وبلىستىق ساياسي كەڭەس كەدەيلىكتەن قۇتىلدىرۋدان قامال الۋ جونىندە جىلۋ اتاۋ جانە قول قويۋ سالتىن وتكىزدى
اقشالاي، زاتتاي اتالعان جىلۋ قۇنى ءبىر ميلليون 391 مىڭ يۋانعا جەتتى، 2 ميلليون 200 مىڭ يۋاندىق نىسان قارجىسىنا قول جەتكىزىلدى
2017.03.24 13:33
وبلىستىق ساياسي كەڭەس ناۋرىزدىڭ 21 – كۇنى كۇنەس اۋدانى سوربۇلاق قالاشىعىنىڭ قۇمتۇبە قىستاعىندا كەدەيلىكتەن قۇتىلدىرۋدان قامال الۋ جونىندە جىلۋ اتاۋ جانە قول قويۋ سالتىن وتكىزدى. 23 ورىننىڭ ۋاكىلدەرى مەن جەكەلەر ناق مايداندا قۇنى ءبىر ميلليون 391 مىڭ يۋاندىق اقشالاي، زاتتاي جىلۋ اتاپ، وبلىستىق ساياسي كەڭەستىڭ قۇمتوبە قىستاعىنىڭ كەدەيلىكتەن قۇتىلۋىنا كومەكتەسۋدەن قامال الۋ شىمىلدىعىن رەسمي اشتى. وبلىستىق ساياسي كەڭەس پارتگرۋپپاسىنىڭ ورىنباسار شۋجيى، ءتوراعاسى سەرجان ۇعىباي ۇلى سالتقا قاتىناستى ءارى ءسوز سويلەدى.
قول قويۋ سالتىندا سەرجان ۇعىباي ۇلى وبلىستىق ساياسي كەڭەس اتىنان جىلۋ اتاعان ورىندار مەن جەكەلەرگە العىسىن ءبىلدىردى. ول بىلاي دەدى: وبلىستىق پارتكوم مەن ۇكىمەتتىڭ پارمەندى باسشىلىعىنىڭ، كۇنەس اۋدانىنداعى اۋىل – قىستاقتاردىڭ جانە وبلىستىق ساياسي كەڭەستىڭ «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتىنىڭ ورتاق قۇلشىنىسىنىڭ، سونداي – اق قوعامداعى ءار سالانىڭ كومەكتەسۋى مەن قولداۋىنىڭ ناتيجەسىندە قۇمتوبە قىستاعىنىڭ، ءسوز جوق، ۋاعىندا كەدەيلىكتەن قۇتىلىپ، كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە قول جەتكىزەتىنىنە سەنەمىز. ول وبلىستىق ساياسي كەڭەستىڭ «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتى مەن قىستاق پارتيا ياچەيكاسىنان بارشا ەگىنشى – مالشىلاردىڭ ىشكى ومىرشەڭدىك قۋاتىن تولىق ساۋلەلەندىرىپ، كوپتەپ وي جۇگىرتىپ، ءادىس – شارا قاراستىرىپ، ولاردى قاجىرلىلىقپەن اۋقاتتانۋعا باستاپ، كەدەيلىك جاعدايىن ەرتەرەك وزگەرتۋگە كۇش سالۋدى تالاپ ەتتى. سونىمەن بىرگە، قوعامداعى ءار سالانى بەلسەنە كومەك بەرىپ، كەدەي بۇقارانىڭ كەدەيلىكتەن قۇتىلىپ، اۋقاتتانۋى ءۇشىن يگى، ناقتى ىستەر ىستەۋگە ۇندەدى.
قۇمتوبە قىستاعى - قازاق ۇلتىن نەگىز ەتكەن مال شارۋاشىلىق قىستاق، وندا 388 وتباسى، ءبىر مىڭ 580 جان سانى بار، مۇنىڭ ىشىندە 232 كەدەي وتباسىنىڭ 806 جان سانى بار، بۇل ەكونوميكالىق نەگىزى ءالسىز، ءوندىرىس قۇرىلىمى جالاڭ، وقۋ – اعارتۋ، ەمدەۋ، دەنساۋلىق ساقتاۋ قۇرىلعىلارى كونە، قىستاق دارەجەلى جولداردى اسفالتتاندىرۋ قۇرىلعىلارى كەمەلسىز، بۇقارانىڭ ءوندىرىس – تۇرمىس ورەسى ءبىرشاما تومەن، اۆتونوميالى رايون دارەجەلى كەدەي قىستاق.
اۆتونوميالى رايوننىڭ «ۇعىسۋ، تيىمدىلىك جاساۋ، توعىستىرۋ» جانە كەدەيلىكتەن قۇتىلدىرۋدان قامال الۋ جونىندەگى ورنالاستىرۋىنا ساي، قۇمتوبە قىستاعى وبلىستىق ساياسي كەڭەستىڭ بايلانىس جاساۋ ءتۇيىنى بولىپ بەلگىلەنگەن بولاتىن. ورتالىقتىڭ، اۆتونوميالى رايوننىڭ جانە اۆتونوميالى وبلىستىق پارتكومنىڭ كەدەيلىكتەن قۇتىلدىرۋدان قامال الۋ قىزمەتى جونىندەگى ورنالاستىرۋىنا ساي وبلىستىق ساياسي كەڭەس ءوز ابزالدىقتارىن ساۋلەلەندىرىپ، بۇل قىستاقتىڭ كەدەيلىك قالپاعىن الىپ تاستاۋ ءۇشىن جان – جاقتى كومەك بەردى. ءبىر ورىنباسار ءتوراعانى ارناۋلى ورنالاستىرىپ، بۇرىندى – سوڭدى 11 رەت ىشكەرىلەي تەكسەرۋ – زەرتتەۋ جۇرگىزىپ، ورىن تەپكەن ماسەلەلەرگە تالداۋ جاساپ ءارى ونى شەشۋ جونىندە سايكەستى شارا قولداندى. ءوزارا سايكەستىرۋ ارقىلى وسى جولى اقشالاي، زاتتاي ءبىر ميلليون 391 مىڭ يۋان جىلۋ اتاۋدان تىس، تاعى وبلىستىق سۋ ىستەرى مەكەمەسى مەن كۇنەس اۋداندىق مال شارۋاشىلىق مەكەمەسىنىڭ 2 ميلليون 200 مىڭ يۋان كومەك نىسان قارجىسىنا قول جەتكىزىپ، ولاردى سور ىعىستىرۋ توعانى قۇرىلىسى مەن مال شارۋاشىلىعىنىڭ نەگىزدىك قۇرىلعى قۇرىلىستارىنا ىستەتۋدى ۇيعاردى.
وبلىستىق ساياسي كەڭەس پارتگرۋپپاسىنىڭ مۇشەسى، ورىنباسار ءتوراعاسى ليۋ كىحۋا، وبلىستىق كەدەيلەردى سۇيەمەلدەۋ كەڭسەسىنىڭ قاتىستى جاۋاپتىلارى، كۇنەس اۋداندىق ءتورت باسشىلىق القاسىنىڭ باسشىلارى قول قويۋ سالتىنا قاتىناستى.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
