وبلىسقا توتە قاراستى ورىندارداعى ءار ۇلت بۇقاراسى «ۇيعۇر باۋىرلاستارعا جولداعان ويانۋ حاتىن» قىزۋ القادى
2017.03.29 14:39
ءتىلشىمىز مىڭ شيا حابارلايدى. «ۇيعۇر باۋىرلاستارعا جولداعان ويانۋ حاتى» اقپارات قۇرالدارىندا جاريالانعاننان كەيىن وبلىسقا توتە قاراستى ورىندارداعى ءار ۇلت بۇقاراسىنىڭ تاماشا اڭىسىن قوزعادى. ءتىلشى ناۋرىزدىڭ 27 – كۇنى «ۇيعۇر باۋىرلاستارعا جولداعان ويانۋ حاتى» جونىندە وبلىسقا توتە قاراستى ورىندارداعى ءار ۇلت كادر – بۇقاراسىمەن سۇحپاتتا بولدى، كوپشىلىك حوتان ايماعى كەريا اۋدانى جاي اۋىلدىق پارتكومنىڭ ورىنباسار شۋجيى، اۋىل باستىعى وبۇلقاسىم ءماتتۇرسىندى جاپپاي قىزۋ القايتىندىقتارىن ءبىلدىردى.
قۇلجا اۋدانىنىڭ قاس اۋىلىندا تۇراتىن نۇردالىم نۇرمان ۇلى اۋىلداعى مادەنيەت شەبەرى، ول ۇنەمى بۇقارانى ۇيىمداستىرىپ، ءتۇرلى مادەنيەت – كوركەمونەر قيمىلىن ورىستەدى، ونىڭ وزىندىك ەرەكشەلىگى اقىندار ايتىسىنا اۋەس، ول ۇنەمى قۇلجا اۋدانى اتىنان جەر – جەردەگى اقىندار ايتىسىنا قاتىناسىپ كەلەدى. ول تەلەۆيزوردان وبۇلقاسىم ماتتۇرسىننىڭ «ۇيعۇر باۋىرلاستارعا جولداعان ويانۋ حاتىن» كورگەننەن كەيىن ايرىقشا تەبىرەندى. ول: وبۇلقاسىم ءماتتۇرسىن حالىق ءۇشىن شىنايى ىستەيتىن جاقسى كادر، ونىڭ ويانۋ حاتىنداعى ءسوزى ءالى دە كۇڭگىرت ويدا جۇرگەن ءىشىنارا ۇيعۇر باۋىرلاستارىمىزدى سەرگىتتى، - دەدى. نۇردالىم نۇرمان ۇلى بىلاي دەدى: كوكتەم كەلىپ، كۇن جىلىنۋىنا بايلانىستى اۋىلداعى مادەنيەت قيمىلدارى دا قاۋىرت ورىستەتىلەدى، مەن «ۇيعۇر باۋىرلاستارعا جولداعان ويانۋ حاتىنىڭ» مازمۇنىن ءان سوزىنە وزگەرتىپ جازىپ، اقىندار ايتىسى فورماسىمەن اۋىلداستارىما جەتكىزىپ، كوپشىلىكتىڭ دە وبۇلقاسىم ماتتۇرسىن سياقتى ءدىني ۇشقارى يدەياعا سانالى تۇردە قارسى تۇرىپ، زورلىقتى كۇش لاڭكەستەرگە سايىس جاريالاۋىنا مۇمكىندىك جاراتامىن.
قۇلجا اۋدانى ءۇشون حۇيزۋ ۇلتتىق اۋىلى توقۇشى يۇزى قىستاعىنىڭ شۇي مەي مانەرلەۋ سەحىندا 44 جاستاعى نۇريمان قاسىم كيىم تىگۋمەن ابىگەر ەدى. ونىڭ قىزى تيانجيندەگى شينجياڭ تولىق ورتا كلاسىندا وقيدى، ۇلى ورتالاۋ مەكتەپ وقيدى، جۇبايى سىرتتا كۇندىك ىستەيدى، ول جاقىن ماڭايداعى وسى سەحتا جۇمىس ىستەيتىندىكتەن، وتباسىنىڭ تۇرمىس اۋىرتپالىعى جەڭىلدەگەن بولاتىن. ول بىلاي دەدى: قازىرگى تۇرمىسىما ايرىقشا ريزامىن، پارتيا مەن مەملەكەتتىڭ ءتيىمدى ساياساتىنىڭ ارقاسىندا وتباسىمنىڭ تۇرمىسى كۇننەن كۇنگە جاقسارىپ كەلەدى. مەن بالالارىمدى ءدىني ۇشقارى يدەيادان اۋلاق بولۋعا، قوس ءتىل ۇيرەنۋگە تاربيەلەيمىن، ۇلتتار ىنتىماعىنىڭ ماڭىزدىلىعىن ءتىپتى دە كوپ ادامعا ۇگىتتەيمىن.
چاپچال سىبە اۆتونوميالى اۋدانى سەگىزسۇمىن اۋىلى تيرمەنبۇلاق قىستاعىنىڭ تۇرعىنى ساراقان وڭعارباي قىزىنىڭ جۇبايى 16 جىلدىڭ الدىندا قاتىناس شىرعالاڭىنان قايتىس بولىپ، كىشكەنتاي ۇلى مەن قىزى، جاسى ەگدەلەگەن اتا – ەنەسى وزىنە عانا قاراپ قالعان ەدى، ساراقان قيىنشىلىققا مويىماي، پارتيا مەن ۇكىمەتتىڭ كومەگىندە ءوز ۇيىنەن ءتۇرلى بۇيىمدار دۇكەنىن اشتى، ءتيىمدى ساياساتتان پايدالانىپ، بەيقۇت ءۇي سالعىزدى. قازىر بالالارى دا ەسەيىپ ءبىرى قىزمەتكە قاتىناسسا، ءبىرى جوعارى مەكتەپتە وقىپ جاتىر ەكەن. ول بىلاي دەدى: وبۇلقاسىم ءماتتۇرسىننىڭ ايتقانىنداي – اق، پارتيا مەن ۇكىمەت سونشاما حالىققا ءتيىمدى ساياساتتاردى شىعاردى، بۇقارانىڭ تۇرمىسى كۇننەن كۇنگە جاقسارۋدا، ءبىز بۇعان العىس ايتۋعا ءتيىسپىز. وتان ءۇشىن ۇلەس قوسۋعا تالپىنىپ، ءوز نارقىمىزدى ءبىلىپ، بالامىزدى دۇرىس جولعا تاربيەلەپ، «ءۇش ءتۇرلى كۇشپەن» شەت – شەكارامىزدى ايىرىپ، ۇلتتار ىنتىماعىن قورعاپ، وڭايلىقپەن قولعا كەلمەگەن تاماشا تۇرمىسىمىزدى قاستەرلەۋىمىز كەرەك.»
قۇلجا قالاسى ىلە وزەنى جولى كوشە ءىس باسقارماسى ىلە وزەنى جولى الەۋمەتتىك اۋماعىنىڭ تۇرعىنى ءساليمان ءاجى بىلاي دەدى: «مەن ۇلتتىق بولشەكتەۋشى ەلەمەنتتەرگە بۇرىننان قارسى تۇرىپ كەلەمىن، ونىڭ ۇستىنە بالالارىما جانە ماڭايىمداعى كورشىلەرىمە دە ۇشقارى ەلەمەنتتەرمەن شەت – شەكارانى ايىرۋ تالابىن قويۋدامىن، بۇل جونىندە ىشكى ەسەبىم بار، نەنى ىستەۋ، نەنى ىستەمەۋ كەرەكتىگىن انىق بىلەمىن. مەن ءوز ءۇيىمدى الەۋمەتتىك اۋماق اۋلاسىنا بالاپ، ماڭايىمداعى تۇرعىنداردى ۇيىمداستىرىپ >ۇيعۇر باۋىرلاستارعا جولداعان ويانۋ حاتىن< ولارمەن بىرگە كورىپ، ولارعا قالاي، قايتىپ ادام بولۋدى ۇعىندىرامىن.»
سىرتتا سەبەزگىلەپ جاۋىن جاۋىپ تۇر، ءبىراق قۇلجا قالاسى شىعىس قالا بازارىنىڭ ساۋداسى كۇسەت. كوپتەگەن ديقاندار جاۋىندى كۇنگى جۇمىس سايابىرلىعىندا اۋىل شارۋاشىلىق ماتەريالدارىن ساتىپ الۋدا. ءبىر ءبولىم ديقاندار ۇشتەن، بەستەن قورالانىپ الىپ اڭگىمە شەرتۋدە. اڭگىمە مازمۇنى بيىل كوكتەمدە نە ەگەمىز دەگەننەن تىس، وسى ءبىر - ەكى كۇندە اقپارات مەديالارىنان كورگەن جانە ەستىگەن «ۇيعۇر باۋىرلاستارعا جولداعان وياتۋ حاتى» جونىندە بولدى. قورعاس اۋدانى كۇرە قالاشىعى جاڭابۇلاق قىستاعىنىڭ تۇرعىنى ابدۇجەللەل يمام: «ويانۋ حاتىنىڭ مازمۇنى مەنىڭ كوڭىلىمنەن شىقتى، راسىندا وتانىمىز كۇننەن كۇنگە قۇدىرەتتەنۋدە، بۇقارانىڭ تۇرمىسى كۇننەن كۇنگە جاقسارۋدا، كىم – كىم دە الاڭداپ تۇرمىس وتكىزگىسى كەلمەيدى، ورنىقتىلىق، تىنىشتىق، كوڭىلدىلىك بۇقارانىڭ تىلەگى» دەي سالىسىمەن، قاسىندا تۇرعان شارۋالاردىڭ بارلىعى ونى قۇپتاي كەتىپ: «دۇرىس ايتاسىڭ، ءبىز سيريا، يراق مەملەكەتتەرىنىڭ حالقى سياقتى سوعىس ۇرەيىندە جاساعىمىز كەلمەيدى، ءبىز قازىرگى تىنىش تا باقىتتى تۇرمىسىمىزدى قاستەرلەۋىمىز، ماڭايىمىزداعىلاردى قازىرگى باقىتتى تۇرمىسىن قاستەرلەپ، زورلىقتى كۇش لاڭكەستىگىنەن، ءدىني ۇشقارى يدەيادان اۋلاق بولۋعا تاربيەلەۋىمىز كەرەك»، - دەدى.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
