جۇڭگو حالىق ساياسي ءماسليحات كەڭەسى مەملەكەتتىك 12 - كەزەكتى كوميتەتى 5 - ءماجىلىسىنىڭ ساياسي قاۋلىسى
2017.03.15 15:11 كەلۋ قاينارى : شينجياڭ گازەتى
(ساياسي كەڭەس مەملەكەتتىك 12 - كەزەكتى كوميتەتىنىڭ 5 - ماجىلىسىندە 2017 - جىلى 13 - ناۋرىزدا ماقۇلداندى)
جۇڭگو حالىق ساياسي ءماسليحات كەڭەسى مەملەكەتتىك 12 - كەزەكتى كوميتەتى 5 - ءماجىلىسى 2017 - جىلى 3 - ناۋرىزدان 13 - ناۋرىزعا دەيىن بەيجيڭدە وتكىزىلدى.
ءماجىلىس كەزىندە، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ باستاعان پارتيا مەن مەملەكەتتىڭ باسشى جولداستارى ماجىلىسكە جانە گرۋپپالار تالقىسىنا قاتىناسىپ، مۇشەلەرمەن بىرگە مەملەكەت ءىسىن اقىلداستى. مۇشەلەر لي كىچياڭ زۇڭليدىڭ ۇكىمەت قىزمەتىنەن جاساعان بايانداماسىن مۇقيات تىڭدادى جانە تالقىلادى، ەڭ جوعارى حالىق سوتى مەكەمەسىنىڭ قىزمەتىنەن باياندامانى، ەڭ جوعارى حالىق پروكۋراتۋراسىنىڭ قىزمەتىنەن باياندامانى تىڭدادى جانە تالقىلادى، ازاماتتىق ىستەر باس ەرەجەسىنىڭ جوباسىن، سونداي - اق 2016 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ جاعدايى جانە 2017 - جىلعى حالىق شارۋاشىلىعى مەن قوعامدىق دامۋ جوسپار جوباسى جونىندەگى باياندامانى، ورتالىق پەن جەرگىلىكتى ورىنداردىڭ 2016 - جىلعى مەجە ەسەبىنىڭ اتقارىلۋ جاعدايى جانە ورتالىق پەن جەرگىلىكتى ورىنداردىڭ 2017 - جىلعى مەجە ەسەپ جوباسى جونىندەگى باياندامانى تالقىلادى، اتالعان باياندامالار مەن حۇجاتتى قۇپتايتىندىقتارىن ءبىلدىردى ءارى پىكىر - ۇسىنىس بەردى. ءماجىلىس يۇي جىڭشىڭ ءتوراعانىڭ ساياسي كەڭەس مەملەكەتتىك 12 - كەزەكتى كوميتەتىنىڭ تۇراقتى كوميتەتى اتىنان جاساعان قىزمەت بايانداماسىن قاراپ، بەكىتتى، ساياسي كەڭەستىڭ ورىنباسار ءتوراعاسى ما پەيحۋانىڭ ساياسي كەڭەس مەملەكەتتىك 12 - كەزەكتى كوميتەتىنىڭ تۇراقتى كوميتەتى اتىنان جاساعان ۇسىنىس جوبا قىزمەتىنىڭ جاعدايى جونىندەگى باياندامانى قاراپ، بەكىتتى. ءماجىلىس سىندارلى، ءونىمدى، ستيلى پاك، سالتى دۇرىس بولىپ، تولىق تابىسقا جەتتى، ءماجىلىس ساياسي كەڭەس مۇشەلەرىنىڭ ءورشىل رۋحاني بەينەسىن، جىگەرلەنە ىسكە كىرىسەتىن جاۋاپكەرشىلىگىن كورسەتكەن، دەموكراتيالى، ىنتىماقتى، شىندىققا جۇگىنگەن، قايراتتانا العا ۇمتىلعان ءماجىلىس بولدى.
ءماجىلىس بىلاي دەپ قارادى: 2016 - جىل جۇڭحۋا ۇلتىنىڭ ۇلى گۇلدەنۋ ساپارىندا اسا ماڭىزدى ءبىر جىل بولدى. شي جينپيڭ جولداستى ۇيتقى ەتكەن پارتيا ورتالىق كوميتەتى تاريحي جاۋاپكەرشىلىكتى باتىلدىقپەن ارقالاپ، ستراتەگيالىق تاباندىلىقتى ساقتاپ، كۇردەلى جاعدايلاردى مەڭگەرىپ، رەفورماعا، دامۋعا جەتەكشىلىك ەتىپ، بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ، باستاپ، جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسى كەزەڭىنىڭ ۇلى جورىعىن باستاپ، قامداۋ جاعىنداعى قۇرىلىمدىق رەفورمانىڭ قامال الۋ شايقاسىن جۇرگىزىپ، كەدەيلىكتەن قۇتىلدىرۋدان قامال الۋدىڭ اتوي دابىلىن قاقتى، سوتسياليستىك ەكونوميكالىق قۇرىلىس، ساياسي قۇرىلىس، مادەنيەت قۇرىلىسى، قوعامدىق قۇرىلىس، رۋحاني وركەنيەت قۇرىلىسى جانە پارتيا قۇرىلىسى كورنەكتى تابىستارعا قول جەتكىزىپ، «13 - بەسجىلدىق» جاقسى باستالدى. ساياسي كەڭەس مەملەكەتتىك كوميتەتى جانە ونىڭ تۇراقتى كوميتەتى ج ك پ ورتالىق كوميتەتىنىڭ شەشىمدەرى مەن ورنالاستىرۋلارىن مۇقيات دايەكتىلەندىرىپ، تياناقتاندىرىپ، ىنتىماق پەن دەموكراتيا سىندى ەكى ۇلكەن تاقىرىپتان جازباي، وزەكتى ارقاۋ ەتىپ، جالپى جاعدايعا قىزمەت كورسەتىپ، سوتسياليستىك ساياسي دەموكراتيانىڭ ماڭىزدى ارناسىندىق جانە ارنايى كەڭەس قۇرىلىمىندىق رولىن ساۋلەلەندىرىپ، تىڭعىلىقتى تۇردە ىشكەرىلەي تەكسەرۋ - زەرتتەۋ جۇرگىزدى، كەڭەسۋدە، ۇكىمەت ىستەرىن كەڭەسۋدە مول تابىسقا قول جەتكىزىپ، دەموكراتيالىق باقىلاۋدى ءونىمدى كۇشەيتىپ، ىنتىماقتاسۋ، دوستاسۋدى كەڭىنەن ورىستەتىپ، پارتيا مەن مەملەكەت ىستەرىنىڭ دامۋى ءۇشىن تىڭ دا ماڭىزدى ۇلەس قوستى.
ءماجىلىس بىلاي دەپ قارادى: ج ك پ 18 - كەزەكتى ورتالىق كوميتەتى التىنشى جالپى ءماجىلىسى باس شۋجي شي جينپيڭنىڭ ۇيتقىلىق ورنىن رەسمي ايقىنداپ، پارتيا مەن حالىقتىڭ ءتۇبىرلى مۇددەسىن ايگىلەپ، بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ ورتاق تىلەگىن بەينەلەدى، بۇل پارتيا مەن مەملەكەتتىڭ كوركەيىپ، دامۋىنا، باياندى تىنىشتىعىنا كەپىلدىك ەتۋدە، «قوس 100 جىلدىق» كۇرەس نىساناسىن ورىنداۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا كەپىلدىك ەتۋدە ايرىقشا كەلەلى ءارى ۇزاق بولاشاقتىق ءمان الادى. ءماجىلىس مىنالاردى تالاپ ەتتى: حالىق ساياسي كەڭەسىنىڭ ءار دارەجەلى ۇيىمدارى، قاتىناسۋشى ورىندار جانە ساياسي كەڭەس مۇشەلەرى ساياسي تانىمدى، جالپى جاعداي تانىمىن، ۇيتقى تانىمىن، ساپ تۇزەۋ تانىمىن بەرىك ورناتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن شوعىرلى، ءبىر تۇتاس باسشىلىعىن ءتىپتى دە سانالى تۇردە قورعاپ، پارتيا ورتالىق كوميتەتىنىڭ توڭىرەگىنە ءتىپتى دە تىعىز ىنتىماقتاسىپ، ج ك پ ورتالىق كوميتەتىنىڭ كەلەلى شەشىمدەرى مەن ورنالاستىرۋلارىن ءتىپتى دە باتىل دايەكتىلەندىرۋ، تياناقتاندىرۋ كەرەك. ءماجىلىس مىنالاردى باسا دارىپتەدى: 2017 - جىل − پارتيا مەن مەملەكەت تاريحىندا ەرەكشە ماڭىزدى ءمان الاتىن ءبىر جىل. جۇڭگو كوممۋنيستىك پارتياسى مەملەكەتتىك 19 - قۇرىلتايىن اشادى، بۇل پارتيا مەن مەملەكەتتىڭ ساياسي ومىرىندەگى ماڭداي الدى ءىرى ءىس. ج ك پ 18 - قۇرىلتايىنىڭ جانە پارتيا 18 - كەزەكتى ورتالىق كوميتەتى ءۇشىنشى، ءتورتىنشى، بەسىنشى، التىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحىن جانە ەل باسقارۋ جونىندەگى جاڭا ۇستانىمدارىن، جاڭا يدەيالارىن، جاڭا ستراتەگيالارىن ىشكەرىلەي ۇيرەنىپ، دايەكتىلەندىرىپ، «بەستى ءبىرتۇلعالاندىرۋ» جالپى ورنالاستىرۋىن ءبىر تۇتاس جوسپارلاپ، ىلگەرىلەتىپ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتىپ، ورنىقتىلىق بارىسىندا ىلگەرىلەۋ قىزمەتى نەگىزگى اۋەنىنەن جازباي، پارتيا مەن مەملەكەتتىڭ ءتۇرلى قىزمەتىندە تىڭ ىلگەرىلەۋشىلىككە قول جەتكىزۋدى جەبەۋ كەرەك.
ءماجىلىس بىلاي دەپ قارادى: بيىلعى ەكونوميكالىق قىزمەتتى جاقسى ىستەپ، ەكونوميكانىڭ ورنىقتى، اقاۋسىز دامۋىن ساقتاۋدا جاڭا دامۋ ۇستانىمىن بەرىك ورناتىپ جانە دايەكتىلەندىرىپ، تياناقتاندىرىپ، ەكونوميكالىق دامۋدىڭ جاڭا قالىبىنا ۇيلەسىپ، ونى يگەرىپ، وعان جەتەكشىلىك ەتىپ، قامداۋ جاعىنداعى قۇرىلىمدىق رەفورمانى ىلگەرىلەتۋدى نەگىزگى جەلى ەتۋگە تاباندى بولىپ، «ءۇشتى ازايتۋدى، ءبىردى تومەندەتۋدى، ءبىردى تولىقتاۋدى» ىشكەرىلەي ىلگەرىلەتىپ، ەكونوميكانىڭ ارتۋىن ورنىقتىرۋ، رەفورمانى جەبەۋ، قۇرىلىمدى رەتتەۋ، حالىق تۇرمىسىنا تيىمدىلىك جاساۋ، حاۋىپ - قاتەردەن ساقتانۋ تالاپتارىن جاپپاي تياناقتاندىرۋ كەرەك. مۇشەلەر مىناداي ۇسىنىس بەردى: ماكرولىق رەتتەۋ - مەڭگەرۋدى جاڭالاپ جانە كەمەلدەندىرىپ، اناعۇرلىم بەلسەندى، ۇتىمدى قازىنا ساياساتىن جانە ورنىقتى، بەيتاراپ اقشا ساياساتىن ويداعىداي اتقارىپ، كاسىپ، ءوڭىر، قارجى قوسۋ، تۇتىنۋ، باعا، جەر، قورشاعان ورتانى قورعاۋ سياقتى ساياساتتاردىڭ سايكەستىلىگىن، سەلبەستىگىن كۇشەيتىپ، ساياساتتىڭ شوعىرلانۋ ەففەكتىن زورايتۋ كەرەك. بازار، زاڭمەن جونگە سالۋ جانە اكىمشىلىك سياقتى شارالاردان جان - جاقتى پايدالانىپ، بولات - تەمىر، كومىر، كومىر ەلەكتر سياقتى كاسىپتەردىڭ قاجەتتەن ارتىپ قالعان ءوندىرىس قۋاتىن تاباندىلىقپەن ىڭعايلاستىرۋ. قورا - جايدىڭ قونىستانۋ ەرەكشەلىگىنە تاباندى بولىپ، مەجەلى مەرزىمگە ۇيلەسىمدى جەتەكشىلىك ەتىپ، تۇرلەر بويىنشا رەتتەۋ - مەڭگەرۋدى كۇشەيتىپ، 3 -، 4 - دارەجەلى قالالاردىڭ قورا - جاي كاسىپتەرىندە ءۇيدىڭ قاجەتتەن ارتىپ قالۋ ماسەلەسىن ءتۇيىندى تۇردە شەشۋ. سۇيمەندى بەلسەندى، ۇتىمدى تۇردە ازايتىپ، كوپ ءتۇرلى شارانى قاتار قولدانۋ ارقىلى وزىندىك قۇندى تومەندەتىپ، كاسىپورىنداردىڭ سالىق اۋىرتپالىعىن قۇلشىنا جەڭىلدەتىپ، كاسىپورىنداردىڭ يدەيالىق جۇكتەن ارىلىپ، بەلسەنە قىزمەتكە كىرىسۋىنە مۇمكىندىك جاساۋ. باقىلاۋ - باسقارۋ، سايكەستىرۋ مەحانيزمىن ورناتىپ، ماكرولىق جاقتاعى بايسالدى باقىلاۋ، باسقارۋدى كۇشەيتىپ، سيستەمالى حاۋىپ - قاتەردەن ساقتانۋ جانە ونى شەشۋ. ىشكى قوزعاۋشى كۇشتىڭ دامۋ قوزعاۋشى كۇشىن ارتتىرۋعا كۇش سالىپ، قازىنا - سالىق، فينانس، مەملەكەت مەنشىگىندەگى كاسىپورىن، مەملەكەتتىك كاپيتال، مال - مۇلىك ۇقىعىن قورعاۋ ءتۇزىمى جانە قوعامدىق ءتۇزىلىس، ەكولوگيالىق وركەنيەت ءتۇزىلىسى سياقتى رەفورمالاردى كۇشەيتۋگە كۇش سالىپ، ۇكىمەت فۋنكتسياسىنا بۇرىلىس جاساپ، جالپىلىق مەنشىككە جاتپايتىن شارۋاشىلىقتى دامىتۋ ساياتتىق شارالارىن تياناقتاندىرۋ. اۋىل شارۋاشىلىعىنداعى قامداۋ جاعىنداعى قۇرىلىمدىق رەفورمانى ىلگەرىلەتىپ، ەكولوگيالىق اۋىل شارۋاشىلىعىن كۇش سالا دامىتىپ، جاسىل، ساپالى اۋىل شارۋاشىلىق ونىمدەرىمەن قامداۋدى كۇشەيتىپ، استىق سياقتى ماڭىزدى اۋىل شارۋاشىلىق ونىمدەرىنىڭ باعاسىن تۇراقتاندىرۋ مەحانيزمىن جانە ساتىپ الۋ - ساقتاۋ ءتۇزىمى رەفورماسىن تەرەڭدەتىپ، 1 -، 2 -، 3 - كاسىپتەردىڭ توعىسپالى دامۋىن جەبەپ، اۋىل شارۋاشىلىعىنىڭ ورنىقتى دامۋى مەن شارۋالاردىڭ كىرىسىن ۇزدىكسىز ارتتىرۋدى ىلگەرىلەتۋ، دامۋعا جاڭالىق اشا دەم بەرۋ ستراتەگياسىن ىشكەرىلەي اتقارىپ، رەال ەكونوميكانىڭ ساپاسىن جوعارىلاتۋىنا، ونىمدىلىگىن ارتتىرۋىنا، دارەجەسىن كوتەرۋىنە جاڭالىق اشۋ ارقىلى جەتەكشىلىك ەتىپ، العاشقى جاسامپازدىق قۋاتىن جوعارىلاتىپ، ستراتەگيالىق جاڭادان گۇلدەنگەن كاسىپتەردى جەتىلدىرىپ جانە زورايتىپ، ءداستۇرلى كاسىپتەردى جاڭا تەحنيكا، جاڭا كاسىپ جاعدايى ارقىلى وزگەرتىپ جانە ونىڭ دارەجەسىن كوتەرىپ، «كوپ بولىپ شارۋاشىلىق قۇرۋ، جالپى قاۋىمدىق جاڭالىق اشۋدى» ءۇرتىس ىلگەرىلەتىپ، «ۇستالىق رۋحتى» ساۋلەلەندىرىپ، «جۇڭگو ماركاسىن» جاراتۋ. بەيجيڭ - تيانجين - حىبەيدى سايكەستى دامىتۋ، چاڭجياڭ ەكونوميكالىق بەلدەۋىن دامىتۋ، «ءبىر بەلدەۋ، ءبىر جول» قۇرىلىسى سىندى 3 ۇلكەن ستراتەگيانى ىشكەرىلەي اتقارىپ، جاڭاشا قالا - قالاشىقتاندىرۋدى تىڭعىلىقتى ىلگەرىلەتىپ، شار تاراپقا ەسىك اشۋدان جازباي، جاڭا دامۋ ءورىسىن كەڭەيتۋ.
ءماجىلىس مىنالاردى باسا دارىپتەدى: حالىقتى وزەك ەتكەن دامۋ يدەياسىنا تاباندى بولىپ، حالىق تۇرمىسىن اناعۇرلىم قامتاماسىزداندىرىپ جانە جاقسارتىپ، جالپى حالىقتىڭ رەفورما، دامۋ جەتىستىكتەرىنەن ءتىپتى دە كوپ، ءادىل تۇردە يگىلىكتەنۋىن ۇزدىكسىز ىلگەرىلەتۋ كەرەك. مۇشەلەر مىناداي ۇسىنىس بەردى: ەرەكشە كەدەي وڭىرلەردى قامال الۋدىڭ ءتۇيىنى ەتىپ، كەدەيلەردى كاسىپ ارقىلى سۇيەمەلدەۋدى كورنەكتىلەندىرىپ، قاتىناس، سۋ يگىلىگى، فينانس، وقۋ - اعارتۋ، عىلىم - تەحنيكا، ەمدەۋ سياقتى كەدەيلەردى سۇيەمەلدەۋ شاراسىن جان - جاقتى قولدانىپ، ساياساتتىق دالمە - دالدىكتى جوعارىلاتۋ، باعالاۋ، ساراپتاۋدى قاتايتىپ، كەدەيلىكتەن قۇتىلدىرۋدىڭ ناقتى ونىمدىلىگىنە كەپىلدىك ەتۋ. ءادىل، ساپالى وقۋ - اعارتۋدى ويداعىداي باسقارۋ. سالاماتتى جۇڭگو قۇرىلىسىن كۇش سالا ىلگەرىلەتىپ، ەمدەۋ، ءدارى - دارمەك، دەنساۋلىق ساقتاۋ ءتۇزىلىسى رەفورماسىن تەرەڭدەتىپ، قالا، اۋىل تۇرعىندارىنىڭ نەگىزگى ەمدەۋ، دەنساۋلىق ساقتاۋ قاجەتىن ءتىپتى جاقسى قاناعاتتاندىرۋ. كىرىس ءبولىسى، قوعامدىق قامتاماسىزداندىرۋ سياقتى قىزمەتتەردى ءبىر تۇتاس جوسپارلاپ جاقسى ىستەپ، قاجەتتەن اسىپ قالعان ءوندىرىس قۋاتىن ازايتۋ بارىسىنداعى جۇمىسشى - قىزمەتكەرلەردىڭ كاسىپتەنۋ جانە قايتالاي كاسىپتەنۋ ماسەلەسىن ءونىمدى شەشۋ. قورشاعان ورتاعا ساياتىن كورنەكتى ماسەلەلەردى شەشۋگە باسا ءمان بەرىپ، كوپ ءتۇرلى شارانى قاتار قولدانىپ، كوپ جاق بىرگە قيمىلداپ، تۇمشادان جالپىلىق ساقتانۋدى، ونى جونگە سالۋدى ىلگەرىلەتىپ، توپىراقتىڭ، سۋدىڭ لاستانۋىن، اۋىل - قىستاقتىڭ قورشاعان ورتاسىن، ت.ب وڭاۋ جۇمىسىن مىقتى يگەرۋ. سوتسياليستىك رۋحاني وركەنيەت قۇرىلىسىن كۇشەيتىپ، سوتسياليستىك وزەكتى قۇن كوزقاراسىن بارىنشا اسقاقتاتىپ، مادەنيەت ىستەرىن، مادەنيەت كاسىبىن دامىتىپ، نەگىزگى الەۋمەتتىك مادەنيەتتەن قىزمەت كورسەتۋدى تەڭگەرۋ دەڭگەيىن ءوسىرۋ. قوعامدىق جونگە سالۋعا جاڭالىق ەنگىزۋدى ىلگەرىلەتىپ، حالىق بۇقاراسىنىڭ حاۋىپسىزدىك سەزىمىن جوعارىلاتىپ، مەملەكەت حاۋىپسىزدىگى مەن قوعام ورنىقتىلىعىن قورعاۋ. مەملەكەتتى زاڭ بويىنشا جاپپاي جونگە سالۋ تالابىن ىشكەرىلەي دايەكتىلەندىرىپ، زاڭمەن جونگە سالۋدى، زاڭدى قادىرلەپ، زاڭ بويىنشا ءىس تىندىرۋ.
ءماجىلىس بىلاي دەپ قارادى: ۇلى ءىستى، ۇلى ينجەنەريانى، ۇلى كۇرەستى ىشكەرىلەي ىلگەرىلەتۋدە پارتيانى جاپپاي قاتاڭ جونگە سالۋعا تاباندى بولىپ، «جاڭا جاعدايداعى پارتيانىڭ ىشكى ساياسي تۇرمىسى جونىندەگى ولشەمدەر» مەن «جۇڭگو كوممۋنيستىك پارتياسىنىڭ پارتيا ىشىندەگى باقىلاۋ ەرەجەسىن» ىشكەرىلەي دايەكتى تياناقتاندىرىپ، ستيلى پاك، سالتى دۇرىس تاماشا ساياسي ەكولوگيانى قالىپتاستىرىپ، ادال، كىرشىكسىز، جاۋاپكەرشىلىكتى باتىلدىقپەن ارقالايتىن كادرلار قوسىنىن قۇرىپ، جۇڭگو كوممۋنيستىك پارتياسىنىڭ باستان - اياق جۇڭگوشا سوتسياليزم ىستەرىنىڭ پارمەندى باسشىلىق ۇيتقىسى بولۋىنا كەپىلدىك ەتۋ كەرەك. ءماجىلىس بىلاي دەپ قارادى: باس شۋجي شي جينپيڭنىڭ جۇڭگو دەموكراتيانى ىلگەرىلەتۋ قوعامىنان، جۇڭگو ديقان - جۇمىسشى دەموكراتيالىق پارتياسىنان، 3 - قىركۇيەك ءىلمي قوعامىنان ساياسي كەڭەس ماجىلىسىنە قاتىناسىپ جاتقان مۇشەلەردىڭ بىرلەسكەن گرۋپپالار تالقىسىندا سويلەگەن ماڭىزدى ءسوزى پارتيا مەن مەملەكەت ىستەرى دامۋىنىڭ جالپى جاعدايىن تياناق ەتىپ، ەلىمىز زيالىلارىنىڭ مەملەكەتكە جانە حالىققا قوسقان تاريحي ۇلەسىن تولىق تۇراقتاندىرىپ، بىلىمگە، زيالىلارعا قۇرمەت ەتۋدىڭ ماڭىزدى ءمانىن ەگجەي - تەگجەيلى بايىمدادى، قالىڭ زيالىلاردىڭ وتان ءۇمىتىن ءتىپتى دە جاقسى اقتاۋى، حالىققا ءتىپتى دە ويداعىداي قىزمەت كورسەتۋى جونىندە شىنايى ءۇمىت ارتىپ، ايقىن تالاپتار قويدى. مۇنىڭ تۇتاس قوعامدا دارىندىلاردى بايقايتىن، دارىندىلاردى ايالايتىن، دارىندىلاردى ىستەتەتىن، دارىندىلارعا ورىن بەرەتىن، دارىندىلاردى توپتايتىن تاماشا سالتتى ونان ارى قالىپتاستىراتىنى، قالىڭ زيالىلاردىڭ باتىلدىقپەن جاڭالىق اشاتىن، تىندىرىمدى ىستەپ، شارۋاشىلىق قۇراتىن تاسقىنداعان ىنتاسىنا دەم بەرەتىنى، دارىندىلار توپ - توبىمەن جارىققا شىعاتىن، اركىم ءوز ونەرىن تەگىس ايگىلەيتىن جالىندى جاعدايدى قالىپتاستىراتىنى داۋسىز. مۇشەلەر باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، ۋاقىتپەن جارىساتىن كوكەي تەستىلىك سەزىممەن جانە باتىل جاۋاپكەرشىلىك سەزىممەن تاڭداۋلى داستۇرگە مۇراگەرلىك ەتىپ، مەملەكەتكە دەگەن تەرەڭ سۇيىسپەنشىلىكتە بولا وتىرىپ، تاريحي جاۋاپكەرشىلىكتى باتىلدىقپەن ارقالاپ، مەملەكەتتى، ۇلتتى، حالىقتى بارىنەن جوعارى ورىنعا قويۋدان جازباي، دۇرىس جولدان تايماي، اقيقاتقا تالپىنىپ، سوتسياليستىك وزەكتى قۇن كوزقاراسىن امالياتتا ايگىلەۋدىڭ ۇلگىلەرىنەن بولاتىنىن، ەكونوميكالىق باسەكەنىڭ وزەكتى تەتىگىن، قوعام دامۋىنداعى وسال تۇستاردىڭ تەجەۋىن، مەملەكەت حاۋىپسىزدىگىندەگى ەلەۋلى سىن - سايىستاردى مىقتاپ ارقاۋ ەتىپ، بەلسەنە ءىس تىندىرىپ، قۇلشىنا ىستەپ، جاڭالىق اشا دامۋدىڭ امالياتىنا سانالىلىقپەن ات سالىسىپ، جاڭالىق اشۋ قابىلەتىن قۇلشىنا ءوسىرىپ، جاڭالىق اشۋدىڭ بيىك شىڭىنا تىنباي شىعاتىندىقتارىن ءبىلدىردى. ءماجىلىس مىنالاردى اتاپ كورسەتتى: حالىق ساياسي كەڭەسى نازاردى پارتيا مەن مەملەكەتتىڭ وزەكتى قىزمەتىنە شوعىرلاندىرىپ، ىنتىماق جانە دەموكراتيا سىندى ەكى ۇلكەن تاقىرىپتان جازباي، جۇڭگوشا سوتسياليزمگە تاباندى بولۋدى جانە ونى دامىتۋدى ورتاق يدەيالىق، ساياسي نەگىزدى بەكەمدەۋدىڭ نەگىزگى ءوسى ەتىپ، «13 - بەسجىلدىق» جوبا توڭىرەگىندە اقىل - كەڭەس بەرۋدى قىزمەت نەگىزگى جەلىسى ەتىپ، پارتيا 19 - قۇرىلتايىن قارسى الۋدى، پارتيا 19 - قۇرىلتايىنا قىزمەت كورسەتۋدى، پارتيا 19 - قۇرىلتايىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى تۇتاس جىلعا سىڭىرەتىن ماڭىزدى ساياسي مىندەت ەتىپ، ساياسي كەڭەسۋ، دەموكراتيالىق باقىلاۋ، ۇكىمەت ىسىنە ارالاسۋ، ۇكىمەت ىسىنە اقىل - كەڭەس بەرۋ فۋنكتسياسىن دەن قويا اتقارىپ، يدەيالىق جەتەكشىلىك، قاتىناستاردى سايكەستىرۋ، كۇش - قۋاتتى شوعىرلاندىرۋ، ۇكىمەت ءىسىن كەڭەسۋ، اقىل - كەڭەس بەرۋ، جالپى جاعدايعا قىزمەت ەتۋ جاعىنداعى قىزمەتتەردى ويداعىداي ىستەپ، ەكونوميكانىڭ ورنىقتى، اقاۋسىز دامۋىن جانە قوعامنىڭ جاراسىمدىلىعىن، ورنىقتىلىعىن جەبەۋى كەرەك. قىزمەت جاۋاپكەرشىلىگىن ادا ەتۋگە بايلانىستى ۇسىنىس قويۋ ساپاسى مەن ونىمدىلىگىن كۇش سالا جوعارىلاتىپ، تەكسەرۋ - زەرتتەۋدىڭ نەگىزدىك سيپاتتى رولىن كۇشەيتىپ، ۇسىنىستاردىڭ ورىندى، قيسىندى بولۋىن، ءادىس - شارالاردىڭ اتقارىلارلىق، كادەگە جارارلىق بولۋىن قۇلشىنا ورىنداپ، پارتيا مەن ۇكىمەتتىڭ عىلمي شەشىم جاساۋىن، دالمە - ءدال شارا قولدانۋىن كەرەكتى نەگىزبەن قامداۋ كەرەك. جۇڭگو كوممۋنيستىك پارتياسىنىڭ باسشىلىعىنداعى كوپ پارتيا سەلبەستىگى مەن ساياسي ءماسليحات تۇزىمىنە تاباندى بولۋ، ءارقايسى دەموكراتيالىق پارتيا - توپتار مەن پارتيادا، توپتا جوق قايراتكەرلەردىڭ ساياسي كەڭەستە اناعۇرلىم جاقسى رول اتقارۋىنا شارت - جاعداي ازىرلەۋ كەرەك. از ۇلت سالاسىنداعى، ءدىن سالاسىنداعى ۋاكىلدىك قايراتكەرلەرمەن جانە از ۇلت جۇرتشىلىعىمەن، دىنگە سەنەتىن بۇقارامەن اۋىس - كۇيىستى، بارىس - كەلىستى ونان ارى جيىلەتىپ، ۇلتتاردىڭ ىنتىماعىن، ءدىننىڭ جاراسىمدىلىعىن جەبەۋ قاجەت. جالپىلىق مەنشىككە جاتپايتىن ەكونوميكاعا قاتىستى قايراتكەرلەر مەن جاڭا قوعامدىق جىك قايراتكەرلەرى سياقتىلارعا باعىتتالعان قىزمەتتىڭ سەرپىنىن ارتتىرۋ ءتيىس. «ءبىر ەل، ەكى ءتۇزىم»، «شياڭگاڭدى شياڭگاڭدىقتار باسقارۋ»، «اۋمىندى اۋمىندىقتار باسقارۋ»، وسكەلەڭ اۆتونوميا باعىتىن جاپپاي دۇرىس تياناقتاندىرىپ، نەگىزگى زاڭ مەن ءتۇبىرلى زاڭعا ساي قاتاڭ ءىس ءبىتىرىپ، شياڭگاڭ، اۋمىن ەرەكشە اكىمشىلىك رايونىنىڭ اكىمى مەن ۇكىمەتىنىڭ زاڭ بويىنشا بيلىك جۇرگىزۋىن قولداپ، «شياڭگاڭ تاۋەلسىزدىگى» جايتىنە باتىل قارسى تۇرۋ كەرەك. شياڭگاڭنىڭ وتان قۇشاعىنا ورالعاندىعىنىڭ 20 جىلدىعىن قۇتتىقتاۋدى وراي ەتىپ، شياڭگاڭداعى، اۋمىنداعى ساياسي توپتارمەن، قوعامدىق توپتارمەن، سونداي - اق ۋاكىلدىك قايراتكەرلەرمەن بايلانىستى كۇشەيتۋ ءتيىس. ءبىر جۇڭگو پرينسيبىنە تاباندى بولىپ، «92 - جىلعى ورتاق تانىمنىڭ» ورتاق ساياسي نەگىزىن قورعاپ، ءارقانداي فورماداعى «تايۋان تاۋەلسىزدىگى» بولشەكتەۋ ارەكەتىنە باتىل قارسى تۇرىپ جانە ونى شاۋجايلاپ، بۇعازدىڭ ەكى جاعالاۋىنىڭ ەكونوميكاسىنىڭ، قوعامىنىڭ توعىسپالى دامۋىن ۇزدىكسىز جەبەپ، وتاننىڭ بەيبىت بىرلىككە كەلۋ اياق الىسىن بۇلجىتپاي العا ىلگەرىلەتۋ قاجەت. شەتەلدەگى مۇھاجىرلارمەن دوستىق اۋىس - كۇيىستى كۇشەيتۋ ءتيىس. حالىق ساياسي كەڭەسىنىڭ سىرتپەن دوستىق بارىس - كەلىسىن بەلسەنە قانات جايدىرۋ كەرەك.
ءماجىلىس بىلاي دەپ باسا دارىپتەدى: جۇڭگو كوممۋنيستىك پارتياسىنىڭ 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى حالىق ساياسي كەڭەسىنىڭ دەموكراتيالىق باقىلاۋداعى ماڭىزدى رولىن ساۋلەلەندىرۋگە وسكەلەڭ ءمان بەرىپ، ءبىرسىپىرا جاڭا يدەيانى، جاڭا كوزقاراستى، جاڭا تالاپتى العا قويىپ، حالىق ساياسي كەڭەسىنىڭ دەموكراتيالىق باقىلاۋى جونىنەن تۇزىمدىك ورنالاستىرۋ جاساپ، نەگىزدىك ولشەممەن قامدادى. «حالىق ساياسي كەڭەسىنىڭ دەموكراتيالىق باقىلاۋ قىزمەتىن كۇشەيتۋ جانە جاقسارتۋ جونىندەگى پىكىردى» مۇقيات ۇيرەنۋ، دايەكتىلەندىرۋ، جۇڭگو كوممۋنيستىك پارتياسىنىڭ ساياسي كەڭەستىڭ دەموكراتيالىق باقىلاۋىنا باسشىلىق ەتۋىنە باستان - اياق بۇلجىتپاي تاباندى بولىپ، كەڭەس فورماسىنداعى باقىلاۋدىڭ سيپاتىن تۇراقتاندىرۋدى ءداپ باسىپ يگەرىپ، باقىلاۋ ءتۇيىنىن شىن مانىندە كورنەكتىلەندىرىپ، باقىلاۋ تاسىلىنەن ءونىمدى پايدالانىپ، دەموكراتيالىق باقىلاۋ قىزمەت مەحانيزمىن اقاۋسىزداندىرىپ، شىن سويلەپ، سىندارلى كەڭەس بەرىپ، پىكىردى ورتاعا قويىپ، سىن ايتىپ، بۇكپەسىز سويلەسۋدى، اركىم ءوز پىكىرىن بايانداۋدى، سونداي - اق قيسىندى، ورىندى بولۋدى، زاڭعا، ەرەجەگە ۇيلەسۋدى جۇزەگە اسىرىپ، جۇڭگو كوممۋنيستىك پارتياسىنىڭ ورتالىق كوميتەتىنىڭ ءىرى باعىت، ساياساتى مەن كەلەلى شەشىم، ورنالاستىرۋىنىڭ دايەكتى تياناقتانۋىن اناعۇرلىم سانالىلىقپەن العا ىلگەرىلەتىپ، پارتيا مەن ۇكىمەتتىڭ ماسەلەلەردى ءبىر جايلى ەتۋىنە، قىزمەتتى جاقسارتۋىنا اناعۇرلىم ءونىمدى تۇردە سايكەسۋ كەرەك.
ءماجىلىس بىلاي دەپ باسا دارىپتەدى: بيىل ساياسي كەڭەس مەملەكەتتىك 12 - كەزەكتى كوميتەتىنىڭ ەڭ سوڭعى قىزمەت جىلى. وسى كەزەكتى ساياسي كەڭەستىڭ قىزمەت مىندەتىن ادا ەتۋ تاجىريبەسىن مۇقيات قورىتىندىلاپ، نازاريالىق جاقتان جيناقتاپ، سۇرىپتاپ، تۇزىمدىك جاقتان ارناعا ءتۇسىرىپ، كەمەلدەندىرىپ، ساياسي كەڭەس قىزمەتىنىڭ عىلميلانۋ ورەسىن جوعارىلاتۋ كەرەك. قالىڭ ساياسي كەڭەس مۇشەلەرى ءوز قىزمەتىن تىڭعىلىقتى جاقسى ىستەۋ ارقىلى جاۋاپكەرشىلىكتى ارقالاۋدى ۇعىندىرۋى، قۇلشىنا ناقتى ىستەۋ ارقىلى ءۇمىت - تىلەككە جاۋاپ قاتۋى، تالماي تالاپتانىپ، تىڭعىلىقتى ءىس تىندىرۋ ارقىلى قۇنىن ايگىلەۋى، ساياسي كەڭەستى ءتۇسىنىپ، ءماسليحاتتى ءبىلىپ، ۇكىمەت ءىسىن شەبەرلىكپەن تالقىلاپ، تارتىپكە بويسۇنىپ، قاعيدانى دارىپتەپ، مىنەز - قۇلىققا ءمان بەرىپ، بورىشتى ادا ەتىپ، ماڭىزدى تاپسىرمانىڭ ۇددەسىنەن شىعىپ، داۋىرگە لايىق بولىپ، حالىق ساياسي كەڭەسى ىستەرى دامۋىنىڭ تىڭ تاراۋىن تىزە قوسا جازۋى كەرەك.
ءماجىلىس حالىق ساياسي كەڭەسىنىڭ ءار دارەجەلى ۇيىمدارىن، قاتىناسۋشى ورىنداردى جانە ساياسي كەڭەس مۇشەلەرىن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە بارىنشا ىنتىماقتاسا توپتاسىپ، جۇڭگوشا سوتسياليزم ۇلى تۋىن بيىك ۇستاپ، سەلبەستىك جاساۋداعى اۋەلگى ماقساتتى ۇمىتپاي، ۇزدىكسىز قول ۇستاسا العا ىلگەرىلەپ، ءورىس اشا جاڭالىق جاراتىپ، قۇلشىنا ءىس تىندىرىپ، جۇڭگو كوممۋنيستىك پارتياسىنىڭ 19 - قۇرىلتايىنىڭ جەڭىسپەن اشىلۋىن سۇبەلى ناتيجەلەرمەن قارسى الىپ، «قوس 100 جىلدىق» كۇرەس نىساناسىن، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قۇلشىنا كۇرەس جۇرگىزۋگە ۇندەدى!
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
