ىلە وبلىسىنا توتە قاراستى ورىنداردىڭ ۇگىت – لەكسيا ۇيىرمەسى قاينۇق اۋىلىندا «ءۇشتى قىزۋ ءسۇيۋ، ۇشكە قارسى تۇرۋ» جونىندە ۇگىت – لەكسيا بايانداما جينالىسىن وتكىزدى
2017.04.25 13:46
دۋ لەي حابارلايدى. ءساۋىردىڭ 22 – كۇنى ەرتەمەن چاپچال سىبە اۆتونوميالى اۋدانى قاينۇق اۋىلى شوڭبۇلاق قىستاعىنىڭ مادەنيەت – دەنەتاربيە قيمىل ورتالىعىنىڭ گيمناستيكا الاڭىندا اۋىلدىڭ ورگان كادرلارى، قىستاقتاعى (الەۋمەتتىك اۋماق) ءار ۇلت كادر - جۇرتشىلىعى، اۋىل – قىستاقتاعى مەكتەپتەردىڭ وقىتۋشى – وقۋشىلارى، «ۇعىسۋ، تيىمدىلىك جاساۋ، توعىستىرۋ» بويىنشا قىستاققا تۇسكەن قىزمەت اترەتىندەگىلەر بولىپ 6 مىڭعا تاياۋ ادام ۇگىت – لەكسيانى دەن قويا تىڭدادى. بۇل وبلىسقا توتە قاراستى ورىنداردىڭ ج ك پ اۆتونوميالى رايوندىق 9 – كەزەكتى كوميتەتى ەكىنشى جالپى (كەڭەيتىلگەن) ءماجىلىسىنىڭ رۋحىن ۇگىتتەۋ، دايەكتى تياناقتاندىرۋ جانە «پارتيانى، وتاندى، جۇڭحۋا ۇلتتارى ۇلى وتباسىن قىزۋ ءسۇيىپ، بولشەكتەۋشىلىككە، ۇشقارىلىققا، زورلىقتى كۇشكە قارسى تۇرۋ» جونىندەگى ۇگىت – لەكسيا بايانداما جينالىسىنىڭ ءبىر پاراسى ەدى.
ۇگىت – لەكسياشى، وبلىستىق پروكۋراتۋرا مەكەمەسى بارلاۋ- تەكسەرۋ، باقىلاۋ باسقارماسىنىڭ ورىنباسار باستىعى بايجۇما قۇدىكەن ۇلى قاتاڭ اشىق ءۇن قاتىپ، سول كۇنگى ۇگىت – لەكسيا بايانداما جينالىسىنىڭ شىمىلدىعىن اشتى. ول بىلاي دەدى: «تەك تۇتاس وبلىستاعى ءار ۇلت كادر - جۇرتشىلىعى اۆتونوميالى رايوندىق پارتكوم مەن وبلىستىق پارتكومنىڭ شەشىم – ورنالاستىرۋلارىن ىشكەرىلەي دايەكتىلەندىرىپ، ورنىقتىلىقتى قورعاۋدىڭ >كەشەندى شاراسىن< ويداعىداي اتقارىپ، بارلىق ارەكەتتە پارتيانىڭ قولباسشىلىعىنا قۇلاق اسقاندا، اسىرەسە، بولشەكتەۋشىلىككە، ۇشقارىلىققا، زورلىقتى كۇشكە قارسى تۇرۋ سىندى ولىسپەي بەرىسپەيتىن، قيانكەسكى، ادىلدىك پەن سۇرقيالىلىق كۇرەسىندە، باستان – اياق تانىمدى بىرلىككە كەلتىرىپ، اۋىزدا ايتقاندى امالياتتا ىستەپ، باتىل پوزيتسيا ۇستانىپ، اياق الىستى بىرلىككە كەلتىرگەندە عانا، لاڭكەستىككە قارسى تۇرىپ، ورنىقتىلىقتى قورعاۋ شايقاسىندا، ءسوزسىز، جەڭىسكە جەتىپ، ىلەنىڭ قوعام ورنىقتىلىعى مەن باياندى تىنىشتىعىن جۇزەگە اسىراتىندىعىمىزعا سەنىمىمىز كامىل».
سول كۇنى ۇگىت–لەكسياشىلار جەكە–جەكە «ىنتىماقتىلىق، ورنىقتىلىق _ شينجياڭداعى ءار ۇلت حالقىنىڭ ءتۇبىرلى مۇددەسىنە سايادى»، «>ءۇشتى قىزۋ ءسۇيۋ، ۇشكە قارسى تۇرۋ< تاربيەسىن ىشكەرىلەي جۇرگىزىپ، شينجياڭنىڭ قوعام ورنىقتىلىعى مەن باياندى تىنىشتىعى ءۇشىن ۇلەسىمىزدى قوسايىق»، « ۇزاق جول، العىس ساپارى، ۇلتتىق سۇيىسپەنشىلىك»، «ۇلتتار ىنتىماعىن كۇشەيتۋ _ شينجياڭ جونىنەن ەڭ تاماشا وتانشىلدىق تاربيە» سياقتى تاقىرىپتاردا ۇگىت–لەكسيا جاسادى.
وبلىستىق پارتكوم ۇگىت ءبولىمىنىڭ ورىنباسار باستىعى ءىليار ساتار بىلاي دەدى: وسى رەتكى بايانداما جاساۋ جينالىسى _ باس شۋجي شي جينپيڭنىڭ شينجياڭ قىزمەتى، ۇلتتار ىنتىماعى قىزمەتى جونىندە سويلەگەن ماڭىزدى سوزدەرىنىڭ رۋحىن تىعىز توڭىرەكتەپ، ج ك پ اۆتونوميالى رايوندىق 9–كەزەكتى كوميتەتى ەكىنشى جالپى (كەڭەيتىلگەن) ءماجىلىسىنىڭ رۋحىن جانە «شينجياڭ ۇيعۇر اۆتونوميالى رايونىنىڭ <ۇشقارىلىقتى الاستاۋ> ەرەجەسى» سياقتى زاڭ–ەرەجەلەردى توڭىرەكتەپ، جەرگىلىكتى ورىننىڭ ءىس جۇزىندىگىمەن بىرلەستىرىپ، قاراپايىم دا ۇعىنىقتى ءتىل، اسەرلى اڭگىمەلەر ارقىلى ۇگىت–لەكسيا جۇرگىزىپ، قالىڭ پارتيالى كادرلار مەن ءار ۇلت كادر–جۇرتشىلىعىن پارتيا ورتالىق كوميتەتىنىڭ توڭىرەگىنە تىعىز ىنتىماقتاستىرىپ، قوعام ورنىقتىلىعى مەن باياندى تىنىشتىقتى باتىل قورعاپ، ۇلكەن دۇرىس پەن بۇرىس ماسەلەسىندە مايداندى بەرىكتەپ، ايقىن تۋ ۇستاپ، بولشەكتەۋشىلىككە قارسى تۇرۋ كۇرەسىندە ءدىني ۇشقارى يدەيانىڭ جالبىزبالاپ كىرۋىنە سانالىلىقپەن قارسى تۇرىپ، زورلىقتى كۇش لاڭكەستەرىمەن باتىل كۇرەس جۇرگىزۋگە، استە، «ەكى بەتكەيلەردەن» بولماۋعا جىگەرلەندىردى.
قاينۇق اۋىلى شەجى قىستاعىنىڭ تۇرعىنى مارقابا مامۇت ۇگىت–لەكسيانى تىڭداعاننان كەيىن: «قازىر بۇقارانىڭ تۇرمىسى كۇننەن كۇنگە جاقسارۋدا، حالىقتى اۋقاتتاندىرىپ، بەيقۇت ءۇي سالۋ بويىنشا 144 شارشى مەترلىك ءۇي سالىپ، اۋداندىق پارتكوم مەن ۇكىمەتتىڭ 38 مىڭ 500 يۋاندىق قوسىمشا قاراجاتىنان يگىلىكتەندىم، قىستاققا اسفالت جول توسەلدى، جۇبايمىز ەكەۋىمىز كاسىپورىندا ىستەيمىز، ايلىق كىرىسىمىز 5 مىڭ يۋاننان اسادى. وسىنداي ءتيىمدى ساياساتتار مەن تۇرمىسىمىزداعى زور وزگەرىستەردى كوزىمىزبەن كورىپ، كوڭىلىمىزبەن ءتۇيسىنىپ وتىرمىز. تاماشا تۇرمىسىمىز _ وتاننىڭ قۇدىرەتتەنۋىنىڭ، ۇلتتار ارا ىنتىماقتىلىقتىڭ ارقاسى. الايدا «ءۇش ءتۇرلى كۇشتىڭ» كورىكتى تۇرمىسىمىزدى ءبۇلدىرۋى ەسەك دامە. ءبىز ءار ۇلت باۋىرلاستارى، ءسوزسىز، ىنتىماقتاسا وتىرىپ، زاڭدى قارۋ ەتىپ، ۇلتتىق بولشەكتەۋشىلىككە باتىل قارسى تۇرىپ، زورلىقتى كۇش لاڭكەستەرمەن كۇرەستى سوڭىنا دەيىن جالعاستىرۋىمىز كەرەك.
وبلىستىق پارتكومنىڭ تۇراقتى مۇشەسى گاۋ تيانشان ماجىلىسكە قاتىناستى. ۇعىسۋعا قاراعاندا، ۇگىت–لەكسياشىلار تاياۋدا قۇلجا قالاسى، قورعاس اۋدانى سياقتى اۋدان–قالا، اۋىل–قالاشىقتاردا كولەمدى ۇگىت–لەكسيا جاسايدى ەكەن.
كەلۋ قاينارى: «ىلە گازەتى - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
