بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

تاشقورعان تاجىك اۆتونوميالى اۋدانىنداعى بارلىق كوممۋنيستىك پارتيا مۇشەلەرىنەن حال سۇراۋ حاتى

2017.05.16 15:05     كەلۋ قاينارى : شينجياڭ گازەتى

  جەر سىلكىنىسىنە قارسى اتتانىپ، اپاتتان قۇتقارۋدىڭ ءبىرىنشى شەبىندە كۇرەس جاساپ جاتقان تاشقورعان تاجىك اۆتونوميالى اۋدانىنداعى بارلىق كوممۋنيستىك پارتيا مۇشەلەرىنە:

  11 - مامىر كۇنى تاشقورعان تاجىك اۆتونوميالى اۋدانىندا 5.5 بال جەر سىلكىنىسى اپاتى تۋىلعاننان كەيىن، اۆتونوميالى رايوندىق پارتكوم، ۇكىمەت بۇعان وسكەلەڭ ءمان بەردى، اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوننىڭ ءتوراعاسى شوكىرات زاكىر تىزگىن ۇشىمەن ورنالاستىرۋ جاساپ، ىزدەۋ - قۇتقارۋ، جارالىلاردى قۇتقارۋ، بۇقارانى جىلدام كوشىرۋ جۇمىستارىن كۇش سالا ىستەپ، حاۋىپتەن اراشالاۋ، اپاتتان قۇتقارۋ قىزمەتىن پارمەندى ورىستەتىپ، قالدىق سىلكىنىس پەن قوسىمشا اپاتتاردان، ءولىم - ءجىتىم جانە مال - مۇلىك شىعىنى بولۋىنان باتىل ساقتانۋدى تالاپ ەتتى. اۆتونوميالى رايوندىق پارتكومنىڭ تۇراقتى مۇشەسى، ۇيىمداستىرۋ ءبولىمىنىڭ باستىعى ما شۋەجۇن اۆتونوميالى رايوندىق پارتكوم ۇيىمداستىرۋ بولىمىنەن اۆتونوميالى رايون قورىنداعى پارتيا جارناسىنان قارجى شىعارىپ، اپاتقا ۇشىراعان رايونعا قولداۋ كورسەتۋدى، اپاتتى رايونداعى پارتيا ۇيىمدارىن جانە قالىڭ پارتيالى كادرلاردى اتويلاپ الدا جۇرۋگە ۇيىمداستىرۋدى جانە اتتانىسقا كەلتىرۋدى، بۇقارانى اپاتتى جەڭىپ، مەكەنىن قايتا كوركەيتۋگە ىنتىماقتاستىرا باستاۋدى تالاپ ەتتى.

  حالىق مۇددەسى بارىنەن جوعارى، بۇقارانىڭ مۇڭ - مۇقتاجى بارىنەن ماڭىزدى. توسىننان تۋىلعان جەر سىلكىنىسى اپاتى الدىندا، اۆتونوميالى رايوندىق پارتكومنىڭ پارمەندى باسشىلىعىندا تاشقورعان تاجىك اۆتونوميالى اۋدانىنداعى ءار دارەجەلى پارتيا ۇيىمدارى جانە «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتى دەرەۋ اڭىس ءبىلدىرىپ، قالىڭ پارتيا مۇشەلەرى بۇيرىقتى ەستىسىمەن ارەكەتكە كەلىپ، اپات تۋىلعان رايوننىڭ الدىڭعى شەبىنە دەرەۋ اتتانىپ، ەكپىندىلەر اترەتى جانە نەگىزگى قوسىندىق رولىن ساۋلەلەندىردى. سىزدەر قۇرباندىق بەرۋدەن قورىقپاي، ءولىم حاۋىپ - قاتەرىنەن تايسالماي، ءومىر ۇشقىنىن بۇقاراعا ارناپ، جارالىلاردى ۋاقىتپەن جارىسا قۇتقارىپ، بۇقارانىڭ ءولىم - ءجىتىم جانە مال - مۇلىك زيانىن ەڭ تومەنگى شەككە تۇسىردىڭىزدەر؛ سىزدەر حالىق ءۇشىن باستارىڭدى ءباي تىگىپ، وزدەرىڭنىڭ قيراندى بولعان اۋلالارىڭمەن ساناسپاي، جارالانعان تۋىس - تۋعاندارىڭدى ءبىر شەتكە قايىرىپ قويىپ، بۇقارانى كوشىرىپ، ورنالاستىرۋ قىزمەتىن جاقسى ىستەپ، ءار ۇلت بۇقاراسىنا پارتيا مەن ۇكىمەتتىڭ ەڭ سەنىمدى ەكەنىن سەزىندىردىڭىزدەر؛ سىزدەر ءۇرتىس كۇرەس جاساپ، اپاتتان قۇتقارۋ قۇرال - جابدىقتارىن تەز تاسىپ جانە تاراتىپ، سۋىق، تاستاي قاتتى ناندى وزدەرىڭ كەمىرىپ، ىستىق تاعامداردى بۇقاراعا بەرىپ، پارتيا مەن ۇكىمەتتىڭ قامقورلىعىنىڭ قاي جەردەن دە تابىلاتىندىعىنا مۇمكىندىك جاسادىڭىزدار. حاۋىپتى، شۇعىل ساتتەردە، ماڭىزدى كەزەڭدەردە سىزدەر كۇشتى ساياسي تانىم، جالپى جاعداي تانىمى، ۇيتقى تانىمى، ساپ تۇزەۋ تانىمى ارقىلى قاي جەردە بۇقارا ەڭ قاجەت ەتسە، قاي جەردە اپات جاعدايى ەڭ اۋىر بولسا، قاي جەردە جاعداي ەڭ حاۋىپتى بولسا، سول جەردە كوممۋنيستىك پارتيا مۇشەلەرى بولاتىندىعىن ايگىلەدىڭىزدەر. سىزدەردىڭ ونەگەلىك ارەكەتتەرىڭىزدىڭ جەتەگىندە ءار ۇلت كادر - بۇقاراسى تىزە قوسا سەلبەسىپ، ەل بىرلىگىنىڭ بەرىك قامالىن سوعىپ، اپاتپەن ايقاستى، اپاتقا ۇشىراعان بۇقارانى جاپپاي، ۇتىمدى، حاۋىپسىز كوشىرۋدى كوزدەپ، جەر سىلكىنىسىنە قارسى اتتانىپ، اپاتتان قۇتقارۋدىڭ كەزەڭدىك كەلەلى جەڭىسىنە قول جەتكىزدى.

  وسىعان بايلانىستى، اۆتونوميالى رايوندىق پارتكوم ۇيىمداستىرۋ ءبولىمىنىڭ ءبولىم كەڭەسى جەر سىلكىنىسى اپاتىندا قايتىس بولعان باۋىرلاستارعا قايعىلى ازا بىلدىرەدى! جەر سىلكىنىسى اپاتىنىڭ ءبىرىنشى شەبىندە كۇرەس جاساپ جاتقان قالىڭ پارتيا مۇشەلەرىنە ىقىلاستى سالەم جولدايدى، شىنايى العىس ايتادى، وسكەلەڭ قۇرمەت بىلدىرەدى! سىزدەر كورىكتى تاس قالا مەن اسقار شوگىر شىڭىنىڭ تىرەگىسىزدەر، سىزدەر كوممۋنيست دەگەن داڭقتى اتاققا لايىقسىزدار!

  كەزەكتە جەر سىلكىنىسىنە قارسى اتتانىپ، اپاتتان قۇتقارۋ قىزمەتى وتپەلى سيپاتتى ورنالاستىرۋدىڭ شەشۋشى كەزەڭىنە اياق باستى، الداعى جەردە قالپىنا كەلتىرۋ، قايتا قۇرۋدا ۋاقىت اناعۇرلىم ۇزاق، مىندەت اناعۇرلىم اۋىر، جاۋاپكەرشىلىك اناعۇرلىم زور بولادى. سىزدەردىڭ قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، ءبىر جاعىنان، لاڭكەستىككە قارسى تۇرىپ، ورنىقتىلىقتى قورعاۋدى، ەندى ءبىر جاعىنان، جەر سىلكىنىسىنە قارسى اتتانىپ، اپاتتان قۇتقارۋدى مىقتى يگەرىپ، ناتيجەنى ساۋلەلەندىرىپ، كۇش ۇستىنە كۇش قوسىپ، تالماي قۇلشىنىپ، جاراسمدىلىقتىڭ، ورنىقتىلىقتىڭ اتويشىسى، بۇقاراعا قىزمەت كورسەتۋدىڭ جان اشىرى، اپاتتان كەيىنگى قايتا قۇرۋدىڭ باستاماشىسى بولىپ، اناعۇرلىم بەرىك سەنىم، اناعۇرلىم ناقتى ءىس ىستەۋ ستيلى، اناعۇرلىم اسقاق جىگەر، اناعۇرلىم پارمەندى ارەكەت ارقىلى ءار ۇلت كادر - بۇقاراسىن جەر سىلكىنىسىنە قارسى اتتانىپ، اپاتتان قۇتقارۋدىڭ سوڭعى جەڭىسىنە قول جەتكىزۋگە ىنتىماقتاستىرا باستاپ، پارتيا 19 - قۇرىلتايىنىڭ جەڭىسپەن اشىلۋىن جەر سىلكىنىسىنە قارسى اتتانىپ، اپاتتان قۇتقارۋ مىندەتىن ويداعىداي ورىنداۋداي ۇزدىك تانيجەلەرمەن قارسى الۋلارىڭىزدى ءۇمىت ەتەمىز.

  «جۇمىلا كوتەرگەن جۇك جەڭىل». ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعى، اۆتونوميالى رايوندىق پارتكومنىڭ، ۇكىمەتتىڭ كوڭىل ءبولۋى مەن قامقورلىعى، شيزاڭ سياقتى دوس، باۋىرلاس ولكە، اۆتونوميالى رايونداردىڭ جانە تۇتاس رايونداعى ءار ۇلت حالقىنىڭ بار كۇشپەن كومەك كورسەتۋى مەن قولداۋى، اپاتقا ۇشىراعان رايونداعى ءار دارەجەلى پارتيا ۇيىمدارىنىڭ، قالىڭ كوممۋنيستىك پارتيا مۇشەلەرىنىڭ، ءار ۇلت بۇقاراسىنىڭ ورتاق كۇرەس جاساۋى ارقاسىندا، تاشقورعان تاجىك اۆتونوميالى اۋدانىنىڭ، ءسوز جوق، باقىتتى مەكەنىن قايتا قۇراتىندىعىنا، پامير ۇستىرتىندەگى تاس قالانىڭ بولاشاعىنىڭ اناعۇرلىم جارقىن بولاتىندىعىنا كامىل سەنەمىز.

  ج ك پ شينجياڭ ۇيعۇر اۆتونوميالى رايوندىق كوميتەتىنىڭ ۇيىمداستىرۋ ءبولىمى

  2017-جىلى 13-مامىر
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار