ىلە وبلىسىنداعى 48 جازۋشى توپتىق قاتاڭ ءۇن قاتىپ، اشىق پوزيتسيا ءبىلدىردى: وڭ ەنەرگيالى تۋىندىلار ارقىلى «ءۇش ءتۇرلى كۇشتىڭ» الاسۇرعان اپتىعىن باسايىق
2017.05.22 14:26
تاريح ءوزى اينا. باعزى زاماننان بەرى ىلە سىندى وسى ىرىستى مەكەندە ءار ۇلت حالقى قويۋلاسىپ، توعىسىپ، بەرەكەلى، تاتۋ – ءتاتتى تىرشىلىك ەتىپ، ءىس جۇزىندىك ارەكەتتەرى ارقىلى وتان تۇتاستىعىن بىرگە قورعاۋدىڭ، شەكارا ءوڭىردى گۇلدەندىرۋ، قورعاۋدىڭ شۇعىلالى تاريحىن بىرگە جازدى.
ۇيعۇر ۇلتى – تاريحى ۇزاق، وزگەشە مادەنيەت، كوركەمونەر ەرەكشەلىگىنە يە، شۇعىلالى تاريح پەن مادەنيەتتى جاراتقان ۇلت، كلاسسيكالىق مۋزىكالىق شىعارما «ون ەكى مۇقام»، فيلوسوفيالىق يدەيالارعا باي كلاسسيك داستان «قۇتتى بىلىك» سياقتىلار دۇنيەگە تانىمال. جاڭا جۇڭگو قۇرىلعاننان بەرى كوپتەگەن ۇيعۇر اقىن – جازۋشىلار جاڭا ءومىردى جىرلاپ، بەينەلەپ، وركەنيەتتى، العاباسارلىقتى، وتانشىلدىق رۋحتى دارىپتەگەن ءداۋىر ءۇنىن اسقاقتاتا شىرقادى.
الايدا ءبىر مەزگىلدەن بەرى «ءۇش ءتۇرلى كۇشتىڭ» مەڭگەرۋىندە ءدىندى جەلەۋ ەتكەن، ءدىن تونىن جامىلعان ۇشقارى يدەيالار ىلەدە قاتەرلى ۆيرۋس سياقتى تارالىپ، شۇعىلالى مادەنيەتىمىزدى ويرانداپ، ۇيعۇر ۇلتىمىزدى مەشەۋ، تۇيىق، قارا تۇنەك ومىرگە كىرىپتار ەتۋگە ۇرىنۋدا. كەيبىر ادەبيەت – كوركەمونەر تۋىندىلارىندا دا جاراسىمدىلىققا جات دۇنيەلەر بايقالدى. وندا كەيبىر ەسىم، كەيىپكەر، تاريحي ۋاقيعالار ادەيى بۇرمالانىپ، حارەكترى تۇراقتاندىرىلعان باندىلار اتاماندارى «ۇلت قاھارمانى» ەتىپ كورسەتىلىپ بۇقارانى الجاستىردى. ءتىپتى كەيبىر ادامدار ادەبيەت - كوركەمونەر تۋىندىلارى جانە وقۋلىق سياقتىلاردان پايدالانىپ، تاريحتى ويدان قيىستىرىپ، شىندىقتى بۇرمالاپ، قاتە ۇلتتىق كوزقاراستى، تاريحي كوزقاراستى تاراتىپ، شينجياڭ وتانىمىزدىڭ بولىنبەس ءبىر بولەگى دەگەندى جوققا شىعاردى. ولاردىڭ ماقساتى بولشەكتەۋشىلىك يدەيانى دارىپتەۋ ارقىلى ۇلتتىق بولشەكتەۋشىلىك، زورلىقتى كۇش لاڭكەستىك ارەكەتتەرى ءۇشىن جاماعان پىكىرى نەگىزىن جانە يدەيالىق نەگىز ازىرلەۋ ەكەنى بەسەنەدەن بەلگىلى. ولاردىڭ ساندىراعى، وسەك – اياڭى، شاتپاعى ناقتى جاعدايدان حابارسىز بۇقارانى، وتە – موتە، جاسوسپىرىمدەردى بارىنشا الجاستىردى. ەگەر ءبىز دەركەزىندە اشكەرەلەپ، يدەيالوگيا سالاسىن مىقتاپ يەلەمەسەك، كەيبىر ادامداردىڭ الدامكوستىگى، ازدىرۋى ورنى تولماس زارداپ تۋدىرۋى مۇمكىن.
ۇيعۇر ۇلتى بولعان ءبىز ەڭ الدىمەن مىناعان جەتە كوز جەتكىزۋىمىز كەرەك، «ءۇش ءتۇرلى كۇش» - ۇيعۇر ۇلتىنىڭ بويىنداعى قاتەرلى وسپە، بۇل قاتەرلى وسپەنى سىلىپ تاستامايىنشا ۇيعۇر ۇلتىنان ءۇمىت جوق، بۇقارا الاڭسىز تۇرمىس كەشىرە المايدى، ءبىز قاراڭعىلىقتا قالامىز، ماڭگى باس كوتەرە المايمىز. اتا – بابادان قالعان شۇعىلالى مادەنيەتىمىز بەن تاماشا ۇلتتىق داستۇرىمىزدەن دە ايىرىلامىز.
ادەبيەت – كوركەمونەر سالاسىنداعى ۋاكىلدىك سيپاتقا يە، ىقپالدى ۇيعۇر قالامگەرلەرى رەتىندە ءبىزدىڭ ءۇنسىز قالۋىمىزعا، شەگىنشەكتەۋىمىزگە، استە، بولمايدى، شۇعىلالى مادەنيەتى بار ۇلتىمىزدىڭ ناداندىققا كىرىپتار بولۋىنا قول قۋسىرىپ قاراپ تۇرا المايمىز. ءبىز پارتيا جانە حالىق جاقتا تۇرىپ، تۇرعىمىزدى بەكەمدەپ، دۇرىس پەن بۇرىستى ايقىنداپ، بولاتتاي فاكتتەر ارقىلى «ءۇش ءتۇرلى كۇشتىڭ» ءتۇرلى شاتپاعى مەن سۇرقيا ارەكەتتەرىن بارىنشا اشكەرەلەپ جانە قاتاڭ ايىپتاپ، بۇقارانى پارتياعا العىس ايتىپ، پارتيانىڭ ۇنىنە قۇلاق اسىپ، پارتياعا ىلەسىپ، وڭايلىقپەن كەلمەگەن باقىتتى تۇرمىستى قاستەرلەۋگە تاربيەلەۋىمىز، ۇگىتتەۋىمىز جانە باستاۋىمىز كەرەك.
مىناداي ساتتە ءبىز ۇيعۇر جازۋشىلارى، كوركەمونەرشىلەرى ءتىپتى دە سەرگەك ويلى، زەردەلى بولۋىمىز، تانىمىمىز ايقىن، پوزيتسيامىز قاتاڭ، قيمىلىمىز تياناقتى بولۋى كەرەك. مۇلدە «ەكى بەتكەي»، «ماقۇلباي» بولماۋىمىز ءتيىس. يدەولوگيا سالاسىنىڭ شەبىن بەرىك قورعاپ، كەۋدە كەرە قارسى تۇرۋىمىز، ايقىن تۋ ۇستاي وتىرىپ تاڭداۋلى تۋىندىلار جاراتىپ، ءوز كوزقاراسىمىزدى ءبىلدىرۋىمىز، ىقپال قۋاتىمىز، قالام قارۋىمىز، وڭ ەنەرگيانى ساۋلەلەندىرەتىن تاڭداۋلى تۋىندىلارىمىز ارقىلى زورلىقتى كۇش لاڭكەستىك يدەياسىنا، ءدىني ۇشقارىلىق يدەياسىنا، ۇلتتىق بولشەكتەۋشىلىك يدەياسىنا سايىس جاريالاپ، باتىل قارسى تۇرىپ، بولشەكتەۋشىلىككە، ۇشقارىلىققا، زورلىقتى كۇشكە قارسى تۇرۋ شايقاسىندا ىرىقتىلىققا قول جەتكىزۋىمىز كەرەك. ەگەر «ءۇش ءتۇرلى كۇشتى» ەركىنە جىبەرىپ، ءدىني ۇشقارى يدەيانىڭ تارالۋىنا جول بەرىپ، دۇرىس پەن بۇرىس الدىندا ءۇنسىز قالىپ، كوپشىلىكتىڭ ادىلەت ءۇنىن تىڭداۋىنا مۇمكىندىك جاراتپاساق، وندا بۇل ءبىزدىڭ قىزمەتتەگى اۋىر جاۋاپكەرسىزدىگىمىز بولماق!
ۇيعۇر ۇلتىندا «جولدان اداسساڭ دا، وتانىڭنان بەزبە» دەگەن تۇجىرىمدى ماقال بار. قازىرگى «ءۇش ءتۇرلى كۇش» ىلەنىڭ جاراسىمدى، ورنىقتى جاعدايىن بۇلدىرۋگە ۇرىنىپ وتىرعان جاعدايدا، ءبىز بارشا ۇيعۇر باۋىرلاستار ءتىپتى دە تىعىز ىنتىماقتاسىپ، الگىندەي جەكسۇرىن ازعىندارعا قارسى وكتەم ءۇن قاتىپ، ايقىن پوزيتسيا ءبىلدىرىپ، جاۋىنگەرلىك جىگەرىن شىڭداپ، سەنىمدى بەكەمدەپ، شينجياڭنىڭ قوعام ورنىقتىلىعى مەن باياندى تىنىشتىعىن قورعاۋ ءۇشىن ەسەلى ۇلەس قوسۋىمىز كەرەك. بۇل قۇدىرەتتى رۋحاني كۇش، جويىمپاز كۇش، الاستاعىش كۇش، جۇرت تىلەگىن ۇيىستىرعىش كۇش.
(تۇرسۇنمۇحاممەت يمىن، ءپارحات راشيت، شاكىرجان يلاجى، اسەت ابدۇرەشيت، اسىمجان وبۇلقاسىم، قيۇم سوپى، وسمان ءسىلىم، ءپارحات جامال، قايسار قيۇم، دولقۇن روزى، ابدۇرۇسۇل سەيىت، شاۋكەت يبىرايىم، نيجات سوپى، حاسيەت يمام، ابدۇرەشيت وسمان، ابدۇشۇكۇر ابدۇراحمان، اكىرام ابدۇميجيت، مامەتجان راشيدىن، ابىلەت ابلەكيم، مامەتجان ايسا، تۇرسۇنمامەت توقتى، كەنجە قۇمارجان، راحيم ياسىن، شاۋكەت سىمايىل، زوھراگۇل ابدۇۋايت، گۇلبانۇم اباباكري، ابدۇحەلىل ميرحەلىل، ماحمۇت يولۋاس، سايپيدەن تۇراق، مۇياسسار حەلىل، تۇرسۇناي سۇلتان، ءاديحام يبىرايىم، اراپات ابدۇروسىل، دولقۇن جامال، پولات يلاحۇن، كابينۇر يلياس، ادىلجان اسەن، ياقۇپ سىمايىل، ءمۇتالىپ ياقۇپ، باقتيار اكىم، يليار جۇماحۇن، عايرات ابدۇرەشيت، ميرحايىل ءنۇرالىم، اسەت يبىرايىم، يمىنجان مۇيىم، ماليگۇل تۇداحۇن، ءدىلنۇر ءازمات، ارزىگۇل وسمان)
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
