بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

قاتىناس تاراۋلارى قاتىناس ءتارتىبىن جاپپاي جونگە سالۋ قيمىلىن وتكىزدى

2017.05.19 13:44    

  مامىردىڭ 10-كۇنى ىلە وبلىستىق قوعام حاۋىپسىزدىگى مەكەمەسىنىڭ قاتىناس ساقشى بولىمشە اترەتىنەن ۇعىسۋىمزىشا، مامىردىڭ 10-كۇنىنەن قازاننىڭ 31-كۇنىنە دەيىن وبلىسقا توتە قاراستى اۋدان، قالالارداعى قاتىناس ساقشى تاراۋلارى ءوز قاراستىلىعىنداعى نەگىزگى تاس جول، ساۋدا رايونى، شيپاحانا، بازار، مەكتەپ سياقتى اۆتوكولىك ءبىرشاما كوپ قاتىنايتىن ءتۇيىندى ورىندارداعى ءتۇرلى ەرەجەگە قايشى جاعدايلاردى تەكسەرىپ-انىقتاپ، قالا رايونىنداعى قاتىناس تارتىبىنە قيعاشتىق جاساۋ جاعدايىن جونگە سالىپ، قالانىڭ تاس جول قاتىناس تارتىبىنە اسەرىن تيگىزەتىن كورنەكتى ماسەلەلەردى شەشەدى ەكەن.

  مامىردىڭ 10-كۇنى كۇنەس، موڭعۇلكۇرە، قورعاس، نىلقى اۋداندارى مەن قۇلجا قالاسىنداعى قاتىناس ساقشى تاراۋلارى نەگىزگى كوشە، ساۋدا رايونى، شيپاحانا، بازار، مەكتەپ سياقتى اۆتوكولىك ءبىرشاما كوپ جۇرەتىن ءتۇيىندى ورىندارداعى ءتۇرلى كولىكتەردەگى «ءۇش ءتۇرلى جاعدايدا كولىك جۇرگىزۋ» (اراق ءىشىپ كولىك جۇرگىزۋ، ماس كۇيدە كولىك جۇرگىزۋ، ەسىرتكى تۇتىنىپ الىپ كولىك جۇرگىزۋ)، «ءۇش الباتى» (كولىكتى كەز كەلگەن جەرگە توقتاتۋ، كولىك باعدارىن الباتى وزگەرتۋ، كولىك شىراعىن الباتى جاعۋ)، «ەكىنى باسىپ ءوتۋ» (قىزىل شىراقتى ەلەمەي وتە شىعۋ، قاتىناس كولىكتەرىنىڭ جۇرۋىنە تيىم سالىنعان ورىنداردا كولىك جۇرگىزۋ) سياقتى قاتىناس ەرەجە-تارتىبىنە قايشى جاعدايلاردى قاتاڭ تەكسەرۋمەن بىرگە، كوشە اۆتوبۋزى، كىرە كولىگىنىڭ بەلگىلەمە بويىنشا جولاۋشىنى كولىككە شىعارىپ، كولىكتەن تۇسىرمەۋى، ماتورسىز كولىكتەردىڭ قاتىناس بەلگىسى بويىنشا كولىك جۇرگىزبەۋى، بەلگىلەمەگە قايشى تۇردە ادام الىپ ءجۇرۋى، جۇرگىنشىلەردىڭ قاتىناس بەلگى شىراعىن ەلەمەي وتە شىعۋى، جاياۋلار جولىندا جۇرمەي، كەز كەلگەن جەردەن ءوتۋى نەمەسە جول ورتاسىنداعى راشەتكادان اتتاۋى سياقتى قاتىناس قاعيداسىنا قايشى جاعدايلاردى ءتۇيىندى تۇردە جونگە سالدى. وسى رەتكى تەكسەرۋ بارىسىندا كۇنەس اۋداندىق قوعام حاۋىپسىزدىگى مەكەمەسى قاتىناس ساقشى ۇلكەن اترەتىنىڭ نارات ورتا اترەتى نارات قالاشىعىنداعى تۇلپار استىق، ماي دۇكەنى ماڭىندا جۇك كولىگى شوفەرى نxx تىڭ اراق ءىشىپ، كولىك جۇرگىزگەندىگىن، نىلقى اۋداندىق قوعام حاۋىپسىزدىگى مەكەمەسىنىڭ قاتىناس ساقشى ۇلكەن اترەتى موتوتسيكلدەردىڭ بەلگىلەنگەن ولشەمنەن ارتىق ادام سالۋ جانە بەلگىلەمە بويىنشا جول جۇرمەۋ جاعدايىن تەكسەرىپ-انىقتاپ، ۇگىت، تاربيە جۇرگىزۋ مەن ايىپ سالۋدى ۇشتاستىرىپ، قالانىڭ قاتىناس ءتارتىبىن ويداعىداي جونگە سالدى.

  وبلىستىق قوعام حاۋىپسىزدىگى مەكەمەسىنىڭ قاتىناس ساقشى بولىمشە اترەتىندەگى قاتىستى جاۋاپتىلاردىڭ تانىستىرۋىنشا، وبلىسقا توتە قاراستى اۋدان، قالالارداعى قاتىناس ساقشى تاراۋلارى شوعىرلى وڭاۋ قيمىلىن ورىستەتىپ، وسى رەتكى قيمىل ارقىلى جىل سوڭىنان بۇرىن جەر-جەردە قاتىناس ەرەجەسىنە قيعاشتىق جاساۋ جاعدايىن كورنەكتى ازايتىپ، قالانىڭ تاس جول قاتىناسىنداعى الباتى كولىك جۇرگىزۋ، قاتىناس توسىلۋ جاعدايىن جونگە سالىپ، قاتىناس ءتارتىبىن كورنەكتى جاقسارتىپ، ءتۇيىندى قالا رايونى مەن نەگىزگى كوشەلەردەگى قاتىناستىڭ ىركىلىسسىزدىگىنە شىنايى كەپىلدىك ەتىپ، ءبىر سىپىرا ءۇلگىلى تاس جول بولەكتەرى، قاتىناس تارتىبىنە بويسۇنۋداعى ۇلگىلى رايونداردى جارىققا شىعارىپ، قاتىناس شارت-جاعدايىن ويداعىداي جاقسارتۋمەن بىرگە، قالا تۇرعىندارىنىڭ زاڭ-ءتۇزىم تانىمىن، حاۋىپسىزدىك تانىمىن جانە مادەنيەتتى كولىك جۇرگىزۋ، جول ءجۇرۋ سانالىلىعىن جوعارىلاتىپ، قاتىناس ساقشى تاراۋلارىنىڭ زاڭ اتقارۋ ۇقىعىن اناعۇرلىم كورنەكتىلەندىرەدى ەكەن.

  كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار