مايداندى بەكەمدەپ، تارتىپكە قاتاڭ بويسۇنىپ، بولشەكتەۋشىلىككە قارسى تۇرايىق
اۆتونوميالى رايوندىق وڭتۇستىك شينجياڭ قىزمەت كەڭسەسى ۇلت، ءدىن ىستەرى گرۋپپاسىنىڭ باستىعى، اۆتونوميالى رايوندىق ۇلت ىستەرى كوميتەتىنىڭ (ءدىن ىستەرى مەكەمەسى) ورىنباسار مەڭگەرۋشىسى (ورىنباسار مەكەمە باستىعى) مۇحتار اسەن
2017.05.26 13:47 كەلۋ قاينارى : شينجياڭ گازەتى
وبۇلقاسىم ءماتتۇرسىن جولداس جازعان «ۇيعۇر باۋىرلاستارعا جولداعان ويانۋ حاتى» جۇڭگو كوممۋنيستىك پارتياسىنا، ۇلى وتانعا دەگەن العىس ءۇنىن، مەملەكەت پەن حالىققا دەگەن ادالدىق ءۇنىن، «ءۇش ءتۇرلى كۇشپەن» باتىل كۇرەس جۇرگىزەتىن ادىلەت ءۇنىن قاتىپ، قوعامنىڭ ءار سالاسىندا كۇشتى اڭىس قوزعادى، مەن دە تەرەڭ تاربيە الدىم.
شينجياڭ ۇلى وتانىمىزدىڭ كوركەم دە ىرىستى ولكەسى، جاڭا جۇڭگو قۇرىلعاننان كەيىن، پارتيا مەن مەملەكەت شينجياڭدا ۇلتتىق تەرريتوريالى اۆتونوميا ءتۇزىمىن اتقارىپ، از ۇلت كادرلارىن، كاسىپتىك تەحنيكتەردى توپ - توبىمەن تاربيەلەپ، ۇلتتاردىڭ مادەنيەت، وقۋ - اعارتۋ، ەمدەۋ - دەنساۋلىق ساقتاۋ ىستەرىن دامىتىپ، ءتۇرلى ۇقىقتارىنا كەپىلدىك ەتتى، شينجياڭداعى ءار ۇلت حالقى شىت جاڭا تاريحي دامۋ كەزەڭىنە ءوتتى. الايدا، «ءۇش ءتۇرلى كۇش» وتاندى بولشەكتەۋ، ۇلتتىق قايشىلىقتى ۋشىقتىرۋ ارام ماقساتتارىنا جەتۋ ءۇشىن، اۋىر زورلىقتى كۇش، لاڭكەستىك شابۋىلدارىن ارت - ارتىنان تۋدىرىپ، شينجياڭنىڭ قوعام ورنىقتىلىعىنا، ۇلتتار ىنتىماعىنا، ەكونوميكاسىنىڭ دامۋىنا جانە حالىقتىڭ ءومىرى مەن مال - مۇلكىنىڭ حاۋىپسىزدىگىنە وراسان زور حاۋىپ ءتوندىردى.
مەن پارتيانىڭ باۋلۋى مەن تاربيەسىندە ەسەيىپ - ەرجەتكەن از ۇلت كادرىمىن، رەفورما جاساپ، ەسىك اشقاننان بەرى، وتە - موتە، ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىنەن بەرى، وڭتۇستىك شينجياڭ وڭىرىندەگى حالىق تۇرمىسىن جاقسارتۋ، ەكونوميكانى دامىتۋ سياقتى سالالاردا قول جەتكىزگەن وراسان زور تابىستارىن ءوز كوزىممەن كوردىم، «ءۇش ءتۇرلى كۇشتىڭ» بىزگە اكەلگەن زيانىن دا ءوز كوزىممەن كوردىم. زورلىقتى كۇش، لاڭكەستىك ارەكەتتەرى زورلىقتى كۇش لاڭكەستەردىڭ ادامزاتقا قارسى، قوعامعا قارسى، وركەنيەتكە قارسى پاسىق بەت - بەينەلەرىن تولىق اشىپ تاستادى، بۇل تۇتاس شينجياڭ كولەمىندە قاتاڭ سوققى بەرۋ ارناۋلى قيمىلىن ىشكەرىلەي، بۇلجىتپاي ورىستەتۋدىڭ ماڭىزدىلىعى مەن كوكەي تەستىلىگىن تولىق ءتۇسىندىردى. سونىمەن بىرگە، مەن ۇنەمى وزىمە سۇراقتار قويامىن: زورلىقتى كۇش لاڭكەستەر نەگە ىلعي ۇيعۇر ۇلتىنان شىعادى؟ ءبىز وسىلايشا ءۇنسىز جاتا بەرەمىز بە؟
وڭتۇستىك شينجياڭ قىزمەت كەڭسەسىنىڭ قىزمەتكەرى رەتىندە، مەن زورلىقتى كۇش لاڭكەستەردىڭ قىلمىستىق ارەكەتتەرىن قاتاڭ جازعىرامىن. مەن، ءسوز جوق، ساياسي مايدانىمدى بەكەمدەپ، «4 تانىمدى» مىقتاپ ورناتىپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن قاشاندا وسكەلەڭ ءبىر اۋىزدىلىقتى ساقتاپ، اۆتونوميالى رايوندىق پارتكوم مەن اۆتونوميالى رايوندىق حالىق ۇكىمەتىنىڭ لاڭكەستىككە قارسى تۇرىپ، ورنىقتىلىقتى قورعاۋداعى ءتۇرلى شەشىمدەرى مەن ورنالاستىرۋلارىن تاباندىلىقپەن بۇلجىتپاي دايەكتىلەندىرىپ، تياناقتاندىرامىن؛ بولشەكتەۋشىلىككە قارسى تۇرۋ كۇرەسىنىڭ ءتارتىپ - تۇزىمىنە قاتاڭ بويسۇنىپ، «زاڭسىز ءدىني قيمىلداردى، زاڭسىز ءدىني ۇگىت ماتەريالداردى، جەلىدەگى زاڭسىز ءدىني تارالىمداردى» جونگە سالۋ قيمىلىندا، ءدىني ۇشقارى يدەيانى الاستاۋ، بولشەكتەۋشىلىككە قارسى كۇرەستى ورىستەتۋ سياقتى كەلەلى پرينسيپتىك ماسەلەلەردە قاشاندا قىراعىلىقتى ساقتاپ، باستان - اقىر تۋىم ايقىن، مايدانىم بەرىك، ءىشى مەن سىرتىم بىردەي، پوزيتسيام بەكەم تۇردە، باتىلدىقپەن اتويلاپ الدا ءجۇرىپ، سانالى تۇردە ۇلتتار ىنتىماعىن نىعايتۋدىڭ جەتەكشىسى بولامىن؛ جاۋاپكەرشىلىك ارقالاپ، جاۋاپكەرشىلىگىمدى ادا ەتىپ، جەتەكشىلىك ەتۋ، باقىلاۋ، تەكسەرۋدىڭ ناقتى قىزمەت بارىسىندا، دىنگە سەنەتىن بۇقاراعا زاڭ - تۇزىمدەرگە بويسۇنۋ ازاماتتاردىڭ نەگىزگى مىندەتى ەكەنى؛ ءدىني قيمىلداردى قاتىستى زاڭ - ەرەجەلەر بويىنشا ورىستەتۋ كەرەك ەكەنى؛ ءدىني ۇشقارى يدەيانىڭ بۇعاۋىنان قۇتىلىپ، وسى زامانعى وركەنيەتتى، باقىتتى، جاڭا تۇرمىسقا ۇمتىلۋى كەرەك ەكەنى جونىندە ۇگىت جۇرگىزىپ، تاربيە بەرۋىم كەرەك.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved