شي جينپيڭ ساۋد ارابياسىنىڭ پاتشاسى سالمانمەن كەڭەس وتكىزدى
جۇڭگو مەن ساۋد ارابياسىنىڭ جان - جاقتى ستراتەگيالىق سەرىكتەستىكقاتىناسىندا ۇزبەي تىڭ ناتيجەلەرگە قول جەتكىزۋدى جەبەۋگە ءبىر اۋىزدان قوسىلدى
2017.03.17 15:55 كەلۋ قاينارى : شينجياڭ گازەتى
شينحۋا اگەنتتىگىنىڭ 16 - ناۋرىزدا بەيجيڭنەن بەرگەن حابارى. مەملەكەت ءتوراعاسى شي جينپيڭ 16 - ناۋرىزدا حالىق سارايىندا ساۋدا ارابياسى پاتشالىعىنىڭ پاتشاسى سالمانمەن كەڭەس وتكىزدى. ەكى ەل باسشىلارى ەكى جاقتى قاتىناستىڭ دامۋ جاعدايىن ساقتاپ، ءتۇرلى سالاداعى ناقتى سەلبەستىكتى جەبەپ، جۇڭگو مەن ساۋد ارابياسىنىڭ جان - جاقتى ستراتەگيالىق سەرىكتەستىك قاتىناسىندا ۇزبەي تىڭ ناتيجەلەرگە قول جەتكىزۋدى جەبەۋگە ءبىر اۋىزدان قوسىلدى.
شي جينپيڭ مىنالاردى اتاپ كورسەتتى: بىلتىر ساۋد ارابياسىنا ساپارلاي بارعان كەزىمدە سالمان پاتشامەن بىرگە ەكى ەل قاتىناسىن دامىتۋ، حالىقارالىق جانە وڭىرلىك ىستەردە سەلبەستىكتى كۇشەيتۋ جونىندە كەلىسكەن ماڭىزدى ورتاق تانىم بىرتىندەپ تياناقتانۋدا. بۇعان توتەنشە قۋانىپ وتىرمىن. جۇڭگو - ساۋد ارابياسى قاتىناسى ءتىپتى دە زور دامۋدى ىسكە اسىرۋ كومەسكى كۇشىنە جانە شارت - جاعدايىنا يە. تاراپتار ەكى ەل قاتىناسى دامۋىنىڭ ءىرى باعىتىن يگەرىپ، جۇڭگو - ساۋد ارابياسى قاتىناسىنىڭ ءتىپتى دە جارقىن بولاشاعىن بىرگە جاراتۋى كەرەك. جۇڭگو ساۋد ارابياسىنىڭ ءوز ەلىنىڭ جاعدايىنا ۇيلەسەتىن دامۋ جولىمەن ءجۇرۋىن، ساۋد ارابياسىنىڭ مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن، ساۋدا ارابياسىنىڭ وڭىرلىك، حالىقارالىق ىستەردە مۇنان زور رول اتقارۋىن بۇرىنعىداي قولدايدى. جۇڭگو ساۋد ارابياسىنىڭ «2030 - جىلعى جوبانى» جۇزەگە اسىرۋىن قولدايدى. ساۋدا ارابياسىنىڭ «ءبىر بەلدەۋ، ءبىر جولدى» بىرگە قۇرۋداعى الەمدىك سەلبەستىك سەرىگىنە اينالۋىن قارسى الادى ءارى ساۋد ارابياسىنىڭ ەكونوميكالىق جاقتا كوپ نەگىزدىك الەمدىك سەلبەستىك سەرىگىنە اينالۋىن قالايدى. جۇڭگو − ساۋد ارابياسىنىڭ سەنىمدى، ورنىقتى مۇناي ەكسپورت بازارى. تاراپتار ەنەرگيا سالاسىن ءبىر تۇلعالاندىرۋ سەلبەستىك جۇلگەسىن بىرگە ورناتىپ، حابارلاسۋ، عارىش سياقتى سالالاردا سەلبەستىكتى تەرەڭدەتىپ، فينانس جانە قارجى قوسۋ سەلبەستىك تۇعىرىن ورناتۋدى اقىلداسۋى كەرەك. تاراپتار مادەنيەت، وقۋ - اعارتۋ، دەنساۋلىق ساقتاۋ، عىلىم - تەحنيكا، ساياحات، اقپارات جانە حاۋىپسىزدىك، ت. ب سياقتى سالالاردا سەلبەستىكتى ۇزدىكسىز كۇشەيتۋى قاجەت.
شي جينپيڭ مىنالاردى باسا دارىپتەدى: ۇزاق ۋاقىتتان بەرى جۇڭگو مەن ءىسلام ەلدەرى ءبىر - بىرىنە قۇرمەت ەتىپ، سەلبەستىك جاساسىپ، تەڭ يگىلىككە كەنەلىپ، تۇرلىشە مادەنيەتتىڭ جاراسىمدى قاتار ءومىر ءسۇرۋىنىڭ ۇلگىسىن ورناتتى. جۇڭگو ورتا شىعىس ىستەرىن ءبىر جاقتى ەتكەندە مەملەكەتتىڭ يەلىك ۇقىعىنا قۇرمەت ەتۋ جانە ىشكى ىسىنە كيلىكپەۋ پرينسيبىنە تاباندى بولىپ، الاۋىزدىقتاردى ساياسي تىلدەسۋ ارقىلى شەشىپ، قولامتالى ماسەلەلەر مەن شۇعىل جاعدايدى باسەڭدەتۋدى، ب م ۇ - نىڭ نەگىزگى ارنالىق رولىن ساۋلەلەندىرۋگە تاباندى بولىپ، وڭىرلىك ۇيىمدار مەن مەملەكەتتەردىڭ ءۇنىن دەن قويا تىڭداپ، ءوڭىردىڭ تاريح، ۇلت، ءمازھاپ ەرەكشەلىگىن تولىق ويلاستىرۋدى قۋاتتايدى. ورتا شىعىس وڭىرىندەگى كوپتەگەن ماسەلەلەردىڭ ءتۇپ تامىرى دامۋدا، مۇنى شەشۋدىڭ شىعار جولى، اينالىپ كەلگەندە، دامۋدا. جۇڭگو ورتا شىعىس وڭىرىندەگى ەلدەردى قامتىعان جەلى بويىنداعى ەلدەرمەن «ءبىر بەلدەۋ، ءبىر جولدى» بىرگە قۇرىپ، اشىق ۇستاۋ بارىسىندا ورايدان تەڭ يگىلىكتەنىپ، بايلانىس جاساۋ، حابارلاسۋ بارىسىندا سەلبەستىكتى تەرەڭدەتىپ، بەيبىت دامۋدى جەبەۋدى قالايدى.
سالمان بىلاي دەدى: مەن ساۋد ارابياسى مەن جۇڭگو قاتىناسىنىڭ جوعارى دەڭگەيدە دامىپ كەلە جاتقاندىعىنا ءدان ريزامىن. ءتوراعا شي جينپيڭنىڭ بىلتىر ساۋد ارابياسىنداعى ساپارى ايرىقشا تابىستى بولدى، سول جولعى ساپار ەكى ەلدىڭ جاپپاي دوستىق سەلبەستىك قاتىناسىن ورناتۋىندا ماڭىزدى رول اتقاردى. ساۋد ارابياسى ءبىر جۇڭگو ساياساتىن باتىل قولدايدى، سونداي - اق ساۋد ارابياسى مەن جۇڭگونىڭ جوعارى جىكتەگىلەرىنىڭ بىرىككەن كوميتەتى سىندى وسى تۇعىردان پايدالانىپ، ەكى ەلدىڭ ەكونوميكالىق ساۋدا، قارجى قوسۋ، فينانس، ەنەرگيا سالاسىنداعى سەلبەستىكتەرىن بارىنشا تەرەڭدەتىپ، ەكى ەلدىڭ جاپپاي ستراتەگيالىق سەرىكتەستىك قاتىناسىن تىڭ بەلەسكە كوتەرۋدى ءۇمىت ەتەمىن. قازىر دۇنيە ءجۇزى لاڭكەستىك قاتەرى سياقتى كوپتەگەن سىن − سايىستارعا ءدوپ كەلىپ وتىر، بۇعان حالىقارالىق قوعام كۇش بىرىكتىرىپ جۇمىلا توتەپ بەرۋى كەرەك. ساۋد ارابياسى جۇڭگونىڭ حالىقارالىق ىستەردە باسقا ەلدىڭ ىشكى ساياساتىنا كيلىكپەۋ، الاۋىزدىقتاردى كەلىسسوز ارقىلى بەيبىت جولمەن شەشۋ تۇرعىسىندا بەرىك تۇرعاندىعىن جوعارى باعالايدى، جۇڭگونىڭ حالىقارانىڭ بەيبىتشىلىگى مەن حاۋىپسىزدىگىن قورعاۋ جاعىندا اتقارعان ماڭىزدى رولىنا سۇيىنەدى. ساۋد ارابياسى جۇڭگونىڭ ورتا شىعىس ءوڭىرىنىڭ ىستەرىندە اناعۇرلىم ماڭىزدى رول اتقارۋىن، جۇڭگومەن تىزە قوسا قۇلشىنىپ، دۇنيە ءجۇزى مەن ءوڭىردىڭ بەيبىتشىلىگىن، حاۋىپسىزدىگىن جانە گۇلدەنىپ − كوركەيۋىن جەبەۋدى ءۇمىت ەتەدى.
كەزدەسۋدەن كەيىن، ەكى ەل باسشىلارى ەكونوميكالىق ساۋدا، ەنەرگيا، ءوندىرىس قۋاتى، وقۋ - اعارتۋ، عىلىم - تەحنيكا سياقتى سالالار بويىنشا ەكى جاقتى سەلبەستىك حۇجاتتارىنا قول قويۋ سالتىنا كۋا بولدى، سونداي - اق بىرلىكتە مەملەكەتتىك مۇراجايدا وتكىزىلگەن «اراب جولى − ساۋد ارابياسىنداعى قازبالار، مادەني مۇرالار كورمەسىنىڭ» جابىلۋ سالتىنا قاتىناستى. شي جينپيڭ كورمەنىڭ جابىلۋ سالتىندا ءسوز سويلەپ، كورمەنىڭ تابىستى اشىلعاندىعىن قۇتتىقتادى، سونىمەن بىرگە وسى جولعى كورمەنىڭ ەكى جاقتىڭ مادەنيەت جاقتا ءتىل تابىسۋىن ىلگەرىلەتۋىنىڭ، مادەنيەت اۋىس - كۇيىسىن نىعايتىپ، ءوزارا ۇلگى الۋىنىڭ جەمىسى ەكەندىگىن، سونداي - اق جۇڭگو مەن ساۋد ارابياسىنىڭ جاپپاي ستراتەگيالىق سەرىكتەستىك قاتىناسىنىڭ ماڭىزدى بەينەسى ەكەندىگىن اتاپ كورسەتتى، جۇڭگو مەن ساۋد ارابياسى جاندى دا جالىندى، كوپ ءتۇرلى، جۇيەلى، جاراسىمدى، ورتاق ءومىر سۇرەتىن گۋمانيتارلىق اۋىس - كۇيىس جاعدايىن قالىپتاستىرىپ، جۇڭگو مەن ساۋد ارابياسى سەلبەستىگىنىڭ گۋمانيتارلىق نەگىزىن بەرىك قالاۋى كەرەكتىگىن باسا دارىپتەدى.
كەزدەسۋدەن بۇرىن، شي جينپيڭ حالىق سارايىنىڭ سولتۇستىك زالىندا سالمانعا ارناپ قارسى الۋ سالتىن وتكىزدى، سالتقا مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى چىن جۋ، مەملەكەتتىك كەڭەستىڭ مۇشەسى ياڭ جيەچى، مەملەكەتتىك ساياسي كەڭەستىڭ ورىنباسار ءتوراعاسى ليۋ شياۋفىڭ قاتارلىلار قاتىناستى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
