بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

ىلە وبلىسىنىڭ باسشىلارى جۇڭگو مۇناي – تابيعي گاز توبى سەرىكتىگىنىڭ ۋاكىلدەر ۇيىرمەسىندەگىلەرمەن كەزدەستى

2017.05.18 14:41    

  مامىردىڭ 14 – كۇنى جۇڭگو مۇناي تابيعي گاز توبى سەرىكتىگى پارتگرۋپپاسىنىڭ ورىنباسار شۋجيى، ورىنباسار باس ديرەكتورى، سەرىكتىكتىڭ كەدەيلەردى ءتۇيىندى سۇيەمەلدەۋ جانە باعىتتامالى كومەك بەرۋ قىزمەتىنە باسشىلىق ەتۋ گرۋپپاسىنىڭ باستىعى شۇي ۋىنرۇڭ باستاعان تەكسەرۋ ۇيىرمەسى ىلەدەگى ءتۇيىندى سۇيەمەلدەۋ ورنىنا جانە باعىتتامالى كومەك بەرۋ قىزمەتىنە تەكسەرۋ جۇرگىزدى. سول كۇنى تۇستەن كەيىن وبلىستىق پارتكومنىڭ ورىنباسار شۋجيى، وبلىس باستىعى قۇرماش سىرجان ۇلى، وبلىستىق پارتكومنىڭ تۇراقتى مۇشەسى، وبلىستىڭ ۇنەمىلىك ىستەرگە جاۋاپتى ورىنباسار باستىعى ليۋ جيانگو ىلە قوناق سارايىندا شۇي ۋىنرۇڭ قاتارلىلارمەن كەزدەستى. ەكى جاق سەلبەستىكتى تەرەڭدەتىپ، كەدەيلەردى ءتۇيىندى سۇيەمەلدەۋ قىزمەتى جونىندە پىكىر اۋىستىردى.

  ورتالىقتىڭ ورنالاستىرۋىنا ساي، جۇڭگو مۇناي – تابيعي گاز توبى سەرىكتىگى 1994 – جىلدان باستاپ وبلىسىمىزداعى مەملەكەت دارەجەلى كەدەي اۋدان _ نىلقى اۋدانىن ارناۋلى سۇيەمەلدەپ كەلەدى. 2003 – جىلدان باستاپ چاپچال سىبە اۆتونوميالى اۋدانىن سۇيەمەلدەۋگە العان. تالاي جىلدان بەرى جۇڭگو مۇناي – تابيعي گاز توبى سەرىكتىگى ورتالىق كاسىپورىندارىنىڭ قوعامدىق جاۋاپكەرلىك ارقالاۋ مىندەتىندە باستان – اياق تاباندى بولىپ، نىسان جاقتان كومەك بەرۋ سىندى «قان بەرۋ» ۇلگىسىندەگى كەدەيلەردى سۇيەمەلدەۋدەن حالىق تۇرمىسى، كاسىپ، اقىل – پاراسات جاعىنان كەدەيلەردى سۇيەمەلدەۋ ۇشتاستىرىلعان «قان جاساۋ» ۇلگىسىندەگى سۇيەمەلدەۋگە ويىسىپ، ىلە وبلىسىنىڭ جەرگىلىكتى ەكونوميكالىق قۇرىلىسى مەن قوعامدىق دامۋىن بار كۇشپەن قولدادى.

  ۇعىسۋىمىزشا، جۇڭگو – مۇناي تابيعي گاز توبى سەرىكتىگى بۇرىننان بەرى وسى ەكى اۋدانعا ءتۇرلى نىساندىق كومەك قۇرىلىسى قارجىسىنان جانە زاتتىق كومەك قارجىسىنان 56 ميلليون 720 مىڭ يۋان قارجى قوسىپ، 9 توپتا شينجياڭعا كومەك بەرۋشى كادرلاردى جىبەرىپ، وبلىسقا توتە قاراستى كەدەي اۋىل – قىستاقتاردىڭ نەگىزدىك قۇرىلعىلار قۇرىلىسىن جانە ءوندىرىس – تۇرمىس شارت – جاعدايىن ءونىمدى جاقسارتقان. نىلقى اۋدانىندا بۇرىندى–سوڭدى بولىپ قاراتوبە اۋىلىنىڭ قوڭىر سيىر جەتىلدىرۋ بازاسى، لاستاي اۋىلىنىڭ مۇناي توعانى قۇرىلىسى، اۋداندىق سەنترلى بالالار باقشاسى سياقتى 18 نىساندى اتقارىپ، 6 اۋىلدا 11 قۇدىق قازعان ءارى قاتىستى ەلەكتر ينجەنەريالارى مەن قوسىمشا قۇرىلعىلاردى سەپتەگەن. بۇل نىساننىڭ قۇرىلۋىمەن وسى رايونداعى ەگىنشى–مالشىلار ءوندىرىس–تۇرمىسقا قاجەتتى سۋمەن ءونىمدى قامتاماسىزداندىرىلعان. 2016–جىلى نىسان رايونىنداعى 625 كەدەي وتباسىنداعى 3 مىڭ 125 ادامنىڭ كەدەيلىكتەن قۇتىلۋىن جەبەگەن. چاپچال اۋدانىندا اتقارىلعان كاسىپ جاعىنان كەدەيلەردى سۇيەمەلدەۋ نىسانى ماقسارى كاسىبى تىزبەگى نىساندارىن دەمەپ، جەرگىلىكتى ورىنداعى كەدەي جۇرتشىلىقتىڭ وزدەرى تۇرعان ورىننان، سول ماڭنان كاسىپتەنۋىنە جەتەكشىلىك ەتكەن. اقىل–پاراسات جاقتان كەدەيلىكتەن قۇتىلدىرۋ _ جۇرتشىلىقتىڭ وي ءورىسىن كەڭەيتىپ، «ەلەكتروندىق ساۋدا + ينتەرنەت + كەدەيلەردى سۇيەمەلدەۋ» ۇلگىسىندەگى اۋىل شارۋاشىلىق قوسىمشا ونىمدەرىن ساتۋ سىندى جاڭا ۇلگىگە جەتەكشىلىك ەتىپ، جەرگىلىكتى ورىنداعى ساپالى اۋىل شارۋاشىلىق قوسىمشا ونىمدەرىنىڭ ينتەرنەتتە ساتىلۋىنا دەم بەرگەن.

  اڭگىمە ماجىلىسىندە قۇرماش سىرجان ۇلى وبلىستىق پارتكوم، ۇكىمەت اتىنان جۇڭگو مۇناي – تابيعي گاز توبى سەرىكتىگىنىڭ ۇزاق ۋاقىتتان بەرى ىلە وبلىسىنا كوڭىل ءبولىپ، قولداۋ كورسەتكەنىنە العىس ايتىپ بىلاي دەدى: جۇڭگو مۇناي–تابيعي گاز توبى سەرىكتىگى ىلەنىڭ ەكونوميكالىق قۇرىلىسى مەن دامۋىنا كورنەكتى ۇلەستەر قوسىپ، ورتالىق كاسىپورىندارىنىڭ ەرەسەن دامۋ ساناسى مەن قوعامدىق جاۋاپكەرلىك سەزىمىن ايگىلەدى، بۇدان كەيىن ەكى جاقتىڭ بارىس–كەلىس مەن سەلبەستىگىن جالعاستى كۇشەيتىپ، كەدەيلەردى سۇيەمەلدەۋ نىسانىن ىلگەرىلەتۋ ۇلگىسى جاعىندا ىشكەرىلەي ىزدەنىس جاساپ، نىسانداردى تياناقتاندىرۋ جاعىندا ۇزدىكسىز پىكىرلەسىپ، ىلەنىڭ ەكونوميكاسى مەن قوعامىنىڭ دامۋى ءۇشىن قوزعاۋشى كۇش قوسۋىن ءۇمىت ەتەمىن.

  كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار