شي جينپيڭ يزرايلدىڭ زۇڭليى نيتانياحۋمەن كەزدەستى
2017.03.23 10:03 كەلۋ قاينارى : شينجياڭ گازەتى
شينحۋا اگەنتتىگىنىڭ 21 - ناۋرىزدا بەيجيڭنەن بەرگەن حابارى. مەملەكەت ءتوراعاسى شي جينپيڭ 21 - ناۋرىزدا دياۋيۇيتاي مەملەكەتتىك قوناق ۇيىندە يزرايلدىڭ زۇڭليى نيتانياحۋمەن كەزدەسىپ، ەكى جاقتىڭ جاڭالىق اشۋداعى جالپى بەتتىك سەرىكتەستىك قاتىناسىن قۇراتىنىن جاريالادى.
شي جينپيڭ مىنالاردى اتاپ كورسەتتى: جۇڭگو - يزرايل ديپلوماتيالىق قاتىناس ورناتقان 25 جىلدان بەرى، ەكى جاقتىڭ قاتىناسى جالپى جاقتان ورنىقتى، اقاۋسىز دامۋ قالپىن ساقتادى. ەكى ەلدىڭ جوعارى دارەجەلى باسشىلارى ءجيى ساپارلاپ، ناقتى سەلبەستىك ورنىقتى ىلگەرىلەپ، گۋمانيتارلىق بارىس - كەلىس كۇن سايىن قويۋلادى. اسىرەسە، جۋىق جىلداردان بەرى، جۇڭگو مەن يزرايلدىڭ جاڭالىق اشۋداعى سەلبەستىگى ەكى ەل قاتىناسىنىڭ ءۇرتىس جاقسى دامۋىن زور كۇشپەن جەبەدى. ەكى ەل ورناتاتىن جاڭالىق اشۋداعى جالپى بەتتىك سەرىكتەستىك قاتىناسى جۇڭگو مەن يزرايلدىڭ جاڭالىق اشۋداعى سەلبەستىگىن ىشكەرىلەي جەبەپ، باسىمدىلىق ارقىلى ءبىرىن - ءبىرى تولىقتىرۋدى اناعۇرلىم جاقسى جۇزەگە اسىرىپ، ەكى ەل حالقىنا اناعۇرلىم كوپ ناقتى تيىمدىلىكتەر الا كەلەدى. ەكى جاق ساياسي تۇسىنىستىكتى ارتتىرىپ، ءار سالا، ءار جىكتەگىلەرىنىڭ اراسىنداعى اۋىس - كۇيىستى نىعايتىپ، ءوزارا تۇسىنىستىك پەن سەنىمدىلىكتى كۇشەيتۋى كەرەك؛ دامۋ ستراتەگياسىنداعى ۇشتاسۋدى كۇشەيتىپ، «ءبىر بەلدەۋ، ءبىر جولدى» بىرگە قۇرۋ اياسىندا ماڭىزدى سەلبەستىك نىساندارىن ورنىقتى ىلگەرىلەتىپ، عىلىم - تەحنيكادا جاڭالىق اشۋ، سۋ بايلىعى، اۋىل شارۋاشىلىعى، ەمدەۋ - دەنساۋلىق ساقتاۋ، تازا ەنەرگيا سياقتى سالالارداعى سەلبەستىكتى ءتۇيىندى تۇردە كۇشەيتىپ، ەكى ەلدىڭ ناقتى سەلبەستىگىن ءار باعىتتا كەڭەيتۋ كەرەك؛ ەكى ەل قاتىناسىنداعى حالىق تىلەگى نەگىزىن بەكەمدەپ، وقۋ - اعارتۋ، مادەنيەت اۋىس - كۇيىسى مەن سەلبەستىگىن كۇشەيتۋ كەرەك.
شي جينپيڭ مىنالاردى باسا دارىپتەدى: جۇڭگو مەن ورتا شىعىس ەلدەرىنىڭ اراسىنداعى بايلانىس بارعان سايىن قويۋلاسۋدا. بەيبىت، ورنىقتى، دامىعان ورتا شىعىس جۇڭگو مەن يزرايلدى قامتىعان ءار جاقتاردىڭ ورتاق مۇددەسىنە ۇيلەسەدى. يزرايل - پالەستينا ماسەلەسى ورتا شىعىس جاعدايى جونىنەن باستان - اياق ۇزاق ۋاقتتىق ءارى تەرەڭ ىقپالعا يە، جۇڭگو جاق يزرايلدىڭ يزرايل - پالەستينا ماسەلەسىن جالعاستى «ەكى ەل جوباسى» نەگىزىندە ءبىر جاقتى ەتۋىن قۇپتايدى. يزرايل - پالەستينا ەلدەرىنىڭ تاتۋ كورشى بولىپ، بەيبىت قاتار تۇرۋىن ەرتەرەك جۇزەگە اسىرۋ ءبىر جاعىنان، يزرايل مەن پالەستينانىڭ، ءتىپتى، تۇتاس ورتا شىعىس ءوڭىرىنىڭ باقىتىنا سايادى، حالىقارالىق قوعامنىڭ كۇتكەنى دە وسى.
نيتانياحۋ بىلاي دەدى: وسى رەت جۇڭگوعا ساپارلاۋىم ەرەكشە تابىستى بولدى. يزرايل مەن جۇڭگونىڭ دوستىق قاتىناسىنىڭ تاريحى ۇزاق. يزرايل جۇڭگونىڭ تاريحىنا، دامۋ جەتىستىكتەرىنە جانە كەزەكتەگى حالىقارالىق قوعامداعى ماڭىزدى رولىنا ەرەك سۇيىنەدى. يزرايل ءبىر جۇڭگو ساياساتىندا جالعاستى تاباندى بولىپ، وسى رەتكى جۇڭگو - يزرايل جاڭالىق اشۋداعى جالپى بەتتىك سەرىكتەستىك قاتىناسىن ورناتۋدى وراي ەتىپ، ەكى ەلدىڭ عىلىم - تەحنيكاداعى جاڭالىق اشۋ باسىمدىلىعىن تولىق ساۋلەلەندىرىپ، ەكى جاقتىڭ تازا ەنەرگيا، اۋىل شارۋاشىلىعى، قارجى قوسۋ، فينانس، ەمدەۋدە قىزمەت كورسەتۋ سياقتى سالالارداعى تىعىز سەلبەستىگىن تەرەڭدەتىپ، ەكى ەل حالقىنا باقىت جاراتۋدى ءارى دۇنيە ءجۇزىنىڭ دامىپ، گۇلدەنۋىن جەبەۋدى ءۇمىت ەتەدى. يزرايلدىڭ «ءبىر بەلدەۋ، ءبىر جول» اياسىنداعى نەگىزدىك قۇرىلعى سياقتى سەلبەستىكتەرگە بەلسەندىلىكپەن قاتىناسقىسى كەلەدى. يزرايل جۇڭگونىڭ ورتا شىعىس ىستەرىندە اناعۇرلىم زور رول اتقارۋىن ءۇمىت ەتەدى.
مەملەكەتتىك كەڭەستىك ورىنباسار زۇڭليى ليۋ ياندۇڭ كەزدەسۋدە بىرگە بولدى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
