شي جينپيڭ گەرمانيانىڭ زۇڭليى مەركەلمەن تەلەفوندا سويلەستى
2017.03.17 15:54 كەلۋ قاينارى : شينجياڭ گازەتى
شينحۋا اگەنتتىگىنىڭ 16 - ناۋرىزدا بەيجيڭنەن بەرگەن حابارى. مەملەكەت ءتوراعاسى شي جينپيڭ 16 - ناۋرىزدا ۋادە بويىنشا گەرمانيانىڭ زۇڭليى مەركەلمەن تەلەفوندا سويلەستى.
شي جينپيڭ مىنالاردى اتاپ كورسەتتى: بيىل جۇڭگو مەن گەرمانيانىڭ ديپلوماتيالىق قاتىناس ورناتقاندىعىنا 45 جىل تولادى. سوڭعى جىلدارى ەكى ەل قاتىناسى جاپپاي، ىشكەرىلەي دامىدى. ءبىز گەرمانيامەن بىرگە جۇڭگو مەن گەرمانيانىڭ جان - جاقتى ستراتەگيالىق سەرىكتەستىك قاتىناسىن ىلگەرىلەتۋدە ءتىپتى دە زور دامۋعا قول جەتكىزۋدى قالايمىز. دۇنيە جۇزىندەگى ماڭىزدى ەكونوميكالىق تۇلعا جانە جاھاندانۋدىڭ باتىل قولداۋشىسى رەتىندە، جۇڭگو مەن گەرمانيادا تاراپتاردىڭ اشىق ۇلگىدەگى الەم ەكونوميكاسىن بىرگە قۇرۋىن جەبەۋ، كوپ جاقتى ساۋدا - ساتتىق ەرەجەسى مەن ءتۇزىلىسىنىڭ ونىمدىلىگىن، بەدەلىن قورعاۋ جاۋاپكەرشىلىگى بار. ەكى جاقتىڭ سەلبەستىكتى كۇشەيتۋى ەكى ەلدىڭ ءتۇبىرلى مۇددەسىنە ۇيلەسەدى ءارى جۇڭگو مەن ەۆروپا وداعىنىڭ قاتىناسىن تەرەڭدەتۋگە ءتيىمدى. ءبىز گەرمانيامەن بىرگە سىرتقا ەسىكتى اشىق ۇستاۋدىڭ، سەلبەسۋدىڭ، تەڭ يگىلىككە كەنەلۋدىڭ بەلسەندى سيگنالىن شالۋدى قالايمىز.
شي جينپيڭ مىنالاردى اتاپ كورسەتتى: ەكونوميكا - ساۋدا سەلبەستىگى − جۇڭگو - گەرمانيا قاتىناسىن دامىتۋدىڭ ماڭىزدى قوزعاۋشى كۇشى. ەكى جاق ەكونوميكا - ساۋدادا ءوزارا تيىمدىلىك جەتكىزۋ سەلبەستىگىن جانە تىلدەسۋدى، كەڭەسۋدى كۇشەيتىپ، جوعارى جىكتەگىلەرىنىڭ قازىنا - فينانس سۇحباتى، گۋمانيتارلىق اۋىس - كۇيىسى، حاۋىپسىزدىك سۇحباتى سياقتى مەحانيزمدىك ورنالاستىرۋلارىن ءبىر تۇتاس جوسپارلاۋى جانە ويداعىداي تياناقتاندىرۋى كەرەك. جۇڭگو گەرمانيانىڭ 20 ەل توبى باسشىلارىنىڭ حامبۋرگتەگى باس قوسۋ كەڭەسىن ۇيىمداستىرۋىن قولدايدى، گەرمانيامەن بىرگە 20 ەل توبىنىڭ تار جول، تايعاق كەشۋدەن بىرگە ءوتۋ، سەلبەسۋ، تەڭ يگىلىككە كەنەلۋ سەرىكتەستىك رۋحىن ساۋلەلەندىرۋىن، حامبۋرگتەگى باس قوسۋدىڭ حاڭجوۋداعى باس قوسۋ نەگىزىندە حالىقارالىق ەكونوميكالىق سەلبەستىك پەن الەمدىك ەكونوميكانى جونگە سالۋ جونىندە ايقىن، تەبىندى، بەلسەندى سيگنال بەرۋىن بىرگە ىلگەرىلەتىپ، الەمدىك ەكونوميكانى ارتتىرۋدا تەبىننىڭ اناعۇرلىم كۇشتى، جونگە سالۋدىڭ اناعۇرلىم ءونىمدى، ساۋدانىڭ اناعۇرلىم اشىق، دامۋدىڭ اناعۇرلىم قامتىمدى بولۋىنا مۇمكىندىك جاساۋىن قالايدى.
شي جينپيڭ مىنالاردى اتاپ كورسەتتى: جۇڭگو ەۆروپانىڭ ءبىرتۇلعالانۋ اياق الىسىن قولدايدى. جۇڭگو مەن ەۆروپا وداعى ستراتەگيالىق بيىكتىكتە جانە ۇزاق بولاشاقتىق تۇرعىدا بەيبىتشىلىك، ەكونوميكانى ارتتىرۋ، رەفورما، مادەنيەت جاقتان 4 ۇلكەن سەرىكتەستىك قاتىناس ورناتىپ، بەيبىت، اشىق، باۋىرمال، گۇلدەنگەن دۇنيە ءجۇزىن بىرگە قۇرۋعا بەلسەنە كۇش سالۋى كەرەك.
مەركەل مىنالاردى ءبىلدىردى: كەزەكتە جۇڭگو - گەرمانيا قاتىناسىنىڭ كەڭدىك، تەرەڭدىك جانە دامۋ تەبىنى وتە جاقسى. گەرمانيا ءتوراعا شي جينپيڭنىڭ بيىل قاڭتاردا داۆوستا وتكەن الەمدىك ەكونوميكا تالقى مىنبەرىندە سويلەگەن ماڭىزدى لەكسياسىن جوعارى باعالايدى، «ءبىر بەلدەۋ، ءبىر جول» دارىپتەمەسىن قولدايدى، جۇڭگونىڭ گەرمانيانىڭ 20 ەل توبى باسشىلارىنىڭ حامبۋرگتەگى باس قوسۋىن ۇيىمداستىرۋىن قولداعاندىعىنا العىس ايتادى. گەرمانيا جۇڭگومەن جوعارى جىكتەگىلەردىڭ اۋىس - كۇيىسىن جيىلەتىپ، ەكونوميكا - ساۋدا، قارجى قوسۋ، دامۋ سالالارىنداعى سەلبەستىكتى كۇشەيتىپ، گۋمانيتارلىق اۋىس - كۇيىستى تەرەڭدەتىپ، گەرمانيا مەن جۇڭگونىڭ جان - جاقتى ستراتەگيالىق سەرىكتەستىك قاتىناسىن تىڭ دەڭگەيگە كوتەرۋدى، ەۆروپا وداعى - جۇڭگو قاتىناسىنىڭ ۇزدىكسىز دامۋىن ىلگەرىلەتۋگە كۇش سالۋدى قالايدى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
