بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

ەل باسقارۋعا حالىقتان اقىل - پاراسات جانە كۇش - قۋات الدى

2017.03.15 15:11     كەلۋ قاينارى : شينجياڭ گازەتى

  − باس شۋجي شي جينپيڭنىڭ مەملەكەتتىك 12 - كەزەكتى حالىق قۇرىلتايىنىڭ ۋاكىلدەرىمەن، مەملەكەتتىك ساياسي كەڭەستىڭ مۇشەلەرىمەن بىرگە مەملەكەت ءىسىن اقىلداسقاندىعى جونىندەشينحۋا اگەنتتىگىنىڭ تىلشىلەرى حو شياۋگۋاڭ، جاڭ شۇيدۇڭ، لو يۇيفان

  كوكتەمدەگى ساليقالى جينالىس ءداۋىردىڭ وكتەم ءۇنىن تاعى دا شارىقتاتتى.

  تاياۋ كۇندەردەن بەرى، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ مەملەكەتتىك 12 - كەزەكتى حالىق قۇرىلتايىنىڭ 5 - ماجىلىسىنە قاتىناسىپ جاتقان شاڭحاي، لياۋنيڭ، سىچۋان، شينجياڭ، ازاتتىق ارميا ۋاكىلدەر ۇيىرمەلەرىنىڭ تالقىسىنا جەكە - جەكە قاتىناستى، ساياسي كەڭەس مەملەكەتتىك 12 - كەزەكتى كوميتەتىنىڭ 5 - ماجىلىسىنە قاتىناسىپ جاتقان ساياسي كەڭەس مۇشەلەرىنە امانداستى ءارى بىرلەسكەن گرۋپپا تالقىسىنا قاتىناستى.

  مەملەكەتتىك 12 - كەزەكتى حالىق قۇرىلتايى مەن ساياسي كەڭەس مەملەكەتتىك 12 - كەزەكتى كوميتەتىنىڭ 1 - ماجىلىسىنەن 5 - ماجىلىسىنە دەيىن باس شۋجي شي جينپيڭ ۇيىرمەلەردىڭ، گرۋپپالاردىڭ تالقىسىنا ىلگەرىندى - كەيىندى 30 رەت قاتىناسىپ، 230دان استام ۋاكىل مەن مۇشەنىڭ لەبىزدەرىن بەتپە - بەت تىڭدادى. «بەستى ءبىر تۇلعالاندىرۋ» جالپىلىق ورنالاستىرۋىن ءبىر تۇتاس ىلگەرىلەتۋ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتۋ، جاڭا دامۋ ۇستانىمىن امالياتتا ايگىلەۋ، ىشكى ساياسات، ديپلوماتيا، مەملەكەت قورعانىسى، پارتيانى جونگە سالۋ، مەملەكەتتى جونگە سالۋ، ارميانى جونگە سالۋ... باس شۋجي شي جينپيڭ ۋاكىلدەرمەن، مۇشەلەرمەن ىقىلاسپەن اڭگىمەلەسىپ، مەملەكەت ىستەرىن اقىلداسىپ، ورتاق تانىمدى ۇيىستىرىپ، بولاشاق جونىندە جوبا جاساپ، حالىقتى باستاپ «قوس 100 جىل» كۇرەس نىساناسىنا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنا قاراي ارشىندى قادام تاستاپ، قۇلشىنا العا تارتتى.

  اينىماس بورىش پەن مىندەت

  «نەگىزگى زاڭدا بەرىلگەن قىزمەت مىندەتتەرىمدى وتەپ، وتانعا، حالىققا ادال بولىپ، كوپتىڭ جۇمىسىن كوكەيدەن شىعارماي، جالپى ءۇشىن بارىمدى سارقىپ، ەل ءۇشىن، وتان ءۇشىن ايانباي تەر توگىپ، حالىقتىڭ باقىلاۋىن سانالى قابىلداپ، ۋاكىلدەردىڭ جانە بۇكىل ەلىمىزدەگى ءار ۇلت حالقىنىڭ سەنىمىن اقتاپ، كەلەلى تاپسىرماسىن ورىندايمىن».

  4 جىلدىڭ الدىندا، ياعنى 2013 - جىلى 17 - ناۋرىزدا حالىق سارايىنىڭ 10 مىڭ ادامدىق ۇلكەن زالىندا شاتىرلاعان قول شاپالاق ءۇنى زالدى كەرنەپ، زالداعى قاۋىم ەرەكشە رۋحتى كۇيگە شومدى. مەملەكەتتىك 12 - كەزەكتى حالىق قۇرىلتايىنىڭ 1 - ءماجىلىسىنىڭ جابىلۋ جيىنىندا جاڭادان مەملەكەت ءتوراعاسى بولىپ سايلانعان شي جينپيڭ حالىققا وسىلايشا ايبىندى سەرت بەردى.

  ۋاقىت زىرلاپ وتسەدە، ونىڭ بەرگەن ايبىندى سەرتى ءالى قۇلاق تۇبىندە جاڭعىرىپ تۇر.

  1 - ماجىلىستەن 5 - ماجىلىسكە دەيىن قامقور سۇيىسپەنشىلىككە تولى تالايلاعان سۇراۋلار قويىپ، تالايلاعان باتىل نۇسقاۋلار بەردى... مەملەكەتتىك ەكى ءماجىلىس، مەملەكەتتىڭ ەڭ جوعارى كەڭەستىك ىستەر ورداسى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ەل باسقارۋىنىڭ وزگەشە بارىسىنا، حالىقتىڭ ءوز - وزىنە قوجا بولۋىنىڭ ۇلى امالياتىنا كۋا بولدى.

  حالىقتان اقىل - كەڭەس الىپ، حالىقتىڭ قاجەتىن ۇعىستى، بۇقارا اراسىنا بارىپ، قىزمەتتى شوگەلدىلىكپەن ىستەدى. 4 جىلدان بەرگى 5 رەتكى ماجىلىستەگى قىزۋ اڭگىمەگە كىرىسكەن اسەرلى ساتتەر ەستەن كەتپەيدى.

  بۇل ەتەنە سۇيىسپەنشىلىك −

  2017 - جىلى 11 - ناۋرىز كۇنى كەشتە حالىق سارايىنىڭ مەرەكە زالىندا اسەم شامدار جايناپ، مۋزيكا ءۇنى اۋەلەدى. باس شۋجي شي جينپيڭ باستاعان پارتيا مەن مەملەكەت باسشىلارى مەملەكەتتىك ەكى ماجىلىسكە قاتىناسقان از ۇلت ۋاكىلدەرىمەن، مۇشەلەرىمەن ءبىر اراعا باس قوستى.

  مامەترەيىم ءمامتىمىن باس شۋجيدىڭ جانىندا وتىردى. باس شۋجي ونىمەن ىقىلاسپەن اڭگىمەلەستى ءارى وعان قويىلىپ جاتقان كونسەرتتىڭ وزگەشەلىگىن ءتۇسىندىردى.

  مامەترەيىم ءمامتىمىن: شينجياڭ استانا بەيجيڭنەن سونشا الىستا جاتقانىمەن، باس شۋجيدىڭ جۇرەگى بىزگە سونشا جاقىن، − دەدى.

  وسىدان ءبىر كۇن بۇرىن، باس شۋجي شي جينپيڭ شينجياڭ ۋاكىلدەر ۇيىرمەسىنىڭ تالقىسىنا قاتىناسىپ، مامەترەيىم مامتىمىنمەن ىستىق ىقىلاستى اڭگىمەدە بولعان ەدى.

  مامەترەيىم ءمامتىمىننىڭ كەزەكتى ءسوزى اياقتالعان سوڭ، ول باس شۋجيگە: تاعى ءبىر ءىستى مالىمدەمەكشى ەدىم، - دەدى.

  «ايتىڭىز»، - دەدى باس شۋجي.

  «كەزىندە قۇربان اتاي ماۋ جۋشيدى كورۋ ءۇشىن بەيجيڭگە كەلىپتى، بۇگىن مەن شي جۋشيدى كوردىم». زالدا قىزۋ قول شاپالاق ءۇنى كوتەرىلدى.

  «ءسىزدىڭ تاياۋدا قۇربان اتايدىڭ ۇيىندەگىلەرگە جازعان حاتىڭىزدى قۇربان اتايدىڭ وتباسىنداعىلار وقىپ، قاتتى قۋاندى، سىزگە كورسەت دەپ بىرنەشە دانا سۋرەت جىبەردى، سونداي - اق ماعان باس شۋجيگە ايتا بار دەگەن سالەمى ەدى: باس شۋجي، الاڭسىز بولىڭىز، ءبىز جەرگىلىكتى ورىنداعى ءار ۇلت بۇقاراسى پارتيانىڭ مەيىرىن ماڭگى ەستە ساقتاپ، اناردىڭ دانىندەي تىعىز ۇيىسامىز».

  «شىنىندا، وبەرەلى - شوبەرەلى ادام ەكەن». باس شۋجي شي جينپيڭ سۋرەتتى زەر سالا كورىپ: قۇربان اتايدىڭ ماۋ جۋشيدى كورۋ ءۇشىن ەسەكپەن بەيجيڭگە بارماق بولعانى تۋرالى اڭگىمەنى باستاۋىش مەكتەپتەگى كەزىمدە وقۋلىقتان وقىعان ەدىم، - دەدى.

  «ولار ءالى سول جەردە تۇرا ما؟ جوق الدە باسقا جەرگە كوشىپ كەتتى مە؟»، - دەپ سۇرادى باس شۋجي. «كوبى قىستاقتا تۇرادى، بارلىعى جاقسى»، - دەدى مامەترەيىم ءمامتىمىن جاۋاپ قاتىپ.

  جاندارىندا تۇرعان اۆتونوميالى رايوننىڭ باسشىسى باس شۋجيگە مامەترەيىمنىڭ العاش مەملەكەتتىك حالىق قۇرىلتايىنىڭ ۋاكىلى بولىپ سايلانعان كەزدە حانزۋ ءتىلىن بىلمەيتىنىن، 2 جىلدا قۇلشىنا وزدىگىنەن ۇيرەنىپ، ءوز ويىن جاتىق جەتكىزە الاتىنىن ايتتى.

  «سىزدەردىڭ حوتان ايماعىندا اۋىل - قىستاقتا ەگىستىك جەر از. قىستاقتارىڭىزدا ءار وتباسىندا قانشا جەر بار؟»، - دەدى باس شۋجي سۇراۋىن جالعاپ.

  «ءار وتباسىندا ورتا ەسەپپەن ءبىر مۋ ەكى فىننان جەر بار».

  «قازىر استىق ەگەسىزدەر مە، الدە جەمىس اعاشىن وسىرەسىزدەر مە؟»

  «جەمىس اعاشىن وسىرەمىز».

  «انار ما؟»

  «ءيا، انار».

  «استىق ەكپەيسىزدەر مە؟».

  «استىقتى دا ەگەمىز، كىرىستىرىپ ەگەمىز».

  «الگىندە جۇپ قۇراۋ، تۋىس بولۋدى ايتىپ قالدىڭىز، سىزدەر دە تۋىس تاپتىڭىزدار ما؟»، - دەپ سۇرادى باس شۋجي.

  «ءيا، ءيا، ءيا»، - دەدى مامەترەيىم ءمامتىمىن ءىلىپ اكەتىپ.

  «كىممەن جۇپ قۇرادىڭىزدار؟»

  «جىلىجايدا كوكونىس ەگەتىن كىسى ەكەن، جۇپ قۇراۋ، تۋىس بولۋ قيمىلى ورىستەتىلگەننەن بەرى، حانزۋ جولداستار كەلدى، بىزدە ولارعا بارىپ قايتتىق، ءبىز بىرگە ەڭبەك ەتىپ ءبىر ءۇيلى جانداي بولىپ كەتتىك».

  «جۇپ قۇراۋ، تۋىس بولۋعا دەن قويۋ، شىنايى ورىستەتۋ، ۇلتتار ىنتىماعىن جەبەۋ جونىنەن كەلەلى ءمان الادى، راقىمەت، ءوز جەرىڭىزدىڭ ناقتى جاعدايىن ءبىرتالاي اڭگىمەلەپ بەردىڭىز»، - دەدى باس شۋجي.

  مامەترەيىم ءمامتىمىن: پارتيانىڭ ساياساتى ياحشى، - دەدى. باس شۋجي شي جينپيڭ دە وعان «ياحشى!» دەپ جاۋاپ قاتتى.

  بۇل ەستەن كەتپەس اڭگىمە −

  2016 - جىلى مەملەكەتتىك ەكى ءماجىلىس كەزىندە، باس شۋجي شي جينپيڭ چيڭحاي ۋاكىلدەر ۇيىرمەسىنىڭ تالقىسىنا قاتىناسقاندا، چيڭحاي ولكەسى گۇيدى اۋدانى حىيىن قالاشىعى داشىجيا قىستاعى پارتكومىنىڭ شۋجيى بي شىڭجۇڭمەن 20 مينۋت اڭگىمەلەستى.

  قىستاقتا نە ەگىلەدى؟ سيىر، قوي بورداقىلاۋ جانە سۋ ونىمدەرى باعىمشىلىعىن قالاي دامىتۋعا بولادى؟ قىستاقتىڭ قاڭىلتاق كەرپىش زاۆودىنىڭ وندىرىسىندە قاجەتتەن اسىپ قالۋ ماسەلەسى بار ما؟ ودان ارى قاراي ۇلتتار ىنتىماعى، نەگىزگى ساتى پارتيا ۇيىمى قۇرىلىسى تۋرالى سۇراۋلار... بي شىڭجۇڭ باس شۋجيدىڭ مۇنشا تاپتىشتەي سۇرارىن ويلاماعان ەدى.

  بيىل بەيجيڭگە حالىق قۇرىلتايى ماجىلىسىنە قاتىناسۋعا كەلگەن ۋاكىل بي شىڭجۇڭ باس شۋجيگە: قىستاقتاعى بۇرىنعى كەرپىش زاۆودى جابىلىپ، جاڭا قۇرىلىس ماتەريالدارى زاۆودى سالىنىپ، قىستاق تۇرعىندارىنىڭ اۋقاتتانۋىنا دەم بەردى. ءبىر جىلدان بەرى، قىستاقتا جاڭا وزگەرىستەر جارىققا شىقتى، تۇرمىستىق قوقىستار مەن لاس سۋ وسىزاماندانعان تاسىلمەن شوعىرلى تۇردە ءبىر جاقتى ەتىلەتىن بولدى، قىستاق شىت جاڭا بەينەگە ەندى» دەگىسى كەلدى.

  بۇل ءۇمىت ارقالاعان حات −

  2015 - جىلى مەملەكەتتىك ەكى ءماجىلىس كەزىندە، گانجوۋدان كەلگەن ۋاكىل ميڭ جيڭحۋا 100 جاستاعى قارت قىزىل ارميا جاۋىنگەرى ۋاڭ چىڭدىڭنىڭ باس شۋجيگە جازعان حاتىن الا كەلدى. ۋاڭ چىڭدىڭ حاتىندا مەملەكەتتىڭ گانناننىڭ ۇن شايى سياقتى كەدەيلەردى سۇيەمەلدەۋ كاسىپتەرىن قولداۋىن، باس شۋجيدىڭ گاننانعا كەلىپ ارالاپ قايتۋىن ءۇمىت ەتىپتى.

  باس شۋجي شي جينپيڭ حاتتى الىپ قانا قويماي، جياڭشي ۋاكىلدەر ۇيىرمەسىنىڭ تالقىسىنا قاتىناسقاندا كوپشىلىككە وقىپ بەردى.

  «مەن سوزىمدە كەدەيلەردى سۇيەمەلدەۋدەن قامال الۋدى تىلگە العاندا، باس شۋجيگە گانناننىڭ ماي بۇرگەن كاسىبىن ارنايى تانىستىردىم. باس شۋجي بۇل ءىستى ءوزى سۇراستىرىپ، گانناننىڭ ماي بۇرگەن كاسىبىنىڭ قاۋىرت دامۋىن ىلگەرىلەتتى»، - دەيدى ۋاكىل ميڭ جيڭحۋا سول كەزدى ەسكە الىپ.

  مەملەكەتتىك ەكى ءماجىلىس تەرەزە ىسپەتتى. باس شۋجي شي جينپيڭ وسى تەرەزە ارقىلى نەگىزگى ساتىنىڭ ءۇنىن ەستىپ، حالىقتىڭ مۇڭ - مۇقتاجىن بىلەدى. حالىق بۇقاراسى دا وسى تەرەزە ارقىلى باس شۋجيدىڭ حالىق ءۇشىن قىزمەت ەتۋ، ەل ءۇشىن بار كۇشىن ارناۋداي قالتقىسىز سۇيىسپەنشىلىگىن كورەدى، جۇڭگوشا سوتسياليستىك دەموكراتيالىق ساياسيدىڭ جاندى امالياتىن كورەدى.

  حالىقتىڭ وي ارمانىن ارقالاپ، حالىق اراسىنا باردى.

  ۇقىپتى ادامدار ءبىر زاڭدىلىق قورىتىپ شىعىپتى. مەملەكەتتىك ەكى ءماجىلىس كەزىندە، باس شۋجي شي جينپيڭ ۋاكىلدەر ۇيىرمەلەرىنىڭ تالقىسىنا قاتىناسقان سوڭ، سولاردان ىشىنەن بىرنەشە ولكەنى تاڭداپ، ارنايى بارىپ تەكسەرۋ - زەرتتەۋ جۇرگىزدى.

  2013 - جىلى باس شۋجي لياۋنيڭ ولكەسىنىڭ ۋاكىلدەر ۇيىرمەسىنە كەلىپ، شىعىس سولتۇستىك ءوڭىر سياقتى بايىرعى ونەركاسىپ بازالارىن كوركەيتۋ ماسەلەسى جونىندە ۋاكىلدەرمەن ىشكەرىلەي پىكىر اۋىستىردى. سول جىلى تامىز ايىندا ول داليان، شىنياڭ سياقتى جەرلەرگە بارىپ، بايىرعى ونەركاسىپ بازالارىن رەتتەۋ، جاڭالاۋ جانە كوركەيتۋ، دامىتۋ جاعدايىمەن ىشكەرىلەي تانىستى. 2014 - جىلى باس شۋجي شاڭحاي ۋاكىلدەر ۇيىرمەسىندە ەركىن ساۋدا سىناق رايونى قۇرىلىسىن ىلگەرىلەتۋدى قاداعالاي دارىپتەدى. كوپ وتپەي، ول شاڭحاي ەركىن ساۋدا رايونىنا كەلىپ، كاسىپورىندارعا، باقشا رايونىنا، عىلمي زەرتتەۋ بازالارىنا بارىپ تەكسەرۋ - زەرتتەۋ جۇرگىزىپ، شاڭحايدىڭ بۇكىل مەملەكەتتىڭ رەفورما، ەسىك اشۋ ىستەرىنىڭ اتويشىسى، عىلمي دامۋدىڭ سەركەسى بولا بەرۋى جونىندە ايقىن باعىت سىلتەدى.

  2015 - جىلى باس شۋجي جيلين ۋاكىلدەر ۇيىرمەسىنىڭ تالقىسىنا قاتىناسقان كەزدە، يانبيان چاۋشيان اۆتونوميالى وبلىسىنىڭ ەكونوميكالىق، قوعامدىق جاعدايىن ەگجەي - تەگجەيلى سۇراستىردى؛ جياڭشي ۋاكىلدەر ۇيىرمەسىنىڭ تالقىسىنا قاتىناسقان كەزدە، توڭكەرىستىك بايىرعى رايوننىڭ كەدەيلىكتەن قۇتىلدىرۋدان قامال الۋىنىڭ اياق الىسىنا نازار اۋداردى. 4 ايدان كەيىن، ول «ۋادەلەسكەندەي» چاڭبايشان تاۋىنىڭ ەتەگىنە كەلىپ، اتىز باسىندا كادر - جۇرتشىلىقپەن رەفورما، دامۋ ۇلى ىستەرىن اقىلداستى؛ وسىدان كەيىن، جۇڭگوشا كالەندار بويىنشا كوكتەم مەرەكەسىنىڭ الدىندا، ول جيڭگاڭشانداعى كەدەي قىستاقتا بوي كورسەتىپ، بايىرعى رايون حالقىنا مەرەكەلىك سالەم جولدادى. جياڭگاڭشانداعى ماۋپيڭ اۋىلى شىنشان قىستاعىنىڭ 75 جاستاعى تۇرعىنى پىڭ شۇيشىڭ باس شۋجيدى كورگەن جەردەن تەبىرەنە بارماعىن كورسەتىپ: «جارايسىز!»، - دەدى.

  2016 - جىلى باس شۋجي شي جينپيڭ حيلۇڭجياڭ، چيڭحاي ۋاكىلدەر ۇيىرمەسىنىڭ تالقىسىنا جەكە - جەكە قاتىناستى. سول جىلى مامىردا جانە تامىزدا ول حيلۇڭجياڭ، چيڭحاي 2 ولكەگە بارىپ قىزمەت تەكسەردى. ۇلكەن ھىنگان تاۋىنداعى ورمان الاڭى، حىجى ۇلتىنىڭ اۋىل - قىستاعى، باسقا جەرگە كوشىرىپ، كەدەيلەردى سۇيەمەلدەۋ ءتۇيىنى، 3 وزەن قاينارى ەكولوگياسىن قورعاۋ... باس شۋجي مەملەكەتتىك ەكى ماجىلىستە نازار اۋدارعان ماسەلەلەردى ويعا تۇيە ءجۇرىپ، جاعدايمەن تانىسىپ، قىستاقتارعا، وتباسىلارعا بارىپ، حالىقتىڭ جاعدايىن كورىپ، حالىق تىلەگىن ۇعىستى.

  باس شۋجي شي جينپيڭ حالىقتىڭ ۇنىنە كوڭىل قويا قۇلاق ءتۇرىپ، شىنايى سۇيىسپەنشىلىكپەن حالىقتىڭ ىقىلاسىنا جاۋاپ بەرىپ، ءىس - ارەكەتىمەن ءوز ۋادەسىن ورىندادى.

  بيىلعى ماجىلىستە، كوپتەگەن ۋاكىلدەردىڭ ءبارى كەلىسىپ العانداي باس شۋجيدى شاقىرىپ، باس شۋجيدىڭ اۋىلدارىنا بارىپ كورىپ قايتۋىن، ولارعا ءتىپتى دە كوپ نۇسقاۋ كورسەتۋىن ءۇمىت ەتتى.

  باس شۋجي شي جينپيڭ: «سىزدەردىڭ <شاقىرتۋلارىڭىزدىڭ> ءبارىن قابىلدادىم، ءساتى كەلسە، ءسوز جوق، بارامىن»، - دەدى. قاشاندا اينىماعان حالىقتىق سۇيىسپەنشىلىك

  لو يۇنليان ۋاكىل دە باس شۋجيگە بىرنەشە پارشا سۋرەت الا كەلىپتى، وندا لۋشانداعى جەر سىلكىنىسىنەن كەيىنگى قايتا قۇرۋدىڭ جاڭا بەينەسى ءتۇسىرىلىپتى.

  8 - ناۋرىزدا باس شۋجي شي جينپيڭ مەملەكەتتىك 12 - كەزەكتى حالىق قۇرىلتايىنىڭ 5 - ماجىلىسىنە قاتىناسىپ جاتقان سىچۋان ۋاكىلدەر ۇيىرمەسىنىڭ تالقىسىنا قاتىناستى. سۋرەتتەن جاڭا سالىنعان مەكتەپتەردى، ساۋلەتتى تۇرعىن ۇيلەردى، چيڭلۇڭچاڭ قىستاعىنىڭ كىرە بەرىسىندە «پارتياعا ماڭگى ىلەسەمىز» دەگەن ءسوز جازىلعان العىس ءبىلدىرۋ تاسىن كورىپ، باس شۋجي: «الاپاتتان كەيىن قايتا ەڭسە كوتەرگەنىمىزدىڭ ءوزى ۇلكەن قۋانىش»، - دەدى.

  2013 - جىلى ءساۋىر ايىندا، سىچۋاننىڭ لۋشانىندا 0.7 بال كۇشتى جەر سىلكىنىپ، كوپتەگەن ادامداردىڭ ولىمىنە، جارالانۋىنا جانە مال - مۇلىك زيانىنا سەبەپ بولدى.

  باس شۋجي شي جينپيڭ اپات رايونىنا بارىپ، اپاتقا ۇشىراعان بۇقاراعا امانداسىپ، حال سۇرادى.

  سول كەزدە جۇرتتى ايرىقشا اسەرلەندىرگەن كورىنىس تالاي ادامنىڭ ەسىندە − لۋشان اۋداندىق دەنە تاربيە سارايى حالىقتى ورنالاستىرۋ تۇيىنىندەگى شاتىردىڭ ىشىندە باس شۋجي ءبىر جاستان اسقان ءسابيدى بەتىنەن سيپاپ، ءسۇيىپ قويدى.

  بۇل بالانىڭ اتى لو جۇنچيڭ، قازىر 5 جارىم جاستا. سۋرەتتەن بالانىڭ لۋشان اۋدانىنداعى بالا باقشاداعى الاڭسىز ءومىرىن كورىپ، باس شۋجيدىڭ جۇزىنەن قۋانىش لەبى ەستى.

  حالىق باس شۋجي شي جينپيڭنىڭ جۇرەگىندە قاشاندا ەڭ بيىك ورىندا تۇردى.

  حالىقتىڭ قامى باس شۋجي شي جينپيڭنىڭ كوڭىلىنەن ەشقاشان ۇمىتىلعان ەمەس.

  ءار جىلعى مەملەكەتتىك ەكى ماجىلىستە باس شۋجيدىڭ ۋاكىلدەرمەن، مۇشەلەرمەن ەڭ كوپ كەڭەسەتىنى كەدەيلىكتەن قۇتىلدىرۋدان قامال الۋ ءىسى، حالىقتىڭ باقىتىن كوزدەۋ بولدى.

  2013 - جىلى لياۋنيڭ ۋاكىلدەر ۇيىرمەسىنىڭ تالقىسىنا قاتىناسقان كەزدە باس شۋجي شي جينپيڭ مىنالاردى اتاپ كورسەتتى: حالىق تۇرمىسىن قامتاماسىز ەتۋ جانە جاقسارتۋ قىزمەتىن بار كۇشپەن ويداعىداي ىستەپ، تۇرمىسىندا قيىنشىلىعى بار بۇقاراعا كوڭىل ءبولىپ، قامقورلىق كورسەتىپ، بۇقاراعا قولمەن ۇستاپ، كوزبەن كورە الاتىن ناقتى تيىمدىلىك جاساۋ كەرەك.

  2014 - جىلى گۇيجوۋ ۋاكىلدەر ۇيىرمەسىنىڭ تالقىسىنا قاتىناسقان كەزدە، باس شۋجي شي جينپيڭ مىنالاردى تالاپ ەتتى: كەدەيلىكتەن قۇتىلدىرۋدان قامال الۋ قىزمەتىن تىڭعىلىقتى ىلگەرىلەتىپ، كەدەيلەردى سۇيەمەلدەۋ، وركەندەتۋ قىزمەتىن مىقتى ۇستاعان ۇستىنە مىقتى ۇستاپ، ناقتى ىستەگەن ۇستىنە ناقتى ىستەپ، كەدەي وڭىرلەردەگى بۇقارانىڭ ناعىز تيىمدىلىككە ۇزدىكسىز قول جەتكىزۋىنە شىنايى مۇمكىندىك جاساۋ كەرەك.

  2015 - جىلى جياڭشي ۋاكىلدەر ۇيىرمەسىنىڭ تالقىسىنا قاتىناسقان كەزدە، باس شۋجي شي جينپيڭ مىنالاردى اتاپ كورسەتتى: بايىرعى رايونداعى بۇقارانىڭ جاپپاي دوڭگەلەك داۋلەتتى قوعام قۇرۋ ۇردىسىندە قاتاردان قالۋىنا استە جول بەرمەۋ، يۇيگۇڭنىڭ تاۋدى كوشىرۋىندەي ماقسات قويىپ، قامال الۋ شايقاسىن جاقسى جۇرگىزىپ، بايىرعى رايونداعى حالىقتىڭ جاپپاي دوڭگەلەك داۋلەتتى قوعامنىڭ جەمىستەرىنەن بۇكىل ەل حالقىمەن بىرگە يگىلىكتەنۋىنە مۇمكىندىك جاساۋ كەرەك. 2016 - جىلى چيڭحاي ۋاكىلدەر ۇيىرمەسىنىڭ تالقىسىنا قاتىناسقان كەزدە، باس شۋجي شي جينپيڭ مىنالاردى باسا دارىپتەدى: «13 - بەسجىلدىق» جوبا مەزگىلى كەدەيلىكتەن قۇتىلدىرۋدان قامال الۋدا قيىن ماسەلەلەردى شەشىپ، بوگەت بۇزاتىن مەزگىل، سوندىقتان، ءسوز جوق، بەلدى بەكەم بۋىپ، سەرپىندى ارتتىرىپ، قارقىندى تەزدەتىپ، اياق الىستى جەدەلدەتىپ، ءبىر جەڭنەن قول، ءبىر جاعادان باس شىعارا وتىرىپ كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە قول جەتكىزۋ كەرەك.

  بيىل سىچۋان ۋاكىلدەر ۇيىرمەسىنىڭ، شينجياڭ ۋاكىلدەر ۇيىرمەسىنىڭ تالقىسىنا قاتىناسقان كەزدە، باس شۋجي شي جينپيڭ ىشكەرىلەگەن تۇردە مىنالاردى اتاپ كورسەتتى: «كىمدى سۇيەمەلدەۋ، كىم سۇيەمەلدەۋ، قالاي سۇيەمەلدەۋ، تىزىمنەن قالاي شىعارۋ تۇتاس بارىسى دالمە - ءدال جۇرگىزىلۋدە، كەيبىرىندە ينەنىڭ كوزىنەن وتەمىز، كەيبىرىندە كۇش سالامىز». «حالىق تۇرمىسىنا ءتيىمدى ناقتى ىستەردى كوپتەپ ىستەپ، ءار ۇلت حالقى كوڭىل بولەتىن ماسەلەلەردى كوبىرەك شەشەيىك».

  − كەدەيلىكتەن دالمە - ءدال قۇتىلدىرۋعا تاباندى بولۋدا، «بۇرگەگە گرانات لاقتىرۋعا» بولمايدى.

  − كەدەيلەردى سۇيەمەلدەۋدە، الدىمەن، اقىل - پاراسات جاقتان سۇيەمەلدەۋ، كەدەيلىكتىڭ ۇرپاققا جالعاسۋىن باتىل ءۇزۋ كەرەك؛

  − «تۇبەكتىك كورىنىس» جاساۋمەن ازىراق اينالىسىپ، قالىڭ كەدەي حالىققا ءتيىمدى ناقتى ىستەردى كوبىرەك ىستەۋ كەرەك.

  − كەدەيلىكتەن قۇتىلدىرۋدى سان - سيفر جۇزىندە قالدىرۋعا استە بولمايدى؛

  − كەدەيلىكتەن قۇتىلدىرۋدا ءىس جۇزىندىك جاعدايدان قول ءۇزىپ، كەلسە - كەلمەس جىتىرمەلەتۋگە بولمايدى.

  − قايتا كەدەيلەسۋدەن ساقتانۋ مەن ۇزدىكسىز قامال الۋ بىردەي ماڭىزدى.

  كەدەيلەردى سۇيەمەلدەۋ جونىندەگى جۇرتتى تامساندىرعان وسىناۋ «التىن سوزدەردى» باس شۋجي شي جينپيڭ ۋاكىلدەرمەن، مۇشەلەرمەن پىكىرلەسكەن كەزدە ايتقان ەدى.

  ۇلتتىق رايونداردىڭ دامۋى باس شۋجيدىڭ كوكەيىنەن تىپتەن كەتكەن ەمەس.

  2015 - جىلى گۋاڭشي ۋاكىلدەر ۇيىرمەسىنىڭ تالقىسىنا قاتىناسقان كەزدە، باس شۋجي شي جينپيڭ مىنالاردى باسا دارىپتەدى: «كەدەيلەردى سۇيەمەلدەۋدەن قامال الۋدى مىقتى، ءدال، تياناقتى يگەرىپ، كەدەيلەردى دالمە - ءدال سۇيەمەلدەۋدەن جازباي، جۇمىس ۋاقىتىن كەرى ساناپ ورنالاستىرىپ، ەگجەي - تەگجەيلى ەسەپتى جاقسى ىستەپ، بىردە - ءبىر از ۇلتتى، بىردە - ءبىر ءوڭىردى استە قاتاردان قالدىرماۋ كەرەك».

  ءار جىلعى مەملەكەتتىك ەكى ماجىلىستە باس شۋجي شي جينپيڭ تالقىعا قاتىناسۋ ورايىنان پايدالانىپ، از ۇلت ۋاكىلدەرىمەن، مۇشەلەرىمەن ىشكەرىلەي پىكىرلەسىپ، ولاردىڭ وي - ۇمىتتەرىن ءبىلىپ، ولارمەن بىرگە ۇلتتار ىنتىماعى، العاباسارلىعىنىڭ ۇلى ىستەرىن بىرگە جوسپارلادى.

  2014 - جىلى 4 - ناۋرىزدا ساياسي كەڭەس مەملەكەتتىك 12 - كەزەكتى كوميتەتىنىڭ 2 - ءماجىلىسىنىڭ از ۇلتتار سالاسى مۇشەلەرىنىڭ بىرلەسكەن گرۋپپا جيىنىندا مۇشەلەر بەلسەنە لەبىز ءبىلدىردى.

  باس شۋجي كوپشىلىكتىڭ لەبىزىن مۇقيات تىڭداپ، مۇشەلەرمەن تالقى جۇرگىزدى. ول ءار ۇلتتىڭ ىنتىماقتى كۇرەسىندە تاباندى بولۋ، بىرگە كوركەيىپ، دامۋ جونىندەگى پىكىرىن بۇكپەسىز جايىپ سالدى، سونىمەن بىرگە از ۇلتتار سالاسى مۇشەلەرىنىڭ تەكسەرىپ - زەرتتەۋدى كۇشەيتىپ، جاڭا جاعدايداعى ۇلت قىزمەتىن جاقسى ىستەۋدە اقىلشىلىق، كومەكشىلىك جانە شەشىم قابىلداۋعا كەڭەس بەرۋ رولىن ساۋلەلەندىرۋىن ءۇمىت ەتتى.

  4 جىلدىڭ الدىندا باس شۋجيدىڭ شيزاڭ ۋاكىلدەر ۇيىرمەسىنىڭ تالقىسىنا قاتىناسقاندا، شيزاڭداعى ءار ۇلت بۇقاراسىنان «بايىرعى شيزاڭ رۋحىن» بارىنشا ساۋلەلەندىرىپ، ۇلتتار ىنتىماعىن مىزعىماي بەكەمدەپ جانە دامىتىپ، 2020 - جىلعا جەتكەندە بۇكىل ەلمەن بىرگە جاپپاي دوڭگەلەك داۋلەتتى قوعام قۇرۋ ايبىندى نىساناسىن جۇزەگە اسىرۋعا كەپىلدىك ەتۋدى تالاپ ەتكەنى حالىقتىڭ ءالى ەسىندە.

  گۇيجوۋ ۋاكىلدەر ۇيىرمەسىنىڭ تالقىسىندا ۋاكىل ۋاڭ جيڭ ءسوزىن اياقتاتىپ بولىپ، تەبىرەنگەن كوڭىل كۇيمەن بۋ - ي ۇلتىنىڭ «قىزىل گۇل» ءانىن شىرقادى، وسى كەزدە باس شۋجيدىڭ ونى تاماشا ايتتىڭ دەپ القاعانى ءارى وعان اۋىلداستارىڭا مەنىڭ ىزگى تىلەگىم مەن سالەمىمدى جەتكىز، اۋىلداستاردىڭ تۇرمىسىنىڭ «قىزىل گۇلدەي» جايناۋىن تىلەيمىن دەگەنى حالىقتىڭ ءالى ەسىندە.

  جياڭشي ۋاكىلدەر ۇيىرمەسىنە بارعاندا، باس شۋجي ۇلتتىق كيىم كيگەن لان نيان - يىڭدى كورىپ، «سەن شىزۋ ۇلتىنان بولدىڭ عوي» دەپ دالمە - ءدال تاپقانى، «شارۋالار شاتتىعى ساياجايىڭنىڭ جايى قالاي؟»، «جوعارى قارقىندى تاس جول ول اراعا جەتتى مە؟» دەگەن باس شۋجيدىڭ ولاردىڭ ءوندىرىس - تۇرمىس جاعدايىنىڭ قامىن جەگەندىگى حالىقتىڭ ءالى ەسىندە.

  حيلۇڭجياڭ ۋاكىلدەر ۇيىرمەسىنە بارعاندا، حىجى ۇلتى ۋاكىلى ليۋ لەي باس شۋجيگە قازىرگى تۇرمىسىمىز بەينە «ۋسۋرۇي كەمەشىلەر انىندە» ايتىلعانداي، باقىت جولىنا اياق باستىق دەگەندە، باس شۋجيدىڭ بۇل ءان ماعان ەرتەدەن تانىس، اندە بەينەلەنگەنى جۇڭحۋا ۇلتى ۇلى وتباسىنىڭ بەرەكەلى، ىنتىماقتى جارقىن كورىنىسى دەگەنى حالىقتىڭ ءالى ەسىندە.

  حالىقتىڭ مۇڭ - مۇقتاجىن كوكەيىندە ساقتادى.

  باس شۋجي شي جينپيڭ بيىل سىچۋان ۋاكىلدەر ۇيىرمەسىنىڭ تالقىسىنا قاتىناسقاندا بىلاي دەدى: ىلگەرىدە تەلەۆيزوردان لياڭشان وبلىسىنىڭ «جالاما - جارداعى قىستاققا» قاتىستى حابارلاردى كوردىم، اسىرەسە، قىستاق تۇرعىندارىنىڭ ءجۇرىس - تۇرىس احۋالىن كورگەنىمدە قاتتى ۋايىمدادىم. جەرگىلىكتى ورىننىڭ جاڭادان تەمىر باسپالداق ورناتقاندىعىنان حاباردار بولىپ، كوڭىلىم جايلانعانداي بولدى.

  باس شۋجيدىڭ حالىق بۇقاراسىنا دەگەن تەرەڭ قامقورلىعى بىردە ۋايىمداپ، ەندى بىردە كوڭىلى جايلانعان كوڭىل كۇيىندە مەن مۇندالاپ تۇر.

  بولماشى ءىس، رياسىز كوڭىل.

  «ەگىنشى - مالشى ايەلدەرى تولعاتقاندا شيپاحاناعا بارا ما؟» «قىستاقتاردا تۇگەلدەي دەنساۋلىقتى كۇتىمدەۋ ءۇيى بار ما؟»، «چيڭحايدىڭ كەيبىر وڭىرلەرىنىڭ جەر اۋماعى وتە كەڭ، ەگىنشى - مالشىلار ناۋقاس كورسەتۋ ماسەلەسىن قالاي شەشەدى؟». باس شۋجي شي جينپيڭ ىلگەرىدە ۋاكىل نياڭ ماۋشيانعا وسىلاي سۇراۋ قويعاندا، چيڭحاي حۋاڭنان زاڭزۋ اۆتونوميالى وبلىستىق حالىق شيپاحاناسىنان كەلگەن بۇل شيپاگەر «قاتتى قوبالجىپ كەتەدى».

  سول جىلى، ۋاكىل بي شىڭجۇڭمەن جان - جاقتى پىكىر اۋىستىرىپ، اۋىلداستاردىڭ ءوندىرىس - تۇرمىس وزگەرىسىن ىشكەرىلەي ۇعىسادى. بي شىڭجۇڭ باس شۋجيگە قۋانىشتى تۇردە: ءبىزدىڭ ول اراداعى حالىق ءسىزدى ەرەكشە جاقسى كورەدى، - دەيدى. «قاتتى قوبالجۋ»، «ەرەكشە جاقسى كورۋ»، دەمەك، ۋاكىلدەردىڭ باس شۋجيمەن بۇكپەسىز پىكىر اۋىستىرۋى، مەملەكەت ىستەرىن بىرگە اقىلداسۋ ىنتاسىنا دەم بەرۋى سان ميلليونداعان حالىقتىڭ جۇرەگىندەگى ورتاق ۇنگە اينالدى. باتىلدىقپەن الدا جۇرەتىن تاريحي جاۋاپكەرشىلىكتى ارقالادى

  2017 - جىلى 7 - ناۋرىز تۇستەن بۇرىن، حالىق قۇرىلتايى سارايىنىڭ شىعىس زالىندا ۇدەرە العا باسۋدىڭ، ومىرشەڭدىك كۇشكە باي وڭ ەنەرگيانىڭ لەبى ەستى. باس شۋجي شي جينپيڭ بۇل ارادا لياۋنيڭ ۋاكىلدەر ۇيىرمەسىنىڭ تالقىسىنا قاتىناستى.

  ۋاكىل شۇي چياڭ كاسىپورىننىڭ الدىڭعى شەبىنەن كەلگەن. ول باس شۋجيگە بىلاي دەدى: «بىرنەشە جىلدىڭ الدىندا، حالىق قۇرىلتايى ۋاكىلىن سايلاۋدا سايلانباي قالعان بولاتىنمىن. سول كەزدە كوپتەگەن ادامدار باسقالار سەنىڭ ءبىر تال تەمەكىڭدى تارتپاسا، ءبىر رۋمكا اراعىڭدى ىشپەسە، قالايشا سەنى سايلايدى» دەپ جۇباتقان ەدى. كەيىن كەلە، مەن مەملەكەتتىك حالىق قۇرىلتايىنىڭ ۋاكىلدىگىنە تولىقتانىپ سايلاندىم. بۇل ۇيىم مەن سايلاۋشىلاردىڭ ماعان دەگەن سەنىمى ەدى.

  «ءومىر دەگەنىمىز تار جول، تايعاق كەشۋ». شۇي چياڭ بىلاي دەدى: قازىر لياۋنيڭنىڭ ساياسي جاعدايى بارعان سايىن جاقسارىپ كەلەدى، ءبىز بارلىق اقىل - پاراساتىمىز بەن كۇش - قۋاتىمىزدى جۇمساپ، ءوز قىزمەتىمىزدى دەن قويا جاقسى ىستەۋىمىز كەرەك.

  باس شۋجي شي جينپيڭ مىنانى باسا دارىپتەدى: نەگىزگى ساتىنىڭ الدىڭعى شەبىندەگى جولداستاردىڭ حالىق قۇرىلتايىنا ۋاكىل بولۋى ەلىمىزدىڭ حالىق قۇرىلتايى ءتۇزىمىنىڭ ساياسي باسىمدىعى سانالادى.

  بىلتىر ورتالىق لياۋنيڭدەگى داۋىس جيناپ، سايلاۋدا قارالىق ىستەۋ دەلوسىن قاتاڭ تەكسەرىپ ءبىر جاقتى ەتتى. دەلونى قاتاڭ تەكسەرىپ ءبىر جاقتى ەتۋ ءارى ساقتاندىرۋ تاربيەسىن ىشكەرىلەي ورىستەتۋ ارقىلى لياۋنيڭنىڭ ساياسي ەكولوگياسى بىرتىندەپ قالپىنا كەلۋدە.

  حۋناننىڭ حىڭياڭىنداعى سايلاۋدى ءبۇلدىرۋ دەلوسىنىڭ، سىچۋاننىڭ نانچۇڭىنداعى داۋىس جيناپ، سايلاۋدا قارالىق ىستەۋ دەلوسىنىڭ ايانىشتى ساباعىنا تالداۋ جاساۋ جاعدايىنا ۇشتاستىرىپ، باس شۋجي شي جينپيڭ مىنانى ىشكەرىلەي اتاپ كورسەتتى: وسىنداي ەتەك العان ساتسىزدىككە بولا زاڭ كوپشىلىككە جۇرمەي وتىر ما، ەندىگارى مۇنداي ءىس قايتالانا ما؟ جوق! زاڭ كوپشىلىككە ءجۇرۋى كەرەك، وسى ارقىلى كەيىنگىلەر عيبىارات السىن!

  ايقىن ماسەلەنى باعدار ەتىپ، مىزعىماس جاۋاپكەرشىلىكتى باتىل ارقالايىق. جۇڭگونىڭ ءىسىن جاقسى ىستەۋدىڭ كىلتى پارتيادا. پارتيا ستيلى، ۇكىمەت ستيلىندەگى جازىلماس دەرتتەرگە تىكە قاراپ، شىنايى يگەرىپ، قاتاڭ باسقاراتىن بولساق، ءدانىن الىپ، قاۋىزىن تاستاعاندا عانا، جۇرت زەيىن - زەردە مەن كۇش - قۋاتتى شوعىرلاندىرىپ، قيىن تۇيىندەردەن قامال الا الادى.

  پارتيانى جاپپاي قاتاڭ جونگە سالۋ − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ەل باسقارۋ جالپى بارىسىنا سىڭىرىلگەن ساقتىق شەگى، سونداي - اق باس شۋجي شي جينپيڭنىڭ مەملەكەتتىك ەكى ماجىلىستە ەڭ كوپ بايىمداعان تاقىرىپتارىنىڭ ءبىرى.

  2014 - جىلى انحۇي ۋاكىلدەر ۇيىرمەسىنىڭ تالقىسىنا قاتىناسقاندا، باس شۋجي مىنالاردى تالاپ ەتتى: ءار دارەجەلى باسشى كادرلار تاربيەلەنۋدە قاتاڭ بولۋى، بيلىك جۇرگىزۋدە قاتاڭ بولۋى، تۇزىمدە قاتاڭ بولۋى ءارى شىنايى ءىس ىستەۋى، شىنايى شارۋاشىلىق قۇرۋى، كىسىلىكتە شىنايى بولۋى كەرەك. «ۇشتە قاتاڭ، ۇشتە شىنايى بولۋ» تاربيەسىن وسى نەگىزدە ورىستەتىپ، ستيل قۇرىلىسىن ۇزدىكسىز ىشكەرىلەي ىلگەرىلەتۋ كەرەك.

  2015 - جىلى جياڭشي ۋاكىلدەر ۇيىرمەسىنىڭ تالقىسىنا قاتىناسقاندا باس شۋجي مىنالاردى اتاپ كورسەتتى: تابيعي ەكولوگيانىڭ تاۋى جاسىل، سۋى ءمولدىر بولۋ كەرەك، ساياسي ەكولوگيانىڭ دا «تاۋى جاسىل، سۋى ءمولدىر» بولۋ كەرەك، جەمقورلىققا قارسى تۇرۋ كۇرەسىن ىشكەرىلەي ىلگەرىلەتىپ، «شىرىگەن اعاشتاردى» قوپارىپ تاستاۋعا، «دەرت - دەربەز اعاشتى» ەمدەۋگە، «قيسىق اعاشتى» تۇزەۋگە كۇش سالۋ كەرەك. پارتيانى جاپپاي قاتاڭ جونگە سالۋدا «ۇستىنەن وڭاۋدان» «تۇبىرىنەن وڭاۋ مەن ۇستىنەن وڭاۋعا تەڭ ءمان بەرۋگە» قاراي بۇرىلىس جاساۋعا كۇش سالىپ، پارتيانىڭ ىشكى ساياسي تۇرمىسىن ۇزدىكسىز كۇشەيتۋ كەرەك.

  2016 - جىلى جۇڭگو دەموكراتيانى ىلگەرىلەتۋ قوعامىنىڭ، ساۋدا - ونەركاسىپ بىرلەستىگىنىڭ مۇشەلەرىنە امانداسا بارعاندا، باس شۋجي جاڭا ۇلگىدەگى ۇكىمەت - ساۋدا قاتىناسىنا «ەتەنە»، «پاك» بولۋى كەرەك دەگەن ۇعىم بەرىپ، باسشى كادرلارعا حالىق باسقارۋىنداعى كاسىپورىندارمەن ارالاسۋدىڭ، ىشتەسۋدىڭ جوعارى شەگى مەن تومەنگى شەگىن بەلگىلەپ بەردى.

  بيىل لياۋنيڭ ۋاكىلدەر ۇيىرمەسىنىڭ تالقىسىنا قاتىناسقاندا، باس شۋجي مىنالاردى قايتالاي دارىپتەدى: پارتيانى جاپپاي قاتاڭ جونگە سالۋدىڭ ماڭىزدى ءمانى لياۋنيڭنىڭ گۇلدەنۋىن جەبەۋ، مۇندا يدەيالىق ساپاسى جوعارى، ءمورالى تاماشا، بيلىك اتقارۋ قابىلەتى كۇشتى، قىزمەت ستيلى شىنايى كادرلار قوسىنىن قۇرۋدى ەڭ شەشۋشى ورىنعا قويايىق.

  لياۋنيڭنىڭ جالعان ەكونوميكالىق ساندى مالىمەتتەردى اۋىزدىقتاۋىنا مەڭزەس، باس شۋجي بىلاي دەدى: «لياۋنيڭ ساندى مالىمەتتەردى اداقتادى، تاپتىشتەي تەكسەردى، شيكىلىكتى الاستادى، ايتسەدە، الىپ شىققان ساندى مالىمەتتەرىڭىز تىم جاقسى كورىنبەگەنىمەن، الايدا، مەنشە، ءىس جۇزىندە، وتە جاقسى بولعان، بۇل اشىق، ناقتى ساندى مالىمەت. پارتيا ورتالىق كوميتەتى سىزدەردىڭ بۇل ىستەرىڭىزدى قولدايدى. شىنايى يگەرۋگە، ناقتى ىستەۋگە، تالماي قۇلشىنۋعا سۇيەنىپ، ەكونوميكانى جوعارىلاتۋ كەرەك، مىنە بۇل جۇڭگولىقتاردىڭ تىرەگى». باس شۋجيدىڭ سوزىنە الاڭداعى ۋاكىلدەر قىزۋ شالاپاق سوقتى.

  باس شۋجي شي جينپيڭ: «پارتيا مەن حالىق ىسىنە ادال، تۋراشىل، جۇمىستى تاپ - تۇيناقتاي تىندىراتىن كادرلاردى تاڭداپ ءوسىرۋ كەرەك. ءىس تىندىرمايتىن ادامداردى بايىز تاپتىرماۋ، الاياقتارعا، ءمانساپ الامىن دەپ ارام تەر بولعاندارعا، ءمانساپ سۇراعاندارعا وراي بەرمەۋ، ءمانساپ ساۋدالاعانداردى قاتاڭ جازالاۋ، سالتى دۇرىس، ستيلى پاك تاماشا ساياسي ەكولوگيا قالىپتاستىرۋ كەرەك»، - دەپ قاداپ ايتقان ەدى.

  پارتيانىڭ باسشىلىعىنا تاباندى بولۋدى، حالىقتىڭ ءوز - وزىنە قوجا بولۋىن، مەملەكەتتى زاڭ بويىنشا جونگە سالۋدى ۇتىمدى بىرلىككە كەلتىرۋ − جۇڭگوشا سوتسياليستىك ساياسي دامۋ جولىنىڭ ايقىن ەرەكشەلىگى.

  1 - ماجىلىستەن 5 - ماجىلىسكە دەيىن، باس شۋجي شي جينپيڭ مەملەكەتتى جاپپاي زاڭ بويىنشا جونگە سالۋ جونىندە ۋاكىلدەرمەن، مۇشەلەرمەن تەرەڭ اۋىس - كۇيىس جاسادى.

  مەملەكەت مەنشىگىندەگى كاسىپورىن رەفورماسىن تەرەڭدەتۋدە زاڭمەن جونگە سالۋعا سۇيەنۋ − مەملەكەت مەنشىگىندەگى مال - مۇلىكتى باقىلاپ - باسقارۋدىڭ بىرلىككە كەلگەن زاڭ - ەرەجە ءتۇزىمى جۇيەسى مەن نەگىزدىك باسقارۋ قىزمەت جۇيەسىن ورناتىپ جانە اقاۋسىزداندىرىپ، مەملەكەت مەنشىگىندەگى مال - مۇلىكتى باقىلاپ - باسقارۋ ءتۇزىمىن جاپپاي جالپىلاستىرىپ، مەملەكەت مەنشىگىندەگى مال - مۇلىكتىڭ قۇنىن ساقتاۋ، قۇنىن ارتتىرۋ جاۋاپكەرشىلىگىن جاپپاي تياناقتاندىرىپ، مەملەكەت مەنشىگىندەگى مال - مۇلىكتىڭ زايا بولۋى مەن اۋىر، قاتەرلى جاعدايدىڭ تۋىلۋىنان ساقتانۋ كەرەك.

  ەسىكتى ونان ارى ايقارا اشۋدا زاڭمەن جونگە سالۋعا سۇيەنۋ −

  اشىق ەكونوميكالىق جۇيە ورناتۋدى مىقتاپ ارقاۋ ەتىپ، سىرتقى ەكونوميكا - ساۋدا سالاسىن زاڭمەن جونگە سالۋ قۇرىلىسىن ىلگەرىلەتىپ، ەكونوميكالىق تۇلعالارعا زاڭ جاعىنان قىزمەت كورسەتۋدى كۇشەيتىپ، ەكونوميكالىق دامۋدى زاڭمەن جونگە سالۋدىڭ ءادىل، ءتارتىپتى ورتاسىن قالىپتاستىرۋ كەرەك.

  شەكارا رايونداردىڭ حاۋىپسىزدىگىن، ورنىقتىلىعىن قامتاماسىزداندىرۋدا زاڭمەن جونگە سالۋعا سۇيەنۋ −

  شەكارا رايوندارعا قوسىلاتىن ۇسىنىلىم تەبىنىن ارتتىرىپ، قوعامدى جونگە سالۋدى زاڭ بويىنشا كۇشەيتىپ، تىنىشتىق قۇرىلىسىن ىشكەرىلەي ىلگەرىلەتىپ، شەكارا ءتارتىبىن زاڭ بويىنشا باسقارىپ، مەڭگەرىپ، شەكارا رايونداردىڭ حاۋىپسىزدىگىن، ورنىقتىلىعىن قورعاۋ.

  مەملەكەتتىڭ جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن ىلگەرىلەتۋدە زاڭمەن جونگە سالۋعا سۇيەنۋ ءتىپتى دە قاجەتتى −

  ۇلتتىق تەرريتوريالىق اۆتونوميا تۇزىمىنە تاباندى بولىپ جانە ونى كەمەلدەندىرىپ، ۇلتتىق رايونداردىڭ دامۋىن جەدەلدەتۋدى، از ۇلتتاردىڭ زاڭدى ۇقىق - مۇددەسىن قورعاۋدى زاڭمەن جونگە سالۋ ارناسىنا ءتۇسىرۋ.

  پارتيانى ءتۇزىم، مەملەكەتتى زاڭ، نەگىزگى زاڭ بويىنشا جونگە سالۋ كەرەك. شي جينپيڭ جولداستى ۇيتقى ەتكەن پارتيا ورتالىق كوميتەتى مەملەكەتتىڭ باياندى تىنىشتىعى سىندى جالپى جاعداي تۇرعىسىنان، مەملەكەتتىڭ ءتۇبىرلى ساياسي ءتۇزىمى مەن نەگىزگى ساياسي تۇزىمىنە اۋىتقىماي تاباندى بولىپ جانە دامىتىپ، ءداۋىردى باستاۋ دارقان پەيىلى مەن وزىندىك توڭكەرىس جۇرگىزۋ تاريحي مىندەتىن ارقالاۋ باتىلدىعىن ايگىلەدى. بولاشاقتى بەتكە العان ستراتەگيالىق تالعام

  2017 - جىلى جۇڭگونىڭ دامۋ بارىسى ماڭىزدى كەزەڭگە قادام تاستايدى −

  پارتيا 18 - قۇرىلتايىنان جاپپاي دوڭگەلەك داۋلەتتى قوعام قۇرۋعا دەيىنگى 8 جىلدىق بارىستىڭ تەڭ جارتىسى ءوتتى؛

  الدىڭعى عاسىردىڭ 80 - جىلدارىنىڭ باسىندا جۇڭگو وسىزامانداندىرۋ قۇرىلىسىن «3 ساتىعا ءبولىپ باسۋ» ستراتەگيالىق قادامىن تاستاعاننان وسى عاسىردىڭ ورتا شەنىنە دەيىنگى وسىزاماندانۋ نىساناسىن نەگىزىنەن جۇزەگە اسىرۋعا دەيىنگى بارىستىڭ دا تەڭ جارتىسى ءوتتى.

  تىنباي ۇدەرە العا تارتايىق.

  ورنىقتىلىق بارىسىندا ىلگەرىلەۋ قىزمەت نەگىزگى اۋەنىن مىقتى يگەرىپ، ەكونوميكانىڭ دامۋ جاڭا قالىبىنا ۇيلەسىپ، تىڭ دامۋ ۇستانىمىن مىقتاپ ورناتىپ، العا باسۋ جولىندا جۇڭگو، ءسوز جوق، تىڭ دامۋ ەرەكشەلىگىن ۇيىستىرۋى كەرەك.

  «تىڭ دامۋ ۇستانىمىن تاباندىلىقپەن امالياتتا ايگىلەپ، رەفورما جاساۋدى، ەسىك اشۋدى تەرەڭدەتىپ، جاڭالىق اشۋ ارقىلى دەم بەرۋگە جەتەكشىلىك ەتۋ كەرەك».

  1 - ماجىلىستەن 5 - ماجىلىسكە دەيىن، باس شۋجي شي جينپيڭ ءار جىلى ءوزى تۇرعان شاڭحاي ۋاكىلدەر ۇيىرمەسىنىڭ تالقىسىنا قاتىناسقاندا، رەفورما جاساۋ، ەسىك اشۋ، جاڭالىق اشۋ ارقىلى دەم بەرۋ تاقىرىبىن تىلگە تيەك ەتىپ كەلدى.

  بيىل شاڭحاي ەركىن ساۋدا سىناق رايونى قۇرىلىسىنا ايالداعاندا، باس شۋجي: «جۇڭگونىڭ سىرتقا اشقان ەسىگى جابىلمايدى»، - دەپ اتاپ كورسەتىپ، شاڭحايدا «رەفورمانى جاپپاي تەرەڭدەتۋ مەن ەسىكتى ايقارا اشۋ تاجىريبەسىنىڭ رولى جانە ەلىمىزدىڭ دۇنيە جۇزىنە ەسىكتى جاپپاي اشىق ۇستاۋ ايقىن پوزيتسياسىن ونان ارى ايگىلەۋدى» تالاپ ەتتى.

  مىنە بۇل شاڭحايدان كۇتكەن ۇلكەن ءۇمىت ءارى بۇكىل ەلىمىزدى تياناق ەتۋ، دۇنيە جۇزىنە نازار سالۋ ارقىلى شىعارعان ستراتەگيالىق تالعام.

  رەفورما جاساپ، ەسىك اشىلدى، جاڭالىق اشۋ ارقىلى دەم بەرىلدى. 2014 - جىلى باس شۋجي شي جينپيڭ مەملەكەتتىك 12 - كەزەكتى حالىق قۇرىلتايىنىڭ 2 - ماجىلىسىنە قاتىناسقان گۋاڭدۇڭ ۋاكىلدەر ۇيىرمەسىنىڭ تالقىسىنا قاتىناسقاندا وسىنى ايتقان بولاتىن.

  باس شۋجي شي جينپيڭ شارۋاشىلىق ۇلگىسىن جاڭالاۋدى، تىڭ كۇش ۇيىستىرۋدى العا قويدى. ول كاسىپ سالاسىن ساپالىلاندىرۋدى، دەڭگەيىن جوعارىلاتۋدى كۇش سالا ىلگەرىلەتىپ، جاڭالىق اشۋ ارقىلى دەم بەرۋ رولىن تولىق ساۋلەلەندىرىپ، جاسىل دامۋ جولىمەن ءجۇرىپ، قۇلشىنا تىڭ كۇش ۇيىستىرۋدى ايتتى.

  گۋاڭدۇڭ، شاڭحاي سياقتى رەفورما جاساپ، ەسىك اشۋدىڭ اتويشىلارىمەن سالىستىرعاندا، شىعىس سولتۇستىك ءوڭىر سياقتى بايىرعى ونەركاسىپ بازالارىنىڭ قۇرىلىمدى رەتتەۋ جاعىنداعى قيىنشىلىعى ءتىپتى دە اۋىر.

  5 رەتكى مەملەكەتتىك ەكى ماجىلىستە شىعىس سولتۇستىكتەگى 3 ولكەنىڭ ۋاكىلدەر ۇيىرمەسىنىڭ تالقىسىنا 4 رەت قاتىناستى. شىعىس سولتۇستىك ءوڭىردى كوركەيتۋ − باس شۋجي شي جينپيڭ قاداعالاي نازار اۋدارعان ماسەلەلەردىڭ ءبىرى.

  لياۋنيڭ ۋاكىلدەر ۇيىرمەسىنىڭ، جيلين ۋاكىلدەر ۇيىرمەسىنىڭ، حيلۇڭجياڭ ۋاكىلدەر ۇيىرمەسىنىڭ تالقىسىنا قاتىناسقاندا باس شۋجي شي جينپيڭ: «شىعىس سولتۇستىك سياقتى بايىرعى ونەركاسىپ بازالارىن كوركەيتۋ، دامىتۋ ءۇشىن <تەك ونەركاسىپتى عانا تىرەك ەتۋدەن> جازباۋعا بولمايدى، يكەمدى تاسىلدەردەن دە پايدالانۋ كەرەك» دەگەندى كوپ رەت باسا دارىپتەدى.

  بيىل 7 - ناۋرىزدا لياۋنيڭ ۋاكىلدەر ۇيىرمەسىنىڭ تالقىسىندا، باس شۋجي انشان بولات - تەمىر توبىنىڭ باسالقاسى، ۋاكىل تاڭ فۋپيڭمەن كەڭەسكەندە، وسى جاعىنداعى تەرەڭ ويلارىن ايقىن پايىمدادى.

  باس شۋجيدىڭ: «انشان بولات - تەمىر توبىنىڭ دامۋ بەتالىسى قاجەتتەن اسىپ قالعان ءوندىرىس قۋاتىن ازايتۋ ما، ساقتاپ قالۋ ما، جوق الدە ارتتىرۋ ما؟» دەگەن سۇراۋىنا، تاڭ فۋپيڭ: «انشان بولات - تەمىر توبى قاجەتتەن اسىپ قالعان ءوندىرىس قۋاتىن ازايتۋ مىندەتىن ورىنداۋدا. باستابىندا قاجەتتەن اسىپ قالعان ءوندىرىس قۋاتىن ازايتا الامىز با، جوق پا دەپ الاڭداعان ەدىك، ءبىر جىلدان استام ۋاقىت قۇلشىنۋ ارقىلى قاجەتتەن اسىپ قالعان ءوندىرىس قۋاتىن ازايتۋدىڭ تيىمدىلىگىن كوردىك. الدا قاجەتتى ءوندىرىس قۋاتىن ساقتاپ، ارتتا قالعاندارىن باتىل قىسقارتۋعا كۇش سالماقشىمىز»، - دەپ جاۋاپ بەردى.

  «قۇرىلىمدى، ءسوزسىز، رەتتەۋ كەرەك قوي»، - دەدى باس شۋجي تەرەڭ تولعانىپ. قۇرىلىمدى رەتتەۋدە ءبىرىن - بىرىنە سۇيەپ، «جانسىز، جالىنسىز كاسىپورىندارعا» ەپتەپ - سەپتەپ كۇنەلتەتىن وراي بەرۋدەن اۋلاق بولۋ كەرەك. شارۋاشىلىق ۇلگىسىن، ءسوز جوق، جاڭالاپ، تىڭ كۇش ۇيىستىرۋ كەرەك.

  باس شۋجي مىنانى ىشكەرىلەي اتاپ كورسەتتى: «قامداۋ جاعىنداعى قۇرىلىمدىق رەفورما − ەلىمىزدىڭ ەكونوميكالىق دامۋىنىڭ جاڭا قالىپقا ءوتۋىنىڭ تابيعي تالعامى، جاڭا قالىپتا دامۋ تىڭ ۇستانىمىن دايەكتىلەندىرۋدىڭ تابيعي تالعامى، ەلىمىزدىڭ ەكونوميكالىق، قوعامدىق دامۋدا ءدوپ كەلگەن قايشىلىقتارعا، قيىنشىلىقتارعا توتەپ بەرۋىندەگى ۇتىمدى ءتاسىل ءارى لياۋنيڭدى كوركەيتۋدە، ءسوز جوق، باساتىن جول».

  بيىل − قامداۋ جاعىنداعى قۇرىلىمدىق رەفورما ىشكەرىلەتىلەتىن جىل.

  ءىس جۇزىندە سوڭعى جىلدارى باس شۋجي شي جينپيڭ جياڭسۋ ۋاكىلدەر ۇيىرمەسى، حۋنان ۋاكىلدەر ۇيىرمەسىنىڭ تالقىسى سياقتى تۇرلىشە ورىنداردا تاسىلگە بۇرىلىس جاساۋ، قۇرىلىمدى رەتتەۋ جونىندە ءبىر قىدىرۋ ماڭىزدى تۇجىرىمداردى، بىلتىر جانە بيىل تاعى دا اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسى جونىندە ارناۋلى تالاپتاردى ورتاعا قويدى.

  جاسىل دامۋعا تالپىنۋ − دامۋدىڭ كينەتيكالىق ەنەرگياسىن اۋىستىرۋدىڭ، باياندى دامۋدى جۇزەگە اسىرۋدىڭ تابيعي قيسىنى.

  ءمولدىر سۋ، جاسىل تاۋدىڭ ءوزى بايلىق. جياڭشي ۋاكىلدەر ۇيىرمەسىنىڭ تالقىسىنا قاتىناسقاندا باس شۋجي: «قورشاعان ورتانىڭ ءوزى حالىق تۇرمىسىنا سايادى، جاسىل تاۋ كوركەمدىك سيلاسا، اسپاننىڭ اشىق بولۋىنىڭ ءوزى ءبىر باقىت»، - دەپ جاندى سۋرەتتەگەن ەدى. چىڭحاي ۋاكىلدەر ۇيىرمەسىنىڭ تالقىسىنا قاتىناسقاندا باس شۋجي: «ەكولوگيالىق ورتانى كوزىمىزدىڭ قاراشىعىنداي قورعاپ، جانىمىزداي قاستەرلەيىك»، - دەپ اسا شەبەرلىكپەن بەينەلەدى.

  حيلۇڭجياڭ ۋاكىلدەر ۇيىرمەسىنىڭ تالقىسىنا قاتىناسقاندا باس شۋجي: «ەكولوگيالىق ورتانى قورعاۋدىڭ قىزىل سىزىعىن بەلگىلەپ، قورشاعان ورتانى وڭاۋ سەرپىنىن ارتتىرىپ، باياندى دامۋعا مۇمكىندىك قالدىرىپ، ۇرپاقتارعا اسپانى كوك، جەرى جاسىل، سۋى ءمولدىر كوركەم مەكەن قالدىرۋ كەرەك»، - دەپ تاپتىشتەي تاپسىرعان بولاتىن. ...

  جاڭالىق اشۋ بارىسىندا رەفورمانىڭ قوزعاۋشى كۇشىن قاراستىرىپ، رەفورما بارىسىندا جاڭالىق اشۋدىڭ ومىرشەڭدىگىن تۋىنداتتى.

  دارىندىلار − جاڭالىق اشۋدىڭ شەشۋشى بۋىنى.

  باس شۋجي شي جينپيڭ مەملەكەتتىك ساياسي كەڭەس مۇشەلەرى اراسىندا دارىندىلار مول بولۋداي باسىمدىق پەن ەرەكشەلىكتى ساۋلەلەندىرۋگە ەرەكشە ءمان بەرىپ كەلەدى. 2013 - جىلى عىلىم - تەحنيكا قوعامىنداعى، عىلىم - تەحنيكا سالاسىنداعى مۇشەلەردىڭ بىرىككەن جيىنىنا قاتىناسقاندا بىلاي دەپ اتاپ كورسەتكەن ەدى: عىلىم - تەحنيكا ءتۇزىلىس رەفورماسىن تەرەڭدەتىپ، «جاڭالىق جاساۋدى تالاپ ەتۋدى» «جاڭالىق جاساۋعا ۇمتىلۋعا» اينالدىرۋ كەرەك، عىلىم - تەحنيكالىق دارىندىلار قوسىن قۇرىلىسىن كۇشەيتىپ، دارىندىلاردىڭ رولىن اتقارۋىنا، تالانتىن ايگىلەۋىنە ءتىپتى دە كوپ مۇمكىندىكتەر جاساۋ كەرەك.

  2017 - جىلى باس شۋجي شي جينپيڭ جۇڭگو دەموكراتيانى ىلگەرىلەتۋ قوعامىنىڭ، جۇڭگو ديقان - جۇمىسشى دەموكراتيالىق پارتياسىنىڭ، 3 - قىركۇيەك ءىلمي قوعامىنىڭ بىرىككەن جيىنىندا زيالىلاردىڭ جاسامپازدىق ومىرشەڭدىگى مەن كومەسكى كۇشىن تۋىنداتۋدى، توڭىرەكتىڭ ءتورت بۇرىشىنان جارامدىلاردى جيناۋدى ارناۋلى تۇردە باسا دارىپتەدى. ول تاعى ياۋ ايشيڭ قاتارلى 9 مۇشەنىڭ لەبىزىنە ءبىر - بىرلەپ جاۋاپ قايتارىپ، جالپى زيالى قاۋىمنىڭ جاۋاپكەرلىكتى ىرىقتىلىقپەن ارقالاپ، بەلسەنە ءىس تىندىرعاندىقتارىن تولىق تۇراقتاندىردى، ولاردىڭ مەملەكەتتىڭ قۇدىرەتتەنۋى، ۇلتتاردىڭ كوركەيۋى، حالىقتىڭ باقىتقا كەنەلۋى ءۇشىن كوپ ۇلەستەر قوسۋىن ءۇمىت ەتتى.

  جۇڭگونىڭ دامۋى بەيبىت سىرتقى ورتادان ايرىلمايدى. مەملەكەت قورعانىسى مەن ارميا قۇرىلىسى تىپتەن ماڭىزدى.

  «ارميانى قۇدىرەتتەندىرۋ جاۋاپكەرلىگى تاريحي تۇردە بىزگە جۇكتەلدى، وسى مىندەتتى ۇستىمىزگە الۋدا، ءسوز جوق، جاۋاپكەرلىكتى باتىلدىقپەن ارقالاۋىمىز كەرەك، بۇل پارتيا مەن حالىقتىڭ تىلەگى بولىپ قانا قويماي، وسى زامانعى توڭكەرىستىك جاۋىنگەرلەردە بولۋعا ءتيىستى ساياسي قاسيەت»، باس شۋجي شي جينپيڭنىڭ تاپسىرماسى بۇكىل ارمياداعى كوماندير - جاۋىنگەرلەردىڭ اسقاقتاعان جىگەرىن جاني ءتۇستى.

  − ارميانى قۇدىرەتتەندىرۋ نىساناسىن ىسكە اسىرۋدا، ءسوز جوق، ستراتەگيالىق ورايدى يگەرىپ، مەملەكەت قورعانىسى جانە ارميا رەفورماسىن تەرەڭدەتۋ كەرەك؛

  − ارميا مەن حالىقتىڭ توعىسا دامۋىن مەملەكەتتىك ستراتەگياعا كوتەرۋ − مەملەكەتتىڭ حاۋىپسىزدىگى مەن دامۋ ستراتەگياسى جالپى جاعدايىنان جاسالعان ماڭىزدى شەشىم؛

  − ارميا ماقساتتىق تانىم مەن بۇقارالىق كوزقاراستى كۇشەيتىپ، جەرگىلىكتى ورىننىڭ ەكونوميكالىق، قوعامدىق قۇرىلىسىنا بەلسەنە قاتىناسىپ، كومەكتەسىپ، ءىس جۇزىندىك ارەكەتتەرى ارقىلى حالىق بۇقاراسىنا يگىلىك جاساپ، پايدا جەتكىزۋى كەرەك؛

  − ارميانى ساياسي ارقىلى كوركەيتۋ، ارميانى رەفورما جاساۋ ارقىلى قۇدىرەتتەندىرۋ، ارميانى زاڭ بويىنشا جونگە سالۋ ءىسىن ىلگەرىلەتىپ، ارميا قۇرىلىسى مەن اسكەري كۇرەس دايىندىعىن نىعايتىپ، مەملەكەت قورعانىسى مەن ارميانى وسىزامانداندىرۋ قۇرىلىسىن «3 ساتىعا ءبولىپ» دامىتۋ ستراتەگياسىنىڭ 2 - ساتىداعى نىساناسىنىڭ ۋاعىندا ورىندالۋىنا شىنايى كەپىلدىك ەتۋ كەرەك؛

  − ارميانى عىلىم - تەحنيكامەن گۇلدەندىرۋدى ءتىپتى زور كۇشپەن ىلگەرىلەتىپ، عىلىم - تەحنيكالىق جاڭالىق اشۋدان جاۋىنگەرلىك قۋات الۋعا تاباندى بولىپ، ارميامىزدىڭ قۇرىلىسىنا قۇدىرەتتى عىلىم - تەحنيكالىق تىرەك ازىرلەۋ كەرەك.

  باس شۋجي شي جينپيڭ ازاتتىق ارميا ۋاكىلدەر ۇيىرمەسىنىڭ جالپى جيىنىنا 5 رەت قاتىناسقاندا، پارتيانىڭ قولباسشىلىعىنا بويسۇناتىن، جەڭىستى شايقاس جۇرگىزەتىن، ستيلى تاماشا حالىق ارمياسىن قۇرۋ سىندى پارتيانىڭ جاڭا جاعدايداعى ارميانى قۇدىرەتتەندىرۋ نىساناسىن ارقاۋ ەتە وتىرىپ، ءبىر قىدىرۋ ماڭىزدى ورنالاستىرۋلار جاساپ، ارميانى قۇدىرەتتەندىرۋ ارمانىن ورىنداۋدى ءتۇبىرلى ولشەممەن قامدادى.

  قالا - قالاشىقتاندىرۋدى بەلسەنە، ورنىقتى ىلگەرىلەتۋ، قوعامدىق جونگە سالۋدى كۇشەيتۋ جانە جاڭالاۋ، مەملەكەتتىڭ استىق حاۋىپسىزدىگىنە كەپىلدىك ەتۋ، رۋحاني وركەنيەت قۇرىلىسى، تايۋان بۇعازىنىڭ ەكى جاعالاۋىنىڭ قاتىناسىن دامىتۋ... جالپى جاعدايدى شولىپ، اۋقىمدى بارلاپ، ءىرى ىستەردى تالقىلاپ، ۇلى جوبا جاسادى، 1 - ماجىلىستەن 5 - ماجىلىسكە دەيىن حالىق قۇرىلتايى ۋاكىلدەر ۇيىرمەسىنەن ساياسي كەڭەس بىرىككەن جيىنىنا دەيىن باس شۋجي شي جينپيڭ ۋاكىلدەرمەن، مۇشەلەرمەن رەفورما، دامۋ ۇلى جوباسىن بىرگە تالقىلاپ، حالىق اراسىنان ەل باسقارۋعا اقىل - پاراسات پەن كۇش - قۋات توپتاپ، جۇڭگونىڭ رەفورما، دامۋ ىستەرىنىڭ داۋىرلىك اسەم كارتيناسىن اشتى.

  2017 - جىلعى مەملەكەتتىك ەكى ءماجىلىس اياقتاۋ الدىندا تۇر. ۋاكىلدەر، مۇشەلەر باس شۋجي شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ماڭىزدى تاپسىرماسىن الىپ، نىق سەنىممەن كەڭ بايتاق اماليات الەمىنە قادام تاستاپ، پارتيانىڭ ۇستانىمىن، مەملەكەتتىڭ ەركىن 100 ميلليونداعان حالىققا جەتكىزىپ، ءىس جۇزىندىك ارەكەتتەرىمىز ارقىلى پارتيا 19 - قۇرىلتايىنىڭ ءساتتى اشىلۋىن قارسى الايىق.

  «قوس 100 جىلدىق» كۇرەس نىساناسىن ىسكە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ورىنداۋ جولىندا جۇڭگو ءتىپتى دە ايبىندى بەلەستەرگە قادام تاستاماق.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار