چىن چۋانگونىڭ وبۇلقاسىم ماتتۇرسىنمەن كەزدەسكەنى رايونىمىزداعى كاسىپورىن جۇمىسشى - قىزمەتكەرلەرىنىڭ اراسىندا قىزۋ اڭىس قوزعادى$
شينجياڭنىڭ قوعام ورنىقتىلىعى مەن باياندى تىنىشتىعىنا بارلىق اقىل - پاراساتىمىز بەن كۇش - قۋاتىمىزدى ارنايمىز
2017.05.26 13:22 كەلۋ قاينارى : حالىق تورابى
گازەتىمىزدىڭ جيناق حابارى. 18 - مامىردا اۆتونوميالى رايوندىق پارتكومنىڭ شۋجيى چىن چۋانگو «ۇيعۇر باۋىرلاستارعا جولداعان ويانۋ حاتىنىڭ» اۆتورى، اۆتونوميالى رايوندىق تاڭداۋلى پارتيا مۇشەسى، ۇلتتار ىنتىماعى، العاباسارلىعىنىڭ ۇلگىسى وبۇلقاسىم ماتتۇرسىنمەن كەزدەسكەندە، ورنىقتىلىقتى قورعاۋدى بارلىعىن باسىپ تۇسەتىن قاتاڭ مىندەت ەتۋگە تاباندى بولىپ، اۆتونوميالى رايوندىق پارتكومنىڭ ورنىقتىلىقتى قورعاۋداعى كەشەندى شارالارىن ىشكەرىلەي تىڭعىلىقتى دايەكتىلەندىرىپ، تياناقتاندىرىپ، قيىندىقتاردان تايسالماي العا ۇمتىلىپ، قىزمەتتەردى تىڭعىلىقتى ىستەپ، شينجياڭنىڭ قوعام ورنىقتىلىعى مەن باياندى تىنىشتىعىنا اقىل - پاراساتىمىز بەن كۇش - قۋاتىمىزدى ارناۋىمىز كەرەكتىگىن اتاپ كورسەتتى. ورتالىقتىڭ شينجياڭدا تۇراتىن كاسىپورىندارىنداعى، سونداي - اق رايونىمىزداعى كاسىپورىندارداعى جۇمىسشى - قىزمەتكەرلەر وبۇلقاسىم ءماتتۇرسىن جولداستى ۇلگى ەتىپ، ۇلتتىق بولشەكتەۋشىلىككە تۇرعىسى بەرىك تۇردە قارسى تۇرىپ، شينجياڭنىڭ قوعام ورنىقتىلىعى مەن باياندى تىنىشتىعىنا اقىل - پاراساتتارى مەن كۇش - قۋاتتارىن ارنايتىندىقتارىن ءبىلدىرىستى.
داتاڭ شينجياڭ ەلەكتر شەكتى سەرىكتەستىگى جۇمىسشىلار ۇيىمىنىڭ ورىنباسار ءتوراعاسى سادىقكەرىم نۇرلانبەك بىلاي دەدى: سوڭعى جىلدارى شينجياڭداعى ءار ۇلت بۇقاراسى مەملەكەت پەن اۆتونوميالى رايوننىڭ حالىققا تيىمدىلىك جاساۋ ساياساتىنان يگىلىكتەنىپ، تۇرمىستارى بارعان سايىن جاقسارا ءتۇستى. مەن باتىل ءۇن قاتىپ، ايقىن پوزيتسيا ءبىلدىرىپ، جاقسى ۇلگى كورسەتىپ، كاسىپورىنداعى بارلىق قىزمەتكەر مەن تۋىس - تۋعان، دوس - جاراندارىمدى قىراعى بولىپ، دۇرىس پەن بۇرىستى ايىرىپ، ۇلتتىق بولشەكتەۋشىلىك پەن ۇشقارى ءدىني يدەيانىڭ ءسىڭىپ كىرۋىنە سانالى تۇردە قارسى تۇرىپ، وسكەلەڭ ساياسي جاۋاپكەرشىلىك سەزىممەن شينجياڭنىڭ قوعام ورنىقتىلىعى مەن باياندى تىنىشتىعىنا بەلسەندى ۇلەس قوسۋعا جەتەكتەيمىن.
جۇڭگو قۇرىلىس باتىس بولىك قۇرىلىسى شينجياڭ شەكتى سەرىكتەستىگى ورتالىق زاۆودى تەحنيكالىق ساپا ءبولىمىنىڭ ارحيۆ قىزمەتكەرى گۇلباھرام حالمان بىلاي دەدى: ۇلتتار ىنتىماعىن ءىس جۇزىندىك قىزمەت پەن تۇرمىسقا كىرىكتىرىپ، ءوزارا قۇرمەت ەتۋ، ءوزارا ۇيرەنۋ، ءوزارا كومەكتەسۋدەي تاماشا جاعدايدا، كاسىپورىننىڭ دامۋىنا ءبىر نيەتپەن ۇمتىلىپ، ۇلتتار ىنتىماعىن ەتەنە سۇيىسپەنشىلىكپەن قورعايمىن.
«وتاندى سۇيەتىن، زاڭعا بويسۇناتىن ازامات رەتىندە، مەن شينجياڭدا قازىرگى تاڭدا ەڭ ماڭىزدى مىندەتتىڭ قوعام ورنىقتىلىعى مەن باياندى تىنىشتىقتى قورعاۋ ەكەنىن، ۇلتتار ىنتىماعىنىڭ شينجياڭداعى ءار ۇلت حالقىنىڭ جان تامىرى، بارلىق قىزمەتتى جاقسى ىستەۋىمىزدىڭ ءتۇبىرلى العى شارتى جانە كەپىلى ەكەنىن تولىق تانىپ جەتتىم». شينجياڭ ابيدا بيو تەحنيكا اشۋ شەكتى سەرىكتەستىگى وڭتۇستىك - سولتۇستىك ساتۋ ءبولىمىنىڭ قىزمەتكەرى ءرانا - اي عۇپۇر ۇلتتىق بولشەكتەۋشىلىككە تاباندىلىقپەن قارسى تۇرىپ، شينجياڭدى، كورىكتى مەكەندى جاستىق ورال ارقىلى قورعايتىندىعىن ايتتى.
شينجياڭ پارلاق كىلەم فابريكاسىنىڭ باستىعى كەرىم مامەتنياز بىلاي دەدى: كاسىپورىن باسقارۋشىسى رەتىندە، پارتيا مەن ۇكىمەتتىڭ حالىققا تيىمدىلىك جاساۋ ساياساتتارىن، شينجياڭداعى زور وزگەرىستەردى، ءار ۇلت بۇقاراسىنىڭ قاجىرلىلىقپەن اۋقاتتانۋىنىڭ، ىنتىماقتاسا ءوزارا كومەكتەسۋىنىڭ ۇلگىلەرىن قالىڭ قىزمەتكەرلەرگە، ءسوز جوق، ويداعىداي ۇگىتتەپ، ءار ۇلت قىزمەتكەرلەرىن پارتياعا العىس ايتۋعا، پارتيانىڭ سوزىنە قۇلاق اسۋعا، پارتياعا ىلەسۋگە جەتەكتەيمىن، قالىڭ قىزمەتكەرلەردى «ءۇش ءتۇرلى كۇشكە» باتىل تۇردە سوعىس جاريالاپ، قوعام ورنىقتىلىعى مەن ۇلتتار ىنتىماعىن، كورىكتى مەكەنىمىزدى باتىل تۇردە قورعاۋعا ۇندەيمىن.
جىڭ اۋدانى ماندانبۇلاق اۋىلى دۇڭجۋاڭ قىستاعىنىڭ ەگىنشىسى امەتجان يولۋاس اۆتونوميالى رايوننىڭ اۋىل - قىستاقتاعى ارتىق ەڭبەككۇشتەردى باسقا سالالارعا ويىستىرىپ جۇمىستاندىرۋ ساياساتىنىڭ ارقاسىندا، جىڭ اۋداندىق چۋشين اۋىل شارۋاشىلىعىن دامىتۋ شەكتى سەرىكتەستىگىنىڭ قىزمەتكەرى بولدى. ول: ايەلىم ەكەۋىمىز جىڭ ونەركاسىپ باقشاسىندا جۇمىستاندىق، ەكەۋىمىز ءار ايدا 5000 − 6000 يۋان ەڭبەكاقى الامىز، «ءۇش ءتۇرلى كۇش» ءبىزدىڭ جاقسى تۇرمىسىمىزدى كورە الماي، باقىتتى تىرلىگىمىزدى ءبۇلدىردى، ءبىز بۇعان باتىل قارسى تۇرامىز، - دەدى.
جەمسارى اۋدانى جينجىن تىگىنشىلىك فابريكاسىنىڭ قىزمەتكەرى ءپاريدا روزىگۇل بىلاي دەدى: فابريكامىز ءار ۇلت جۇمىسشى - قىزمەتكەرلەرىنەن قۇرالعان ۇلكەن شاڭىراق، بارلىعىمىز ءبىر ءۇيدىڭ بالاسىندايمىز. ۇلتتار ىنتىماعىن قاسىمىزداعى ۇساق ىستەردەن، ءوز باسىمىزدان باستاپ ىسكە اسىرۋىمىز كەرەك، ۇلتتار ىنتىماعىن كوزىمىزدىڭ قاراشىعىنداي قورعاپ، ۇلتتار ىنتىماعىنىڭ جەبەۋشىسى، قورعاۋشىسى، جاقتاۋشىسى بولۋعا ۇمتىلۋىمىز كەرەك.
(تىلشىلەرىمىز لۋ فىڭباۋ، چىن چياڭۋي، ميھىرگۇل ءناسىر، ما ينيڭ، لي ياڭ، يۋان لەي، ەرىكتى ءتىلشى يىن جيڭشي)
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
