بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

عاسىرلىق ينجەنەريانىڭ ءار ەل حالقىنا باقىت اكەلۋىنە مۇمكىندىك جاسايىق

2017.05.25 11:27     كەلۋ قاينارى : شينجياڭ گازەتى

  جاز باسى مامىردا، «ءبىر بەلدەۋ، ءبىر جول» حالىقارالىق سەلبەستىك جوعارى دارەجەلى باسشىلار تالقى مىنبەرى بەيجيڭدە اشىلدى. 2 كۇننەن بەرى 100 نەشە مەملەكەتتەن كەلگەن قوناقتار «ءبىر بەلدەۋ، ءبىر جول» قۇرىلىسىن ىلگەرىلەتۋگە اقىل - كەڭەس قوستى، جۇرتشىلىق جۇڭگونىڭ وسى ءبىر دارىپتەمەسىنىڭ دۇنيە جۇزىنە جانە حالىقتارىنا اناعۇرلىم كوپ يگىلىك جەتكىزۋىن ءتورت كوزبەن كۇتۋدە.

  «<ءبىر بەلدەۋ، ءبىر جول> قۇرىلىسى − ۇلاعاتتى ءىس، ونى اماليات بارىسىندا ايگىلەۋ قاجەت». «<ءبىر بەلدەۋ، ءبىر جول> قۇرىلىسىن كوپشىلىك بىرگە اقىلداسادى، <ءبىر بەلدەۋ، ءبىر جول> قۇرىلىسىنىڭ ناتيجەسىنەن كوپشىلىك بىرگە يگىلىكتەنەدى». ءتوراعا شي جينپيڭ تالقى مىنبەرىنىڭ اشىلۋ سالتىندا ءسوز سويلەپ، بايىرعى جىبەك جولىنان تۇنعان جىبەك جولى رۋحىن ىشكەرىلەي بايىمداپ، «ءبىر بەلدەۋ، ءبىر جول» قۇرىلىسىنىڭ 4 جىلدان بەرگى سۇبەلى تابىسىن جۇيەلى قورىتىندىلاپ، بەيبىت، گۇلدەنگەن، اشىق، جاسامپاز، وركەنيەتتى «ءبىر بەلدەۋ، ءبىر جول» قۇرىلىسىن قۇرۋدىڭ تاماشا بولاشاعىن سۇلبالاپ بەردى. وسى ماڭىزدى ارقاۋ ءسوز − بيىكتە تۇرىپ الىستى بولجاعان تولعانىس بولىپ قانا قويماي، شىندىققا جۇگىنىپ، ناقتى ىستەرمەن اينالىساتىن شارا سانالىپ، «ءبىر بەلدەۋ، ءبىر جول» قۇرىلىسىنا باعدار مەن جول نۇسقادى، كەزەكتەگى حالىقارالىق قوعام ءدوپ كەلگەن كوپتەگەن ماڭىزدى ماسەلەلەرگە جاۋاپ قايتاردى، ادامزاتتىڭ تاعدىرلاس ورتاق تۇلعاسىن قۇرۋدى مىعىم تىرەكپەن قامدادى، شىعىستاعى ءىرى ەلدىڭ يدەيالىق قۋاتى مەن ارەكەت قۋاتىن ايگىلەدى، دامۋ ۇستىندەگى ءىرى ەلدىڭ دۇنيە ءجۇزىنىڭ بەيبىتشىلىگى مەن دامۋىن جەبەۋدەگى جاۋاپكەرلىگىن بەينەلەدى.

  بايىرعى ۇلى قۇرلىقتا جاڭ چياننىڭ باتىس وڭىرگە بارۋى، جىڭ حىنىڭ كەڭ - بايتاق تەڭىز - مۇحيتتا كەمەمەن وڭتۇستىككە شىعۋى − ءوڭىردىڭ، ۇلتتىڭ، مادەنيەتتىڭ، ءدىننىڭ شەڭبەرىنەن اتتاعان قيمىلدار... اتا - بالالارىمىز ادامزاتتىڭ دوستىق بارىس - كەلىسىنىڭ دانەكەرىن جالعاپ، وركەنيەتتەر توعىسقان تاريح پاراعىن جازدى. تاريحتان بەرى ەشقاشان ەسكىرمەگەن جىبەك جولى رۋحى ادامزات وركەنيەتىنىڭ باعالى مۇراسىنا اينالدى. ءتوراعا شي جينپيڭ ارقاۋ سوزىندە «بەيبىت بولۋ، سەلبەسۋ، اشىق ۇستاۋ، سيىسىمدى بولۋ، ءوزارا ۇيرەنۋ، ءوزارا ونەگە الۋ، ءوزارا پايدا جەتكىزۋ، تەڭ يگىلىككە كەنەلۋدى» ۇيتقى ەتكەن جىبەك جولى رۋحىن ىشكەرىلەي ءتۇسىندىرىپ، تاريح پەن رەالدىق ارقىلى بىزگە ارامىز قانشا الىس بولسا دا، باتىلدىقپەن العاشقى قادامدى اتتاپ، ءبىر - بىرىمىزگە قاراي بەت الۋدان جازباساق، ءوزارا كورىپ، بىلىسەتىن ورتاق دامۋ جولىن قالىپتاستىرىپ، باقىتتى، تىنىش، جاراسىمدى، تاماشا بولاشاققا قادام تاستاي الاتىندىعىمىزدى ايتتى.

  بىرگە اقىلداسۋ، بىرگە قۇرۋ، بىرگە يگىلىكتەنۋ پرينسيبى، اشىق ۇستاۋ، سيىسىمدى بولۋ ەرەكشەلىگى، ءوزارا پايدا جەتكىزۋ، تەڭ يگىلىككە كەنەلۋ ۇستانىمى «ءبىر بەلدەۋ، ءبىر جول» قۇرىلىسىنىڭ جىبەك جولى رۋحىن جالعاپ، كۇشتى باۋراۋ قۋاتى مەن ىقپالىن ايگىلەدى. 4 جىلدان بەرى، دۇنيە جۇزىندەگى 100 نەشە مەملەكەت پەن حالىقارالىق ۇيىم «ءبىر بەلدەۋ، ءبىر جول» قۇرىلىسىن بەلسەندى قولدادى جانە ات سالىستى، ب م ۇ - نىڭ ماڭىزدى قاۋلىلارىنا دا «ءبىر بەلدەۋ، ءبىر جول» قۇرىلىسى جونىندەگى مازمۇندار ەنگىزىلدى. ءتوراعا شي جينپيڭ «ساياسات جاعىنداعى قارىم - قاتىناستىڭ ۇزدىكسىز تەرەڭدەۋى، قۇرىلعىلار جاعىنداعى بايلانىستىڭ ۇزدىكسىز كۇشەيۋى، ساۋدا جاعىنداعى ىركىلىسسىزدىك دەڭگەيىنىڭ ۇزدىكسىز جوعارىلاۋى، قارجىنى اينالىسقا ءتۇسىرۋ اياسىنىڭ ۇزدىكسىز كەڭەيۋى، جۇرت تىلەگىنىڭ توعىسۋىنىڭ ۇزدىكسىز كۇشەيۋى» سىندى 5 جاقتان «ءبىر بەلدەۋ، ءبىر جول» قۇرىلىسىنىڭ تانىمنان ارەكەتكە، ارماننان شىندىققا اينالعان سۇبەلى جەتىستىگىن اشالاپ بەردى. بۇل «ءبىر بەلدەۋ، ءبىر جول» دارىپتەمەسىنىڭ ءداۋىر اعىمىنا ۇيلەسكەن، دامۋ زاڭدىلىعىنا سايكەسكەن، ءار ەل حالقىنىڭ مۇددەسىنە ساي كەلگەن، جارقىن بولاشاققا يە دارىپتەمە ەكەنىن تولىق ءتۇسىندىردى.

  قازىرگى دۇنيە جۇزىندە، ءبىر جاعىنان، بەيبىت دامۋ بەتالىسى توسۋ بەرمەي، وزگەرىس جاساۋ، جاڭالىق اشۋ قادامى ۇدەرە العا باسسا، ەندى ءبىر جاعىنان، بەيبىتشىلىك قىزىل سىزىعى، دامۋ قىزىل سىزىعى، جونگە سالۋ قىزىل سىزىعى بۇكىل ادامزات ءدوپ كەلگەن قيان - كەسكى سايىسقا اينالۋدا. دامۋ − بارلىق ماسەلەنى شەشەتىن نەگىزگى كىلىت. دامۋ بولماسا، بەيبىتشىلىك پەن تىنىشتىق بولمايدى، دۇنيە جۇزىلىك ورتاق سايىستارعا توتەپ بەرەتىن نەگىز بولمايدى. «ءبىر بەلدەۋ، ءبىر جول» قۇرىلىسىندا نازاردى دامۋ سىندى ءتۇبىرلى ماسەلەگە شوعىرلاندىرىپ، دامۋ سىندى التىن كىلىتتى سوعىپ، الەمدىك جونگە سالۋدىڭ شەشۋ جوباسىن دايىنداپ، ەكونوميكانىڭ زور توعىسۋىن، دامۋدىڭ زور بىرلەسۋىن، تابىستاردان بارىنشا بىرگە يگىلىكتەنۋدى ىسكە اسىرادى. ءتوراعا شي جينپيڭ ىشكەرىلەي تۇسىندىرگەن «ءبىر بەلدەۋ، ءبىر جول» قۇرىلىسى − ادامزاتتىڭ تاعدىرلاس ورتاق تۇلعاسىن قۇرۋداعى عاسىرلىق ينجەنەريا، ول ءار ەلدىڭ ءوزارا توعىسۋ، ءوزارا بايلانىس جاساۋ سىندى كۇشتى تىلەگىنە جاۋاپ بەرىپ، دۇنيە ءجۇزى حالقىنىڭ تاماشا تۇرمىسقا دەگەن تالپىنىسىنا ءۇن قاتتى، بەيبىت دامۋدىڭ الاۋىن ۇرپاقتان - ۇرپاققا جالعاۋعا دەم بەرەتىندىگى داۋسىز.

  «ءبىر بەلدەۋ، ءبىر جول» قۇرىلىسى نىق قادام تاستادى، ەندىگى كەزەكتە ول ۇتىمدى ورايدان پايدالانىپ العا ۇمتىلىپ، جاعدايعا قاراي ىسكە كىرىسىپ، ورنىقتى قاداممەن باياندى العا ىلگەرىلەپ، بۇرىنعىعا مۇراگەر، كەيىنگىگە بۇيداگەر بولادى. ءتوراعا شي جينپيڭ «ءبىر بەلدەۋ، ءبىر جول» قۇرىلىسىن بەيبىتشىلىك جولى، گۇلدەنىپ - كوركەيۋ جولى، اشىق ۇستاۋ جولى، جاڭالىق اشۋ جولى، وركەنيەت جولى ەتىپ قۇرۋدى باسا دارىپتەدى. تاتۋ - ءتاتتى سەلبەسۋدى دامىتۋدان ناقتى كەلىسىمدەرگە كەلۋگە دەيىن، قۇرىلىس قارجىسىمەن قولداۋ سەرپىنىن ارتتىرۋدان جاڭالىق اشا سەلبەسۋدى كۇشەيتۋگە دەيىن، ءتوراعا شي جينپيڭ العا قويعان ءبىر قىدىرۋ ناقتى شارا دۇنيە جۇزىنە جاريالاندى. جۇڭگو «ءبىر بەلدەۋ، ءبىر جول» قۇرىلىسىن ورتاق قۇرۋدىڭ دارىپتەۋشىسى، ءتىپتى، جاۋاپكەرلىكتى باتىلدىقپەن ۇستىنە الۋدىڭ امالياتتا ايگىلەۋشىسى. جىبەك جولى رۋحىنا مۇراگەر بولعان «ءبىر بەلدەۋ، ءبىر جول» قۇرىلىسى دۇنيە ءجۇزىنىڭ دامۋىنا تىڭ وراي اكەلەدى.

  بايىرعى جىبەك جولىنداعى كەرۋەن تىزبەگىنىڭ قوڭىراۋ ءۇنى ۋاقىت پەن كەڭىستىكتەن ءوتىپ، جاڭا عاسىرداعى «ءبىر بەلدەۋ، ءبىر جول» قۇرىلىسىنىڭ سيمفونياسىن ورىندادى. وسى رەتكى تالقى مىنبەرىن وراي ەتىپ، «ءبىر بەلدەۋ، ءبىر جول» قۇرىلىسى تىڭ باستامامەن تاعى دا جورىققا اتتاندى. جاقسىلىق پەن جاماندىقتا بىرگە بولاتىن، ارماندارىمىز توعىسقان ۇلكەن ارنامەن قول ۇستاسا العا باسساق، اشىق، سيىسىمدى، جاپپاي پايدا جەتكىزەتىن، بىركەلكى، تەڭ يگىلىككە كەنەلەتىن جاڭا دۇنيە ءجۇزىن ورتاق قۇرا الامىز.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار