سەلبەسىپ تەڭ يگىلىككە كەنەلۋدىڭ جاڭا داۋىرىنە قادام تاستادى
لي چۇنشيا
2017.05.16 15:02 كەلۋ قاينارى : شينجياڭ گازەتى
بىرگە يگىلىكتەنۋ − «ءبىر بەلدەۋ، ءبىر جول» دارىپتەمەسىنىڭ نەگىزگى اۋەنى.
«ءبىر بەلدەۋ، ءبىر جول» قۇرىلىسى شينجياڭعا ماڭىزدى تاريحي وراي اكەلدى. بۇگىندە جىبەك جولى ەكونوميكالىق بەلدەۋى وزەكتى رايونى ويداعى دۇنيەدەن ناقتى بولمىسقا اينالا باستادى، «5 ءىرى ورتالىق» قۇرىلىسىندا ناقتى ىلگەرىلەۋشىلىكتەرگە قول جەتتى. جۇڭگونىڭ شينجياڭى مەن جىبەك جولى ەكونوميكالىق بەلدەۋى بويىنداعى مەملەكەتتەر ءتۇرلى سالالاردا كولەمدى بارىس - كەلىس، سەلبەستىك ورىستەتىپ، دامۋ جەتىستىكتەرىنەن تەڭ يگىلىكتەندى ءارى جۇڭگونىڭ شينجياڭى مەن جەلى بويىنداعى ەلدەردىڭ حالىقتارىنا ناقتى پايدا جەتكىزىپ، تابىس سەزىمىن سيلادى.
مەديتسينالىق قىزمەت كورسەتۋ ورتالىعى: ناۋقاس كورسەتۋ ءتىپتى قولايلىلاستىردى
«شەكارا اتتاپ شالعايدان دياگنوز قويۋ ۇلىمنىڭ دەنساۋلىعىنىڭ قالپىنا كەلۋىنە ءۇمىت باعىشتادى. وپەراتسيادان كەيىن بالام ورنىنان تۇرىپ ءجۇرىپ كەتسە ەكەن دەيمىن». بيىل ناۋرىزدا قىرعىزستاندىق زاميرا مي سالدانۋ ناۋقاسىنا شالدىققان بالاسىن ەمدەتۋ ءۇشىن، شينجياڭ مەديتسينا ۋنيۆەرسيتەتىنە قاراستى 2 - شيپاحاناعا كەلدى.
بىلتىر تامىزدا شينجياڭ مەديتسينا ۋنيۆەرسيتەتىنە قاراستى 2 - شيپاحانا قىرعىزستاننىڭ وش وبلىستىق شيپاحاناسىمەن، قىرعىزستان مەملەكەتتىك انالار مەن بالالار دەنساۋلىعىن ساقتاۋ شيپاحاناسىمەن شالعايدان مەديتسينالىق قىزمەت كورسەتۋ سەلبەستىگى كەلىسىمىن جاساستى. قازىرگى كەزدە شالعايدان دياگنوز قويىلعان ناۋقاس سانى 100دەن استى.
اۆتونوميالى رايوندىق دەنساۋلىق ساقتاۋ جانە جوسپارلى تۋىت كوميتەتى پارتيا باسشىلىق گرۋپپاسىنىڭ ورىنباسار شۋجيى، ورىنباسار مەڭگەرۋشىسى پىڭ يۇڭ بىلاي دەدى: رايونىمىزدىڭ شەكارا اتتاپ شالعايدان مەديتسينالىق قىزمەت كورسەتۋ تۇعىرى سىناق ءتۇيىنى قۇرىلىسى قىزمەتىندە بەلگىلى ىلگەرىلەۋشىلىككە قول جەتتى، ەل ىشىندە 3A دارەجەلى 11 شيپاحانامەن تۇتاستى، قىرعىزستاننىڭ 7 وبلىس، 2 قالاسىنداعى 17 شيپاحانامەن، گرۋزيانىڭ 2 ءىرى شيپاحاناسىمەن، قازاقستاننىڭ 5 ءىرى شيپاحاناسىمەن بايلانىس ورناتتى، تاجىكستاننىڭ 15 شيپاحاناسىمەن قۇراستىرۋ ۋاقىتىن جانە كەلىسىمگە قول قويۋ ىستەرىن بەلگىلەۋ جۇمىستارىن سايكەستىرۋدە.
ۇعىسۋىمىزشا، رايونىمىزدا اۆتونوميالى رايون دارەجەلى 3A دارەجەلى 5 شيپاحانا حالىقارالىق مەديتسينالىق قىزمەت كورسەتۋ ءبولىمىن قۇرىپ، 500 توسەك ورنالاستىرىپ، شەتەلدەردەن جالپى 14 مىڭنان استام ناۋقاستى (رەت) قابىلدادى.
رايونىمىزدىڭ توڭىرەكتەگى، جەلى بويىنداعى ەلدەرمەن ەمدەۋ، دەنساۋلىق ساقتاۋ سالاسىنداعى قارىم - قاتىناسى، ءوزارا ساپارى كۇن سايىن جيىلەۋدە. جىبەك جولى سالاماتتىق تالقى مىنبەرىن وتكىزىپ، «سەلبەستىك ەسكەرتپە حاتىنا» قول قويدى ءار جىلى پاكيستاننىڭ بەشاۋار، گۋادار قالالارى ءۇشىن مەديتسينا ماماندارىن اقىسىز تاربيەلەپ بەردى، ت.ب.
ساۋدا، زات تاسىمالى سەلبەستىگى: ءتىپتى كوپ ساۋدا ورايىن اكەلدى
بيىل ناۋرىزدا رايونىمىز «جىبەك جولى ەكونوميكالىق بەلدەۋى وزەكتى رايونىنىڭ ساۋدا، زات تاسىمالى ورتالىعى قۇرىلىسى جوباسىن (2016 − 2030)» جاريالادى.
شينجياڭ حۋايىڭ حالىقارالىق ساۋدا شەكتى سەرىكتەستىگى 2014 - جىلى تاشقورعاندا قىزمەت تەكسەرگەن سوڭ، قارجى قوسىپ سالعان چيانحاي زات تاسىمالى باقشاسى بۇگىندە تاشقورعاندا كەدەننىڭ باقىلاۋ - باسقارۋىنداعى ەڭ ۇلكەن قامباعا اينالدى. ال زات تاسىمالى باقشاسىنا تاياۋ جەردە جۇڭگو - پاكيستان حالىقارالىق زات تاسىمال امبەباپ تۇلعاسى سالىنۋ ۇستىندە. «وسى نىسان سالىنىپ بولعان سوڭ، جۇڭگو مەن پاكيستان اراسىنداعى ساۋدا، زات تاسىمالىنىڭ پەريودى قىسقارىپ، ساۋدانىڭ وزىندىك قۇنى ازايىپ، ەكى ەل اراسىنداعى ساۋدا كولەمى كەڭەيەدى»، - دەدى تاشقورعان تاجىك اۆتونوميالى اۋداندىق ساۋداگەر شاقىرۋ مەكەمەسىنىڭ باستىعى جوۋ شاۋميڭ.
بيىل ساۋىردە جۇڭگو - ەۆروپا (ورتا ازيا) كەزەكشى پويەزدەرىنىڭ ءۇرىمجى شوعىرلاندىرۋ ورتالىعىنان باتىسقا جول الاتىن كەزەكشى پويەزدەر سانى ءار 2 كۇندە 3 كەزەكشى پويەز قاتىناۋ دارەجەسىنە جەتىپ، پويەزدەردىڭ قاتىناۋىنىڭ كولەمدەنۋى، ۇدايىلانۋى ىسكە اسىرىلدى. بۇكىل ەلدىڭ جەر - جەرىنەن ورتا ازياعا جونەلتىلگەن زاتتار ۇرىمجىدە جينالىپ جونەلتىلەتىن بولدى.
باتىسقا قاتىنايتىن جۇردەك پويەزدەر باۋگاڭ توبى شينجياڭ 1 - تامىز بولات - تەمىر شەكتى سەرىكتەستىگىنە، جۇڭتاي حيمياسى سياقتى تەمىر جول زات تاسىمالىنىڭ ءىرى كليەنتتەرىنە جاڭا دامۋ ورايىن اكەلدى. 2015 - جىلى 23 - قاڭتاردا، 2500 توننا بولات - تەمىر تيەپ باتىسقا جول العان حالىقارالىق جۇك پويەزى ءۇرىمجى ەكونوميكالىق، تەحنيكالىق اشۋ رايونىنداعى (توۋتۇنحى رايونى) 1 - تامىز بولات - تەمىر شەكتى سەرىكتەستىگىنىڭ جاڭا سالىنعان بولات - تەمىر قامباسى بەكەتىنەن جولعا شىقتى، بۇل شينجياڭنىڭ وزىندە وندىرىلگەن بولات - تەمىردىڭ تۇڭعىش رەت تۇتاس پويەزبەن مەملەكەت قاقپاسىنان شىققانىن كورسەتەدى.
جۇڭگو - قازاقستان قورعاس حالىقارالىق شەكارالىق سەلبەستىك ورتالىعى − ەلىمىز بەن باسقا مەملەكەتتەر قۇرعان تۇڭعىش حالىقارالىق شەكارالىق سەلبەستىك ورتالىعى، وزگەشە جەڭىلدىك ساياساتىنان يگىلىكتەنۋى جانە ورتا ازياعا جاقىن بولۋداي وڭىرلىك باسىمدىعى سەبەبىنەن، سوڭعى جىلداردا ەل ءىشى - سىرتىنان ساۋداگەرلەردىڭ مول شوعىرىن وسى ارادا قارجى قوسىپ كاسىپ اشۋعا تارتتى ءارى جەرگىلىكتى ورىندى قىرۋار جۇمىس ورىندارىمەن قامدادى. قازىردە سەلبەستىك ورتالىعىندا 4000نان استام جۇڭگولىق، شەتەلدىك كاسىپورىن، 6000نان استام ادام، باجى كەشىرىلگەن 40تان استام ساۋدا دۇكەنى جۇمىس جۇرگىزەدى، كۇندىك ورتاشا ساتىلۋ سوماسى 5 ميلليون يۋاننان اسادى.
گۋمانيتارلىق اۋىس - كۇيىس حالىق تىلەگىنىڭ توعىسۋىن جەبەدى
شينجياڭ ازيا - ەۆروپا ۇلى قۇرلىعىنىڭ اپاي توسىنە ورنالاسقان، ورتا ازياداعى ەلدەرمەن ىرگەلەس، گۋمانيتارلىق جاقىندىعى بار. وزەكتى رايون قۇرىلىسىنىڭ ىلگەرىلەۋىنە ىلەسە، رايونىمىزدىڭ «ءبىر بەلدەۋ، ءبىر جول» بويىنداعى ەلدەرمەن گۋمانيتارلىق اۋىس - كۇيىسى ءتىپتى دە جيىلەي ءتۇستى.
ءار 2 جىلدا ءبىر كەزەك وتكىزىلەتىن جۇڭگو شينجياڭ حالىقارالىق ۇلتتىق ءبي فەستيۆالى شينجياڭنىڭ كوركەم وبرازىنىڭ تاماشا تانىسقىسىنا جانە جىبەك جولى بەلدەۋى بويىنداعى ەلدەردىڭ مادەنيەت اۋىس - كۇيىسىندەگى ماڭىزدى تۇعىرىنا اينالدى. 4 - كەزەكتى جۇڭگو شينجياڭ حالىقارالىق ءبي فەستيۆالى كەزىندە، «ءبىر بەلدەۋ، ءبىر جول» بويىنداعى 12 ەلدىڭ، 25 ويىن - ساۋىق ۇيىرمەسىنىڭ 2000 نەشە ءبيشىسى كورەرمەندەرگە ارناپ 78 رەت تارتىمدى كونسەرت ءنومىرىن قويدى.
وقۋ - اعارتۋ سالاسىنداعى اۋىس - كۇيىس تە ىشكەرىلەي ىلگەرىلەۋدە. 2015 - جىلى ورتا ازيا وڭىرلىك ەكونوميكالىق سەلبەستىك ينستيتۋتى ۇرىمجىدە قۇرىلدى. كەزەكتە رايونىمىز «ءبىر بەلدەۋ، ءبىر جول» بويىنداعى ەلدەردە 10 كۇڭزى ينستيتۋتىن اشتى. جىبەك جولى مادەنيەتىن تاراتۋ، جىبەك جولى حيكاياسىن جاقسى جەتكىزۋ، جىبەك جولى رۋحىن بايىمداۋ − جىبەك جولى بويىنداعى ەلدەردە اشىلعان كۇڭزى ينستيتۋتىنىڭ جاڭا بورىشىنا اينالدى.
تاياۋ جىلداردان بەرى شينجياڭنىڭ جىلدار بويى ۇزاق، قىسقا مەرزىمدەر بويىنشا شەتەلدەردەن وقۋشى قابىلداۋ جاعدايى بىرتىندەپ جاقسارتىپ كەلەدى، كەزەكتە شينجياڭدا ءار جىلعى مەكتەپتە وقيتىن شەتەلدىك وقۋشىلار سانى 7000عا تاياپ وتىر.
جىبەك جولى ەكونوميكالىق بەلدەۋى وزەكتى رايونى قۇرىلىسىنىڭ ىشكەرىلەي ىلگەرىلەۋى شينجياڭنىڭ ساياحات كاسىبى ءۇشىن دامۋ ءورىسىن كەڭەيتتى. بىلتىر 20 - ماۋسىم كۇنى، جۇڭگو - قازاقستان - قىرعىزستان ەلدەرىنە شەكارا اتتاپ ءوز كولىگىمەن ساياحاتتايتىن العاشقى ۇيىرمە ۇرىمجىدەن جولعا شىقتى. سول جىلدىڭ 5 - تامىزىندا، قازاقستانعا باراتىن جۇڭگو ازاماتتارىن العاشقى توپتا اتتاندىرۋ سالتى ۇرىمجىدە وتكىزىلدى، 300گە تاياۋ ادام 4 گرۋپپاعا ءبولىنىپ، قازاقستاندا ساياحاتتا بولدى.
جىبەك جولى ەكونوميكالىق بەلدەۋى وزەكتى رايونى قۇرىلىسى − حالىق تىلەگىنەن شىعاتىن ۇلى جوبا. اۆتونوميالى رايوننىڭ وزەكتى رايون قۇرىلىسىن جاپپاي كۇش سالا ىلگەرىلەتۋى الداعى جەردە رايونىمىز بەن «ءبىر بەلدەۋ، ءبىر جول» بويى ەلدەرىندەگى حالىقتارعا ءتىپتى دە كوپ يگىلىك جانە باقىت جەتكىزەتىن بولادى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
