اۆتونوميالى رايوندىق ساياسي كەڭەستىڭ ورگانى دوستىق قيمىل وتكىزدى
ۇلتتار ىنتىماعىنىڭ بەرەكەلى شاڭىراعىندا ناۋرىز مەرەكەسىن قۋانىشپەن بىرگە تويلادى
2017.03.23 10:05 كەلۋ قاينارى : شينجياڭ گازەتى
ءتىلشىمىز لي ياڭ 21 - ناۋرىزدا ۇرىمجىدەن حابارلايدى. اۆتونوميالى رايوندىق ساياسي كەڭەستىڭ ورگانى 21 - ناۋرىزدا دوستىق قيمىل وتكىزدى. اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ۇلى ورگانداعى ءار ۇلت كادرلارىمەن، جۇمىسشى - قىزمەتشىلەرىمەن، پەنسياعا، دەمالىسقا شىققان ساقا باسشىلارمەن، «ۇلتتار ىنتىماعىنىڭ بەرەكەلى شاڭىراعى» قيمىلى بويىنشا جۇپ قۇراپ، تۋىس بولعان وتباسىلارمەن ءبىر اراعا باس قوسىپ، كادرلاردىڭ، جۇمىسشى - قىزمەتشىلەردىڭ وزدەرى دايىنداعان ادەبيەت - كوركەمونەر نومىرلەرىن بىرگە كورىپ، ۇلتتار ىنتىماعى جىرىن بىرگە شىرقاپ، ۇلتتار ىنتىماعىن تىلگە تيەك ەتىپ، ناۋرىز مەرەكەسىن قۋانىشپەن بىرگە تويلادى.
اۆتونوميالى رايوندىق ساياسي كەڭەستىڭ ورگانى حانزۋ، ۇيعۇر، قازاق، حۇيزۋ، موڭعۇل، سىبە، قىرعىز، وزبەك، مانجۋ، تۋجيا، داعۇر سياقتى 11 ۇلتتىڭ كادرلارىنان، جۇمىسشى - قىزمەتشىلەرىنەن ۇيىمداسقان ۇلكەن شاڭىراق. تالاي جىلدان بەرى، ورگانداعى ءار ۇلت كادرلارى، جۇمىسشى - قىزمەتشىلەرى قىزمەتتە، ۇيرەنۋدە، تۇرمىستا ۇلتتار ىنتىماعى − ءار ۇلت حالقىنىڭ جان تامىرى دەيتىن ۇستانىمدى باستان - اياق ءسىڭىرىپ، باستان - اياق اناردىڭ دانىندەي تىعىز ۇيىستى، كوپشىلىك ىنتىماقتى، جاراسىمدى بولىپ، ءبىر - بىرىنە قارايلاسىپ، ۇلتتار ىنتىماعىن بارىنشا نىعايتتى.
دوستىق قيمىلدا ساياسي كەڭەستىڭ ورگانىنداعى كادرلار كوپشىلىككە ناۋرىز مەرەكەسىنىڭ ءمان - جايىن ءتۇسىندىرىپ بەردى. قۇلاق قۇرىشىن قاندىرارلىق اسەرلى اڭگىمەلەر ءار ۇلت كادرلارىنىڭ، جۇمىسشى - قىزمەتشىلەرىنىڭ كوكتەمگى كوڭىلدى مەرەكەگە دەگەن تۇسىنىگىن ونان سايىن تەرەڭدەتتى.
«تارىم وزەنى، انا وزەن ...» دوستىق قيمىلدىڭ ادەبيەت - كوركەمونەر ويىندارى قۇلاقتان كىرىپ بويدى الار «تارىم وزەنى» اتتى اسەم انمەن شىمىلدىعىن اشتى. بۋى بۇرقىراعان ناۋرىز كوجە مەن ءيىسى مۇرىندى جاراتىن سارى پالاۋ ۇستەلگە قويىلدى! نۇرلان ءابىلماجىن ۇلى سياقتى باسشىلار مەن ورگانداعى ءار ۇلت كادرلارى، جۇمىسشى - قىزمەتشىلەرى، سونداي - اق جۇپ قۇراپ، تۋىس بولعان وتباسىلار ءبىر اراعا باس قوسىپ، ءبىر قازاننان اس ءىشىپ، بەرەكە - بىرلىكتى تىلگە تيەك ەتتى. كوپشىلىك ءبىر جاعىنان، تارتىمدى ويىن نومىرلەرىن تاماشالاپ، ەندى ءبىر جاعىنان، كوڭىلدى بەينەدە اڭگىمە دۇكەن قۇردى، قۋانىش پەن تاتۋلىق لەبى ەستى.
نۇرلان ءابىلماجىن ۇلى بىرگە وتىرعان ديار قۇماش ۇلى، قىزايجان سەيىلقوجا ۇلى، مامەتاسەن توقتالى قاتارلى ساياسي كەڭەستەن پەنسياعا، دەمالىسقا شىققان ساقا باسشىلارمەن بەرەكە - بىرلىكتى تىلگە تيەك ەتىپ، قىزمەت تۋرالى اڭگىمەلەستى. ول بىلاي دەدى: اۆتونوميالى رايوندىق ساياسي كەڭەس باس شۋجي شي جينپيڭنىڭ شينجياڭ ۋاكىلدەر ۇيىرمەسىنىڭ تالقىسىنا قاتىناسقان كەزدە سويلەگەن ماڭىزدى ءسوزىن ىشكەرىلەي ۇيرەنۋدى قازىرگى جانە بۇدان بىلايعى ءبىر مەزگىلدەگى كەلەلى ساياسي مىندەتكە بالايدى، بارلىق كادرلار، جۇمىسشى - قىزمەتشىلەر فورماسى ءار الۋان ۇيرەنۋ قيمىلدارىن قانات جايدىرىپ، باس شۋجيدىڭ ماڭىزدى ءسوزىنىڭ ۇيتقىلىق ءمانىن ىشكەرىلەي ۇيرەنىپ، تەرەڭ باعامداۋدا. ءبىز، ءسوز جوق، اۆتونوميالى رايوندىق پارتكومنىڭ ورنالاستىرۋلارىن، تالاپتارىن باتىل، بۇلجىتپاي دايەكتى تياناقتاندىرىپ، ۇلتتار ىنتىماعى دوستىق قيمىلىن ۇزدىكسىز تىڭعىلىقتى ورىستەتىپ، ۇلتتار ىنتىماعىن كۇندەلىكتى تۇرمىستا، قىزمەتتە، ۇيرەنۋدە تياناقتاندىرىپ، «ۇلتتار ىنتىماعىنىڭ بەرەكەلى شاڭىراعى» قيمىلىن ونان ارى ىشكەرىلەتە بەرەدى.
اۆتونوميالى رايوندىق ساياسي كەڭەستىڭ ورىنباسار ءتوراعالارى ريزۋان ابەي، لي شياڭلين، ليۋ جىيۇڭ، چىڭ جىنشان، باداي، گۇلشات ءابدىقادىر، باس حاتشى حان جۇن دوستىق قيمىلعا قاتىناستى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
