بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

سەلبەستىكتىڭ تىڭ باستاماسىن باستاپ، دامۋدىڭ جاڭا قوزعاۋشى كۇشىن قاراستىرايىق

 شي جينپيڭ

2017.05.18 11:14     كەلۋ قاينارى : شينجياڭ گازەتى

  قۇرمەتتى ەلباسىلار، ۇكىمەت باسشىلارى، حالىقارالىق ۇيىمداردىڭ جاۋاپتىلارى:

  «ءبىر بەلدەۋ، ءبىر جول» حالىقارالىق سەلبەستىك جوعارى دارەجەلى باسشىلار تالقى مىنبەرىنىڭ دوڭگەلەك ۇستەل باسشىلار ءماجىلىسىنىڭ اشىلعانىن جاريالايمىن!

  يانشي كولىنىڭ بويىنا كەلىپ، «ءبىر بەلدەۋ، ءبىر جول» حالىقارالىق سەلبەستىك جوعارى دارەجەلى باسشىلار تالقى مىنبەرىنىڭ دوڭگەلەك ۇستەل باسشىلار ماجىلىسىنە قاتىناسىپ، حالىقارالىق سەلبەستىكتى كۇشەيتىپ، تەڭ يگىلىككە كەنەلەتىن دامۋ ۇلى جوسپارىن بىرگە اقىلداسقاندىقتارىڭىزدى قارسى الامىن.

  «ءبىر بەلدەۋ، ءبىر جول» قۇرىلىسى مەنىڭ 2013 - جىلى العا قويعان دارىپتەمەم. ونىڭ وزەكتى مازمۇنى نەگىزدىك قۇرىلعى قۇرىلىسى مەن ءوزارا بايلانىس جاساۋ، توعىسۋدى جەبەۋ، ءار ەلدىڭ ساياساتى مەن دامۋ ستراتەگياسىن ءتۇيىلىستىرۋ، ناقتى سەلبەستىكتى تەرەڭدەتۋ، سايكەسە بىرگە دامۋدى جەبەۋ، بىرگە گۇلدەنىپ - كوركەيۋ.

  مەن بۇل دارىپتەمەنى دۇنيە ءجۇزى جاعدايىن باقىلاۋ جانە وعان وي جۇگىرتۋ نەگىزىندە العا قويعانمىن. قازىرگى دۇنيە قاۋىرت دامۋ، قاۋىرت جاڭارۋ، قاۋىرت رەتكە ءتۇسۋ داۋىرىندە تۇر. جاڭا كەزەكتى عىلىم - تەحنيكا جانە كاسىپ توڭكەرىسى باستالۋ الدىندا، جاڭا ارتۋ كينەتيكالىق ەنەرگياسى ۇزدىكسىز توپتالدى، ءار ەلدىڭ مۇددەسى تەرەڭىنەن توعىستى، بەيبىت بولۋ، دامۋ، سەلبەسۋ، تەڭ يگىلىككە كەنەلۋ داۋىرلىك اعىمعا اينالدى. سونىمەن قاتار، دۇنيە ءجۇزىنىڭ دامۋىندا تەرەڭ قاتپارلى قايشىلىقتار ۇزاق مەزگىل جينالىپ، ءونىمدى شەشىم تاپپادى. دۇنيە ءجۇزى ەكونوميكاسىنىڭ ارتۋ نەگىزى بەرىك بولمادى، ساۋدا مەن قارجى قوسۋ جاندانبادى، ەكونوميكانىڭ جاھاندانۋى كەدەرگىلەرگە ۇشىرادى، دامۋداعى بىركەلكىسىزدىك اۋىرلادى. سوعىس بىلىقپالىعى مەن قاقتىعىستار، لاڭكەستىك، بوسقىندار مەن اۋعىنداردىڭ توپ - توبىمەن كوشۋى سياقتى ماسەلەلەر دۇنيە ءجۇزى ەكونوميكاسىنا كورنەكتى ىقپال جاسادى.

  سايىستار الدىندا ءار ەل توتەپ بەرۋدىڭ شارالارىن اقىلداستى ءارى كوپتەگەن تاماشا دامۋ ستراتەگيالارىن جانە سەلبەستىك دارىپتەمەلەرىن العا قويدى. ايتسە دە ءار ەل ءبىر - بىرىنە سۇيەنگەن، الەمدىك سىن - سايىستار تولاسسىز تۋىلعان بۇگىنگى كۇندە، جەكە ءبىر ەلدىڭ ءوز كۇشىمەن عانا قارا باسىنىڭ قامىن كۇيتتەۋى قيىن، دۇنيە ءجۇزى ءدوپ كەلگەن ماسەلەلەردى شەشۋى دە مۇمكىن ەمەس. تەك ءار ەلدىڭ ساياساتتارىن ءتۇيىلىستىرىپ، ەكونوميكالىق فاكتورلار مەن دامۋ بايلىعىن بۇكىل دۇنيە ءجۇزى كولەمىندە اناعۇرلىم كەڭ كولەمدە ۇيلەستىرگەندە عانا، بىرىككەن كۇش قالىپتاستىرىپ، دۇنيە ءجۇزىنىڭ بەيبىتشىلىگى مەن تىنىشتىعىن جانە بىرگە دامۋىن جەبەۋگە بولادى.

  «ءبىر بەلدەۋ، ءبىر جول» قۇرىلىسى تاريحتان تامىرلانعانىمەن، بولاشاققا بەت الادى. بايىرعى جىبەك جولى اتا - بابالارىمىزدىڭ تاماشا تۇرمىسقا دەگەن تالپىنىسىن توعىستىرىپ، ازيا - ەۆروپا قۇرلىعىنداعى ەلدەردىڭ ءوزارا بايلانىسىن جەبەپ، شىعىس پەن باتىس مادەنيەتىنىڭ اۋىس - كۇيىسىن ىلگەرىلەتىپ، ادامزات مادەنيەتىنىڭ دامۋىنا، العا باسۋىنا ەسەلى ۇلەس قوستى. ءبىزدىڭ بايىرعى جىبەك جولىنان اقىل - پاراسات جانە كۇش - قۋات الىپ، بەيبىت بولۋ، سەلبەسۋ، اشىق ۇستاۋ، سيىسىمدى بولۋ، ءوزارا ۇيرەنۋ، ءوزارا ونەگە الۋ، ءوزارا پايدا جەتكىزۋ، تەڭ يگىلىككە كەنەلۋ سىندى جىبەك جولى رۋحى نەگىزىندە سەلبەستىكتى ىلگەرىلەتىپ، اناعۇرلىم نۇرلى بولاشاقتى بىرگە اشۋىمىزعا ابدەن بولادى.

  «ءبىر بەلدەۋ، ءبىر جول» جۇڭگودان باستالعانىمەن، دۇنيە جۇزىنە ءتان. «ءبىر بەلدەۋ، ءبىر جول» قۇرىلىسى تۇرلىشە ءوڭىردىڭ، تۇرلىشە دامۋ كەزەڭىنىڭ، تۇرلىشە وركەنيەتتىڭ شەڭبەرىنەن اتتاعان اشىق، سيىسىمدى سەلبەستىك مىنبەرى، ءار جاق بىرگە جاراتقان دۇنيە جۇزىلىك الەۋمەتتىك ءونىم. ول ازيا - ەۆروپا قۇرلىعىن ماڭىزدى ءتۇيىن ەتىپ، ارمان - تىلەگى ورتاق بارلىق دوستاردى قۇشاعىن جايا قارسى الادى، ەشكىمدى قاقپايلامايدى، ەشكىمگە سۇقتانبايدى.

  «ءبىر بەلدەۋ، ءبىر جول» قۇرىلىسىنىڭ حالىقارالىق سەلبەستىك جۇلگەسىندە، ءار جاق بىرگە اقىلداسۋ، بىرگە قۇرۋ، بىرگە يگىلىكتەنۋ پرينسيبى بويىنشا دۇنيە ءجۇزى ەكونوميكاسى ءدوپ كەلگەن سىن - سايىستارعا قول ۇستاسا توتەپ بەرىپ، دامۋدىڭ تىڭ ورايىن جاراتىپ، دامۋدىڭ تىڭ قوزعاۋشى كۇشتەرى جونىندە ىزدەنىس جاساپ، دامۋدىڭ تىڭ ءورىسىن كەڭەيتىپ، باسىمدىقتار ارقىلى ءبىرىن - ءبىرى تولىقتاپ، ءوزارا پايدا جەتكىزىپ، تەڭ يگىلىككە كەنەلىپ، ادامزاتتىڭ تاعدىرلاس ورتاق تۇلعاسىنا قاراي تىنباي قادام تاستاۋى كەرەك. بۇل مەنىڭ بۇل دارىپتەمەنى العا قويعانداعى ماقساتىم، سونداي - اق وسى دارىپتەمە ارقىلى ىسكە اسىرماق بولعان ەڭ جوعارى نىسانام. بۇل دارىپتەمە العا قويىلعاننان كەيىن، حالىقارالىق قوعامنىڭ وعان بەلسەندى ءۇن قوسقانىن جانە كەڭ كولەمدى قولداۋ كورسەتكەنىن كورىپ ايرىقشا قۋاندىم. 100 نەشە مەملەكەت پەن حالىقارالىق ۇيىم ات سالىسىپ، ءبىر توپ سەلبەستىك نىساندارى ارت - ارتىنان جۇمىس باستادى، كەيبىرەۋى، اۋەلى، تامىر تارتىپ، ءونىمىن كورسەتتى. نەگىزدىك قۇرىلعىلار بايلانىس جەلىسى العاشقى قادامدا قالىپتاسا باستادى، جەلى بويىنداعى ءوندىرىس سەلبەستىگى ىسكە قوسىلدى، ءار مەملەكەتتىڭ ساياساتتاردى سايكەستىرۋى بارعان سايىن كۇشەيىپ، حالىق بۇقاراسى دا سەلبەستىك جاساۋ بارىسىنان يگىلىكتەرگە كەنەلىپ، ءوزارا جاقىنداسا باستادى. وسى نەگىزدە، جۇڭگو جوعارى دارەجەلى باسشىلار تالقى مىنبەرىن وتكىزۋدى العا قويىپ وتىر، مۇنداعى باستى ماقسات − سەلبەستىك ۇلى جوباسىن بىرگە اقىلداسۋ، سەلبەستىك تۇعىرىن بىرگە قۇرۋ، سەلبەستىك جەمىستەرىنەن بىرگە يگىلىكتەنۋ، «ءبىر بەلدەۋ، ءبىر جول» قۇرىلىسىنىڭ ءار ەل حالقىن بارىنشا يگىلىككە كەنەلتۋىنە مۇمكىندىك جاساۋ. كەشەگى جوعارى دارەجەلى باسشىلار جيىنىندا، ءار ەل باسشىلارى، حالىقارالىق ۇيىمداردىڭ جاۋاپتىلارى جانە ۇكىمەت سالاسىنىڭ، كاسىپ سالاسىنىڭ، ءبىلىم سالاسىنىڭ ۋاكىلدەرى تولعامدى ويلارى مەن ۇسىنىستارىن ورتاعا قويىپ، كوپتەگەن سەلبەستىك كەلىسىمدەرىنە قول قويدى. ال بۇگىنگى دوڭگەلەك ۇستەل باسشىلار ءماجىلىسى ارقىلى ورتاق تانىمدى ونان سايىن ۇيىستىرىپ، «ءبىر بەلدەۋ، ءبىر جول» قۇرىلىسىنىڭ حالىقارالىق سەلبەستىگىنە ايقىن باعدار كورسەتۋدى، جوبانى ايقىنداۋدى ءۇمىت ەتەمىن. اشالاپ ايتار بولساق، مەن ءماجىلىستىڭ مىنا بىرنەشە جاقتان جاقسى تابىستارعا قول جەتكىزۋىن ءۇمىت ەتەمىن:

  ءبىرىنشى، ءوزارا پايدا جەتكىزۋدى ىلگەرىلەتىپ، سەلبەستىكتىڭ باعدارىن ايقىنداۋ. قوڭىرالا قازدىڭ بوران - شاشىندى ەلەمەي، الىس ساپارعا امان - ەسەن جەتۋىنىڭ شەشۋشى ءتۇيىنى ولاردىڭ توپتاسىپ ۇشىپ، ءبىر - بىرىنە كۇش بەرگەندىگىندە. مىنە بۇل ءبىزدىڭ سەلبەستىك ارقىلى سىن - سايىستارعا بىرگە توتەپ بەرىپ، ءتىپتى دە جاقسى دامۋدى جۇزەگە اسىرۋىمىزعا تەرەڭ ماعىنالى وي اڭعارتىپ وتىر.

  سەرىكتەستىك رۋحىن ۇستانىپ، بىرگە اقىلداسۋعا، بىرگە قۇرۋعا، بىرگە يگىلىكتەنۋگە بۇلجىماي تاباندى بولۋىمىز، ساياساتتىق تىلدەسۋدى، قۇرىلعىلاردى ۇلاستىرۋدى، ساۋدانى ىركىلىسسىزدەندىرۋدى، قارجىنى اينالىسقا ءتۇسىرۋدى، جۇرت تىلەگىن توعىستىرۋدى بىرگە قۇلشىنۋ نىساناسى ەتىپ، ەسىك اشۋ بارىسىندا سەلبەستىك جاساۋعا، سەلبەستىك جاساۋ بارىسىندا تەڭ يگىلىككە كەنەلۋگە تاباندى بولىپ، شەكتەۋ قويماۋ، جوعارى شارت قويماۋ، وزگەلەردى شەتكە قاعاتىن ورنالاستىرۋلار جاساماۋ، قورعانىمپازدىققا قارسى تۇرۋ.

  «ءبىر بەلدەۋ، ءبىر جول» قۇرىلىسى بەيبىت دە ورنىقتى ورتانى قاجەت ەتەدى. ءار ەل سەلبەستىكتى كۇشەيتىپ، الاۋىزدىقتاردى تىلدەسۋ ارقىلى شەشۋىمىز، تالاس - تارتىستاردى كەڭەسپەن ءبىر جايلى ەتۋىمىز، وڭىرلىك حاۋىپسىزدىكتى، ورنىقتىلىقتى بىرگە قورعاۋىمىز كەرەك.

  ەكىنشى، ساياساتتاردى سايكەستىرۋدى كۇشەيتىپ، دامۋ ستراتەگيالارىن ءتۇيىلىستىرۋ. ساياساتتاردى سايكەستىرۋدى كۇشەيتىپ، كورشى ەلدەرگە زيان جەتكىزبەۋ − حالىقارالىق ەكونوميكا داعدارىسىنا توتەپ بەرۋدەگى ماڭىزدى تاجىريبە، سونىمەن قاتار، قازىرگى كەزەڭدەگى دۇنيە ەكونوميكاسى دامۋىنىڭ وبيەكتيۆتىك تالابى. ءار ەلدىڭ ءوز مەملەكەت جاعدايىن نەگىز ەتىپ جاساعان دامۋ ستراتەگيالارىنىڭ وزىنە ءتان ەرەكشەلىكتەرى بولعانىمەن، نىساناسى ءبىر، ءوزارا بايلانىستى دا توعىسپالى، ءبىرىنىڭ ارتىقشىلىعى ارقىلى ءبىرىن تولىقتاۋعا، ءبىرى ارقىلى ءبىرىن جەبەۋگە بولادى.

  ءبىز وسى نەگىزدە ساياساتتى سايكەستىرۋ، ءتۇيىلىستىرۋ مەحانيزمىن ورناتىپ، ءبىر - بىرىمىزدەن ۇيرەنۋ ۇلگىسىن قالىپتاستىرۋىمىز، سونداي - اق وسى نەگىزدە سەلبەستىك جوباسىن ورتاق بەلگىلەپ، سەلبەستىك ارەكەتىن بىرلىكتە اتقارىپ، جوبانى ۇشتاستىراتىن، دامۋدى توعىستىراتىن، مۇددەدەن بىرگە يگىلىكتەنەتىن جاعداي قالىپتاستىرۋىمىز كەرەك. ءبىز «ءبىر بەلدەۋ، ءبىر جول» قۇرىلىسى حالىقارالىق سەلبەستىگىن ب م ۇ - نىڭ 2030 - جىلعا دەيىنگى باياندى دامۋ كەڭەستىك ءتارتىبىن، 20 ەل توبىنا مۇشە ەلدەر باسشىلارىنىڭ حاڭجوۋ باس قوسۋىنداعى تابىستاردى تياناقتاندىرۋمەن ۇشتاستىرىپ، ازيا - تىنىق مۇحيت ەكونوميكالىق سەلبەستىك ۇيىمىنىڭ، شىعىس وڭتۇستىك ازيا ەلدەرى وداعىنىڭ، افريكا ەلدەرى وداعىنىڭ، ەۆروپا - ازيا ەكونوميكا وداعىنىڭ، ەۆروپا وداعىنىڭ، لاتىن امەريكاسى ورتاق تۇلعاسى ءوڭىرىنىڭ دامۋ جوباسىمەن ءتۇيىلىستىرىپ، قاتىستى ەلدەر ورتاعا قويعان دامۋ جوباسىمەن سايكەستىرىپ، «بىرگە ءبىردى قوسقاندا 2دەن ۇلكەن بولاتىن» اسەردى قالىپتاستىرۋىمىز كەرەك.

  ءۇشىنشى، نىسانداردى قوزعاۋشى كۇش ەتىپ، ناقتى سەلبەستىكتى تەرەڭدەتۋ. جول مۇراتى − جەتۋ، ءىس مۇراتى − ءبىتۋ. تاماشا جوبانى رەالدىققا اينالدىرۋ شىنايى ارەكەتتى قاجەت ەتەدى.

  نەگىزدىك قۇرىلعىلاردى بايلانىستىرۋ، توعىستىرۋ جاعىندا، تەمىر جول، تاس جول قاتارلى قۇرلىقتىق قاتىناس جولدارى قۇرىلىسىن ىلگەرىلەتىپ، تەڭىز ءۇستى كەمەجاي قۇرىلىسىن جەدەلدەتىپ، مۇناي - تابيعي گاز قۇبىرى، ەلەكتر جەتكىزۋ، حابارلاسۋ - ينفورماتسيا تورابىن كەمەلدەندىرۋىمىز كەرەك.

  ناقتى ەكونوميكالىق سەلبەستىك جاعىندا، ەكونوميكالىق ءدالىز قۇرىلىسىن بار كۇشپەن ىلگەرىلەتىپ، ەكونوميكا - ساۋدا، كاسىپ سالاسى سەلبەستىگى باقشا رايونىن ويداعىداي قۇرىپ، قارجى قوسۋدى ونان سايىن ىلگەرىلەتىپ، كاسىپ سالالارىن توعىستىرىپ، كاسىپتەندىرۋگە جەتەكشىلىك ەتىپ، جاڭالىق اشا دامۋ جولىمەن ءجۇرۋىمىز كەرەك.

  ساۋدانى جانە قارجى قوسۋدى ەركىندەستىرۋ، قولايلىلاندىرۋ جاعىندا، ەركىن ساۋدا رايونى قۇرىلىسىن ىلگەرىلەتىپ، قاعيدا جانە ولشەم جۇيەسىن ءوزارا سايكەستىرۋدى كۇشەيتىپ، اناعۇرلىم تاماشا ساۋدا ورتاسى جانە مەحانيزم كەپىلدىگىمەن قامداپ، ءوزارا بايلانىستىرۋ، توعىستىرۋدىڭ بەلسەندى ونىمدىلىگىن تولىق ساۋلەلەندىرۋىمىز كەرەك.

  فينانس سەلبەستىگى جاعىندا، قارجى قۇراۋ ارناسىن كەڭەيتىپ، قارجى قۇراۋ فورماسىن جاڭالاپ، قارجى قۇراۋدىڭ وزىندىك قۇنىن تومەندەتىپ، قارجى قۇراۋ سىندى وسى ءبىر نىساندى ىلگەرىلەتۋدىڭ شەشۋشى ءتۇيىنىن اشۋىمىز كەرەك.

  حالىقتىڭ كوڭىلىن توعىستىرۋ − «ءبىر بەلدەۋ، ءبىر جول» قۇرىلىسى حالىقارالىق سەلبەستىگىنىڭ ماڭىزدى مازمۇنى. ءبىز گۋمانيتارلىق سالاداعى بارىس - كەلىس سەلبەستىگىن ىشكەرىلەي ەتەك الدىرىپ، سەلبەستىكتىڭ اناعۇرلىم سيىسىمدى، سەلبەستىك نەگىزىنىڭ اناعۇرلىم بەرىك، قالىڭ حالىق بۇقاراسىنىڭ «ءبىر بەلدەۋ، ءبىر جول» قۇرىلىسىنداعى نەگىزگى كۇشكە اينالۋىنا جانە يگىلىككە كەنەلۋىنە مۇمكىندىك جاراتۋىمىز كەرەك.

  جولداستار:

  يانشي كولى − تاريحقا باي جەر، يدەيانى سەرپىلتەتىن جەر، سەلبەستىك ساپارىنىڭ باستاماسى بولار جەر. ادامداردىڭ كوبى «ءبىر بەلدەۋ، ءبىر جولدى» ۇشۋعا قومدانعان قوس قاناتقا ۇقسايدى دەپ سۋرەتتەدى. ءبىز يانشي كولىن جاڭا باستاما ەتىپ، قوس قاناتىمىزدى جايىپ، زەڭگىر كوكتە قالىقتاپ، بەيبىتشىلىككە، دامۋعا، سەلبەستىككە، ورتاق يگىلىككە كەنەلەتىن الىس ساپارعا بىرگە قانات قاعايىق!

  كوپشىلىككە راقىمەت!

  (شينحۋا اگەنتتىگىنىڭ 15 - مامىردا بەيجيڭنەن بەرگەن حابارى)
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار