وڭتۇستىك شينجياڭنىڭ 750 كيلوۆولتتىق ەلەكتر تورىن ۇزارتۋ، كۇشەيتۋ ينجەنەرياسى جۇمىس باستادى
2017.05.16 15:01 كەلۋ قاينارى : شينجياڭ گازەتى
12 - مامىر كۇنى ءتۇستىڭ الدىندا، وڭتۇستىك شينجياڭنىڭ 750 كيلوۆوتتىق ەلەكتر تورىن ۇزارتۋ، كۇشەيتۋ ينجەنەرياسىنىڭ جۇمىس باستاۋ سالتى بەينە - ەكران ءماجىلىسى فورماسىمەن ۇرىمجىدە وتكىزىلدى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ماجىلىسكە قاتىناستى ءارى ءسوز سويلەدى.
شوكىرات زاكىر بىلاي دەپ اتاپ كورسەتتى: قازىرگى تاڭدا نەگىزدىك قۇرىلعى قۇرىلىسىنىڭ جەتكىلىكسىزدىگى مەن مەشەۋلىگى شينجياڭنىڭ ەكونوميكالىق، قوعامدىق دامۋىنا تۇساۋ بولىپ وتىرعان ولقىلىق ەسەپتەلەدى، وتە - موتە، وڭتۇستىك شينجياڭ ەلەكتر تورى نەگىزدىك قۇرىلعىسىنىڭ مەشەۋلىگى رايونىمىزدىڭ ەكونوميكالىق، قوعامدىق دامۋىنا اۋىر تۇساۋ بولىپ وتىر.
ولقىلىقتاردى تولىقتىرۋعا نازار اۋدارىپ، سەرپىندى ارتتىرۋ كەرەك، بيىل رايونىمىز تۇراقتى مۇلىككە ءبىر تريلليون 500 ميلليارد يۋان قارجى سالۋدى قۇلشىنا ورىندايدى. وڭتۇستىك شينجياڭنىڭ 750 كيلوۆولتتىق ەلەكتر تورىن ۇزارتۋ، كۇشەيتۋ ينجەنەرياسى قۇرىلىسىنىڭ باستالۋى وڭتۇستىك شينجياڭنىڭ ەلەكتر تورى نەگىزدىك قۇرىلعىسىنداعى ولقىلىقتاردى تولىقتىرۋدىڭ ناقتى شاراسى رەتىندە، وڭتۇستىك شينجياڭنىڭ ەلەكتر تورى قۇرىلىسىن جاقسارتىپ، ەلەكتر تورى نەگىزدىك قۇرىلعىسىنىڭ ءوزارا بايلانىسىن ىلگەرىلەتىپ، جەرگىلىكتى ورىنداعى ءار ۇلت بۇقاراسىنىڭ تۇرمىس دەڭگەيىن جوعارىلاتۋدا كەلەلى مانگە يە.
شوكىرات زاكىر بىلاي دەپ باسا دارىپتەدى: جاڭا دامۋ ۇستانىمىن مىقتاپ ورناتىپ جانە دايەكتىلەندىرىپ، «شينجياڭدى ەلەكترلەندىرۋ» قۇرىلىسىن جەدەل ىلگەرىلەتۋ كەرەك. بيىل «بىردەي تور، بىردەي باعا»، ءار دارەجەلى مەملەكەت مەنشىگىندەگى كاپيتالدىڭ ەلەكتر تورىنا قارجى سالۋ سياقتى رەفورما سىناق تۇيىندەرى قىزمەتىن بىرتىندەپ اتقارىپ، ەلەكتر كاسىبىندەگى قايشىلىقتار مەن قاتپارلى ماسەلەلەردى شەشىپ، ەلەكتر قۇرىلىمىنىڭ ءتۇرىنىڭ جاڭالانۋىن جانە كاسىپ دەڭگەيىنىڭ ءوسۋىن ىلگەرىلەتۋ كەرەك. قوعام ورنىقتىلىعى مەن باياندى تىنىشتىق باس نىساناسىنا قىزمەت كورسەتۋگە نازار اۋدارىپ، ەلەكتر تورى ءتۇيىندى نىسان قۇرىلىستارىن جەدەل ىلگەرىلەتۋ قاجەت. شىعىس جۇڭعار - شىعىس جۇڭگو (وڭتۇستىك انحۇي) 1100 كيلوۆولتتىق ەرەكشە جوعارى كەرنەۋلى تۇراقتى توك جەتكىزۋ ينجەنەرياسىن، ءۇرىمجىنىڭ سولتۇستىگى - جوڭعاردىڭ سولتۇستىگى، ءۇرىمجىنىڭ سولتۇستىگى - ۋجياچۇي، تۇرپان - بايىنعولين - كۇشار 750 كيلوۆولتتىق ەلەكتر جەتكىزۋ، كەرنەۋ وزگەرتۋ ينجەنەرياسى، سونداي - اق بۇكىل رايونىمىزدىڭ 220 كيلوۆولتتىق ەلەكتر جەتكىزۋ، كەرنەۋ وزگەرتۋ ينجەنەرياسى، قالا - قالاشىقتارداعى ەلەكتر ۇلەستىرۋ تورىنىڭ دارەجەسىن ءوسىرىپ جاڭالاۋ ينجەنەرياسى سياقتى نىسان قۇرىلىسىن ءتۇيىندى تۇردە جەدەل ىلگەرىلەتىپ، «شينجياڭنىڭ ەلەكترىن سىرتقا جونەلتۋدىڭ» 3 - ارناسىنىڭ العاشقى مەرزىمدىك قىزمەتىن ىلگەرىلەتىپ، بيىلعى ەلەكتر تورىنا 17 ميلليارد 600 ميلليون يۋاندىق قارجى سالۋ نىسانالىق مىندەتىنىڭ ورىندالۋىن قامتاماسىز ەتۋ كەرەك. ءوندىرىس حاۋىپسىزدىگى يدەياسىن مىقتاپ ورناتىپ، ەلەكتردىڭ حاۋىپسىز، تۇراقتى قىزمەتىن شىن مانىندە قامتاماسىز ەتۋ قاجەت. ستيلگە شىن مانىندە بۇرىلىس جاساپ، سايكەسۋ مەن سەلبەسۋدى كۇشەيتىپ، ەلەكتر تورى قۇرىلىسىن كۇش سالا قولداۋ قاجەت.
وڭتۇستىك شينجياڭنىڭ 750 كيلوۆولتتىق ەلەكتر تورىن ۇزارتۋ، كۇشەيتۋ ينجەنەرياسى − اۆتونوميالى رايوننىڭ «شينجياڭدى ەلەكترلەندىرۋدى» ىلگەرىلەتىپ، جىبەك جولى ەكونوميكالىق بەلدەۋىنىڭ وزەكتى رايون قۇرىلىسىنا قىزمەت كورسەتەتىن ءتۇيىندى ينجەنەريا ءارى شينجياڭنىڭ 750 كيلوۆولتتىق نەگىزگى تور جۇلگەسىنىڭ قۇرامداس ءبولىمى. جالپى 3 ميلليارد 600 ميلليون يۋان قارجى سالىنعان وسى ينجەنەريا شينجياڭنىڭ 750 كيلوۆولتتىق ەلەكتر تورىنىڭ مارالباسى، قاشقار كەرنەۋ وزگەرتۋ ستانسياسىنان باستالادى، مارالباسى - ياركەن، ياركەن - حوتان، قاشقار - ياركەن 750 كيلوۆولتتىق ەلەكتر جەتكىزۋ، كەرنەۋ وزگەرتۋ، سونداي - اق سايكەستى ينجەنەريالارىنان قۇرالادى، ياركەن، حوتان 750 كيلوۆولتتىق كەرنەۋ وزگەرتۋ ستانسيالارى جاڭادان سالىنادى، 726 كيلومەتر ەلەكتر سىمى تارتىلادى، مەجەمەن 2019 - جىلدىڭ الدىڭعى جارتىسىندا ىسكە قوسىلادى. وڭتۇستىك شينجياڭنىڭ 750 كيلوۆولتتىق ەلەكتر تورىن ۇزارتۋ، كۇشەيتۋ ينجەنەرياسى تۇراقتى مۇلىككە 51 ميلليارد 800 ميلليون يۋان قارجى سالىنۋىنا دەم بەرىپ، شامامەن 2800 جۇمىس ورنىن ارتتىرىپ، 10 مىڭ ادامنىڭ جۇمىستانۋ ماسەلەسىن جانامالاي شەشەدى، ونەركاسىپتىك جىلدىق ارتۋ قۇنى 10 ميلليارد يۋانعا جەتەدى.
اۆتونوميالى رايوننىڭ ورىنباسار ءتوراعاسى جاڭ چۇنلين ماجىلىسكە قاتىناستى ءارى ءماجىلىستى باسقاردى، مەملەكەتتىك ەلەكتر تورى سەرىكتەستىگى باس ديرەكتورىنىڭ كومەكشىسى جاڭ يىڭلي ماجىلىسكە قاتىناستى، اۆتونوميالى رايوندىق دامۋ جانە رەفورما، مەملەكەت جەر بايلىعى، قالا، اۋىل قۇرىلىسى جانە تۇرعىن ءۇي، قورشاعان ورتانى قورعاۋ، سۋ يگىلىگى سياقتى قاتىستى تاراۋلاردىڭ باسشىلارى ماجىلىسكە قاتىناستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
