بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

ۇلتتار ىنتىماعىن مىزعىماي بەكەمدەيىك

− باس شۋجي شي جينپيڭنىڭ شينجياڭ ۋاكىلدەر ۇيىرمەسىنىڭ تالقىسىندا سويلەگەن ماڭىزدى ءسوزىنىڭ رۋحىن ۇيرەنۋ، دايەكتى تياناقتاندىرۋ تۋرالى

شينجياڭ گازەتىنىڭ شولۋشىسى

2017.03.17 15:56     كەلۋ قاينارى : شينجياڭ گازەتى

  «ۇلتتار ىنتىماعى − ءار ۇلت حالقىنىڭ جان تامىرى، شينجياڭنىڭ دامۋىنىڭ، العا باسۋىنىڭ ىرگە تاسى، سونداي - اق ءبىر ميلليارد 300 ميلليوننان استام جۇڭگو حالقىنىڭ ورتاق ەركى». باس شۋجي شي جينپيڭ ۇلتتار ىنتىماعى ماسەلەسىن قاشاندا كوكەيىندە ساقتاپ، كوڭىل ءبولىپ كەلدى. باس شۋجي مەملەكەتتىك 12 - كەزەكتى حالىق قۇرىلتايىنىڭ 5 - ماجىلىسىنە قاتىناسىپ جاتقان شينجياڭ ۋاكىلدەر ۇيىرمەسىنىڭ تالقىسىنا قاتىناسقان كەزدە سويلەگەن ماڭىزدى سوزىندە قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، ۇلتتار ىنتىماعىن ۇزبەي بەكەمدەۋدىڭ ايرىقشا ماڭىزدىلىعىن باسا دارىپتەپ، جاڭا جاعدايدا شينجياڭنىڭ ۇلتتار ىنتىماعى قىزمەتىن ويداعىداي ىستەۋ جونىندە ماڭىزدى نۇسقاۋ بەرىپ، ايقىن تالاپتار قويدى.

  ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە باس شۋجي شي جينپيڭ «شينجياڭنىڭ ماسەلەسىندە ەڭ ۇزاق ۋاقىتتىق ماسەلە تاعى دا ۇلتتار ىنتىماعى ماسەلەسى» دەپ باسا دارىپتەگەن بولاتىن. شينجياڭنىڭ ەرەكشە وڭىرلىك جاعدايى جانە ستراتەگيالىق ورنى ۇلتتار ىنتىماعىنىڭ شينجياڭنىڭ ءتۇرلى قىزمەتىن ويداعىداي ىستەۋدىڭ العى شارتى جانە كەپىلى ەكەنىن بەلگىلەدى. تاريح پەن رەالدىق ۇلتتار ىنتىماعى قىزمەتى جاقسى ىستەلسە، شينجياڭنىڭ ەكونوميكالىق دامۋىنا، قوعام ورنىقتىلىعىنا تاماشا ورتا ازىرلەنەتىنىن: كەرىسىنشە بولعاندا، شينجياڭنىڭ قوعام ورنىقتىلىعى مەن دامۋىنىڭ ىقپالعا ۇشىرايتىنىن تولىق دالەلدەدى. ۇلتتار ىنتىماعىن بەكەمدەۋ − شينجياڭنىڭ قوعام ورنىقتىلىعى مەن باياندى تىنىشتىعىنىڭ نەگىزى. سوندىقتان دا ۇلتتار ىنتىماعىن بۇلجىماي بەكەمدەۋ، استە السىرەتپەۋ، قايتا كۇشەيتە ءتۇسۋ، تيتتەي دە بوساڭسىتپاۋ كەرەك.

  كەمەنىڭ كۇشى جەلكەنىندە، ادامنىڭ كۇشى نيەتىندە. جۇرت تىلەگىن شوعىرلاندىرۋدا، الدىمەن، قۇن كوزقاراسى جونىندەگى ورتاق تانىمدى كۇشەيتۋ كەرەك. ۇلتتار ىنتىماعىن بۇلجىماي قورعاۋدا پارتيانىڭ ۇلت ساياساتىن جاپپاي دايەكتىلەندىرىپ، ۇلتتار ۇلى ىنتىماعى تۋىن بيىك ۇستاپ، ءار ۇلت بۇقاراسىن ۇلى وتانعا، جۇڭحۋا ۇلتىنا، جۇڭحۋا مادەنيەتىنە، جۇڭگو كوممۋنيستىك پارتياسىنا، جۇڭگوشا سوتسياليزمگە دەگەن ورتاق تانىمدى كۇشەيتۋگە، ۇلتتار ىنتىماعىن كوز قاراشىعىنداي قورعاۋعا، ءوز ءومىرىن قاستەرلەگەندەي قاستەرلەۋگە، اناردىڭ دانىندەي تىعىز ۇيىسۋعا جەتەلەۋ كەرەك. شينجياڭداعى ءار ۇلت بۇقاراسى «5 ورتاق تانىمدى» كۇشەيتكەندە عانا، بولشەكتەۋشىلىك يدەيالىق اعىمدارىن انىق پارىقتاي الادى جانە وعان سانالىلىقپەن قارسى تۇرا الادى؛ جۇڭحۋا ۇلتى ورتاق تۇلعاسى تانىمىن بەرىك ورناتا الادى؛ وتانىمىزدىڭ شۇعىلالى، ۇزاق تاريحقا يە مادەنيەتىن ءتىپتى دە قىزۋ ءسۇيىپ، ءارقانداي ادامنىڭ ونى بۇلدىرۋىنە جانە تاپتاۋىنا استە جول بەرمەيدى؛ پارتياعا شىن نيەتپەن ىلەسىپ، بار زەيىنىمەن جۇڭگوشا سوتسياليستىك شينجياڭ قۇرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا كۇش قوسا الادى.

  تەڭىزدىڭ ءدامى تامشىدان بەلگىلى، ءومىردىڭ قۇنى شەكسىزدىگىمەن بەلگىلى. ۇلتتار ىنتىماعىن قورعاپ، ارميا مەن ۇكىمەتتىڭ، ارميا مەن حالىقتىڭ، ساقشى مەن حالىقتىڭ، بيڭتۋان مەن جەرگىلىكتى ورىننىڭ ىنتىماعىن نىعايتىپ، ءار ۇلت حالقى وتاننىڭ تۇتاستىعىن، ۇلتتار ىنتىماعىن، قوعام ورنىقتىلىعىن بىرگە قورعايتىن قۇرىش قورعاندى بەكەمدەۋ كەرەك. باس شۋجي شي جينپيڭ «ۇلتتار ىنتىماعى − دامۋدىڭ، العا باسۋدىڭ ىرگە تاسى» دەپ قايتالاي باسا دارىپتەپ كەلدى. وسى ىرگە تاس ءاربىر ادامنىڭ سانالىلىقپەن قۇلشىنا ورناتۋىنا مۇقتاج. وسى ۇلى شاڭىراقتىڭ ءبىر مۇشەسى بولعان ءاربىر ادام ءوزىنىڭ ۇلتتار ىنتىماعىنداعى ىقپالىن تولىق ساۋلەلەندىرىپ، ءسوزى مەن ءىس - ارەكەتىنە كوڭىل ءبولىپ، تۇرمىستاعى، قىزمەتتەگى كىشى - گىرىم ىستەرگە نازار اۋدارىپ، وسى كىشى - گىرىم ىستەردەن سەنىم توپتاپ، ءتۇسىنىسۋدى تەرەڭدەتىپ، ىنتىماقتى نىعايتىپ، ۇلتتار ىنتىماعىن مىزعىماي بەكەمدەپ، ۇلتتار ىنتىماعىندا بارلىق ادام جاۋاپتى بولاتىن، بارلىق ادام ورتاق قۇراتىن، بارلىق ادام قاستەرلەيتىن، بارلىق ادام تەڭ يگىلىكتەنەتىن تاماشا جاعدايدى قۇلشىنا قالىپتاستىرۋى كەرەك.

  تۋىستار ارالاسقان سايىن جاقىن بولا تۇسەدى، سۇيىسپەنشىلىك بارعان سايىن تەرەڭدەي تۇسەدى. ۇلتتار ىنتىماعىن مىزعىماي بەكەمدەۋدە دانەكەر مەن تاسىلدەن ويداعىداي پايدالانىپ، توتەنشە ناقتى ىلگەرىلەتۋ كەرەك. قازىر اۆتونوميالى رايونىمىزدىڭ ۇلتتار ىنتىماعى قىزمەتى كوپتەگەن جاڭا جاعدايعا، جاڭا ماسەلەلەرگە ءدوپ كەلدى. وسى ماسەلەلەرگە توتەپ بەرۋدەگى جانە شەشۋدەگى ەڭ نەگىزدىك قىزمەتتەردىڭ ءبىرى − ءار ۇلت كادرلارى مەن بۇقاراسىنىڭ ءوزارا ارالاسۋىن بەلسەنە ىلگەرىلەتۋ. ءتۇسىنىسۋدى تەرەڭدەتىپ، اۋىس - كۇيىستى نىعايتىپ، ءوزارا سەنىمدىلىكتى جەبەگەندە عانا، ۇلتتار ىنتىماعىنىڭ نەگىزىن بەكەمدەۋگە بولادى. شينجياڭ جونىنەن «ۇلتتار ىنتىماعىنىڭ بەرەكەلى شاڭىراعى» قيمىلىن ورىستەتۋ − ۇلتتار ىنتىماعىن اناعۇرلىم بەكەمدەۋدىڭ پارمەندى تۇتقاسى ەسەپتەلەدى. الدا «ۇلتتار ىنتىماعىنىڭ بەرەكەلى شاڭىراعى» جانە ۇلتتار ىنتىماعى بىرلەسكەن دوستىق قيمىلىن ۇزدىكسىز ويداعىداي ورىستەتىپ، ۇلتتار ىنتىماعىن كۇندەلىكتى تۇرمىستا، قىزمەتتە، ۇيرەنۋدە تياناقتاندىرۋ، مەكتەپ تاربيەسىنىڭ، وتباسى تاربيەسىنىڭ، قوعامدىق تاربيەنىڭ ءارقايسى بۋىندارىنا، ءارقايسى جاقتارىنا ءسىڭىرۋ، ۇلتتار ىنتىماعىنىڭ بايشەشەگىن قۇلپىرتا بەرۋ كەرەك.قولداسىپ اسقاردان اسىپ، ەسكەكتى بىرگە ەسەيىك. شينجياڭ سىندى ۇمىتكە تولى وسى ىرىستى جەردە قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، ۇلتتار ىنتىماعىن ۇزبەي نىعايتىپ، ىنتىماقتى جەبەيتىن، بولشەكتەۋشىلىككە قارسى تۇراتىن قوعامدىق ورتاق تانىمدى تىنباي شوعىرلاندىرساق ءارى ونى ورنىقتىلىقتى ساقتاپ، دامۋدى جەبەۋدىڭ ءىس جۇزىندىك ارەكەتىنە اينالدىرساق، ۇلتتار ىنتىماعىنىڭ گۇلىن تيانشان الابىندا جايقالتىپ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋدى بەرىك نەگىزبەن جانە سارقىلماس قوزعاۋشى كۇشپەن قامداي الامىز.

  كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار