اۋىل باستىعىنىڭ ويانۋ حاتى القاۋعا يە بولدى
2017.03.27 14:36 كەلۋ قاينارى : شينجياڭ گازەتى
كەريا اۋدانى جاي اۋىلىنىڭ باستىعى وبۇلقاسىم ءماتتۇرسىن ءتول كەشىرمەسى ارقىلى «ءۇش ءتۇرلى كۇشتىڭ» شاتپاعىنا تويتارىس بەردى
«مەن ناعىز شارۋا وتباسىندا دۇنيەگە كەلدىم، اكەم - شەشەم جاڭا جۇڭگونىڭ قارىشتاپ دامۋ تاريحىنىڭ كۋاگەرلەرى ءارى كومپارتيانىڭ باسشىلىعىندا عانا ولار باقىتتى تۇرمىسقا كەنەلگەن ەدى... ءبىز <ءۇش ءتۇرلى كۇشتىڭ> زۇلىمدىعىن قىراعىلىقپەن ايقىن تانىپ، مۇقالماس ەرلىك جىگەرمەن بۇقاراعا قاسكويلىك ىستەۋگە ۇرىنعان بۇلىكشىلەردى تاس - تالقان ەتىپ، <ءۇش ءتۇرلى كۇشتىڭ> قارا نيەت قاسكۇنەمدىگىن مىزعىماس بەكىممەن كۇيرەتىپ، جاۋىزدارعا ۇرىناتىن وراي بەرمەۋىمىز كەرەك...»
مىنە بۇل حوتان ايماعى كەريا اۋدانى جاي اۋىلدىق پارتكومنىڭ ورىنباسار شۋجيى، اۋىل باستىعى وبۇلقاسىم ءماتتۇرسىننىڭ كەريا اۋداندىق پارتكوم ۇگىت ءبولىمىنىڭ «نولدىك ارالىق» الەۋمەتتىك ءۇنحات تۇعىرىندا جاريالانعان «ۇيعۇر باۋىرلاستارعا جولداعان ويانۋ حاتىندا» جازعانى. ويانۋ حاتى جاريالانعاننان كەيىن، حوتان «نولدىك ارالىق» الەۋمەتتىك ءۇنحات تۇعىرى، تيانشات سايتىنىڭ ۇيعۇرشا ءۇنحات تۇعىرى، شينلاڭ ميكرو بلوگى سياقتىلار تەز ارادا جالعالاپ تاراتتى، حاتتىڭ كورىلىمى 500 مىڭ ادام - رەتتەن اسىپ، ينتەرنەت قولدانۋشىلاردىڭ جاپپاي قولداۋىنا يە بولدى.
بيىل 40 جاسقا شىققان وبۇلقاسىم ءماتتۇرسىن كونە قوعامداعى سان قيلى باقىتسىزدىق، جاڭا جۇڭگو قۇرىلعاننان بەرى اۋىلدارىندا تۋىلعان تامسانارلىقتاي وزگەرىستەر مەن پارتيانىڭ ابزال ساياساتىنىڭ ارقاسىندا قول جەتكەن باقىتتى تۇرمىس تۋرالى اڭگىمەلەردى ۇلكەندەردىڭ اۋزىنان ەستىپ ەرجەتكەن بولاتىن. سول سەبەپتى ول ۇلى وتانعا دەگەن قىزۋ سۇيىسپەنشىلىكتى قارشادايىنان باستاپ كوكەيىنە بەرىك ورناتقان. 1997 - جىلى ۋنيۆەرسيتەتتەن وقۋ تاۋىسقاننان كەيىن، وبۇلقاسىم ءماتتۇرسىن اۋىلىنا قايتىپ كەلىپ، نەگىزگى ساتىدا 20 جىلعا جۋىق تاباندىلىقپەن قىزمەت ىستەيدى. ول: وسى 20 جىلدا مەن پارتيانىڭ حالىققا تيىمدىلىك جاساۋ ساياساتىنىڭ نەگىزگى ساتىدا تامىر تارتىپ، شەشەك اتىپ، جەمىس بەرگەندىگىن ءوز كوزىممەن كوردىم، اۋىل - قىستاقتاردىڭ ءوندىرىس، تۇرمىس شارت - جاعدايىنىڭ كۇننەن - كۇنگە جاقسارعاندىعىن ءوز باسىمنان وتكىزدىم، وڭتۇستىك شينجياڭنىڭ نەگىزگى ساتىلارىندا وزگەرىس، جاڭالىق اشۋعا ات سالىسۋشى ءارى كۋاگەر بولعاندىعىم ءۇشىن، بار ورايدى قولدان جىبەرمەي، جانىمداعىلارعا پارتيانىڭ ساياساتىن ۇگىتتەپ، ولاردىڭ باقىتتى تۇرمىستى قادىرلەۋىنە، «ءۇش ءتۇرلى كۇشتىڭ» زيانىن سەرگەكتىكپەن ايقىن كورۋلەرىنە جەتەكشىلىك ەتىپ كەلەمىن، - دەدى.
تاياۋدا اۆتونوميالى رايوندىق پارتكوم تۇتاس رايونىمىزدىڭ بىرنەشە جەرىندە لاڭكەستىككە قارسى تۇرىپ، ورنىقتىلىقتى قورعاۋ بويىنشا سەرت بەرۋ جينالىسىن وتكىزدى، وبۇلقاسىم ءماتتۇرسىن مۇنان زور شابىت الدى. ول نەگىزگى ساتىداعى از ۇلت پارتيالى كادرى بولعاندىعىم ءۇشىن، باس نىسانانى جۇزەگە اسىرۋعا تيەسىلى ۇلەس قوسۋىم كەرەك دەپ ويلايدى. سونىمەن ول 3 كۇن ۋاقىتپەن «ۇيعۇر باۋىرلاستارعا جولداعان ويانۋ حاتىن» جازىپ شىعادى، سونداي - اق جاي اۋىلىنداعى قىستاقتار مەن ماڭايداعى اۋىل - قىستاقتاردا ويانۋ حاتىنىڭ مازمۇنى توڭىرەگىندە بارىنشا ۇگىت جۇرگىزىپ، بۇقارانى اتتانىسقا كەلتىرىپ، بۇقاراعا تاربيە بەرىپ، قالىڭ شارۋالاردىڭ جاپپاي قارسى الۋىنا يە بولادى. ناۋرىز ايىنىڭ باس شەنىندە بۇل حات كەريا اۋداندىق پارتكوم ۇگىت ءبولىمىنىڭ «نولدىك ارالىق» الەۋمەتتىك ءۇنحات تۇعىرىندا جاريالانىپ، كوپشىلىكتىڭ نازارىن كەڭ كولەمدە اۋدارادى.
وبۇلقاسىم ءماتتۇرسىن تىلشىلىك سۇحبات بارىسىندا: وتانىمىز ۇلى شاڭىراعىندا ءار ۇلت تۋىسقاندارى ايتىپ - ايتپاي ءبىر وتباسىنىڭ ادامى، وتاننىڭ تۇتاستىعىن، قوعامنىڭ ورنىقتىلىعىن قورعاۋ جاۋاپكەرشىلىگى بارلىق ادامعا ورتاق، نەگىزگى ساتىدا ىستەپ جاتقان از ۇلت پارتيالى كادر تۇرعىسىنان، مەن «ءۇش ءتۇرلى كۇشتىڭ» ناقتى زيانى مەن قاسكۇنەمدىگىن اناعۇرلىم سەرگەكتىكپەن تانىپ، ايقىن پوزيتسيا ءبىلدىرىپ، ەرلىكپەن كۇرەسىپ، «ءۇش ءتۇرلى كۇشپەن» ايقىن تۋ ۇستاي وتىرىپ، باتىل كۇرەسەمىن، - دەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
