مەملەكەتتىك كەڭەس ءوندىرىس حاۋىپسىزدىگى كوميتەتىنىڭ شارلاۋ - تەكسەرۋ گرۋپپاسى شينجياڭدا تۇرىپ، ءوندىرىس حاۋىپسىزدىگى جونىندەگى شارلاۋ - تەكسەرۋ قىزمەتىن ورىستەتتى
2017.05.17 14:44 كەلۋ قاينارى : شينجياڭ گازەتى
16 - مامىردا مەملەكەتتىك كەڭەس حاۋىپسىز ءوندىرىس كوميتەتىنىڭ شارلاۋ - تەكسەرۋ 2 - گرۋپپاسىنىڭ شينجياڭداعى ءوندىرىس حاۋىپسىزدىگىن شارلاۋ - تەكسەرۋ قىزمەتى جونىندەگى اتتانىسقا كەلتىرۋ جينالىسى اشىلدى، شارلاۋ - تەكسەرۋ گرۋپپاسىنىڭ باستىعى جوۋ جيان جينالىسقا قاتىناستى جانە ءسوز سويلەدى، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى، اۆتونوميالى رايوندىق ءوندىرىس حاۋىپسىزدىگى كوميتەتىنىڭ مەڭگەرۋشىسى شوكىرات زاكىر جينالىستى باسقاردى جانە اتتانىسقا كەلتىرۋ ءسوزىن سويلەدى.
جوۋ جيان بۇل رەتكى شارلاۋ - تەكسەرۋ قىزمەتىنىڭ باستى مىندەتتەرىن، جوسپار - ورنالاستىرۋلارىن جانە ناقتى تالاپتارىن ايقىندادى. ول مىنالاردى اتاپ كورسەتتى: ءوندىرىس حاۋىپسىزدىگىن شارلاۋ - تەكسەرۋ قىزمەتىن ورىستەتۋ − پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرى مەن ورنالاستىرۋلارىن دايەكتىلەندىرۋدىڭ، تياناقتاندىرۋدىڭ ماڭىزدى شاراسى، ول جەرگىلىكتى ورىندار مەن كاسىپورىنداردىڭ ءوندىرىس حاۋىپسىزدىگى جاۋاپكەرشىلىگىن تياناقتاندىرۋعا ءتيىمدى، ماسەلەلەردى بايقاۋدىڭ، وي جەلىسىن كەڭەيتۋدىڭ، شارالاردى كەمەلدەندىرۋدىڭ ۇتىمدى جولى. پارتيا ورتالىق كوميتەتىندەگى، مەملەكەتتىك كەڭەستەگى باسشى جولداستاردىڭ ماڭىزدى نۇسقاۋلارىنىڭ رۋحىن مۇقيات ۇيرەنىپ، ءتۇسىنىپ، ءوندىرىس حاۋىپسىزدىگى جونىندەگى شارلاۋ - تەكسەرۋ قىزمەتىنىڭ ماڭىزدى ءمانىن جەتە تانۋ كەرەك. شارلاۋ - تەكسەرۋ قىزمەتى كەزىندە شارلاۋ - تەكسەرۋدىڭ ماڭىزدى ءتۇيىنىن كورنەكتىلەندىرىپ، جاۋاپكەرشىلىكتى تياناقتاندىرۋعا نازار شوعىرلاندىرىپ، شارلاۋ - تەكسەرۋ قىزمەتىنىڭ تالاپتارىن ناقتاپ، شىنايى تياناقتاندىرۋ كەرەك. بۇل رەتكى شارلاۋ - تەكسەرۋدىڭ باستى وبيەكتى ولكە دارەجەلى حالىق ۇكىمەتى، سونىمەن بىرگە، قىزمەتتىڭ قاجەتىنە قاراي، قالالىق، اۋداندىق حالىق ۇكىمەتى مەن قاتىستى ءتۇيىندى كاسىپورىندارعا دەيىن كەڭەيتىلەدى، بۇل بارىستا پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرى مەن ورنالاستىرۋلارىنىڭ جانە ءوندىرىس حاۋىپسىزدىگى جونىندەگى جاۋاپكەرشىلىك ءتۇزىمنىڭ تياناقتانۋ جاعدايى ءتۇيىندى تۇردە تەكسەرىلەدى.
اۆتونوميالى رايوندىق حالىق ۇكىمەتى رەتتەۋ - وڭاۋ سۋبيەكتيۆتىك جاۋاپكەرشىلىگىن شىنايى كۇشەيتىپ، «رەتتەۋ - وڭاۋدا دارمەنسىزدىك كورسەتۋ − قىزمەت اتقارماعاندىق، رەتتەۋ - وڭاۋدى مىقتى ۇستاماۋ − قىزمەتتە جاۋاپكەرسىزدىك ىستەگەندىك» دەيتىن كوزقاراستى مىقتاپ ورناتىپ، ۇيىمدىق سايكەستىرۋدى كۇشەيتىپ، شارلاۋ - تەكسەرۋ قىزمەتىنە بەلسەنە قولداۋ كورسەتىپ، سايكەسىپ، شارلاۋ - تەكسەرۋ قىزمەتىنىڭ تىڭعىلىقتى، ءونىمدى ورىستەتىلۋىنە كەپىلدىك ەتۋ كەرەك.
شوكىرات زاكىر جوۋ جيان باستاعان جۇمىس توبىنىڭ ءوندىرىس حاۋىپسىزدىگى قىزمەتىن شارلاپ - تەكسەرۋ ءۇشىن شينجياڭعا كەلگەنىن قارسى الاتىنىن ءبىلدىردى. ول بىلاي دەدى: مەملەكەتتىك كەڭەس ءوندىرىس حاۋىپسىزدىگى كوميتەتى ءوندىرىس حاۋىپسىزدىگى جونىندە شارلاۋ - تەكسەرۋ قىزمەتىن ورىستەتۋ پارتيا ورتالىق كوميتەتىنىڭ، مەملەكەتتىك كەڭەستىڭ ءوندىرىس حاۋىپسىزدىگى قىزمەتى جونىندەگى شەشىمدەرى مەن ورنالاستىرۋلارىن دايەكتىلەندىرۋدىڭ، تياناقتاندىرۋدىڭ سىندارلى شاراسى، ءوندىرىس حاۋىپسىزدىگى قىزمەتى جونىندەگى پارمەندى قۋزاۋ - جەتەكشىلىك ەتۋ، سونداي - اق اۆتونوميالى رايونىمىزدىڭ ءوندىرىس حاۋىپسىزدىگى قىزمەتىن جاپپاي تەكسەرۋ جانە پارمەندى جەبەۋ بولىپ تابىلادى. اۆتونوميالى رايوندىق پارتكوم، ۇكىمەت ءوندىرىس حاۋىپسىزدىگى قىزمەتىنە قاشاندا ايرىقشا ءمان بەرىپ كەلەدى. سوڭعى جىلدارى ەكونوميكالىق جالپى شاما ۇزدىكسىز وسكەن جاعدايدا، ورىن العان اپاتتاردىڭ جالپى سانى، ءتۇيىندى سالالارداعى اپاتتار كوپ مولشەردە ازايدى، ءوندىرىس حاۋىپسىزدىگىنىڭ سالىستىرماسى كورسەتكىشتەرى كورنەكتى تۇردە جاقسارىپ كەلەدى. اۆتونوميالى رايونىمىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ءوندىرىس حاۋىپسىزدىگى جونىندەگى جەلىلەس بەكىتۋلەرى مەن نۇسقاۋلارىنىڭ رۋحىن ىشكەرىلەي ۇيرەنىپ جانە دايەكتىلەندىرىپ، تياناقتاندىرىپ، ءوندىرىس حاۋىپسىزدىگىنىڭ «قىزىل سىزىق» تانىمىن بەرىك ورناتىپ، ءوندىرىس حاۋىپسىزدىگىندە پارتيا مەن ۇكىمەت بىردەي جاۋاپكەرشىلىك ارقالاۋدى، ءبىر قىزمەت ورنىندا 2 جاۋاپكەرلىك ارقالاۋدى قاتاڭ تياناقتاندىرىپ، يدەيالىق تانىمدى ونان ارى تەرەڭدەتىپ، دايەكتىلەندىرۋ، اتقارۋدى ونان ارى كۇشەيتىپ، قىزمەت وي جەلىسىن ونان ارى ايقىنداپ، قىزمەت شارالارىن ونان ارى تياناقتاندىرۋ كەرەك. مەملەكەتتىك كەڭەستىڭ ءوندىرىس حاۋىپسىزدىگى جونىندەگى وسى رەتكى شارلاۋ - تەكسەرۋىن وراي ەتىپ، جاۋاپكەرشىلىك سەزىمدى ونان ارى كۇشەيتىپ، ءوندىرىس حاۋىپسىزدىگىن شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋدىڭ ماڭىزدى مازمۇنى ەتۋگە تاباندى بولىپ، جاڭا دامۋ ۇستانىمدارىمەن ءوندىرىس حاۋىپسىزدىگى قىزمەتىنە جەتەكشىلىك ەتۋدەن جازباي، دامۋدا استە حاۋىپسىزدىكتى قۇربان ەتپەۋ سىندى قىزىل سىزىقتان اتتاماي، اۆتونوميالى رايونىمىزدىڭ ءوندىرىس حاۋىپسىزدىگى قىزمەتىنىڭ جاڭا دەڭگەيگە كوتەرىلۋىن شىنايى جەبەۋ كەرەك. شوكىرات زاكىر مىنالاردى تالاپ ەتتى: جەر - جەر، قاتىستى تاراۋلار شارلاۋ - تەكسەرۋ گرۋپپاسىنىڭ جان - جاقتى، ىشكەرىلەي شارلاۋ - تەكسەرۋىن سانالى تۇردە قابىلداپ، ءوندىرىس حاۋىپسىزدىگى قىزمەتىن شىنايى مىقتى ۇستاپ، جاۋاپكەرشىلىكتى شىنايى ارقالاپ، ىرىقتىلىقپەن سايكەسىپ، بەلسەنە رەتتەپ - وڭاپ، اۋىر، ەرەكشە، ءىرى اپاتتاردىڭ تۋىلۋىنان باتىل ساقتانىپ جانە ونى تىزگىندەپ، ءوندىرىس حاۋىپسىزدىگىنىڭ تاماشا ورتاسىن قۇلشىنا قالىپتاستىرىپ، پارتيا 19 - قۇرىلتايىنىڭ جەڭىسپەن اشىلۋىن ناقتى ارەكەتپەن قارسى الۋى كەرەك.
اۆتونوميالى رايوننىڭ ورىنباسار ءتوراعاسى، ءوندىرىس حاۋىپسىزدىگى كوميتەتىنىڭ ورىنباسار مەڭگەرۋشىسى ءمۇتالىپ قاسىم اۆتونوميالى رايوننىڭ ءوندىرىس حاۋىپسىزدىگى قىزمەتىنىڭ جاعدايىنان مالىمەت بەردى. مەملەكەتتىك كەڭەس ءوندىرىس حاۋىپسىزدىگى كوميتەتىنىڭ شارلاۋ - تەكسەرۋ 2 - گرۋپپاسىنىڭ مۇشەلەرى، اۆتونوميالى رايوندىق ءوندىرىس حاۋىپسىزدىگى كوميتەتىنە مۇشە ورىنداردىڭ نەگىزگى جاۋاپتىلارى جينالىسقا قاتىناستى.
مەملەكەتتىك كەڭەس ءوندىرىس حاۋىپسىزدىگى كوميتەتىنىڭ ءبىر تۇتاس ورنالاستىرۋىنا ساي، شارلاۋ - تەكسەرۋ 2 - گرۋپپاسى شينجياڭدا ءوندىرىس حاۋىپسىزدىگىن شارلاۋ - تەكسەرۋ قىزمەتىن، كەمىندە، ءبىر اي ورىستەتەدى. مۇندا اۆتونوميالى رايوندىق حالىق ۇكىمەتىنىڭ پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرى مەن ورنالاستىرۋلارىن دايەكتىلەندىرۋ، تياناقتاندىرۋ، ءوندىرىس حاۋىپسىزدىگى جونىندەگى زاڭ - ەرەجەلەردى اتقارۋ، ءوندىرىس حاۋىپسىزدىگى جاۋاپكەرشىلىگى ءتۇزىمىن تياناقتاندىرۋ سياقتى جاقتارداعى قىزمەتتەرىن ءتۇيىندى تۇردە شارلاپ تەكسەرەدى، سونداي - اق شارلاۋ - تەكسەرۋ اياسىن قالالارعا، اۋداندارعا، اۋىلدارعا (قالاشىق) جانە كاسىپورىندارعا دەيىن كەڭەيتەدى. شارلاۋ - تەكسەرۋ گرۋپپاسى مالىمەت تىڭداۋ، اڭگىمەلەسۋ - پىكىرلەسۋ، جەكەلەي سۇراۋ، ماتەريال قاراۋ، ءتۇيىندى تۇردە ۇلگى الىپ تەكسەرۋ، اشكەرەلەۋدى قابىلداۋ، ەسكەرتۋ بەرىپ سويلەسۋ، اقپارات قۇرالدارىنا اشىق جاريالاۋ سياقتى تاسىلدەرمەن شارلاۋ - تەكسەرۋ جۇرگىزەدى.
شارلاۋ - تەكسەرۋ 2 - گرۋپپاسى بۇگىننەن باستاپ اشكەرەلەۋ تەلەفونىن 15276520949، اشكەرەلەۋ ەلەكتروندىق حات ساندىعىن xjzzqaq@163.com ) جانە اشكەرەلەۋ حات ساندىعىن (ادرەسى: ءۇرىمجى قالاسى تيانشان رايونى جيانكاڭ جولى 253 - ءنومىر، اۆتونوميالى رايوندىق ءوندىرىس حاۋىپسىزدىگىن باقىلاۋ - باسقارۋ مەكەمەسى ارقىلى مەملەكەتتىك كەڭەس ءوندىرىس حاۋىپسىزدىگى كوميتەتى شارلاۋ - تەكسەرۋ گرۋپپاسىنا، پوچتا ءنومىرى 830002) اشىپ، ءوندىرىس حاۋىپسىزدىگى قىزمەتىنە قاتىستى تەلەفوندار مەن حاتتاردى قابىلدايدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
