تۋىسىم قارلى بورانعا قاراماي وتباسىمەن امانداسا كەلدى
2017.03.24 14:06 كەلۋ قاينارى : شينجياڭ گازەتى
23 - ناۋرىزدا اۆتونوميالى رايوندىق سۋ يگىلىگى مەڭگەرمەسىنىڭ شەريا اۋدانى نۇر اۋىلى تومەناچما قىستاعىندا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ مۇشەسى گو چۇنشي بازاردان سالەم - ساۋقىت الىپ، 4 كيلومەتر الىستاعى نۇر اۋىلى قۇمباق قىستاعىنا بارىپ، تۋىسى، 73 جاستاعى ءماتروزى تۇردى قارتقا امانداسا باردى.
«شىنىمدى ايتسام، ءاۋ باستا تۋىس بولۋ دەگەن ىرىمىن جاساي سالاتىن ناۋقان بولار دەپ توپشىلاعام. ءبىراق ءدال وسى قيمىلدان مەن ۇيعۇر اۋىلداستىڭ ادالدىعى مەن اق كوڭىلىن كوردىم، بۇل قيمىل مەنى ولارعا جاقىنداتا ءتۇستى. بۇل تۋىستى مەن ۇرپاقتان - ۇرپاققا جالعاساتىن ناعىز تۋىس دەپ تانيمىن» دەپ جازدى گو چۇنشي ءوزىنىڭ ءۇنحات دوستار شەڭبەرىندە.
گو چۇنشيدىڭ اۋەلگى ويى ءبىر كۇنگى قارلى بوراندا وزگەردى. 11 - ناۋرىزدا كەلپىن اۋدانىندا قارلى بوران سوعىپ، گو چۇنشي مەن قىزمەتتەسى ۇسەيىن ءالي ۇيدە قامالىپ جاتتى. تۇسكى ساعات 2 مولشەرىندە قاڭىراعان اۋلادان ەسىكتى ءجىتى قاققان داۋىس ەستىلدى.
دالاعا شىققان ۇسەيىن بىرەر سەكۋند وتەر - وتپەي ۇيگە قايتا كىرىپ: چۇنشي، سەنى تۋىسىڭ ىزدەپ كەلىپتى، - دەدى. گو چۇنشي اڭىرىپ تۇرىپ بارىپ، دەرەۋ سىرتقا شىقتى. دالادا قارلى بوراندا جۇزىنەن كۇلكى ۇيىرىلگەن 73 جاستاعى ءماتروزى قاريا تۇر، جانىندا جۇبايى، قىزى جانە 6 جاسار نەمەرە قىزى بار. تورتەۋىنىڭ ءۇستىن ءبىر قابات اپپاق قار جاپقان، قاريانىڭ قولىندا ءبىر قالتا جاڭعاق پەن الما.
«وسىنداعى جاعدايىڭ جاقسى ما، ءبىز وتباسىمىزبەن ساعان امانداسقالى كەلدىك»، بۇل قاريانىڭ ۇسەيىنگە اۋدارتىپ گو چۇنشيگە ايتقان العاشقى ءسوزى. گو چۇنشيدىڭ جانارىنا جاس ءۇيىرىلدى. «ءبىز بىلتىر قازان ايىندا جۇپ قۇراعانبىز، قاريا تۇرعان قىستاق بىزدەن 4 كيلومەتر الىس بولاتىن، مەنىڭ وسى قىستاققا كەلگەنىمدى ول كىسىنىڭ قالاي بىلگەنىن بىلمەيمىن. قىستاققا ەندى كەلگەندىكتەن، ىستەيتىن جۇمىس كوپ بولدى، ول كىسىگە كەيىنىرەك امانداسىپ قايتامىن عوي دەپ جۇرگەم، ول كىسىنىڭ مەنى ىزدەپ كەلەتىنىن كىم ويلاعان»، - دەيدى گو چۇنشي.
ۇيگە كىرە بەرە ءماتروزى جۇپ قۇراپ، تۋىس بولۋ كەزىندە بەرىلگەن كارتچكانى الىپ شىعىپ، ۇسەيىنگە بىردەڭەلەر ايتتى. ۇسەيىن كارتچكانىڭ بەتىنە بىردەڭەلەر جازىپ، گو چۇنشيگە بۇرىلىپ: ۇلكەن كىسى كوكتەم مەرەكەسىندە ساعان تەلەفون سوققىسى كەلىپتى، ءبىراق كارتچكاداعى حانزۋ ارىپتەرىن تانىماعان سوڭ، ۇيالىپ تەلەفون بەرە الماپتى. ول كىسى ماعان سەنىڭ اتىڭدى ۇيعۇرشا جازىپ بەر دەپ جاتىر، - دەدى.
«ءبىر - ءبىرىمىزدىڭ ءتىلىمىزدى تۇسىنبەگەنىمىزبەن، ارامىزداعى شىنايى سۇيىسپەنشىلىككە ەشتەڭە بوگەت بولا المايدى. بۇل ءىس مەنىڭ <ۇلتتار ىنتىماعىنىڭ بەرەكەلى شاڭىراعى> قيمىلى تۋرالى تانىمىمدى وزگەرتۋمەن قوسا، وتباسىمداعىلار مەن كوپتەگەن دوستارىمنىڭ دا كوزقاراسىن وزگەتتى. مەن ءۇنحات دوستار شەڭبەرىندە وسى ءىستى ايتقاننان كەيىن، ۇيدەگىلەر مەنەن تۋىسىمىزعا بىردەڭە بەرىپ جىبەرەيىك پە دەپ جاتىر، مەن مۇندا ءبارى بار دەيمىن، قازىر ىشتەي ەرەكشە قۋانىشتامىن»، - دەيدى گو چۇنشي.
ءماتروزى وتباسىنداعىلار گو چۇنشيدىڭ ۇيىندە نەبارى جارتى ساعات ايالداعانىمەن، ولاردىڭ تەرەڭ سۇيىسپەنشىلىگى گو چۇنشيدىڭ جۇرەك تۇكپىرىنەن وشپەستەي ورىن الدى. 4 − 5 كۇننەن كەيىن گو چۇنشي ۇلكەن كىسىنىڭ ۇيىنە بارسا، ول كىسى قوي جايىپ كەتىپتى، قاريانى كەزىكتىرە الماعان گو چۇنشيدىڭ كوڭىلىندەگى ساعىنىشى تىپتەن كۇشەيە ءتۇستى، قازىر ول ءبىر - ەكى كۇن ىشىندە تاعى بارىپ، قارياعا امانداسىپ قايتايىن دەپ ءجۇر. گو چۇنشي تەلەفونىنداعى «قوس ءتىل» ۇيرەتەتىن باعدارلامادان ءار كۇنى از - ازداپ ۇيعۇر ءتىلىن ۇيرەنۋدە. «قازىر قىستاقتاعى بالالار جولدان ءبىزدى كورە قالسا، بال تىلدەرىمەن بىزگە <سالەمەتسىز بە> دەپ <قوس تىلدە> امانداسادى. جۇرەكتە سۇيىسپەنشىلىك بولسا، ءتىل تابىسۋدىڭ ءادىسى تابىلادى عوي»، - دەيدى ول.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
