پارتيالىلىقتى دارىپتەۋدىڭ، باتىلدىقپەن جاۋاپكەرشىلىك ارقالاۋدىڭ ۇلگىسى بولۋعا تالپىنايىق
2017.03.27 15:54 كەلۋ قاينارى : شينجياڭ گازەتى
قانداي ادامدى جاقسى كادر دەۋگە بولادى؟ «ۇيعۇر باۋىرلاستارعا جولداعان ويانۋ حاتىن» جاريالاعان حوتان ايماعى كەريا اۋدانى جاي اۋىلدىق پارتكومنىڭ ورىنباسار شۋجيى، اۋىل باستىعى وبۇلقاسىم ءماتتۇرسىن سەكىلدى پارتيالىلىقتى دارىپتەپ، باتىلدىقپەن جاۋاپكەرشىلىك ارقالاي بىلەتىن كادرلاردى جاقسى كادر دەۋگە بولادى، ويانۋ حاتىندا نەگىزگى ساتىداعى وسى پارتيالى كادردىڭ شەشۋشى ساتتە باتىلدىقپەن ءۇن قاتىپ، باتىلدىقپەن پوزيتسيا بىلدىرە الاتىن تاباندى پارتيالىق قاسيەتى مەن بەرىك جاۋاپكەرشىلىگىن ايگىلەدى. وبولقاسىم ءماتتۇرسىن − شينجياڭداعى بارلىق پارتيالى كادردىڭ ۇيرەنۋ ۇلگىسى، ارەكەت ونەگەسى. 25 - ناۋرىزدا اۆتونوميالى رايوندىق پارتكوم مەن ۇكىمەت وبۇلقاسىم ءماتتۇرسىنعا تاڭداۋلى پارتيا مۇشەسى، ۇلتتار ىنتىماعى، العاباسارلىعىنىڭ ۇلگىسى اتاعىن بەرۋدى ءارى بۇكىل اۆتونوميالى رايون بويىنشا وبۇلقاسىم ءماتتۇرسىننان ۇيرەنۋ قيمىلىن ورىستەتۋدى ۇيعاردى.
باس شۋجي شي جينپيڭ شينجياڭدا قىزمەت تەكسەرگەندە ساياسيدا تاباندى دا پارمەندى، سىن - سىناقتاردان سۇرىنبەي وتە الاتىن جوعارى ساپالى كادرلار قوسىنىن قۇرۋدىڭ شينجياڭنىڭ ورنىقتىلىعى مەن دامۋىندا توتەنشە ماڭىزعا يە ەكەندىگىن اتاپ كورسەتكەن بولاتىن. بۇگىنگى شينجياڭ رەفورما، دامۋ، ورنىقتىلىقتىڭ شەشۋشى ساتىندە تۇر، قالىڭ پارتيالى كادرلاردىڭ پارتيالىق شىنىعۋىنىڭ قاندايلىعى، جاۋاپكەرشىلىكتى باتىلدىقپەن ارقالاي الۋ - الماۋى پارتيانىڭ ءتۇرلى باعىت - ساياساتتارىنىڭ دايەكتىلەنۋى مەن تياناقتانۋىنا تىكە ىقپال ەتىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن ىسكە اسىرۋدىڭ اياق الىسىمەن تىكە بايلانىسىپ جاتادى. سوندىقتان اۆتونوميالى رايونداعى كادر - جۇرتشىلىق وبۇلقاسىم ءماتتۇرسىننان ۇيرەنىپ، ۇلكەن دۇرىس، ۇلكەن بۇرىس ماسەلەسىندە جۇرەكتىلىكپەن پوزيتسيا ءبىلدىرىپ، پارتيالىلىقتى دارىپتەۋدىڭ، باتىلدىقپەن جاۋاپكەرشىلىك ارقالاۋدىڭ ۇلگىسى بولۋعا ۇمتىلۋى كەرەك.
پارتيالىلىقتى دارىپتەۋ، باتىلدىقپەن جاۋاپكەرشىلىك ارقالاۋ ءۇشىن، ءسوز جوق، تاباندى ساياسي ۇستانىم مەن كۇشتى وتانشىلدىق سەزىم بولۋ كەرەك. شينجياڭنىڭ قوعامدىق جالپى جاعدايىنىڭ ورنىقتىلىعىن باتىل قورعاۋ − شينجياڭداعى قالىڭ پارتيالى كادرلاردىڭ ساياسي تۇرعىسى جونىندەگى كەلەلى سىناق. تاريح پەن اماليات بىزگە مىنانى ۇعىندىردى: بولشەكتەۋشىلىككە، لاڭكەستىككە قارسى ۇزاق مەرزىمدى، كۇردەلى، قيان - كەسكى كۇرەسكە ءدوپ كەلگەن سايىن، پارتيالى كادرلار بەرىك ساياسي تۇرعىدان اۋىتقىماي، شەشۋشى ساتتە العا شىعىپ، كىلتەڭ كەزەڭدە ەرلىك كورسەتە ءبىلۋى كەرەك، مىنە بۇل شينجياڭنىڭ قوعام ورنىقتىلىعى مەن باياندى تىنىشتىعىن باتىل قورعاۋدىڭ، پارتيانى، وتاندى، سوتسياليزمدى ءسۇيۋدىڭ شوعىرلى بەينەسى سانالادى. نەگىزگى ساتى كادرى رەتىندە، وبۇلقاسىم ءماتتۇرسىن شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن ىسكە اسىرۋ جولىندا ءتىپتى زور جاۋاپكەرشىلىك ارقالاپ، ءتىپتى زور رول اتقارۋدى ويلاپ كەلگەن ەدى. وسى ءۇشىن، ول 3 كۇن ۋاقىت جۇمساپ، جۇرەگىن جارىپ شىققان ويانۋ حاتىن جازادى ءارى جاي اۋىلىنداعى قىستاقتار مەن توڭىرەكتەگى اۋىل - قىستاقتاردا ويانۋ حاتىنىڭ مازمۇنى جونىندە دابىرالى ۇگىت - ءناسيحات جۇرگىزىپ، جۇرتشىلىقتى جۇمىلدىرىپ، بۇقارانى تاربيەلەيدى، بۇل وبۇلقاسىم ءماتتۇرسىننىڭ بەرىك ساياسي تۇرعىسىن تولىق ايگىلەپ، ونىڭ يدەيا، ساياسي، ارەكەت جاعىندا شي جينپيڭ جولداستى ۇيتقى ەتكەن پارتيا ورتالىق كوميتەتىمەن قاشاندا وسكەلەڭ ءبىر اۋىزدىلىقتى ساقتاپ، ۇلتتىق بولشەكتەۋشى كۇشتەرمەن جانە ءدىني ۇشقارى يدەيالارمەن ءارى - ءسارى بولماستان باتىل كۇرەس جۇرگىزۋدى قاشاندا ستيلدى تۇزەپ، ءتارتىپتى قاتايۋدىڭ ءبىرىنشى تالابى، ءدىني ۇشقارىلىقتىڭ دەندەپ كىرۋىن اۋىزدىقتاپ، زورلىقتى كۇش، لاڭكەستىك دەلولارىنان باتىل ساقتانۋدى ءوزىنىڭ ءبىرىنشى جاۋاپكەرشىلىگى ەتىپ كەلگەنىن تۇسىندىرەدى. ونىڭ ساياسي تۇرعىسى بەرىك، وتانشىلدىق سەزىمى كۇشتى، دۇرىس - بۇرىس ولشەمى ايقىن بولعاندىقتان عانا، بولشەكتەۋشىلىككە قارسى كۇرەس دەيتىن پرينسيپتىك ماسەلەدە تۋى ايقىن، تۇرعىسى بەرىك، ءىشى - سىرتى بىردەي بولىپ، باتىلدىقپەن ءۇن قاتىپ جانە پوزيتسيا ءبىلدىرىپ، اتويلاپ الدا جۇرە ءبىلدى. شينجياڭداعى قالىڭ پارتيالى كادرلار وبۇلقاسىم ءماتتۇرسىن سەكىلدى، كورىكتى مەكەنىمىزدى تۇرعىسى بەرىك تۇردە قورعاپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىنىڭ پارمەندى ىلگەرىلەتۋشىلەرى مەن جەبەۋشىلەرى بولۋعا ءتيىس.
پارتيالىلىقتى دارىپتەپ، باتىلدىقپەن جاۋاپكەرشىلىك ارقالاۋ ءۇشىن، باستىسى، سىندارلى قىزمەت ستيلى بولۋى، ۇلتقا دەگەن شىنايى سۇيىسپەنشىلىكپەن پارتيالىلىقتى دارىپتەۋ، باتىلدىقپەن جاۋاپكەرشىلىك ارقالاۋدى ناقتى ارەكەت بارىسىندا تياناقتاندىرۋ قاجەت. كادر ىسكەرلىگىمەن قادىرلى. وبۇلقاسىم ءماتتۇرسىن وڭتۇستىك شينجياڭنىڭ نەگىزگى ساتىسىنداعى وزگەرىستەردىڭ ات سالىسۋشىسى مەن كۋاگەرى رەتىندە، نەگىزگى ساتىدا 20 جىلعا جۋىق جۇمىس ىستەپ، باستاماشىلدىقپەن ۇلگى بولىپ، ءوز باسىنان ونەگە كورسەتىپ، قاشاندا ۇلتقا دەگەن شىنايى سۇيىسپەنشىلىكپەن ۇلتتار ىنتىماعىن كوز قاراشىعىنداي قورعاپ، قاشاندا ءارقانداي مۇمكىندىكتەن پايدالانىپ، ماڭىنداعى بۇقاراعا پارتيانىڭ جاقسى ساياساتتارىن جاندى مىسالدار ارقىلى ءتۇسىندىرىپ، ءار ۇلت بۇقاراسىن باقىتتى ءومىر كەشۋگە، باقىتتى تۇرمىستى قادىرلەۋگە جەتەكتەپ وتىردى. وبۇلقاسىم ءماتتۇرسىننىڭ قاراۋىنشا، ويانۋ حاتىن جازۋ ءالى جەتكىلىكتى ەمەس، تەك ويانۋ حاتى ارقىلى، كۇندەلىكتى ۇساق - تۇيەك ىستەر ارقىلى ءتىپتى كوپ نەگىزگى ساتى بۇقاراسىنا جۇڭگو كوممۋنيستىك پارتياسىنا، ۇلى وتانعا العىس ايتۋدىڭ قاجەتتىلىگىن تانىتىپ، «ءۇش ءتۇرلى كۇشتىڭ» سۇرقيا تابيعاتى مەن زورلىقتى كۇش لاڭكەستەردىڭ جيرەنىشتى كەيىپ - كەسپىرىن جىعا تانۋ جانە دۇرىس تانىمدى بارلىق ادامنىڭ وتاننىڭ تۇتاستىعىن، ۇلتتاردىڭ ىنتىماعىن، شينجياڭنىڭ قوعام ورنىقتىلىعى مەن باياندى تىنىشتىعىن قورعاۋ جولىنداعى سانالى ارەكەتىنە اينالدىرۋ كەرەك، مىنە بۇل ۇلتتار ىنتىماعى قىزمەتىن جاقسى ىستەۋدىڭ ءتۇبىرلى نەگىزى سانالادى. وسى ماقساتتا، ول شارشاپ - شالدىققانىنا قاراماي جان - جاققا ۇگىت - ءناسيحات جۇرگىزدى، ءدال وسىنداي ناقتىلى ارەكەتتىڭ باۋراۋىمەن، ويانۋ حاتىن ءتىپتى كوپ ادام وقىدى، تىڭدادى ءارى ول كەڭ اۋقىمدا تارالىپ، اقىرى ۇلتتار ىنتىماعىن قورعاپ، زورلىقتى كۇش پەن لاڭكەستىككە باتىل سوققى بەرۋدىڭ قۇدىرەتتى وڭ ەنەرگياسىنا اينالدى. بولات قايناۋدا، باتىر مايداندا شىنىعادى. شينجياڭنىڭ رەفورما، دامۋ، ورنىقتىلىق ىستەرىنىڭ جاڭا داۋىرىندەگى جاقسى كادر اتانۋ ءۇشىن، وبۇلقاسىم ءماتتۇرسىن سياقتى پارتيالىلىقتى دارىپتەپ، باتىلدىقپەن جاۋاپكەرشىلىك ارقالاۋ كەرەك. وسىنداي جاقسى كادرلار كوبەيە تۇسسە، شينجياڭداعى نەگىزگى ساتى پارتيا ۇيىمدارىنىڭ جاۋىنگەر قورعاندىق رولى ءتىپتى پارمەندى تۇردە ساۋلەلەندىرىلەدى، سوندا عانا ءبىز ءار ۇلت بۇقاراسىمەن بىرگە شينجياڭنىڭ قوعام ورنىقتىلىعى مەن باياندى تىنىشتىعىن قورعاۋدىڭ حالىقتىق سوعىسىندا جەڭىسكە جەتە الامىز.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
