چىن چۋانگونىڭ وبۇلقاسىم ماتتۇرسىنمەن كەزدەسكەنى اۆتونوميالى رايونىمىزداعى ءار ۇلت پارتيا مۇشەلەرىنىڭ، كادرلاردىڭ، بۇقارانىڭ كۇشتى اڭىسىن قوزعادى
ونەگەدەن ۇيرەنىپ، ۇلگى بولۋعا تالپىنىپ، باس نىسانانى ىلگەرىلەتۋگە قۇدىرەتتى بىرىككەن كۇش توپتايىق
2017.05.23 14:56 كەلۋ قاينارى : شينجياڭ گازەتى
گازەتىمىزدىڭ جيناق حابارى. 18 - مامىردا اۆتونوميالى رايوندىق پارتكومنىڭ شۋجيى چىن چۋانگو «ۇيعۇر باۋىرلاستارعا جولداعان ويانۋ حاتىنىڭ» اۆتورى، اۆتونوميالى رايوننىڭ تاڭداۋلى پارتيا مۇشەسى، ۇلتتار ىنتىماعى، العاباسارلىعىنىڭ ۇلگىسى وبۇلقاسىم ماتتۇرسىنمەن كەزدەسكەن كەزدە، بۇكىل رايونداعى قالىڭ پارتيا مۇشەلەرى مەن كادرلار وبۇلقاسىم ءماتتۇرسىندى ۇلگى ەتىپ، ونىڭ بەرىك ساياسي تۇرعىسىنان، كۇشتى وتانشىلدىق ىقىلاسىنان، ناقتى قىزمەت ستيلىنەن، قالتقىسىز ۇلتتىق سۇيىسپەنشىلىگىنەن، دۇرىس پەن بۇرىس تۋرالى ايقىن ولشەمىنەن، حالىق ءۇشىن دەيتىن قالتقىسىز پەيىلىنەن ۇيرەنىپ، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋدىڭ قۇدىرەتتى بىرىككەن كۇشىن ونان سايىن ۇيىستىرۋ كەرەكتىگىن اتاپ كورسەتتى. بۇل حابار اۆتونوميالى رايونىمىزداعى ءار ۇلت پارتيا مۇشەلەرىنىڭ، كادرلاردىڭ، بۇقارانىڭ كۇشتى اڭىسىن قوزعادى. جۇرت جابال بىلاي دەستى: وبۇلقاسىم ءماتتۇرسىندى ۇلگى ەتىپ، پارتياعا ادال، وتان تۇتاستىعىن قورعايتىن، ۇلتتار ىنتىماعىن جەبەيتىن، باس نىسانانى تياناقتاندىراتىن، جۇڭگوشا سوتسياليستىك شينجياڭ قۇراتىن ۇلگىلەردەن بولۋىمىز كەرەك.
«ۇلتتار ىنتىماقتى بولماي، قوعام ورنىقتى بولمايدى؛ ۇلتتار ىنتىماقتى بولماي، ەكونوميكا دامىمايدى»، - دەدى اقسۋ ايماعى سوتسياليزم ينستيتۋتىنىڭ باستىعى ابىلاجان اتاۋۇللا، - «بىرلىكساپتاعى از ۇلت پارتيالى كادرى رەتىندە، وبۇلقاسىم ءماتتۇرسىننىڭ بەرىك ساياسي تۇرعىسىنان ۇيرەنىپ، پارتيانىڭ ۇلت، ءدىن ساياساتتارىن جانە مەملەكەتتىڭ قاتىستى زاڭ - ەرەجەلەرىن بار كۇشپەن ۇگىتتەپ، ءدىندى سوتسياليستىك قوعامعا سايكەستىرۋگە بەلسەنە جەتەكتەپ، <ۇلتتار ىنتىماعىنىڭ بەرەكەلى شاڭىراعى> قيمىلى مەن ۇلتتار ىنتىماعى دوستىق قيمىلىن باتىل، ويداعىداي ورىستەتەمىن. ۇلتتار ىنتىماعىن قورعاۋدا ۇلگىلىك رول كورسەتىپ، ءار ۇلت بۇقاراسىن <ءۇشتىڭ ءبىر - بىرىنەن ايرىلا الماۋى> يدەياسىن بەرىك ورناتۋعا جەتەكتەپ، 5 ورتاق تانىمدى كۇشەيتىپ، قوعام ورنىقتىلىعى مەن باياندى تىنىشتىقتى جۇزەگە اسىرۋ ءۇشىن كۇش قوسامىن».
تارباعاتاي ايماعىنىڭ زەينەتكە شىققان كادرى ءادىل ابدىراحىمان بىلاي دەدى: ىنتىماق، ورنىقتىلىق −− قۇت، بولشەكتەۋشىلىك، بىلىقپالىق −− جۇت. وتانىمىز ءبۇتىن، مەملەكەتىمىز قۇدىرەتتى بولسا عانا، ءار ۇلت حالقى باقىتتى، جارقىن ءومىر كەشەدى. «ءۇش ءتۇرلى كۇش» الدىندا، بارلىعىمىز وبۇلقاسىم ءماتتۇرسىن سياقتى «ءۇش ءتۇرلى كۇشپەن» تۋىمىز ايقىن تۇردە كۇرەس جۇرگىزىپ، ورنىقتىلىقتى قورعاۋ قىزمەتىن بار كۇشپەن ويداعىداي ىستەپ، ۇلتتار ىنتىماعىنىڭ جەبەۋشىلەرىنەن، قورعاۋشىلارىنان، جاقتاۋشىلارىنان بولۋىمىز كەرەك.
«چىن چۋانگو شۋجيدىڭ وبۇلقاسىم ءماتتۇرسىننان ءۇمىت ەتكەنى ءارى ءار ۇلت كادرلارى مەن بۇقارادان كۇتكەن ءۇمىتى جانە تالابى». قۇمىل قالالىق ءتارتىپ تەكسەرۋ كوميتەتى 4 - ءتارتىپ تەكسەرۋ قىزمەتى كوميتەتى باقىلاۋ - تەكسەرۋ بولىمشەسىنىڭ ورىنباسار شۋجيى، باستىعى گۇلنار باكىر بىلاي دەدى: وبۇلقاسىم ءماتتۇرسىن سياقتى ساياسيدا سەرگەك بولىپ، قوعام ورنىقتىلىعى مەن باياندى تىنىشتىق باس نىساناسىن تياناقتاندىرۋ، وتاننىڭ تۇتاستىعىن قورعاۋ، ۇلتتار ىنتىماعىن قورعاۋ جاۋاپكەرشىلىگى مەن بورىشىن كوكەيدە ساقتاپ، باتىل ارقالاپ، مىقتى يگەرىپ، قاسىمىزداعى كادرلار مەن بۇقارانى ىنتىماقتاستىرىپ، قىراعىلىقتى ارتتىرىپ، دۇرىس پەن بۇرىستى ايقىن ايىرىپ، ۇلتتار ىنتىماعىن بۇلدىرەتىن بارلىق ءسوز - ارەكەتتەرمەن باتىل كۇرەس جۇرگىزۋگە، وتاننىڭ تۇتاستىعى مەن ۇلتتار ىنتىماعىن قورعاۋدىڭ ۇلگىسى بولۋعا جەتەكشىلىك ەتۋىمىز كەرەك.
حوتان اۋداندىق پارتكومنىڭ تۇراقتى مۇشەسى، ءتارتىپ تەكسەرۋ كوميتەتىنىڭ شۋجيى ءادىل وسمان بىلاي دەدى: «وبۇلقاسىم ءماتتۇرسىن ءبىزدىڭ ۇيرەنۋ ۇلگىمىز، مەن ونىڭ بەرىك ساياسي تۇرعىسىنان، كۇشتى وتانشىلدىق ىقىلاسىنان، ناقتى قىزمەت ستيلىنەن، قالتقىسىز ۇلتتىق سۇيىسپەنشىلىگىنەن، دۇرىس پەن بۇرىس تۋرالى ايقىن ولشەمىنەن، حالىق ءۇشىن دەيتىن قالتقىسىز پەيىلىنەن ۇيرەنىپ، <ۇيرەنۋ، بۇرىلىس جاساۋ، جەبەۋ> ارناۋلى قيمىلىنا وراي، قىزمەت ستيلىن ونان ارى جاقسارتىپ، باتىل ايقىن پوزيتسيا ءبىلدىرىپ، ءدىني ۇشقارى يدەيامەن باتىل كۇرەسىپ، قوعام ورنىقتىلىعى مەن باياندى تىنىشتىقتى ءىس جۇزىندىك ارەكەتىم ارقىلى قورعايمىن».
بۇراتالا قالاسى چىندەل قالاشىعى توعىسىنىبۇح شىعىس قىستاعى پارتيا ياچەيكاسىنىڭ شۋجيى، قىستاق تۇرعىندار كوميتەتىنىڭ مەڭگەرۋشىسى احىمەت مامەت بىلاي دەدى: «ءار دۇيسەنبى كۇنى تۋ شىعارعان كەزدە، قىستاق تۇرعىندارىمەن بىرگە وبۇلقاسىم ءماتتۇرسىننىڭ <ۇيعۇر باۋىرلاستارعا جولداعان ويانۋ حاتىن> ۇيرەندىم، ءبىز ودان ۇيرەنىپ، پارتياعا، حالىققا ادال بولۋىمىز، <ءۇش ءتۇرلى كۇشپەن> باتىل كۇرەس جۇرگىزىپ، وتاننىڭ تۇتاستىعى مەن ۇلتتار ىنتىماعىن مىزعىماي قورعاۋىمىز كەرەك».
(ەرىكتى تىلشىلەرىمىز رىن چۇنحۋا، فان چۇنحاي، جاڭ يۇڭ، ان يان، ۋ جۇڭمەي)
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
