شي جينپيڭ ا ق ش - تىڭ مەملەكەت ىستەر حاتشىسى تيللەرسونمەن كەزدەستى
2017.03.23 09:59 كەلۋ قاينارى : شينجياڭ گازەتى
شينحۋا اگەنتتىگىنىڭ 19 - ناۋرىزدا بەيجيڭنەن بەرگەن حابارى. مەملەكەت ءتوراعاسى شي جينپيڭ 19 - ناۋرىز كۇنى حالىق سارايىندا ا ق ش - تىڭ مەملەكەت ىستەر حاتشىسى تيللەرسونمەن كەزدەستى.
شي جينپيڭ مىنالاردى اتاپ كورسەتتى: كەزەكتە جۇڭگو - ا ق ش قاتىناسىنىڭ دامۋى ماڭىزدى ورايعا ءدوپ كەلۋدە. مەن ترامپ زۇڭتۇڭمەن تەلەفون جانە حات - حابار ارقىلى سويلەسىپ تۇرامىن. ءبىز ەكەۋىمىز دە جۇڭگو - ا ق ش ەلدەرى جاقسى سەلبەستىك سەرىكتەرى بولا الادى دەپ قارايمىز. ەكى جاق وسى ەڭ ۇلكەن ورتاقتىقتان جازباسا بولعانى، جۇڭگو - ا ق ش قاتىناسى دۇرىس باعىتتا داميدى. ەكى جاقتىڭ ترامپ زۇڭتۇڭ ەكەۋىمىز كەلىسكەن ورتاق تانىم جانە رۋح بويىنشا، جوعارى دارەجەلى باسشىلار جانە ءار دارەجەدەگىلەر اراسىنداعى بارىس - كەلىستى كۇشەيتىپ، ەكى جاقتى، وڭىرلىك، جەر شارىلىق ايانىڭ ءارقايسى سالالارىنداعى سەلبەستىكتى كەڭەيتىپ، سەزىمتال ماسەلەلەردى لايىقتى ءبىر جايلى ەتىپ جانە يگەرىپ، جۇڭگو - ا ق ش قاتىناسىنىڭ جاڭا تۇرعىدا اقاۋسىز، ورنىقتى ىلگەرىلەپ دامۋىن جەبەۋىن ءۇمىت ەتەمىن.
شي جينپيڭ بىلاي دەپ باسا دارىپتەدى: جۇڭگو - ا ق ش قاتىناسى ەكى ەل ءۇشىن دە، دۇنيە ءجۇزى ءۇشىن دە توتەنشە ماڭىزدى. ەكى جاق تاريحقا، ۇرپاقتارعا جاۋاپكەرلىك رۋحىمەن جۇڭگو - ا ق ش قاتىناسىنىڭ دامۋ باعىتىن يگەرۋى كەرەك. ستراتەگيالىق ءوزارا سەنىمدىلىكتى كۇشەيتىپ، ءوزارا تانىمدى ارتتىرۋ كەرەك. جۇڭگو مەن ا ق ش - تىڭ ورتاق مۇددەلەرى الاۋىزدىقتان الدەقايدا ۇستەم، سەلبەستىك ەكى جاقتىڭ بىردەن - ءبىر دۇرىس تالعامى. جۇڭگو - ا ق ش قاتىناسىنا ۇزاق ۋاقىتتىق جانە ستراتەگيالىق تۇرعىدان كوز جىبەرىپ، سەلبەستىك اياسىن كەڭەيتىپ، ءوزارا تيىمدىلىك جەتكىزىپ، ورتاق يگىلىككە كەنەلۋدى جۇزەگە اسىرۋ كەرەك. وڭىرلىك ۇرىمتال ماسەلەلەر جونىندەگى پىكىرلەستىك پەن سايكەستىكتى كۇشەيتۋ كەرەك. ءبىر - ءبىرىنىڭ وزەكتى مۇددەسى مەن كەلەلى ىقىلاسىنا قۇرمەت ەتىپ، جۇڭگو - ا ق ش قاتىناسى جالپى جاعدايىنىڭ ورنىقتىلىعىن قورعاۋ كەرەك. ەكى ەل حالىقتارىن دوستىق بارىس - كەلىس جاساۋعا شابىتتاندىرىپ، جۇڭگو - ا ق ش قاتىناسىنىڭ قوعامدىق نەگىزىن بەكەمدەۋ كەرەك.
تيللەرسون ترامپ زۇڭتۇڭنىڭ ءتوراعا شي جينپيڭگە جولداعان سالەمىن جەتكىزىپ بىلاي دەدى: «ترامپ زۇڭتۇڭ ءوزىنىڭ ءتوراعا شي جينپيڭمەن بايلانىسىن قاتتى قاستەرلەيدى، ەكى ەل باسشىلارىنىڭ ەرتەرەك كەزدەسۋىن اسىعا كۇتەدى ءارى ورايى كەلگەندە جۇڭگوعا ساپارلاي كەلىپ، ا ق ش - جۇڭگو قارىم - قاتىناسىنىڭ بولاشاقتاعى 50 جىلدىق دامۋ باعىتىن تۇراقتاندىرعىسى كەلەدى. ا ق ش جاق جۇڭگوعا قاراتقان قاتىناستى قاقتىعىس تۋدىرماۋ، قارسى بولماۋ، ءوزارا قۇرمەتتەۋ، سەلبەسىپ ورتاق يگىلىككە كەنەلۋ رۋحى بويىنشا ىلگەرىلەتىپ، ا ق ش پەن جۇڭگونىڭ ءوزارا تۇسىنىستىگىن ۇزدىكسىز تەرەڭدەتىپ، ا ق ش پەن جۇڭگونىڭ سايكەستىگىن، سەلبەستىگىن كۇشەيتىپ، حالىقارالىق قوعام ءدوپ كەلگەن سىناقتارعا بىرگە قارسى تۇرعىسى كەلەدى».
شي جينپيڭ تيللەرسوننان ءوزىنىڭ ترامپقا دەگەن سالەمىن جەتكىزۋدى ءوتىندى ءارى ترامپ زۇڭتۇڭنىڭ جۇڭگوعا ساپارلاي كەلۋىن قارسى الاتىنىن ءبىلدىردى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
