شەكارانى قورعاۋ - مەڭگەرۋدىڭ حالىقتىق سوعىسىن جەڭىسپەن جۇرگىزۋگە كۇش سالايىق
2017.05.26 13:21 كەلۋ قاينارى : حالىق تورابى
كەمەلدى دە كەرەمەت، ايدىندى دا ايبىندى، رۋحتى دا جىگەرلى!
25 - مامىردا اۆتونوميالى رايون «شەكارالىق بىرلەسكەن ارەكەت − 2017» مانەۆرىن وتكىزىپ، ورنىقتىلىقتى قورعاۋشى كۇشتەردىڭ ادال، ەرجۇرەك، مىزعىماس، باتىل، جەڭىمپاز پارمەندى جاۋىنگەرلىك قابىلەتى مەن ءبىر جەردەن تالداۋ - تۇجىرىم جاساپ، جان - جاقتى قورعانىپ، ءوزارا سايكەسە ارەكەتتەنىپ، دالمە - ءدال سوققى بەرەتىن بىرلەسكەن جاۋىنگەرلىك قابىلەتىن تولىق ايگىلەۋ ارقىلى اۆتونوميالى رايونداعى ءار ۇلت كادر - جۇرتشىلىعىن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ءبىر نيەتپەن ىنتىماقتاسىپ، الىنباس قامال تۇرعىزىپ، ساقاداي سايلانىپ، قاتاڭ ساقتانىپ، شەكارانى قورعاۋ - مەڭگەرۋدىڭ حالىقتىق سوعىسىن جەڭىسپەن جۇرگىزۋگە كۇش سالۋعا جۇمىلدىردى.
قازىر شينجياڭنىڭ لاڭكەستىككە قارسى تۇرۋ، ورنىقتىلىقتى قورعاۋ قىزمەتى تاپ بولعان سايىستار ءالى قاتاڭ دا كۇردەلى، مىندەتتەر ءالى اۋىر دا جاپالى. ەلىمىزدىڭ باتىس سولتۇستىگىندەگى ماڭىزدى ستراتەگيالىق قالتقى رەتىندە، شينجياڭنىڭ ستراتەگيالىق ورنى وزگەشە، ءدوپ كەلگەن ماسەلەلەر دە وزگەشە، شينجياڭ قىزمەتىن جاقسى ىستەۋدىڭ ايرىقشا ءمانى بار. كەزەكتى مانەۆر شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، وتە - موتە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرىپ جانە تياناقتاندىرىپ، شەكارانى باسقارۋ - باقىلاۋدى شىنايى كۇشەيتىپ، اۆتونوميالى رايوننىڭ جالپى قوعامدىق جاعدايىنىڭ جاراسىمدىلىعى مەن ورنىقتىلىعىنا كەپىلدىك ەتۋدىڭ ماڭىزدى شاراسى.
اسكەر − حالىق جۇمىلسا ءبىر ادامداي، جەر بەتىندە جاۋ بولماس ءبىزدى الارداي. ءبىزدىڭ ارميا - ساقشى بولىمدەرىمىزدىڭ پارتيانىڭ قولباسشىلىعىنا بويسۇناتىن، ساياسيدا تاباندى، ءتارتىبى قاتاڭ ادىلەتكەر قوسىن، شەشۋشى ساتتە «ۇرىسا بىلەتىن، اۋىر ۇرىستان قايتپايتىن، ۇرىستا جەڭە بىلەتىن» ايبىندى قوسىن ەكەنىن؛ شينجياڭنىڭ پارتيا، ۇكىمەت، ارميا جانە ساقشى، اسكەر، حالىق «ءبىر تۇلعالانعان» ورنىقتىلىقتى قورعاۋشى كۇشتەرىنىڭ شەكارادا قۇرىش قورعان تۇرعىزىپ، اسپاندا تور، جەردە قاقپان قۇرۋعا بەكىمى دە، قابىلەتى دە جەتەتىنىن؛ شينجياڭداعى ءار ۇلت كادر - جۇرتشىلىعىنىڭ شەكارانى قورعاۋ - مەڭگەرۋدىڭ حالىقتىق سوعىسىن كۇش سالا جەڭىسپەن جۇرگىزۋگە بەل بايلاپ، زور سەنىم ارتىپ وتىرعانىن اماليات دالەلدەدى.
شەكارانى قورعاۋ - مەڭگەرۋدىڭ حالىقتىق سوعىسىن كۇش سالا جەڭىسپەن جۇرگىزۋ ءۇشىن، ورنىقتىلىقتى قورعاۋعا ساياسي جاۋاپكەرشىلىك رەتىندە قاراپ، كۇن ىلگەرى، ۇساق ىستەن باستاپ، تەز، ويداعىداي يگەرۋدى تياناق ەتۋگە قاشاندا تاباندى بولۋ كەرەك. ورنىقتىلىقتى قورعاۋشى كۇشتەر پارتيا ورتالىق كوميتەتىنىڭ، باس شۋجي شي جينپيڭنىڭ شىنايى تاپسىرماسىن ەستەن شىعارماي، ءار ۇلت بۇقاراسىنىڭ ىقىلاس - تىلەگىن ەسكە بەرىك ساقتاپ، ءار ۇلت حالىق بۇقاراسىنىڭ تىرشىلىك - تىنىسىن، ءومىرى مەن مال - مۇلكىنىڭ حاۋىپسىزدىگىن كوكەيدەن شىعارماي، پارتيا ءۇشىن، وتان ءۇشىن جان قيىپ، پارتيا مەن وتاننىڭ ءۇمىتىن اقتاۋعا بەل بۋعان بيىك دەڭگەي مەن جالىن - جىگەردى ساقتاپ، ايبىندى سەرتتى ىستىق قان، ادال جۇرەكپەن اقتاۋى كەرەك. اۆتونوميالى رايونداعى پارتيا، ۇكىمەت، ارميا ورىندارى مەن ساقشى، اسكەر، حالىق شاشاۋسىز ىنتىماقتاسىپ، الىنباس قامال تۇرعىزىپ، لاڭكەستىككە قارسى تۇرىپ، ورنىقتىلىقتى قورعاۋدىڭ حالىقتىق سوعىسىنا ءتىپتى بەرىك پوزيتسيا، حاۋىپ - قاتەردەن جاسقانبايتىن جاۋاپكەرشىلىك، باتىلدىقپەن كۇرەس جۇرگىزەتىن اسقاق رۋح، كوككە ورلەگەن جاۋىنگەرلىك جىگەر ارقىلى ايانباي ات سالىسىپ، وتاندى بولشەكتەۋ ارەكەتتەرىمەن اينالىسقان، وتان بىرلىگىنىڭ، مەملەكەت حاۋىپسىزدىگىنىڭ، ۇلتتار ىنتىماعىنىڭ، قوعام ورنىقتىلىعىنىڭ تومەنگى شەگىنە سوقتىققان زورلىقتى كۇش، لاڭكەستىك توپتارى مەن زورلىقشىل لاڭكەستەرگە قاشاندا قاتاڭ سوققى بەرۋدىڭ تەگەۋرىندى كۇيىنەن جازباي، ولارعا استە ەشقانداي مۇمكىندىك بەرمەي، لاڭكەستىككە قارسى تۇرىپ، ورنىقتىلىقتى قورعاۋ كۇرەسىندە ىرىقتىلىقتى، باسىمدىقتى جانە جەڭىمپازدىقتى بەرىك يگەرۋى كەرەك.
شەكارانى قورعاۋ - مەڭگەرۋدىڭ حالىقتىق سوعىسىن كۇش سالا جەڭىسپەن جۇرگىزۋ ءۇشىن، مانەۆر ارقىلى لاڭكەستىككە قارسى تۇرىپ، ورنىقتىلىقتى قورعاۋدىڭ ناقتى قىزمەتتەرىن تىڭعىلىقتى جاقسى ىستەۋ كەرەك. مانەۆر ارقىلى ءار جاقتاعى كۇشتەردىڭ سۋبيەكتتىك رولىن تولىق ساۋلەلەندىرىپ، پارتكوم مەن ۇكىمەتتىڭ ءبىر تۇتاس باسشىلىعىندا، ءوزارا تولىقتاپ، ءوزارا سايكەسىپ، ءبىرىڭعاي سايكەسىپ، شەكارانى ورنىقتىرۋ، بەكەمدەۋ، تىنىشتاندىرۋدىڭ قۇدىرەتتى بىرىككەن كۇشىن جۇمىلدىرىپ، قۇرىش قورعاندى بەكەمدەي ءتۇسۋى كەرەك. مانەۆر ارقىلى يدەيالىق تانىمدى ونان سايىن كۇشەيتىپ، ءار جاقتاعى كۇشتەردىڭ شەكارانى باسقارۋ - مەڭگەرۋ قىزمەتىنەن قاعىس قالاتىن ءوڭىر، ورىن، ادام جوق دەگەن يدەيانى بەرىك ورناتۋىنا كەپىلدىك ەتىپ، شەكارانى باسقارۋ - مەڭگەرۋ شارالارىنىڭ ءونىمدى تۇردە تياناقتانۋىن ىلگەرىلەتۋ كەرەك. مانەۆر ارقىلى شەكارالىق ايماق - وبلىستاردىڭ، اۋدان - قالالاردىڭ بەلگىلى ۋاقىتتا پارتيا، ۇكىمەت، ارميا مەن ساقشى، اسكەر، حالىقتىڭ بىرلەسكەن ارەكەتىن وتكىزىپ تۇرۋىنا ۇلگى كورسەتىپ جانە جەتەكشىلىك ەتىپ، قولباسشىلىق جۇيەسىن سىننان وتكىزىپ، ناقتى جاۋىنگەرلىك كۇشتى ۇيلەستىرىپ، ءتۇزىم مەن مەحانيزمدى ىركىلىسسىزدەندىرىپ، پارمەندى كۇشتى ايگىلەپ، اۆتونوميالى رايوندىق پارتكومنىڭ سايكەستى ورنالاستىرۋلارىنىڭ تىڭعىلىقتى تياناقتانىپ، ناقتى ناتيجە بەرۋىنە كەپىلدىك ەتۋ كەرەك.
اسقاق تيانشان، اقتىق ايقاس، شەشۋشى جەڭىس! «شەكارالىق بىرلەسكەن ارەكەت − 2017» مانەۆرىنىڭ ايدىندى قۋاتى اۆتونوميالى رايونىمىزداعى ءار ۇلت كادر - جۇرتشىلىعىنىڭ سەنىمى مەن باتىلىن ونان سايىن شيراتىپ، بارلىق ادامنىڭ جاۋاپكەرشىلىك ارقالاپ، جاۋاپكەرشىلىكتى مويىنعا الىپ، جاۋاپكەرشىلىكتى تولىق وتەۋگە بەكىمىن نىعايتا ءتۇستى. اۆتونوميالى رايوندىق پارتكومنىڭ ءبىر تۇتاس باسشىلىعىندا، ورنىقتىلىقتى قورعاۋشى كۇشتەر اراسىنداعى تىعىز سەلبەستىكتى كۇشەيتە بىلسەك، شەكارانى قورعاۋ - مەڭگەرۋدىڭ حالىقتىق سوعىسىندا قالايدا جەڭىسكە جەتىپ، قوعام ورنىقتىلىعىن قورعاۋدىڭ قۇرىش قورعانىن بەكەمدەي تۇسەتىندىگىمىزگە كامىل سەنەمىز.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
