بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

باس نىسانانى ىسكە اسىرۋعا تەلەگەي - تەڭىز كۇش توپتايىق

2017.05.17 14:47     كەلۋ قاينارى : شينجياڭ گازەتى

  − «ءۇش ءتۇرلى كۇشپەن» تۇرلاۋلى كۇرەس جۇرگىزۋ جونىندە (4)

  ويانعان جۇرەكتەردى سەرگىتىپ، سەمسەرىمىزدى سەرت ۇستاپ، اتويلاپ الدا جۇرەيىك. ىرىقتى تۇردە ءۇن قاتىپ، بەلسەندى تۇردە ءۇن قوسۋداعى بۇگىنگى ءبىزدىڭ بارلىق قۇلشىنىسىمىز شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن ىسكە اسىرۋعا كۇش - قۋات توپتاۋعا ارنالادى.

  «ويان»، «سوعىس جاريالايمىز»، «تۇرعىمىز بەرىك»، «ءارى - ءسارى، ەكى ويلى بولمايمىز»، «دۇرىس، تۋرا جولدان اۋىتقىمايمىز»، «<ءۇش ءتۇرلى كۇشپەن> سوڭىنا دەيىن كۇرەسۋگە سەرت ەتتىك»...

  جۋىقتان بەرى شينجياڭداعى ءار ۇلت كادر - جۇرتشىلىعى ىرىقتى تۇردە ءۇن قاتتى جانە ايقىن پوزيتسيا ءبىلدىردى، ۇشقىننان جالىن قاۋلايدى دەگەن وسى. جيىلىگى اسا جوعارى وسى سوزدەردەن بەينەلەنگەن جانە جيناقتالعان رۋحاني قۋاتتىڭ جارقىلى بولشەكتەۋشىلىككە قارسى ولىسپەي بەرىسپەيتىن كۇرەستە كوزگە وتتاي باسىلىپ، اقىرىندا «ءۇش ءتۇرلى كۇشتى» تاس - تالقان ەتەر تاباندى كۇشكە اينالىپ، كىسىنى تاڭ قالدىردى.

  وتكەن بىرنەشە جىلدا لاڭكەستىككە قارسى تۇرىپ، ورنىقتىلىقتى قورعاۋ، «ءۇش ءتۇرلى كۇشكە» سوققى بەرۋ، ۇلتتار ىنتىماعىن نىعايتۋ، ءدىني ۇشقارى يدەيالاردىڭ ەتەك جايۋىنا توسقاۋىل قويۋ، ت.ب جۇمىستار شينجياڭنىڭ سەرپىندى دامىپ، ارشىنداي العا باسقان قادامىمەن سايكەستى. بۇگىنگى تاڭدا، شينجياڭداعى 23 ميلليوننان اسا ءار ۇلت ۇلانى ناقتىلى تۇردە وڭ ەنەرگيا جيناقتاپ، بارلىق اقىل - پاراساتى مەن كۇش - قۋاتىن ورتاعا توپتاستىرىپ، باس نىساناعا قاراي تىڭ ساپارعا اتتانۋدا.

  نىسانانى ىسكە اسىرۋ ءۇشىن، بولمىستىڭ قۇنارلى توپىراعىنا تامىر جالعاپ، ناقتىلى شارتتار ازىرلەۋگە تۋرا كەلەدى. ال يدەيالىق تانىمنىڭ ويانۋى − باس نىسانانى ىسكە اسىرۋعا تەلەگەي - تەڭىز كۇش توپتاۋدىڭ العى شارتى. ءبىر مەملەكەتتىڭ ءوسىپ - وركەندەۋى مەن قۇدىرەتكە جەتۋىنە، ومىرشەڭدىك كۇش تاۋىپ، وزگەشە ءبىر الپەتپەن الەم ۇلتتارىنىڭ قاتارىنان ويىپ ورىن الۋىنا وسى مەملەكەتتەگى ءار ۇلت حالقىنىڭ ءوز وتانىن جان - تانىمەن ءسۇيىپ، ىستىق قانىمەن قورعاۋى سەبەپ بولادى. وتاننىڭ ايرىلماس ءبىر بولىگى رەتىندە، ءبىز ۇزدىكسىز ءار ۇلت، ءار سالا ادامدارىنىڭ كۇشىن بىرىكتىرىپ، «ءۇش ءتۇرلى كۇشكە» قارسى تىزە قوسا، ايانباي كۇرەس جۇرگىزىپ، مەكەنىمىزدى جۇمىلا قورعاۋعا ءتيىسپىز. يدەيالىق تانىمداعى بۇنداي ءبىر تۇتاستىق، وتانعا وتتاي ىستىق ماحاببات، «شينجياڭنىڭ ورنىقتىلىعىن بىزدەن باسقا كىم قورعايدى» دەپ بىلەتىن جۇرەكتىلىك پەن مىندەتكەرلىك − «4 تانىم» مەن «5 ورتاق تانىمنىڭ» ەڭ تولىق كورىنىسى ءارى قوعام ورنىقتىلىعى مەن باياندى تىنىشتىق باس نىساناسىن ىسكە اسىرۋدىڭ بەرىك نەگىزى بولماق.

  حالىق جۇرتشىلىعى − ماڭگى تۇراقتى قۋات كوزى. بۇگىنگى كۇنى، تولقىندى تولقىن قۋعانداي ءۇن قاتۋ، ايقىن پوزيتسيا ءبىلدىرۋدىڭ ناقتى اسەرى وسى قاعيدانى تاعى دا شىندىقپەن دالەلدەدى. قازىرگى شينجياڭدا، ورنىقتىلىقتى قورعاۋ − بارلىعىن باسىپ تۇسەتىن ساياسي مىندەت، تايشان تاۋىنان دا سالماقتى ساياسي مىندەت. قالىڭ بۇقارانىڭ جاپپاي ءۇن قاتىپ، ايقىن پوزيتسيا ءبىلدىرۋى بولشەكتەۋشىلىككە قارسى كۇرەس − پارتيا مەن ۇكىمەتتىڭ عانا شارۋاسى ەمەس، «ءسىز» بەن «ءبىزدىڭ» دە جاۋاپكەرشىلىگىمىز. جاۋدى تالقانداپ، تۇبەگەيلى جەڭىسكە جەتۋ ءۇشىن، تەلەگەي - تەڭىز كۇش توپتاۋ قاجەت دەگەن ورتاق تانىمدى تولىق ايگىلەدى. ال بۇنداي كۇش باسقا جاقتان ەمەس، ءاربىر شينجياڭدىقتىڭ جۇرەگى مەن بىلەگىنەن شىعادى. تەك ءار ۇلت حالقى قولداۋ كورسەتىپ، ات سالىسسا، ءبىز اسپايتىن اسۋ، ءبىز المايتىن قامال بولماق ەمەس.

  ارەكەت − نىسانانىڭ ەڭ جاقسى انىقتاماسى. ويانۋ − يدەيالىق تانىم كوتەرىلگەننەن كەيىن ىسكە اسىرىلاتىن ناقتى ارەكەت. تەك يدەيا مەن ارەكەت جاعىندا تەڭ ويانعاندا عانا، شىن مانىندەگى ويانۋ بولماق. ورنىقتىلىقتى قورعاۋ، دامۋدى كوزدەۋ، رەفورمانى جەبەۋ، نەگىزگى ساتىنىڭ نەگىزىن بەكەمدەۋ... شينجياڭدا ءاربىر ءىستىڭ دامۋى قىرۋار قيىنشىلىق پەن ماسەلەنىڭ جەدەل شەشىلۋىنە مۇقتاج. بۇل ءبىزدىڭ ءاربىر شينجياڭدىق ۇلاننان، ءسوز جوق، باس نىسانانى بەرىك ارقاۋ ەتىپ، ناقتى قۇلشىنىس جاساپ، وسى ماسەلەلەردى تىڭعىلىقتى شەشۋىن تالاپ ەتەدى. باس نىسانانى جۇزەگە اسىرۋ ءۇشىن تەلەگەي - تەڭىز كۇش توپتاۋ قاجەت. بۇندا زارەدەي جالعاندىق پەن سامارقاۋلىققا جول بەرىلمەۋگە ءتيىس.

  شاشىراعان كۇن ساۋلەسى كوندەنسوردان ءوتىپ، ءبىر نۇكتەگە شوعىرلانعاندا عانا، قۋاتتى ەنەرگياعا اينالىپ، قۋ تامىزدىقتى تامىزادى، ول ارى قاراي قاۋلاعان وتقا اينالادى. ۇشقىننان جالىن قاۋلاتا باستاعان ءۇن قاتۋ، پوزيتسيا ءبىلدىرۋ كوندەنسورى تۇبەگەيلى ويانعان ءار ۇلت جۇرتشىلىعىن تەڭدەسسىز كۇش - قۋات پەن اقىل - پاراساتتارىن ورتاعا سالىپ، «ءۇش ءتۇرلى كۇش» دەگەن ۋلى ىسىكتى ءتۇپ تامىرىنان الاستاپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن ىسكە اسىرۋعا تەلەگەي - تەڭىز كۇش توپتاۋعا باستاۋىن ءۇمىت ەتەمىز.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار