وبلىسقا توتە قاراستى ورىنداردىڭ «ەكىنى شوعىرلاندىرۋ» قىزمەتى جونىندەگى ىلگەرىلەتۋ، دوكلاد جاساۋ ماجىلىسىندە مىناۋ العا قويىلدى: «بەستە قامتاماسىزداندىرىلاتىن» قارتتاردى شوعىرلى باعىپ - قاعۋ، جەتىم بالالاردى شوعىرلى اسىراپ الۋ قىزمەتىن تياناقتاندىرۋدى جەدەلدەتەيىك
2017.05.19 13:43
ءتىلشىمىز حۋاڭ جيڭ حابارلايدى. مامىردىڭ 15 – كۇنى وبلىسقا توتە قاراستى ورىنداردىڭ «ەكىنى شوعىرلاندىرۋ» قىزمەتى جونىندەگى ىلگەرىلەتۋ، دوكلاد ەتۋ ءماجىلىسى اشىلدى. ماجىلىستە اۆتونوميالى رايوندىق ۇكىمەتتىڭ تەكسەرۋ – زەرتتەۋ گرۋپپاسىنىڭ باستىعى، حالىق ىستەرى مەڭگەرمەسى قوعامدىق قۇتقارۋ – كومەك بەرۋ مەكەمەسىنىڭ باستىعى سۇن حايسىن باستاعان ىلەدە تەكسەرۋ – زەرتتەۋ جۇرگىزۋ گرۋپپاسىنا وبلىسقا توتە قاراستى ورىنداردىڭ يگىلىك باقشا رايوندارىنىڭ قۇرىلىس جاعدايى، «ەكىنى شوعىرلاندىرۋ» جونىندەگى باعىپ - قاعۋ، اسىراپ الۋ، قارجى، قىزمەتكەرلەر شتاتى سياقتى قىزمەتتەرىنىڭ ورىستەتىلۋ جاعدايىن دوكلاد ەتتى. ماجىلىستە بىلاي دەلىندى: اۆتونوميالى رايوننىڭ تالابى بويىنشا «بەستە قامتاماسىزداندىرىلاتىن» قارتتاردى شوعىرلى باعىپ - قاعۋ، جەتىم بالالاردى شوعىرلى اسىراپ الۋ قىزمەتىن باتىل، ويداعىداي تياناقتاندىرىپ، قوعامدىق قۇتقارۋ – كومەك بەرۋ جۇيەسىن كەمەلدەندىرىپ، قيىنشىلىعى بار حالىق بۇقاراسىنىڭ رەفورما مەن ەسىك اشۋ تابىستارىنان يگىلىكتەنۋىنە شىنايى كەپىلدىك ەتۋ كەرەك.
ماجىلىستە بىلاي دەپ اتاپ كورسەتىلدى: اۆتونوميالى رايوندىق پارتكوم 2020 – جىلعا دەيىن «بەستە قامتاماسىزداندىرىلۋ» تىلەگى بار قارتتاردى تولىق شوعىرلى باعىپ – قاعۋدى، جەتىم بالالاردى تولىق شوعىرلى اسىراپ الۋدى جۇزەگە اسىرۋدى ۇيعاردى. بۇل قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرىپ، دامۋ تانىمىنان يگىلىكتەنۋدە تاباندى بولىپ، حالىق تۇرمىسىن قامتاماسىزداندىرىپ جانە جاقسارتىپ، جاپپاي دوڭگەلەك داۋلەتتى قوعام قۇرۋ كۇرەس نىساناسىن مەجەلى ۋاقىتتا جۇزەگە اسىرۋ جونىندە العا قويىلعان شەشىم – ورنالاستىرۋ. ول - قۇتقارۋ – كومەك بەرۋ قوعامدىق جۇيەسىن كەمەلدەندىرۋدىڭ، حالىق تۇرمىسى حاۋىپسىزدىك تورابىن بەرىكتەۋدىڭ ناقتى شاراسى، اۆتونوميالى رايوندىق پارتكوم مەن ۇكىمەتتىڭ بۇكىل رايونىمىزداعى ءار ۇلت حالىق بۇقاراسى الدىنداعى ايبىندى ۋادەسى، ورىندالۋعا ءتيىستى حالىق تۇرمىسى ينجەنەرياسى، ءادىل ساياسات ينجەنەرياسى، كەلەلى ساياسي مىندەت.
ماجىلىستە مىنالار اتاپ كورسەتىلدى: وبلىستىق پارتكوم مەن ۇكىمەت بۇل قىزمەتكە وسكەلەڭ ءمان بەرىپ، ارناۋلى تاقىرىپتا ءماجىلىس اشىپ زەرتتەۋ جۇرگىزدى ءارى قاتىستى قۇجاتتاردى باسىپ جاريالادى، اۋداندىق، قالالىق ۇكىمەتتەرمەن «ىلە وبلىسىنىڭ 2017 – جىلعى <بەستە قامتاماسىزداندىرىلاتىن> قارتتاردى شوعىرلى باعىپ - قاعۋ، جەتىم بالالاردى شوعىرلى اسىراپ الۋ قىزمەت نىساناسى جونىندەگى جاۋاپكەرلىك حاتىنا» قول قويىسىپ، «ەكىنى شوعىرلاندىرۋ» قىزمەت مىندەتى مەن تالابىن اناعۇرلىم ايقىندادى. قازىر وبلىسقا توتە قاراستى ورىنداردا «بەستە قامتاماسىزداندىرىلاتىن» 3 مىڭ 350 قارت، 907 جەتىم بالا، ۇكىمەت باسقارۋىنداعى 40 يگىلىك قۇرىلىمى بار، ونىڭ ىشىندە 10 بالالار يگىلىك قۇرىلىمى، 3 مىڭ 408 قارتتاردى باعىپ – قاعۋ توسەگى، 676 بالالار توسەگى بار، 2 مىڭ 111 بوس توسەك دايىن. 2017 – جىلى وبلىسقا توتە قاراستى ورىنداردا «بەستە قامتاماسىزداندىرىلاتىن» ءبىر مىڭ 605 قارت باعىپ – قاعۋعا، 506 جەتىم بالا شوعىرلى اسىراۋعا الىنىپ، ءتۇرلى باعىپ – قاعۋ، اسىراپ الۋ قۇرىلىمدارىنداعى بوس توسەكتەردىڭ پايدالانىلۋ مولشەرى %100 كە جەتتى.
يگىلىك قۇرىلىمدارىن جاڭالاۋ، جەتىلدىرۋ جاعىندا وبلىسقا توتە قاراستى ورىندار بايلىقتى رەتتەۋ، بىرىكتىرۋ ارقىلى «ەكىنى شوعىرلاندىرۋ» باعىپ – قاعۋ، اسىراپ الۋ قۇرىلىمىنان 26 سىن تاڭداپ الدى، ءارقايسى اۋدان – قالانىڭ يگىلىك قۇرىلىمدارىن جاڭالاۋ، جەتىلدىرۋ قىزمەتى جاپپاي باستالىپ، قىزمەتتى ىلگەرىلەتۋ تەبىنى اناعۇرلىم كۇشەيتىلدى. بيىل وبلىسقا توتە قاراستى ورىندار «ەكىنى شوعىرلاندىرۋ» باعىپ – قاعۋ، اسىراپ الۋ قىزمەتكەرىنەن 515 ىن ارتتىرادى، تەكەس اۋدانى العاشقى توپتا 27 قىزمەتكەردى ۇسىنىسپەن قابىلداۋ قىزمەتىن اياقتادى.
سۇن حايسىن قاتارلىلار وبلىستىق ۇكىمەتتىڭ دوكلادىن تىڭداعاننان كەيىن الدىڭعى ەكى كۇنگى اۋدان – قالالارداعى تەكسەرۋ – زەرتتەۋ قىزمەت جاعدايىمەن بىرلەستىرە وتىرىپ قايتارا اڭىس ءبىلدىردى، وبلىسقا توتە قاراستى ورىنداردىڭ قىزمەت ناتيجەلەرىن تۇراقتاندىرۋمەن بىرگە، قىزمەت تالاپتارىن قويىپ، ىلەنىڭ بۇكىل شينجياڭنىڭ «ەكىنى شوعىرلاندىرۋ» قىزمەتىنىڭ كوشىنەن قالىپ قويماي، اۆتونوميالى رايوندىق پارتكومنىڭ تالابىنا ساي ءتۇرلى نىسانالاردى ءدال ۋاعىندا ويداعىداي تياناقتاندىرۋىن ءۇمىت ەتتى.
ماجىلىستە وبلىستىق حالىق ىستەرى مەكەمەسىنىڭ جاۋاپتىلارى وبلىسقا توتە قاراستى ورىندارداعى قارتتار ءۇيىنىڭ قىزمەت وتەۋ ساپاسى قۇرىلىسىنىڭ ارناۋلى قيمىل جاعدايىنان دوكلاد بەردى، وبلىستىق دامۋ – رەفورما كوميتەتى، وقۋ – اعارتۋ مەكەمەسى، حالىق ىستەرى مەكەمەسى، ادام كۇشى بايلىعى جانە قوعامدىق قامتاماسىزداندىرۋ مەكەمەسى، دەنساۋلىق ساقتاۋ جانە جوسپارلى تۋىت كوميتەتى، سونداي – اق ءارقايسى اۋدان - قالالاردىڭ نەگىزگى باسشىلارى ماجىلىسكە قاتىناستى.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
