اۆتونوميالى رايونىمىز ءادىس-شارالاردى كۇشەيتىپ، ەكولوگيالىق ورتا قۇرىلىسىن جەدەلدەتتى
2017.03.20 15:12 كەلۋ قاينارى : شينجياڭ گازەتى
ناۋرىز ايىنداعى ۇرىمجىدە قار ءالى تولىق ەري قويماسادا، قالا تۇرعىندارىنىڭ شاعىن باقشالارعا كىرىپ، سەرۋەندەۋ، دەنە شىنىقتىرۋ ىنتاسى تيتتەي دە باسەڭدەمەگەن. بيىل مامىر ايىنان باستاپ ءۇرىمجى قالاسىنىڭ ەكونوميكالىق - تەحنيكالىق اشۋ رايونى (توۋتۇنحى رايونى) 20دان استام شاعىن باقشا، كوگالدى ءوڭىر قۇرادى دەگەن حابار قالا تۇرعىندارىنىڭ كوڭىلىن توعايتتى.
ۇعىسۋعا قاراعاندا، 2016 - جىلى ءۇرىمجى قالاسى شاعىن باقشالار مەن كوشە بويىنداعى كوگالدى القاپتاردان 100دەن استامىن تىڭنان قۇرىپ، جاڭادان ارتقان كوگالدى القاپتىڭ كولەمىن 30 مىڭ مۋعا، جەتىلدىرگەن ورمان كولەمىن 20 مىڭ مۋعا جەتكىزىپ، ەكولوگيالىق ورتانى اناعۇرلىم كەمەلدەندىرىپ، ساپاسىن جوعارىلاتقان. سونىمەن بىرگە، جول جاعالاۋلارىنداعى، كوشە بويلارىنداعى پايدالانۋعا بولاتىن كەڭىستىكتەر مەن بوس جەرلەرگە وزگەرىس ەنگىزىپ، تۇرعىنداردىڭ دەمالۋ، سەيىلدەۋ، دەنە شىنىقتىرۋ قاجەتىن قاناعاتتاندىرعان.
جالپى حالىققا باقىت باعىشتاۋدا تاماشا ەكولوگيالىق ورتا بولۋ كەرەك. اۆتونوميالى رايوننىڭ پارتيا 9 - كەزەكتى قۇرىلتايىندا «ەكولوگيالىق ورتانى جاقسى قورعاۋدى» بۇدان كەيىنگى 5 جىلدىق كۇرەس نىساناسىنىڭ ءبىر مازمۇنى رەتىندە تۇراقتاندىرىپ، ەكولوگيالىق ورتانى قورعاۋدى باستى ورىنعا قويۋدان جازباۋدى، ەكولوگيالىق ورتانى قورعاۋ − وندىرگىش كۇشتى قورعاۋ، تۇنىق وزەن، جاسىل تاۋدىڭ ءوزى بايلىق دەگەن يدەيانى بەرىك ورناتۋدى، تاۋ - وزەندەرى كورىكتى، مادەنيەت مازمۇنى تەرەڭ، جاراسىمدى، قونىسقا جايلى، جاسىل، تومەن كومىرتەكتى، ەكولوگياسى وركەنيەتتى شينجياڭ قۇرۋدى العا قويدى.
2016 - جىلى اۆتونوميالى رايوننىڭ قورشاعان ورتانى قورعاۋ قىزمەتى شينجياڭ قىزمەتىنىڭ باس نىساناسىن توڭىرەكتەي، قورشاعان ورتانىڭ ساپاسىن جاقسارتۋدى وزەك ەتىپ، قورشاعان ورتانى قورعاۋدىڭ تەبىنىن اناعۇرلىم ارتتىردى. جوعارى دەڭگەيدە جوبالاۋدى كۇشەيتىپ، ءتۇيىندى نىسانداردى قورشاعان ورتا جاعىنان باعالاۋ مەن ءتۇيىندى جۇرگىزىلگەن نىسانداردى قورشاعان ورتا جاعىنان تەكسەرىپ بەكىتۋدى جەدەلدەتىپ، قورشاعان ورتانى باقىلاۋ - تەكسەرۋ، زاڭداردى اتقارۋ مەحانيزمىن كەمەلدەندىردى. قالا، اۋىلدىڭ قورشاعان ورتا ساپاسىن جوعارىلاتىپ، اۆتونوميالى رايون دارەجەلى 2 تابيعي قورىقتىڭ دارەجەسىن مەملەكەت دارەجەلى قورىققا كوتەرۋ قىزمەتىن ورىندادى؛ ورگانيزمدەردىڭ الۋان تۇرلىلىك كۇيىن قورعاۋدى كۇشەيتىپ، «شينجياڭنىڭ ورگانيزىمدەردىڭ الۋان تۇرلىلىك كۇيىن قورعاۋ ستراتەگياسى جانە اتقارۋ جوسپارىنا (2015 − 2030)» وزگەرىس ەنگىزىپ كەمەلدەندىردى. ەكولوگيالىق وركەنيەتتەن ۇلگى كورسەتۋ رايونىن قۇرۋدى بەلسەنە جۇرگىزىپ، قازىرگە دەيىن مەملەكەت دارەجەلى ءبىر ەكولوگيالىق اۋدان (رايون)، 35 ەكولوگيالىق اۋىل - قالاشىق، اۆتونوميالى رايون دارەجەلى 11 ەكولوگيالىق اۋدان (رايون)، 162 ەكولوگيالىق اۋىل - قالاشىق قۇردى، ىلە قازاق اۆتونوميالى وبلىسىنىڭ وبلىسقا توتە قاراستى ورىندارى، تارباعاتاي ايماعى، التاي ايماعى بەلسەنە سەلبەسىپ، مەملەكەت دارەجەلى ەكولوگيالىق وركەنيەتتەن ۇلگى كورسەتۋ رايونىن قۇرۋ قىزمەتىن ورىستەتتى. اتموسفەرا، سۋ، توپىراق قاتارلى جاقتارعا ساياتىن قورشاعان ورتانىڭ لاستانۋىنان ساقتانۋ، وڭاۋ قىزمەتىن ويداعىداي ىستەۋدە اتموسفەرانىڭ لاستانۋىنان ساقتانۋ، وڭاۋدى كۇشەيتىپ، اۆتونوميالى رايوننىڭ اتموسفەرانىڭ اۋىر لاستانۋىنا توتەپ بەرۋ جوباسىن جاسادى، ءۇرىمجى − سانجى − شىحىزى ءوڭىرى مەن كۇيتۇن − مايتاۋ − ءۇرىمجى ءوڭىرىنىڭ قورشاعان ورتاسىنىڭ لاستانۋىنان ورتاق ساقتانۋ، ورتاق وڭاۋ قىزمەتىن مىعىم ىلگەرىلەتتى؛ سۋدىڭ لاستانۋىنىڭ الدىن الۋ، وڭاۋ قىزمەتىن ىشكەرىلەي جۇرگىزىپ، ءتۇيىندى سۋ اعارلارىنىڭ لاستانۋىنىڭ الدىن الۋ، وڭاۋعا ساياتىن «13 - بەسجىلدىق» جوباسىن جاساپ، سۋ ورتاسىنىڭ ساپاسىنا كەشەندى تالداۋ جاساۋ جانە الدىن الا مالىمەت بەرۋ مەحانيزمىن باستاپقى قادامدا ورناتتى.
2017 - جىلى 1 - قاڭتاردان باستاپ «شينجياڭ ۇيعۇر اۆتونوميالى رايونىنىڭ قورشاعان ورتانى قورعاۋ ەرەجەسى» رەسمي اتقارىلدى، اۆتونوميالى رايون قورشاعان ورتانى قورعاۋ تانىمىن كۇشەيتىپ، قورشاعان ورتانى قورعاۋعا ساياتىن جوعارى دەڭگەيدەگى كەمەلدى جوسپار جاساپ، ءتۇرلى قامتاماسىزداندىرۋ شارالارىن جاپپاي كۇشەيتەدى، اتموسفەرانىڭ لاستانۋىنىڭ الدىن الۋ، وڭاۋدى اناعۇرلىم نىعايتىپ، ءتۇيىندى وڭىردە ورتاق ساقتانۋ، ورتاق وڭاۋدى مىقتى يگەرەدى.
اۆتونوميالى رايوندىق قورشاعان ورتانى قورعاۋ مەڭگەرمەسى پارتيا باسشىلىق گرۋپپاسىنىڭ ورىنباسار شۋجيى، مەڭگەرمە باستىعى قادەن كابەن ۇلى: بيىل قورشاعان ورتانى باعالاۋ ءتۇزىمى رەفورماسىن ءۇرتىس ىلگەرىلەتىپ، «3 شەك، ءبىر تىزىمدىك» سىندى قاتاڭ شەكتەمەنى كۇشەيتىپ، نىساندارعا قورشاعان ورتا جاعىنان تەكسەرىپ بەكىتۋ، جوبالاردى قورشاعان ورتا جاعىنان باعالاۋ، جۇرگىزىلگەن نىساندارعا قورشاعان ورتا جاعىنان باسقارۋ، وڭىرلەردىڭ قورشاعان ورتا ساپاسىن كوپ بولىپ جاقسارتۋ مەحانيزمىن ورناتامىز، اتقارىلعان نىسانداردىڭ جالپى بارىسىن باسقارۋدى قاتاڭ تياناقتاندىرىپ، ينفورماتسيالاردى اشىق ۇستاۋ مەن بۇقارانىڭ ارالاسۋىن تەرەڭدەتەمىز، قۇرىلىس نىساندارىن جۇرگىزۋدە قورشاعان ورتانى قورعاۋعا قاتىستى عىلىم - تەحنيكالىق ۇگىتتى جۇرگىزىپ، بۇقارانىڭ قورشاعان ورتا ۇقىق - مۇددەسىن شىنايى قورعايمىز، - دەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
