بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

شي جينپيڭ حۋاڭ دانيان جولداستىڭ العاباسار ىزگى ىستەرى جونىندە ماڭىزدى نۇسقاۋ بەردى

ەلدى كوكەيدە ساقتاپ، وتان ءۇمىتىن ادالدىقپەن اقتاپ، وتانشىلدىق  سۇيىسپەنشىلىك پەن وتان ءۇمىتىن اقتاۋ مۇراتىن وتاننىڭ رەفورما جاساۋ،  دامۋ ۇلى ىسىمەن، حالىقتىڭ تاريحتى جاراتۋ ۇلى كۇرەسىمەن توعىستىرۋدى باسا دارىپتەدى

2017.05.26 13:18     كەلۋ قاينارى : حالىق تورابى

  شينحۋا اگەنتتىگىنىڭ 25 - مامىردا بەيجيڭنەن بەرگەن حابارى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۋىقتا حۋاڭ دانيان جولداستىڭ العاباسار ىزگى ىستەرى جونىندە ماڭىزدى نۇسقاۋ بەرىپ، مىنالاردى اتاپ كورسەتتى: حۋاڭ دانيان جولداس عىلىم - تەحنيكا جاعىندا وتان ءۇمىتىن اقتاۋدى ومىرلىك مۇراتى ەتىپ، ەلىمىزدى باي دا قۇدىرەتتى ەل ەتىپ قۇرىپ شىعۋ، ۇلتتى گۇلدەندىرۋ، حالىققا باقىتتى تۇرمىس جاراتۋ جولىندا ماڭداي تەرى مەن جۇرەك قانىن سارقا جۇمساپ، ەلىمىزدىڭ وقۋ - اعارتۋ، عىلىم - تەحنيكا ىستەرىنە كورنەكتى ۇلەس قوستى، ونىڭ العاباسار ىزگى ىستەرى جان تەبىرەنتەدى.

  شي جينپيڭ بىلاي دەپ باسا دارىپتەدى: ءبىز حۋاڭ دانيان جولداستى ونەگە ەتىپ، ونىڭ ەلدى كوكەيىندە ساقتاپ، وتان ءۇمىتىن ادالدىقپەن اقتاعان وتانشىلدىق سۇيىسپەنشىلىگىنەن ۇيرەنۋىمىز، ونىڭ ءبىلىم بەرىپ، ادام تاربيەلەپ، اتويلاپ الدا جۇرەتىن، كاسىپكە شوگەل رۋحىنان ۇيرەنۋىمىز، ونىڭ اتاق - ابىروي قۋمايتىن، قالتقىسىز ۇلەس قوساتىن وسكەلەڭ قاسيەتىنەن ۇيرەنۋىمىز، وتانشىلدىق سۇيىسپەنشىلىك پەن وتان ءۇمىتىن اقتاۋ مۇراتىمىزدى وتاننىڭ رەفورما جاساۋ، دامۋ ۇلى ىسىمەن، حالىقتىڭ تاريحتى جاراتۋ ۇلى كۇرەسىمەن توعىستىرۋىمىز، وزىمىزدەن، ءوز كاسىبىمىزدەن باستاپ ىسكە كىرىسىپ، «قوس 100 جىلدىق» كۇرەس نىساناسىن ىسكە اسىرۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ىسكە اسىرۋعا اقىل - پاراساتىمىز بەن كۇش - قۋاتىمىزدى ارناۋىمىز كەرەك.

  حۋاڭ دانيان جولداس ايگىلى گەوفيزيكا عالىمى، كوزى تىرىسىندە جيلين ۋنيۆەرسيتەتىنىڭ جەر شارىن بارلاۋ عىلىم - تەحنيكا ينستيتۋتىندا پروفەسسور، دوكتورانت جەتەكشىسى بولىپ مىندەت اتقارعان. 2009 - جىلى حۋاڭ دانيان جولداس شەتەلدەگى ابزال جاعدايدى قيىپ وتانعا قايتىپ كەلىپ، قاجىرلىلىقپەن ىزدەنىس جاساپ، باتىلدىقپەن جاسامپازدىق جاراتىپ، عىلىم - تەحنيكادا ءبىر قىدىرۋ ماڭىزدى تابىستار جاراتىپ، ەل ءىشىنىڭ تەحنيكا سالاسىنداعى ءبىرتالاي اقتاڭداقتى تولتىردى، بيىل 8 - اقپاندا ناۋقاستانىپ 58 جاسىندا باقىتقا قارسى قايتىس بولدى.

  كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار