتتىك 12 - كەزەكتى كوميتەتىنىڭ 5 - ماجىلىسىنە قاتىناسۋعا ءتيىستى مۇشە 2203 ادام ەكەندىگىن، بۇگىنگى جابىلۋ جيىنىنا 2101 مۇشە قاتىناسقانىن، مۇنىڭ بەلگىلەنگەن ادام سانىنا ۇيلەسەتىنىن جاريالادى.
ماجىلىستە مۇشەلەر داۋىسقا سالۋ اسپابىمەن داۋىس بەرۋ تاسىلى ارقىلى لياڭ جىنيىڭدى ساياسي كەڭەس مەملەكەتتىك 12 - كەزەكتى كوميتەتىنىڭ ورىنباسار ءتوراعالىعىنا كوبەيتىپ سايلادى، ىلە - شالا يۇي جىڭشىڭ لياڭ جىنيىڭدى ءتوراعالار مىنبەسىنە وتىرۋعا ۇسىنىس ەتتى.
ءماجىلىس ساياسي كەڭەس مەملەكەتتىك 12 - كەزەكتى كوميتەتى 5 - ءماجىلىسىنىڭ تۇراقتى كوميتەتتىڭ قىزمەت بايانداماسى جونىندەگى قاۋلىسىن، ساياسي كەڭەس مەملەكەتتىك 12 - كەزەكتى كوميتەتى ۇسىنىس جوبا كوميتەتىنىڭ ساياسي كەڭەس مەملەكەتتىك 12 - كەزەكتى كوميتەتى 5 - ءماجىلىسىنىڭ ۇسىنىس جوبالاردى تەكسەرۋ جاعدايى جونىندەگى بايانداماسىن، ساياسي كەڭەس مەملەكەتتىك 12 - كەزەكتى كوميتەتى 5 - ءماجىلىسىنىڭ ساياسي قاۋلىسىن ماقۇلدادى.
يۇي جىڭشىڭ بىلاي دەدى: ءماجىلىس كەزىندە، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قاتارلى پارتيا مەن مەملەكەتتىڭ باسشى جولداستارى ءماجىلىستىڭ باستالۋ جانە جابىلۋ جيىنىنا قاتىناسىپ، ءار سالا گرۋپپاسىنا بارىپ، پىكىر تىڭداپ، مۇشەلەرمەن پىكىر اۋىستىرىپ، ەكونوميكانىڭ ورنىقتى، اقاۋسىز دامۋى مەن قوعامنىڭ جاراسىمدىلىعىن، ورنىقتىلىعىن جەبەيتىن ۇتىمدى شارالاردى بىرگە اقىلداسىپ، سوتسياليستىك كەڭەستىك دەموكراتيانىڭ جاندى ومىرشەڭدىك كۇشىن تولىق ايگىلەدى. بارلىق ساياسي كەڭەس مۇشەلەرى شي جينپيڭ جولداستى ۇيتقى ەتكەن پارتيا ورتالىق كوميتەتىن شىن ىقىلاسپەن قورعادى، قولدادى، ج ك پ 18 - قۇرىلتايىنان بەرى پارتيا مەن مەملەكەت ىستەرىنىڭ دامۋداعى قوماقتى ناتيجەلەرىنە قاباعات ءسۇيىندى، جەلپىندى، جۇڭگوشا سوتسياليزم ىستەرىنىڭ شۇعىلالى بولاشاعىنا تولىق سەنىم ارتتى. مۇشەلەر پارتيا مەن مەملەكەتتىڭ بيىلعى وزەكتى قىزمەتىن ارقاۋ ەتىپ، باس شۋجيدىڭ جۇڭگو دەموكراتيانى ىلگەرىلەتۋ قوعامىنىڭ، جۇڭگو ديقان - جۇمىسشى دەموكراتيالىق پارتياسىنىڭ، 3 - قىركۇيەك ءىلمي قوعامىنىڭ بىرلەسكەن گرۋپپا جيىنىندا سويلەگەن ماڭىزدى ءسوزىن مۇقيات ۇيرەنىپ، ۇكىمەت قىزمەتىنەن بايانداما مەن مەملەكەتتىك ساياسي كەڭەس تۇراقتى كوميتەتىنىڭ قىزمەت بايانداماسى سياقتى ماڭىزدى حۇجاتتاردى ىشكەرىلەي تالقىلاپ، ۇكىمەت ءىسىن تىڭعىلىقتى كەڭەسىپ، سىندارلى اقىل - كەڭەس بەرىپ، ماڭىزدى پىكىرلەر مەن ۇسىنىستاردى ورتاعا قويدى. ءماجىلىس تولىق تابىستى بولدى، بۇل دەموكراتيا ساۋلەلەندىرىلگەن، مەملەكەت جوسپارىن ورتاق اقىلداسقان ءماجىلىس، ورتاق تانىمدى ۇيىستىرعان، ىنتىماقتى كۇشەيتكەن ءماجىلىس، رۋحتى سەرپىلتىپ، جىگەرگە دەم بەرگەن، قايراتتانا ۇمتىلعان ءماجىلىس بولدى.
يۇي جىڭشىڭ مىنالاردى اتاپ كورسەتتى: ج ك پ 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل ەلدەگى ءار ۇلت حالقىن ىنتىماقتاستىرا باستاپ، «بەستى ءبىر تۇلعالاندىرۋ» جالپى ورنالاستىرۋى مەن «ءتورتتى جاپپاي ورىنداۋ» ستراتەگيالىق ورنالاستىرۋىن ءبىر تۇتاس ىلگەرىلەتىپ، ۇلى ىستەردى، ۇلى ينجەنەريالاردى، ۇلى كۇرەستى ىشكەرىلەي ىلگەرىلەتىپ، جۇڭحۋا ۇلتىنىڭ ۇلى گۇلدەنۋ شۇعىلالى ارمانىنا قاراي ۇدەرە العا باستى. بيىل جۇڭگو كوممۋنيستىك پارتياسى مەملەكەتتىك 19 - قۇرىلتايىن اشادى، بۇل پارتيا مەن مەملەكەتتىڭ ساياسي تۇرمىسىنداعى ءىرى ءىس. ۇلى داۋىرگە اياق باسقان، ۇلى ىسكە ات سالىسقان حالىق ساياسي كەڭەسىنىڭ ءار دارەجەلى ۇيىمدارى مەن قالىڭ ساياسي كەڭەس مۇشەلەرىنىڭ جاۋاپكەرلىگى اۋىر، بورىشى داڭقتى. ساياسي تۇرعىنى جوعارىلاتىپ، ساياسي تانىمدى، جالپى جاعداي تانىمىن، ۇيتقى تانىمىن، ساپ تۇزەۋ تانىمىن بەرىك ورناتىپ، جۇڭگوشا سوتسياليزم جولى سەنىمىن، نازاريالىق سەنىمىن، ءتۇزىم سەنىمىن، مادەنيەت سەنىمىن كۇشەيتىپ، جۇڭگو كوممۋنيستىك پارتياسىنىڭ باسشىلىعىنا اناعۇرلىم سانالى تۇردە تاباندى بولىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ج ك پ ورتالىق كوميتەتىنىڭ شەشىمدەرىن، ورنالاستىرۋلارىن اناعۇرلىم باتىلدىقپەن دايەكتىلەندىرۋ، تياناقتاندىرۋ كەرەك. زەيىن - زەردەنى، كۇش - قۋاتتى ۇتىمدى ۇيىستىرىپ، جۇڭگوشا سوتسياليزمگە تاباندى بولۋ مەن دامىتۋدى يدەيالىق - ساياسي نەگىزدى بەكەمدەۋدىڭ نەگىزگى ءوسى ەتىپ، تىلەكتەستىك شەڭبەرىن قۇلشىنا سىزىپ، قۇدىرەتتى ۇيىسۋ قۋاتىن شوعىرلاندىرىپ، ءتىپتى دە كوپ ساپتاستاردى توپتاپ، كەڭ كولەمدى وڭ ەنەرگيا قالىپتاستىرۋ كەرەك. مىندەتتى اتقارۋعا، جاۋاپكەرلىكتى ادا ەتۋگە قۇلشىنىپ، ەكونوميكالىق، قوعامدىق دامۋعا كەڭەس بەرىپ، كۇش قوسۋدى تىعىز ارقاۋ ەتىپ، شىنايى اقىلداسىپ، ناقتى باقىلاپ، ۇكىمەت ءىسىن ىشكەرىلەي كەڭەسىپ، كوبىرەك اقىل - وي قوسىپ، تاماشا شارالاردى بىرگە جوبالاپ، ج ك پ ورتالىق كوميتەتىنىڭ ءىرى باعىت - ساياساتتارىنىڭ تياناقتانۋىن، تابىستى بولۋىن ىلگەرىلەتىپ، حالىق تۇرمىسىنىڭ ۇزدىكسىز جاقسارۋىن جەبەۋ كەرەك. ءوزىن قاتاڭ تارتىپكە شاقىرىپ، ج ك پ 18 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن مۇقيات ۇيرەنىپ، دايەكتىلەندىرىپ، زاڭعا، ەرەجەگە بويسۇنىپ، استا - توكتىكتەن ساقتانىپ، ۇنەمشىلدىكتى دارىپتەپ، سوتسياليستىك وزەكتى قۇن كوزقاراسىن ۇلگى ەتىپ جانە امالياتتا ايگىلەپ، مەملەكەت ءىسىن قاي - قاشان دا كوكەيدە ساقتاپ، حالىق تۇرمىسىن ويلاپ، ءمورال ارقىلى جۇرت جۇرەگىن جىلىتىپ، قىزمەتتە بايسالدى، قىزعىندى، جاۋاپتى، تىندىرىمدى ساياسي كەڭەس مۇشەسى بولۋ كەرەك.
يۇي جىڭشىڭ مىنالاردى اتاپ كورسەتتى: بيىل − ساياسي كەڭەس مەملەكەتتىك 12 - كەزەكتى كوميتەتىنىڭ ەڭ سوڭعى قىزمەت جىلى. ءبىر كەزەكتى ساياسي كەڭەس مۇشەسى بولۋ ومىرلىك ءماندى ءىس. ءبىز قىمباتتى ۋاقىتىمىزدى، مۇشەلىك داڭقتى بارىنشا قاستەرلەپ، قاجىماي - تالماي، قۇلشىنا العا باسىپ، اۋەلگى ماقساتتى ۇمىتپاي، باستان - اياق ءبىر قالىپتان جازباي، مىندەتتى ادا ەتىپ، بويكۇيەزدىككە سالىنباي، بوساڭسىماي، نىق قادام باسىپ، ءداۋىر دامۋىنىڭ اساۋ تولقىنىندا جانە حالىق ساياسي كەڭەسى ساحناسىندا ومىرلىك كۇرەس نىساناسى كوورديناتاسىن بەتكە الىپ، ساياسي كەڭەستىڭ جاندى حيكاياسىن جازىپ، تىڭ كاسىپتىك ناتيجەلەر ارقىلى حالىق ساياسي كەڭەسى ىستەرىن نۇر - شۇعىلا شاشتىرايىق.
ج ك پ ورتالىق كوميتەتىنىڭ، مەملەكەتتىك حالىق قۇرىلتايىنىڭ، مەملەكەتتىك كەڭەستىڭ قاتىستى تاراۋلارىنىڭ جاۋاپتىلارى جابىلۋ جيىنىنا سىرتتاي قاتىناستى. ءار ەلدىڭ جۇڭگوداعى ەلشىلەرى ۇسىنىس بويىنشا جابىلۋ جيىنىن سىرتتاي تىڭدادى.
ءماجىلىس ايبىندى مەملەكەت گيمىنىمەن جابىلدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
