قۇلشىنا العا تارتىپ، جۇڭگوشا سوتسياليستىك شينجياڭ قۇرايىق
2017.03.20 15:12 كەلۋ قاينارى : شينجياڭ گازەتى
− مەملەكەتتىك 12 - كەزەكتى حالىق قۇرىلتايىنىڭ 5 - ءماجىلىسىنىڭ جابىلۋىنا وراي
15 - ناۋرىز تۇستەن بۇرىن مەملەكەتتىك 12 - كەزەكتى حالىق قۇرىلتايىنىڭ 5 -ءماجىلىسى حالىق سارايىندا جابىلدى. 10 كۇننەن بەرى مەملەكەتتىك حالىق قۇرىلتايىنىڭ 2800دەن استام ۋاكىلى مەملەكەت ىستەرىنىڭ دامۋى، حالىقتىڭ تۇرمىسى ءۇشىن، ۇسىنىس بەرىپ، وتاننىڭ قۇدىرەتتەنۋى، حالىقتىڭ بايۋى ءۇشىن، ءادىس - شارالاردى العا قويىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا كۇش توپتادى.
بيىل پارتيا 19 - قۇرىلتايى اشىلاتىن جىل، وسى كەزەڭدە اشىلعان ەكى ءماجىلىس ەرەكشە مانگە يە. شينجياڭ ۋاكىلدەر ۇيىرمەسىندەگى 55 ۋاكىل اۆتونوميالى رايونىمىزداعى 23 ميلليون ءار ۇلت حالقىنىڭ ءۇمىتىن ارقالاپ، بۇكىل ىنتا - پەيىلىمەن بورىشتارىن وتەدى. قوعام ورنىقتىلىعى مەن باياندى تىنىشتىقتى باتىل قورعاۋدى توڭىرەكتەي وتىرىپ، دامۋدىڭ جاڭا ۇستانىمىن شىنايى دايەكتىلەندىرۋ، حالىق تۇرمىسىن بار كۇشپەن قامتاماسىزداندىرۋدى جانە جاقسارتۋدى توڭىرەكتەي وتىرىپ، ۇلتتار ىنتىماعى، العاباسارلىعى ىستەرىن ۇزدىكسىز نىعايتۋ نەگىزىندە ۋاكىلدەر باياندامالاردى 10 كۇن مۇقيات تالقىلاپ، بەلسەنە ۇسىنىس - پىكىر بەرىپ، زور ناتيجەگە قول جەتكىزدى.
بۇگىن ۋاكىلدەر حالىق سارايىنان «جۇڭگوشا سوتسياليستىك شينجياڭ قۇرامىز» دەگەن بەرىك سەنىممەن شىقتى. 5 جىلدان بەرى، اۆتونوميالى رايونىمىزداعى مەملەكەتتىك 12 - كەزەكتى حالىق قۇرىلتايىنىڭ ۋاكىلدەرى ىشكەرىلەي تەكسەرۋ - زەرتتەۋ جۇرگىزىپ، حالىق جۇرتشىلىعىنىڭ اڭىسىن دەن قويا تىڭداپ، تالقى بارىسىندا وي قورىتىپ، شەشىم جاساۋ بارىسىندا حالىق تىلەگىن ايگىلەدى.
ءدال وسى ساتتە ءاربىر ۋاكىلدىڭ، ءاربىر شينجياڭدىقتىڭ كورىكتى بولاشاققا دەگەن ءۇمىتى ارتا ءتۇستى. تىڭ باستامادا ءبىز ءتىپتى دە جاڭا، ءتىپتى دە ورەلى، ءتىپتى دە تاماشا نىساناعا جەتۋگە تالپىنامىز.
ۋاكىل شى جيانيۇڭ: باس شۋجي شي جينپيڭمەن بىرگە وتىرىپ مەملەكەتتىڭ زور ىستەرىن تالقىلاعانىمدى ءومىر بويى ۇمىتپايمىن، باس شۋجيدىڭ شىنايى ءۇمىتى مەن تاپسىرماسى كورىكتى شينجياڭ قۇرۋىمىزدىڭ عىلمي باعدارلاماسى جانە ءتۇبىرلى قاعيداسى، - دەدى.
«5 جىلدىق مىندەت وتەۋ بارىسىندا حالىق قۇرىلتايى ۋاكىلىنىڭ مىندەتىنىڭ داڭقتى، جاۋاپكەرشىلىگىنىڭ كۇشتى ەكەنىن تەرەڭ سەزىندىم»، - دەدى ۋاكىل رايحانگۇل يمىر جابىلۋ سالتىنا قاتىناسقان كەزدە ەرەكشە تەبىرەنە. ول: نەگىزگى ساتى كادرى بولعاندىقتان، مەن بار كۇشىم مەن ىنتامدى نەگىزگى ساتىداعى بۇقاراعا قىزمەت كورسەتۋگە ارنايمىن، - دەدى.
ماينۇر نياز ءۇرتىس 3 كەزەك مەملەكەتتىك حالىق قۇرىلتايىنىڭ ۋاكىلى بولدى. ول: 15 جىلدان بەرى ۇلى وتانىمىزدىڭ گۇلدەنىپ - كوركەيگەنىنە كۋا بولدىم. كوپشىلىكپەن بىرگە ۇلى وتانىمىزدى، جۇڭگوشا سوتسياليستىك شينجياڭدى اناعۇرلىم كورىكتى ەتىپ قۇرۋعا قۇلشىنامىن، - دەدى.
ۋاكىل گو ليانشان: ورتالىقتىڭ شەشىمدەرى مەن ورنالاستىرۋلارىن مۇقيات دايەكتىلەندىرىپ، اۆتونوميالى رايوندىق پارتكوم مەن حالىق ۇكىمەتىنىڭ لاڭكەستىككە قارسى تۇرىپ، ورنىقتىلىقتى قورعاۋعا قاتىستى ءادىس - شارالارىن تياناقتاندىرىپ، قوعامنىڭ جاراسىمدىلىعى مەن ورنىقتىلىعىن باتىل قورعايمىز، - دەدى.
ۋاكىل مۇحتابار سادىق: ءار ۇلت حالقىنىڭ جاپپاي دوڭگەلەك داۋلەتتى قوعام قۇرۋ بارىسىندا ورتاق گۇلدەنىپ - كوركەيۋىن جۇزەگە اسىرۋ − ۇلتتار ىنتىماعىن بەكەمدەۋدىڭ نىساناسى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ەلىمىز حالقىنىڭ بار كۇشپەن قولداۋىندا، اۆتونوميالى رايوندىق پارتكومنىڭ ءار ۇلت كادرلارى مەن بۇقارانى تىعىز ىنتىماقتاستىرىپ، ءار ۇلت حالقىنىڭ بەرەكە - بىرلىگىن، ءبىر نيەت، ءبىر تىلەكتە بولۋىن، جاراسىمدى دامۋىن جۇزەگە اسىراتىندىعىنا، جۇڭحۋا ۇلتى ۇلى شاڭىراعىنىڭ ءتىپتى دە باقىتتى بولاتىندىعىنا كامىل سەنەمىن، - دەدى.
ارمانىڭ قانشا اسقاق بولسا، سونشالىق بيىككە شىعا الاسىڭ؛ كوز اياڭ قانشا كەڭ بولسا، دامۋدىڭ ءورىسى سونشا كەڭ بولادى. ۋاكىل ياسىن تۇرسىننىڭ مىندەت وتەگەن 5 جىلى − ونىڭ ءبىر ستۋدەنت قىستاق كادرىنان ورىنباسار اۋىل باستىعىنا وسكەن 5 جىلى بولدى. ول: باس شۋجي شي جينپيڭ شينجياڭ ۋاكىلدەر ۇيىرمەسىنىڭ تالقىسىنا قاتىناسقاندا كورىكتى شينجياڭنىڭ دامۋ بولاشاعىنا باعدار كورسەتتى. كورىكتى بولاشاق قۇرۋدىڭ ۇلى جوسپارىن جاساۋ ءبىزدىڭ قولىمىزدا. ءبىز باس شۋجيدىڭ تاپسىرماسىن ەستەن شىعارماي، اۋىلداستاردى باستاپ، كەدەيلىكتەن قۇتىلدىرۋدان قامال الۋدىڭ جەڭىسىنە قول جەتكىزىپ، نۇرلى بولاشاققا ۇمتىلامىز، - دەدى.
جاڭا تۇقىمنان جاڭا ءونىم الۋعا بولادى. ءبىز كۇشتى شوعىرلاندىرىپ، رۋحتى سەرپىلتىپ، جۇڭحۋا ۇلتىنىڭ ۇلى گۇلدەنۋىندەي جۇڭگو ارمانىن، جۇڭگوشا سوتسياليستىك شينجياڭ قۇرۋدى بەتكە الىپ، قۇلشىنا العا تارتايىق!
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
