قۇلشىنا ۇيرەنىپ، سەنىمدى بەكەمدەپ، ءمورالى مەن زاڭدىق ءبىلىمى تەڭ جەتىلگەن دارىندىلاردان بولايىق
2017.05.18 11:17 كەلۋ قاينارى : شينجياڭ گازەتى
− باس شۋجي شي جينپيڭنىڭ جۇڭگو ساياسي - زاڭ ۋنيۆەرسيتەتىندە قىزمەت تەكسەرگەن كەزدە سويلەگەن ماڭىزدى ءسوزى ماجىلىسكە قاتىناسقاندار اراسىندا كۇشتى اڭىس قوزعادى زاڭمەن جونگە سالۋ − مەملەكەتتى تىڭعىلىقتى جونگە سالۋدىڭ نەگىزى؛ جاستار −- جۇڭحۋا ۇلتىنىڭ بولاشاعى.
4 - مامىر جاستار مەرەكەسىنىڭ الدىندا، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۇڭگو ساياسي - زاڭ ۋنيۆەرسيتىنە بارىپ قىزمەت تەكسەردى ءارى جۇڭگو ساياسي - زاڭ ۋنيۆەرسيتەتىنىڭ وقىتۋشى - وقۋشىلارىمەن، استاناداعى زاڭ عىلىمى ماماندارىمەن، زاڭمەن جونگە سالۋ قىزمەتىنىڭ ۋاكىلدەرىمەن، جوعارى مەكتەپتەردىڭ جاۋاپتى جولداستارىمەن اڭگىمە ءماجىلىسىن وتكىزدى.
ونەگە الىپ ەسەيۋدى تىلگە العاندا، شىن ىقىلاستى قامقورلىعىن ءبىلدىردى؛ زاڭمەن جونگە سالۋ دارىندىلارىن جەتىلدىرۋدى تىلگە العاندا، شىنايى ءۇمىتىن ءبىلدىردى... باس شۋجي شي جينپيڭنىڭ ماڭىزدى ءسوزى اڭگىمە ماجىلىسىنە قاتىناسقاندار اراسىندا كۇشتى اڭىس قوزعادى. كوپشىلىك باس شۋجي شي جينپيڭنىڭ شىنايى قامقورلىعى مەن ىقىلاستى ءۇمىتىن العا باسۋ جولىنداعى پارمەندى قوزعاۋشى كۇشكە اينالدىرىپ، وزدەرىنىڭ عىلمي ورەلەرى مەن ءمورال ونەگەلەرىن شىن مانىندە جوعارىلاتىپ، جۇڭگوشا سوتسياليستىك زاڭمەن جونگە سالۋ ىستەرىنە اقىل - پاراساتتارى مەن كۇش - قايراتتارى ارقىلى قۇلشىنا ۇلەس قوساتىندىقتارىن ءبىلدىردى.
سەنىمدى بەكەمدەپ، ءمورال ارقىلى ادام تاربيەلەيمىز
«مەن ءۇشىنشى بولىپ ءسوز كەزەگىن الدىم، اڭگىمە ءماجىلىسى كوڭىلدى بولدى، كوپشىلىك ءالسىن - ءالى شاپالاق سوقتى». 2 كۇننىڭ الدىندا اڭگىمە ماجىلىسىندە پىكىر اۋىستىرعان كەزى جۇڭگو ساياسي - زاڭ ۋنيۆەرسيتەتى ازاماتتىق ىستەر جانە ساۋدا - ەكونوميكا زاڭى ينستيتۋتىنىڭ تولىق كۋرس 4 - جىلدىق وقۋشىسى فان حۇيدىڭ ءالى كوز الدىندا، ول بىلاي دەدى: «ماعان ەڭ تەرەڭ اسەر ەتكەنى باس شۋجيدىڭ زاڭ دارىندىلارىنا دەگەن بىرنەشە تالابى بولدى، بۇل تالاپتار اسا باعىتتامالى قويىلدى».
نىسانا الىس بولعان سايىن، مۇرات تا سونشا قىمباتتى بولادى. باس شۋجي شي جينپيڭ جاستارعا بىلاي دەپ تاپسىردى: جۇڭگونىڭ كەزەكتەگى ەڭ ايقىن داۋىرلىك تاقىرىبى − «قوس 100 جىلدىق» كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ. وسى زامانعى جاستار وسى ءداۋىر تاقىرىبىمەن نيەتتەس، باعىتتاس مۇرات - سەنىم ورناتۋى، ءداۋىر جۇكتەگەن تاريحي جاۋاپكەرشىلىكتى باتىلدىقپەن ارقالاۋلارى كەرەك.
ءمورال ارقىلى ادام تاربيەلەۋدە جوعارى مەكتەپتەردىڭ جاۋاپكەرشىلىگى وتە اۋىر. بەيجيڭ قاتىناس ۋنيۆەرسيتەتى پارتكومىنىڭ شۋجيى بىلاي دەدى: باس شۋجي شي جينپيڭنىڭ ماڭىزدى ءسوزىنىڭ رۋحىن جوعارى مەكتەپتەردىڭ ءىس جۇزىندىگىمەن ۇشتاستىرىپ، دايەكتىلەندىرىپ، تياناقتاندىرىپ، اتقارىپ، جاستاردى مۇرات - سەنىمدى بەكەمدەۋگە، شىنايى قابىلەت قالىپتاستىرۋعا، ەرىك ساپاسىن شىڭاۋعا، ۇلكەن ىستەر تىندىرۋعا تاربيەلەپ، جەتەكتەپ، ولاردى ءىرى ءمانساپتى بولۋعا، ات شىعارۋعا، زور مۇددەگە تالپىنۋعا ۇرىنباۋعا، مەملەكەت قۇرىلىسىنىڭ تىرەكتى دارىندىلارى بولۋعا باستايمىز.
«ءمورال ارقىلى ادام تاربيەلەۋ − جوعارى مەكتەپتەردەگى وزەكتى بۋىن، جاس دارىندىلاردى زاڭمەن جونگە سالۋ تانىمى مەن زاڭدىق سەنىم ورناتۋعا تاربيەلەۋ − ءمورال ارقىلى ادام تاربيەلەۋ تاقىرىبىنداعى ءتيىستى مازمۇن»، - دەدى جۇڭگو حالىق ۋنيۆەرسيتەتى پارتكومىنىڭ شۋجيى جين نو، زاڭدىق رۋحتى جەتىلدىرۋ جاعىندا، ءبىز قالىڭ زيالى جاستاردى ءومىردىڭ العاشقى قادامىن جاقسى باسۋعا تاربيەلەۋ مىندەتىن ارقالايمىز، زاڭمەن جونگە سالۋ تانىمى مەن زاڭدىق رۋحتى جوعارى مەكتەپتەردىڭ بارلىق وقۋشىنى قامتىعان ادام تاربيەلەۋىنە، جان - جاقتى ادام تاربيەلەۋىنە، تۇتاس بارىستىق ادام تاربيەلەۋىنە ءسىڭىرىپ، مەملەكەتتى جاپپاي زاڭمەن جونگە سالۋعا قاجەتتى مول زاڭدىق ءبىلىم مەن تاماشا زاڭدىق ونەگەگە يە ءار ءتۇرلى دارىندى جەتىلدىرۋگە قۇلشىنۋىمىز كەرەك. قاجىرلىلىقپەن ۇيرەنىپ، ىزگىلىككە ۇمتىلامىز، داڭققا داندايسىمايمىز
«قالىڭ جاستار قىمباتتى بايلىق، ولار وزدەرىن ءار ۋاقىت شىنايىلىق، ىزگىلىك، كوركەمدىك ارقىلى ادىپتەۋى، كىرشىكسىز مىنەز - قۇلىق پەن قاراپايىم سەزىمدى ۇزدىكسىز جەتىلدىرىپ، وزدەرىن اسىل ءمورالعا يە ادام ەتۋلەرى كەرەك». باس شۋجي شي جينپيڭنىڭ جاستارعا قويعان «شىنايىلىق، ىزگىلىك، كوركەمدىك»، «اسىل ءمورالعا يە ادام بولۋ» سىندى تالاپتارى ماجىلىسكە قاتىناسقان جاستاردىڭ كوكەيىنە مىقتاپ ورنادى.
جۇڭگو ساياسي - زاڭ ۋنيۆەرسيتەتى سوتسيولوگيا ينستيتۋتىنىڭ تولىق كۋرس 3 - جىلدىق وقۋشىسى ياڭ - ي: «شىنايىلىق، ىزگىلىك، كوركەمدىك» دەگەن 3 ءسوز تۇگەلدەي تەرەڭ مانگە يە. «مۇنان كەيىن، ءبىز كىشكەنە ىستەردەن باستاپ ىستەپ، شىنايى قاعيدانى تانىپ، شىن سويلەپ، شىن ىستەپ، ىزگى ادام بولىپ، ىزگى نيەت ورناتىپ، ىزگى ىستەر ىستەپ، ساپالى، كوڭىلى تۇنىق، سەنىمى كەمەلدى ادام بولىپ، باس شۋجيدىڭ ىقىلاستى ءۇمىتىن اقتايمىز»، - دەدى.
ۋاقىتتى التىنداي قاستەرلەپ، تالىقپاي ۇيرەنۋ كەرەك؛ جەڭىلتەكتىكتى جەڭىپ، كوڭىل كۇيدى ورنىقتىرىپ كلاسسيكتەردى كوپ وقۋ كەرەك؛ مەزەتتىك جەڭىس - جەڭىلىسكە دۇرىس پوزيتسيادا بولىپ، يگىلىككە كەنەلگەندە، راقاتقا بەرىلمەۋ، ساتسىزدىككە ۇشىراعاندا، جىگەرى مۇقالماۋ كەرەك...
ىقىلاستى ءناسيحاتتارعا، مارجانداي اقىليالارعا تولى باس شۋجي شي جينپيڭنىڭ تاپسىرمالارى ماجىلىسكە قاتىناسقان جاستارعا ءمورال ورناتىپ، ءبىلىم الۋدىڭ جولىن ايقىن نۇسقادى.
«قازىرگى جاستاردا ازدى - كوپتى <شىڭق ەتەرلىك> بار، بۇل مەندە دە جوق ەمەس. باس شۋجيدىڭ ءسوزىن ەستىگەننەن كەيىن، ءوزىم جايىندا ويلانا باستادىم»، - دەدى جۇڭگو ساياسي - زاڭ ۋنيۆەرسيتەتى ازاماتتىق ىستەر جانە ساۋدا - ەكونوميكا زاڭى ينستيتۋتىنىڭ تولىق كۋرس 4 - جىلدىق وقۋشىسى ۋي جورۋ، «ءبىر رەتكى جارىستا ءبىرىنشى بولا الماي قالىپ، ءبىرتالايعا دەيىن سۇلكىنىم ءتۇستى. قازىر ويلاسام، بۇل ىستەر ءبىز ءۇشىن جامان ءىس ەمەس ەكەن، قايتا ءومىر تاجىريبەمىزدى مولايتىپ، بىزگە داڭققا داندايسىماۋدى، نامىسقا نالىماۋدى ۇيرەنۋدىڭ ورايىن بەرىپتى».
بەيجيڭ شەتەل ءتىل ۋنيۆەرسيتەتى پارتكومىنىڭ شۋجيى حان جىن بىلاي دەدى: بەيجيڭ شەتەل ءتىل ۋنيۆەرسيتەتىنىڭ تۇلەكتەرى تالىقپاي ۇيرەنىپ، اماليات بارىسىندا جاڭالىق اشۋعا باتىل بولىپ، وزدەرىن شىنايىلىق، ىزگىلىك، كوركەمدىك ارقىلى ادىپتەپ، حالىق ءۇشىن قىزمەت ەتەتىن قابىلەتتەرى مەن ساپالارىن جوعارىلاتۋلارى كەرەك. زاڭدى جەتە ءبىلىپ، ءمورالدى جەتىلدىرىپ، ادىلەتتى قورعايمىز
«باس شۋجي زاڭ وقىتۋىندا ءمورال ارقىلى ادام تاربيەلەۋدەن جازباۋدى ورتاعا قويدى، بۇل بىزدەن زاڭمەن جونگە سالۋدىڭ دارىندىلارىن جەتىلدىرۋدە جوعارى ورەدەگى زاڭ ماماندىعىنىڭ بىلىمدەرىن يگەرىپ قانا قالماستان، اسىل ءمورالعا يە بولۋدى دا تالاپ ەتەدى»، - دەدى جۇڭگو حالىق ۋنيۆەرسيتەتىنىڭ ۇنەمىلىك ىستەرگە جاۋاپتى ورىنباسار باستىعى، زاڭ ينستيتۋتىنىڭ پروفەسسورى ۋاڭ ليميڭ.
ول بىلاي دەدى: كەلەشەكتەگى زاڭمەن جونگە سالۋدىڭ دارىندىلارىن تاربيەلەۋ بارىسىندا، جۇڭگو حالىق ۋنيۆەرسيتەتى كاسىپتىك قابىلەتكە عانا ءمان بەرىپ قالماستان، ءمورال تاربيەسىن دە كۇشەيتىپ، زاڭمەن جونگە سالۋشى دارىندىلاردىڭ گۋمانيتارلىق ساپاسىن جوعارىلاتادى.
جۇڭگو ساياسي - زاڭ ۋنيۆەرسيتەتىنىڭ جاسى 80نەن اسقان پروفەسسورى، ايگىلى زاڭگەر جاڭ جينفان بىلاي دەپ قارادى: مەكتەپتەر زاڭمەن جونگە سالۋدىڭ دارىندىلارىن دۇرىس قۇن تالعامى مەن ءومىر كوزقاراسىن ورناتۋعا جەتەكتەۋگە ءمان بەرۋى كەرەك. زاڭدى ۇيرەنۋدە، ەڭ اۋەلى، ماركسيزمدىك زاڭ عىلىمىن ۇيرەنۋى، جۇڭگونى نەگىز ەتىپ، ۇيرەنگەن ءبىلىمدى زاڭمەن جونگە سالىناتىن جۇڭگونى گۇلدەندىرۋدىڭ كۇشىنە اينالدىرۋ كەرەك.
جوعارى مەكتەپتەر − زاڭمەن جونگە سالۋدىڭ دارىندىلارىن جەتىلدىرەتىن ءبىرىنشى شەپ. جۇڭگو ساياسي - زاڭ ۋنيۆەرسيتەتى پارتكومىنىڭ شۋجيى شى ياجۇن بىلاي دەدى: كەزەكتە جۇڭگو ساياسي - زاڭ ۋنيۆەرسيتەتى جۇڭگوشا سوتسياليستىك زاڭمەن جونگە سالۋدىڭ نازاريالىق جۇيەسىن قۇرۋ، شىت جاڭا ءمورال ارقىلى ادام تاربيەلەۋ، ءمورال مەن زاڭدىق ءبىلىمدى تەڭ جەتىلدىرۋ ۇلگىسى، وقۋلىق تاربيەسى مەن امالياتتىق تاربيەنى كەمەلدەندىرۋ ۇلگىسى سياقتى ءبىر قىدىرۋ شارالاردى العا قويىپ، تۇتاس ۋنيۆەرسيتەتتىڭ كۇشىن شوعىرلاندىرىپ، باس شۋجيدىڭ ماڭىزدى ءسوزىنىڭ رۋحىن ناقتى تياناقتاندىرۋعا قۇلشىنادى.
جوعارى مەكتەپتەردىڭ وقىتۋشى - وقۋشىلارى زاڭمەن جونگە سالۋدىڭ دارىندىلارىن جەتىلدىرۋ جانە زاڭمەن جونگە سالۋدىڭ نازاريالىق جۇيەسى قۇرىلىسى جونىندە زەرتتەۋ - تالقى وتكىزۋمەن بىرگە، زاڭمەن جونگە سالۋ قىزمەتكەرلەرى دە باس شۋجي شي جينپيڭنىڭ ماڭىزدى ءسوزىنىڭ رۋحىن ءادىليا امالياتى بارىسىندا قالاي تياناقتاندىرىپ، جوعارى ساپاعا يە زاڭمەن جونگە سالۋ قىزمەتكەرلەر قوسىنىن قالاي قۇرۋ جونىندە وي تولعادى.
بەيجيڭ قالاسى چاۋياڭ رايوندىق حالىق سوتى مەكەمەسى وليمپيادا قىستاعى سوتىنىڭ باستىعى ليۋ لي بىلاي دەپ قارادى: سۋديالار مەملەكەتتى زاڭمەن جونگە سالۋ جالپى جوباسىنىڭ ناقتى اتقارۋشىلارى، ءار دەلوعا ءادىل سوت اشىپ، بۇقاراعا ادىلەتتىڭ، اقيقاتتىڭ سەنىمىن جەتكىزۋى كەرەك.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
